ARYNews.tv | Urdu – Har Lamha Bakhabar

Tag: میکڈونلڈز

  • ویڈیو: میکڈونلڈز پر دنیا بھر میں ’چوہا حملے‘ جاری، ایک اور واقعہ

    ویڈیو: میکڈونلڈز پر دنیا بھر میں ’چوہا حملے‘ جاری، ایک اور واقعہ

    استنبول: غزہ میں نہتے شہریوں کو ہزاروں کی تعداد میں قتل کرنے والی صہیونی ریاست کی حمایت کرنے پر فوڈ چین میکڈونلڈز پر دنیا بھر میں ’چوہا حملے‘ جاری ہیں۔

    تفصیلات کے مطابق برطانیہ کے شہر برمنگھم کے دو میکڈونلڈز ریسٹورنٹس اور ڈنمارک کے شہر اوڈینس کے ریسٹورنٹ کے بعد اب ترکیہ کے شہر استنبول میں بھی ایک ریسٹورنٹ میں ناراض نوجوان نے اندر گھس کر چوہے چھوڑ دیے۔

    سوشل میڈیا پر وائرل ہونے والی ویڈیو میں دیکھا جا سکتا ہے کہ ایک نوجوان شہری نے بین القوامی فوڈ چین میکڈونلڈز کے ریسٹورنٹ میں گتے کے ڈبے میں بند چوہے چھوڑ دیے۔

    فلسطینی نوجوان کے چوہے چھوڑنے پر ریسٹورنٹ میں موجود لوگ حیران رہ گئے، نوجوان نے اسرائیل مخالف نعرے بھی لگائے اور وہاں سے نکل گیا۔

    میکڈونلڈز میں احتجاجاً فلسطینی پرچم والے چوہے چھوڑ دئیے گئے

    اس سے قبل برمنگھم کے دو ریسٹورنٹس میں ایک نوجوان نے اسرائیلی بربریت پر ناراضی کا مظاہرہ کرتے ہوئے اشتعال میں چوہے چھوڑ دیے تھے، پولیس نے بلال حسین نامی 32 سالہ شخص کو گرفتار کر لیا تھا، ڈنمارک میں بھی ایک نوجوان کو چوہے چھوڑنے پر گرفتار کیا گیا تھا۔

  • میکڈونلڈز میں احتجاجاً فلسطینی پرچم والے چوہے چھوڑ دئیے گئے

    میکڈونلڈز میں احتجاجاً فلسطینی پرچم والے چوہے چھوڑ دئیے گئے

    اسرائیل کے سخت ترین مخالف اور فلسطین کے حامی ایک شخص کی جانب ایک ویڈیو شیئر کی گئی ہے، ویڈیومیں دیکھا جاسکتا ہے کہ مذکورہ شخص نے برطانیہ کے شہر برمنگھم میں موجود میکڈونلڈز میں احتجاجاً فلسطینی پرچم والے چوہے چھوڑ دیئے۔

    سوشل میڈیا پر شیئر کی گئی ویڈیو میں دیکھا جاسکتا ہے کہ فلسطین کا حامی شخص اسرائیل مخالف نعرے لگا رہا ہے، جب کہ پینٹ شدہ چوہے ریستوران میں گھوم رہے تھے، جس کے باعث وہاں موجود افراد میں خوف وہراس پھیل گیا ہے۔

    میکڈونلڈ کی جانب سے اس واقعے کی تصدیق کی گئی ہے جبکہ یہ کہا گیا کہ ریستوراں کو مکمل طور پر سینیٹائز کر دیا گیا تھا، اور کیڑوں پر قابو پانے کے ماہرین کو معائنہ کرنے کے لیے بلایا گیا تھا۔ جبکہ ریستوراں اور مختلف گروپوں کی جانب سے اس واقعے کی مذمت کی گئی۔

    جانوروں کے حقوق کا گروپ Viva! کی جانب سے مذکورہ شخص کے اس عمل پر پریشانی کا اظہار کیا گیا، انہوں نے کہا کہ اس نے مشرق وسطیٰ کے تنازعے سے متعلق سیاسی بحث میں مثبت کردار ادا نہیں کیا۔

    یاد رہے کہ اسرائیلی افواج کومفت کھانا فراہم کرنے کے اعلان پرسوشل میڈیاپر ’بائیکاٹ میکڈونلڈ‘ ٹرینڈ بھی چلتا رہا ہے۔ جبکہ خطرات کے پیش نظر میلڈونلڈز کی سیکورٹی میں بھی اضافہ کردیا گیا ہے۔

  • کیا میکڈونلڈز بند ہورہا ہے؟ ملازمین میں کھلبلی

    کیا میکڈونلڈز بند ہورہا ہے؟ ملازمین میں کھلبلی

    واشنگٹن: معارف فوڈ چین میکڈونلڈ نے عالمی اقتصادی سست روی کے باعث ملازمین سے متعلق اہم فیصلہ کرلیا ہے۔

    غیر ملکی میڈیا رپورٹ کے مطابق میکڈونلڈز نے عارضی طور پر بند کیے اپنے امریکی دفاترسے بڑی تعداد میں ملازمین کو نکالنے کی تیاری شروع کردی ہے۔

    وال اسٹریٹ جرنل کے مطابق شکاگو میں مقیم برگر چیف نے امریکی ملازمین اور کچھ بین الاقوامی ملازمین سے کہا ہے کہ انہیں پیر سے بدھ تک گھر سے کام کرنا چاہیے تاکہ یہ ملازمین کے سلسلے میں لیے گئے فیصلوں کو عملی جامہ پہنا سکیں۔

    کمپنی میں زیر گردش اندرونی ای میل میں کہا گیا کہ موجودہ ہفتے کے دوران کمپنی نے اہم فیصلے کئے ہم اس نوٹی فیکیشن کی مدد سے اپنے ورکرز کو دی جانے والی سہولت کو رازداری میں رکھنا چاہتے ہیں۔

    میکڈونلڈز نے ابھی تک ان ملازمین کی صحیح تعداد ظاہر نہیں کی ہے جنہیں نوکری سے فارغ کیا جانا ہے تاہم کمپنی واضح کرچکی ہے کہ اس نے اپریل تک کارپوریٹ عملے کی سطح میں تبدیلیوں کے بارے میں "مشکل” فیصلے کرنے کا منصوبہ بنایا ہے۔

    واضح رہے کہ میکڈونلڈز عالمی سطح پر کم وبیش ڈیڑھ لاکھ سے زائد افراد کو روزگار فراہم کرتا ہے اس فوڈ چین کے 70 فیصد ریستوران امریکا سے باہر ہیں۔