Tag: میگا ایونٹ

پاکستان سپر لیگ کے 10ویں ایڈیشن کی پلیئرز ڈرافٹ آج لاہور کے حضوری باغ میں ہو گی، ایونٹ کی چھ فرنچائز اپنی اپنی ٹیمیں تشکیل دیں گی۔

دنیا بھر سے معروف کرکٹرز پی ایس ایل 10 میں رجسٹرڈ ہوگئے ہیں، نیوزی لینڈ کے کین ولیمسن، ڈیرل مچل، ٹم ساؤتھی، مارک چیپ مین، آسٹریلیا کے ڈیوڈ وارنر، عثمان خواجہ، میتھیو شارٹ، شان ایبٹ بھی ڈرافٹ کا حصہ ہیں۔

اس کے علاوہ انگلینڈ کے جیسن رائے، ایلکس ہیلز اور زیک کرولی بھی پلاٹینم کیٹگری میں شامل ہیں، بنگلا دیش کے مستفیض الرحمان، شکیب الحسن کے ساتھ ساتھ افغانستان کے مجیب الرحمان سمیت بڑی تعداد میں غیر ملکی کھلاڑی ڈرافٹ میں شامل ہیں۔

پی ایس ایل 10کیلئے تمام فرنچائزز آج اپنے اسکواڈز کو حتی شکل دیں گی، کراچی کنگز، پشاور زلمی اور ملتان سلطان نے 7،7 کھلاڑیوں کو ریٹین کیا جبکہ لاہور قلندرز، اسلام آباد، کوئٹہ نے 8،8 کھلاڑی برقرار رکھے۔

ایچ بی ایل پاکستان سپر لیگ(پی ایس ایل) کے آغاز میں صرف دو روز باقی ہے اس میگا ایونٹ میں نوجوان پاکستانی کھلاڑی بھی پرفارم کرنے کے لیے بے تاب ہیں۔

پی ایس ایل سیزن 9 میں چھوٹے کھلاڑی بھی بڑے عزائم کے ساتھ پرفارم کرنے کے لیے بے تاب ہیں، اس سال نوجوان کھلاڑیوں میں سعد بیگ، عبید شاہ، حسین، ذیشان، خواجہ نافع ڈیبیو کریں گے۔

انڈر19 ٹیم کے کپتان سعد بیگ پی ایس ایل کی فرنچائز کراچی کنگز کی نمائندگی کریں گے، انہوں نے کہا کہ پی ایس ایل میں کھیلنا خواب تھا۔

 انڈر 19 ورلڈ کپ میں عبیدشاہ نے شانداربولنگ سے سب کو متاثر کیا میگا ایونٹ میں دراز قد فاسٹ بولر محمد ذیشان پربھی سب کی نظریں ہوں گی۔

ٹورنامنٹ میں پشاور زلمی کے بھی اہم ہتھیار ہوں گے، جارح مزاج بیٹر خواجہ نافع گلیڈی ایٹرز کا حصہ ہیں جبکہ انڈر 19 ٹیم کے اوپنر شامل حسین بھی اسلام آباد یونائیٹڈ کی نمائندگی کریں گے۔