Tag: میگھن مرکل

لندن: امریکی اخبار کی رپورٹ کے مطابق برطانوی شہزادہ ہیری اس وقت آبدیدہ ہوگئے تھے جب رواں سال کے وسط میں ان کی اہلیہ میگھن مرکل نے اپنے اسقاط حمل سے متعلق بتایاتھا۔

غیرملکی خبررساں ادارے کی رپورٹ کے مطابق برطانوی شہزادہ ہیری کی اہلیہ میگھن مرکل نے امریکی اخبار میں شائع ایک مضمون میں بتایا کہ اپنے گھر متوقع دوسرے بچے کی پیدائش سے قبل اسقاط حمل کی اطلاع پر شہزادہ ہیری جذبات پر قابو نہ رکھتے ہوئے آبدیدہ ہوگئے تھے۔

میگھن مرکل نے لکھا کہ چند گھنٹوں بعد جب پرنس ہیری میرے پاس اسپتال میں موجود تھے تو میں نے ان کا ہاتھ تھام کر انہیں تسلی دی، تب میں نے محسوس کیا کہ ان کی ہتھیلیاں میرے اور ان کے آنسوؤں سے بھیگی ہوئی تھیں۔

مزید پڑھیں: شہزادہ ہیری اور میگھن مرکل نے خطیر رقم عطیہ کردی

ان کا کہنا تھا کہ اس تکلیف دہ صورتحال کے سبب میں یہ سوچ رہی تھی کہ ہم دونوں اس دکھ کو کس طرح بھول پائیں گے، اپنے بچے کو کھو دینا ایک ناقابل برداشت دکھ ہوتا ہے اور ایسا تجربہ بہت سے لوگوں کو ہوتا ہے لیکن اس کا ذکر چند ہی کرتے ہیں۔

میگھن مرکل کا کہنا تھا کہ اس دکھ کے موقع پر مجھے اور میرے شوہر کو اسپتال میں پتا چلا کہ ہر 100 میں سے 10 سے 20 خواتین کے ساتھ ایسا ہوتا ہے۔

انہوں نے کہا کہ گو کہ یہ دکھ سانجھا ہے لیکن یہ بات کرنا معیوب یا ممنوع اور اسے غیرضروری شرم کا باعث سمجھا جاتا ہے اور اس دکھ کا شکار ہونے والے کو اسے تنہا ہی سہنا پڑتا ہے۔

لندن: ملکہ الزیبتھ کے پوتے شہزادہ ہیری کی زندگی پر میگھن مرکل نے گہرے اثرات مرتب کیے ہیں، اس حوالے سے ہر سطح پر گفتگو بھی ہوتی رہتی ہے، تاہم اب ایک شاہی تبصرہ نگار نے اس حوالے سے نئے پہلو کی طرف اشارہ کر دیا ہے۔

معروف شاہی تبصرہ نگار رابرٹ لیسی نے دعویٰ کیا ہے کہ پرنس ہیری کی زندگی پر میگھن نے بہت زیادہ اثرات مرتب کیے ہیں۔ اس سلسلے میں انھوں نے جس طرح پرنس ہیری کی زندگی کے مختلف پہلوؤں کا تجزیہ کیا ہے، اس سے ان اثرات کی شدت کو سمجھا جا سکتا ہے جو ڈچز آف سسیکس نے ان کی زندگی پر مرتب کیے۔

برطانوی ٹی وی سے گفتگو کرتے ہوئے رابرٹ لیسی نے کہا کہ میگھن مرکل سے شادی کے بعد پرنس ہیری اپنے اندر بہت ساری تبدیلیاں لائے، ان کے ارد گرد کی چیزیں بدل گئیں۔

ملکہ برطانیہ نے شہزادہ ہیری اور میگھن کی تصاویر ہٹوادیں

تبصرہ نگار کے مطابق اس کی سب سے بڑی مثال فوج کے حوالے سے ہے، جہاں پرنس ہیری کو بڑے احترام کی نگاہ سے دیکھا جاتا ہے، انھوں نے سابق فوجیوں کے لیے کام کر کے پذیرائی حاصل کی، ان کی اچھی ساکھ بنی۔

ریزرو فوجی کے طور پر شہزادہ ہیری نے افغان جنگ میں بھی شرکت کی تھی، چناں چہ میگھن سے شادی کے بعد ان سے واقعی یہ امید کی جا رہی تھی کہ یہ نیا جوڑا بادشاہت کا نیا مستقبل ثابت ہوگا، یہ جوڑا بادشاہت کو جدت دینے کے سلسلے میں بھی معاون ہوگا، لیکن یہ اندازے دھرے کے دھرے رہ گئے، لوگوں کو جس کی توقع نہیں تھی وہ تبدیلی آئی اور اس جوڑے نے شاہی خاندان ہی سے علیحدگی اختیار کر لی۔

لیسی اس تجزیے سے یہ اشارہ دینا چاہ رہے تھے کہ ہیری کی زندگی پر یہ میگھن کے اثرات تھے کہ انھوں نے شاہی خاندان بھی چھوڑنے کا مشکل ترین فیصلہ کر لیا۔ لیسی نے کہا کہ میگھن مرکل پرنس ہیری کی ماضی کی افسردگی کے لیے روشنی کا مینارہ بنی ہیں، اور وہ ہر قدم پر انھیں بہتری کی امید دلاتی رہیں۔