Tag: میگھن مرکل

لندن: برطانوی شہزادہ ہیری اور میگھن مرکل کے یہاں ننھے مہمان کی آمد متوقع ہے لیکن ان کے نومولود بچے کے نام کو لے کر میڈیا میں نت نئی خبریں منظرعام پر آرہی ہیں۔

ڈیلی میل کی رپورٹ کے مطابق برطانوی شہزادہ ہیری اور میگھن مرکل کے یہاں آنے والے نئے مہمان کا اٹالین نام ’الیگرا‘ رکھا جائے گا کیونکہ آنجہانی لیڈی ڈیانا کو اٹالین نام بہت پسند تھا۔

رپورٹ کے مطابق برطانوی شہزادہ اور میگھن مرکل کے یہاں ننھے مہمان کی آمد آئندہ چند روز میں متوقع ہے تاہم رائل فیملی کی جانب سے صحیح تاریخ نہیں بتائی گئی ہے۔

’الیگرا‘ ان چھ ناموں میں سے ایک ہوسکتا ہے جو رائل فیملی کی جانب سے منتخب کیا جائے گا، 2004 میں اگر لیڈی ڈیانا کے یہاں بیٹی کی پیدائش ہوتی تو وہ اس کا نام الیگرا رکھتیں۔

مزید پڑھیں: برطانوی شاہی جوڑے کا بچے کی پیدائش کو لوگوں سے دور رکھنے کا اعلان

اس علاوہ دیگر ناموں میں ڈیانا، البرٹ، وکٹوریا، گریس، آرتھر اور الزبتھ شامل ہیں لیکن رپورٹ کے مطابق الیگرا وہ نام ہے جسے رائل فیملی کی جانب سے منتخب کیا جاسکتا ہے۔

ذرائع کا کہنا ہے کہ لیڈی ڈیانا حسنات خان سے محبت کرتی تھیں اور ان سے شادی کی خواہش تھی اور یہ بھی خواب تھا کہ ان کے یہاں پہلے بیٹی کی پیدائش ہو۔

واضح رہے کہ رواں ماہ برطانوی شہزادہ ہیری اور ان کی اہلیہ میگھن مرکل نے اعلان کیا تھا کہ وہ بچے کی پیدائش کو لوگوں کی نظروں سے دور رکھنا چاہتے ہیں جس کے تحت میگھن بچے کو اسپتال میں جنم نہیں دیں گی۔

لندن: برطانوی شہزادہ ہیری کی اہلیہ اداکارہ میگھن مرکل کو ہراساں کیے جانے کا انکشاف سامنے آیا ہے۔

غیرملکی خبررساں ادارے کے مطابق ہالی ووڈ اداکار جارج کلونی نے ایک اںٹرویو کے دوران انکشاف کیا ہے کہ شہزادہ ہیری کی اہلیہ میگھن مرکل کو شہزادی ڈیانا کی طرح ہراساں کیا جارہا ہے۔

جارج کلونی کا کہنا تھا کہ میگھن مرکل کو میڈیا کی جانب سے بالکل اسی طرح ہراساں کیا جارہا ہے جیسا کہ آنجہانی شہزادی ڈیانا کو کیا گیا تھا۔

انہوں نے کہا کہ تاریخ خود کو دہرا رہی ہے کیونکہ جلد ماں بننے والی میگھن مرکل میں میڈیا کی دلچسپی بہت بڑھ رہی ہے۔

جارج کالونی نے کہا کہ میڈیا نمائندے ہر جگہ میگھن مرکل کا تعاقب کرتے نظر آتے ہیں، وہ ایک خاتون ہیں اور 7 ماہ کی حاملہ ہیں ان کا تعاقب ڈیانا کی طرح کیا جارہا ہے ہم دیکھ چکے ہیں اس کا اختتام کس طرح ہوا تھا۔

مزید پڑھیں: میگھن مرکل کی آمد کے بعد شاہی خاندان میں جھگڑے شروع

یاد رہے کہ شہزادہ ہیری کی والدہ آنجہانی شہزادہ ڈیانا 1997 میں پیرس میں ایک گاڑی کے حادثے میں اس وقت ہلاک ہوگئی تھیں جب ان کا پیچھا موٹر سائیکل پر سوار فوٹو گرافر کی جانب سے کیا جارہا تھا۔

برطانوی میڈیا کی جانب سے شہزادہ ہیری اور میگھن مرکل کو ان کی شادی کے دن سے ہی کوریج دی جارہی ہے، میگھن مرکل کا آسٹریلیا کا دورہ لے لیں یا وہ کسی اسٹور سے ضروری اشیاء خرید رہی ہوں میڈیا ان کا تعاقب کرتے نظر آتا ہے۔

ہالی ووڈ اداکار جارج کلونی اور ان کی اہلیہ امل کلونی شہزادہ ہیری اور میگھن مرکل کے قریبی دوستوں میں شمار ہوتے ہیں انہوں نے ان کی شادی میں بھی شرکت کی تھی۔

لندن: برطانوی میڈیا نے دعویٰ کیا ہے کہ شاہی خاندان میں چھوٹی بہو کی آمد کے بعد جھگڑے شروع ہوگئے۔

برطانوی اخبار کے مطابق ’پرنس ہیری کی اہلیہ کے طنزیہ جملے کی وجہ سے  شہزادی کیٹ کی آنکھوں میں آنسو آگئے تھے جبکہ چھوٹے شہزادے نے اپنے بڑے بھائی ولیم پر شادی کے روز ریڈ کارپٹ نہ بچھانے کا الزام عائد کیا تھا’۔

رپورٹ کے مطابق دونوں بھائیوں میں پیدا ہونے والی خلش کی بڑی وجہ یہ بھی ہےکہ  پرنس ہیری نے محل میں قیام کے بجائے اپنی اہلیہ کے ساتھ اپارٹمنٹ میں قیام کا فیصلہ کیا۔

مزید پڑھیں: شہزادہ ہیری اور میگھن مرکل کے ہاں ننھے مہمان کی آمد متوقع

شاہی خاندان میں تنازعات کی خبریں برطانیہ میڈیا میں زیر گردش ہیں جبکہ رائل فیملی نے اس حوالے سے کوئی تصدیق یا تردید نہیں کی۔

تجزیہ نگاروں نے شاہی خاندان کی حالیہ صورتحال پر تبصرہ کرتے ہوئے یہ بھی کہا کہ ’اس طرح کی باتیں پہلے کبھی باہر نہیں آئیں اور اگر کبھی کوئی غلط خبر آئی بھی تو اُس کی فوری تردید کی گئی‘۔

دوسری جانب صحافی کی جانب سے پوچھے گئے سوال پر پرنس ولیم کی اہلیہ شہزادی کیٹ نے مختصر جواب دیتے ہوئے کہا کہ ’سب کچھ ٹھیک اور درست سمت میں جارہا ہے‘۔

یاد رہے کہ رواں برس 19 مئی کو برطانوی شاہی خاندان کے چھوٹے شہزادے ہیری اور امریکی اداکارہ میگھن مرکل رشتہ ازدواج میں منسلک ہوئے تھے، اس شادی کو سال کی سب سے بڑی شادی قرار دیا گیا تھا۔

یہ بھی پڑھیں: میگھن مرکل نے کی مسلم خواتین کے کھانوں کی کتاب کی تقریب رونمائی

شہزادہ ہیری اور میگھن مرکل کی شادی کو جدید و قدیم روایات کا حسین امتزاج قرار دیا گیا تھا، ان کی شادی کی تقریب دیکھنے کے لیے ایک لاکھ سے زائد افراد موجود تھے جبکہ شادی کی تقریبات کو دنیا بھر میں براہ راست کروڑوں لوگوں نے دیکھا تھا۔