Tag: نئی تحقیق

نئی تحقیق میں عارضہ قلب کے حوالے سے چونکا دینے والا انکشاف سامنے آیا ہے کہ اور ذہنی تناؤ کو بھی اس کا سبب قرار دیا گیا ہے۔

امریکا میں دل کی صحت کے حوالے سے ایک تحقیق کی گئی جس میں یہ بات سامنے آئی ہے کہ ابتدائی جوانی میں شدید تناؤ کا شکار ہونے والے افراد میں دل کی بیماری کا خطرہ بڑھ جاتا ہے۔ ایسے افراد اپنی بعد کی عمر میں دل کے مسائل کا سامنا کرسکتے ہیں۔

کئی لوگ کم عمری میں ذہنی تناؤ کا شکار ہوجاتے ہیں، اب ماہرین نے تحقیق کے بعد یہ راز افشا کیا ہے کہ ایسے اشخاص میں عمر بڑھنے کے ساتھ دل کی بیماری کا خطرہ بڑھ جاتا ہے۔

اس حوالے سے محققین نے یونیورسٹی آف سدرن کیلیفورنیا سے وابستہ چائلڈ ہیلتھ اسٹڈیز میں حصہ لینے والے 13 سے 24 سال کی عمر کے 276 افراد سے ڈیٹا حاصل کرتے ہوئے ان کا تجزیہ کیا۔

مطالعے کے کے بعد ماہرین اس نتیجے پر پہنچے ہیں کہ انتہائی تناؤ کی سطح والے افراد بعد کی عمروں میں زیادہ وزن بڑھاتے ہیں ان میں موٹاپے کا خطرہ زیادہ ہوتا ہے۔ اس وجہ سے ان افراد میں دل کی بیماری کا خطرہ بڑھ جاتا ہے۔

امریکن ہارٹ ایسوسی ایشن جریدے میں شائع ہونے والی تحقیق میں یہ بھی بتایا گیا ہے کہ بڑھتی عمر کے تناؤ کا شکار لوگوں کی صحت زیادہ خراب تھی اور عمر بڑھنے کے ساتھ ان کا فشار خون بھی بڑھ گیا تھا۔

اس میں کوئی شک نہیں کہ کوئی بھی ایسا شخص اداس و غمگین رہنا پسند کرتا ہو، لیکن یہاں ایک سوال ہے کہ ہم  غمگین ہونے کے بعد بھی کیوں غمگین گانے یعنی ’سیڈ سانگز‘ سننا پسند کرتے ہیں؟ جبکہ خوشی بکھیرنے والے بے شمار گیت موجود ہیں۔

ماہرین کی نئی تحقیق میں یہ بات سامنے آئی ہے کہ اس بات کا تعلق سیڈ سانگز سننے سے نہیں بلکہ اس کی بہت سی دوسری وجوہات ہیں جس میں سے زیادہ تر کا تعلق مثبت احساسات کو اجاگر کرنا ہے یعنی ذہنی صحت کو فائدہ پہنچانا ہے۔

ییل یونیورسٹی کے شعبہ فلسفہ میں ماہر نفسیات پروفیسر ڈاکٹرجوشوا نوپ کی جانب سے کیے گئے ایک تجربے میں یہ بات سامنے آئی ہے کہ ہم اس لیے اداس گانوں کا انتخاب کرتے ہیں کہ وہ ہمیں جوڑ کر رکھنے میں اہم ہوتے ہیں اور یادوں سے الگ تھلگ نہیں کرتے۔

تجرباتی نتائج میں یہ بات بھی سامنے آئی ہے کہ موسیقی کے سامعین کے احساسات مختلف ہو جاتے ہیں، وہ مختلف قسم کی موسیقی سنتے ہیں جن میں خوشی، محبت، اداسی اور غمی کے احساسات ہوتے ہیں۔

ڈیلی ٹیلی گراف کے مطابق ڈاکٹر نوپ نے اس بارے میں مزید وضاحت کی کہ ’آپ خود کو تنہا محسوس کرتے ہیں تو اس صورت میں مختلف نوعیت کی موسیقی سنیں۔‘

گزشتہ تحقیق میں یہ بات سامنے آئی تھی کہ جو لوگ غمگین گانے سنتے ہیں وہ اپنے دکھوں میں اضافہ کرنے کے لیے ایسا نہیں کرتے، رپورٹ کے مطابق ’اداس گانے انہیں زیادہ خوش ہونے میں معاون ثابت ہوتے ہیں۔‘

دریں اثنا ماہرین نفسیات کا کہنا ہے کہ لوگ اداس گانوں کو اس لیے زیادہ ترجیح دیتے ہیں کہ وہ ان کے گمشدہ احساسات کے قریب ہوتے ہیں، ’غمگین گانے اس لیے سنتے ہیں کہ انہیں سکون دیتے ہیں۔‘

اس حوالے سے ہی ایک اور متوازی تحقیق میں یہ بات سامنے آئی ہے کہ رویے یا موڈ کے لیے اداس گانے ہی ہماری ترجیح کیوں ہوتے ہیں۔

ماہرین کا کہنا ہے کہ دراصل غمگین گانے ہمیں جذباتی طور پر سہارا دیتے ہیں بلکہ ایسا کہا جائے تو بے جا نہ ہو گا کہ اداس گانوں کے بول ہمارے گمشدہ ماضی کو سامنے لانے میں کسی حد تک اہم کردار ادا کرتے ہیں۔

ماہرین کے مطابق رونا انسانی رویے کے لیے ایک بہترعمل کا درجہ رکھتا ہے۔ اسی طرح دکھی موسیقی ہمارے جذبات کے بہاؤ کے لیے ایک اچھی راہ گزر ثابت ہو سکتی ہے۔