Tag: نئی دہلی

بھارت میں تہرے قتل کی ہولناک واردات میں نوجوان نے ماں، باپ اور بہن کو چھریوں کے وار کرکے قتل کردیا۔

بھارتی میڈیا رپورٹس کے مطابق نئی دہلی کے رہائشی 51 سالہ راجیش کمار، ان کی بیوی 46 سالہ کومل اور 23 سالہ بیٹی کویتا 4 دسمبر کی صبح گھر میں مردہ حالت میں پائے گئے۔

جوڑے کی شادی کی سالگرہ تھی، ان کے 20 سالہ بیٹے ارجن نے پولیس کو کال کی اور بتایا کہ چہل قدمی سے واپس آیا تو گھر والے مردہ حالت میں ملے۔

بعدازاں تحقیقات کے دوران کہانی میں نیا انکشاف ہوا کہ کس طرح ٹوٹی ہوئی انا اور بہن بھائیوں کی دشمنی نے باکسر نوجوان کو اپنے ہی خاندان کا قاتل بنادیا۔

پولیس کے مطابق جائے وقوعہ سے لوٹ مار یا چوری کے شواہد نہیں ملے جب پولیس نے علاقے کی سی سی ٹی وی فوٹیج دیکھی تو انہیں کسی مشکوک شخص کی گھر میں موجودگی کا سراغ نہیں ملا اور نہ ہی گھر کا کوئی سامان غائب تھا۔

پڑوسیوں نے بتایا کہ ارجن ملنسار لڑکا تھا اور ان کے گھر میں کسی جھگڑے کی کوئی آواز نہیں سنائی دی۔

جب پولیس نے ارجن سے تفتیش کی تو اس کے متضاد بیانات سے شک ہوا، شروع میں اس نے پولیس کو گمراہ کرنے کی کوشش کی لیکن بعد میں قتل کا اعتراف کرلیا۔

دہلی یونیورسٹی کے 20 سالہ طالب علم نے بتایا کہ والدین کی شادی کی سالگرہ کے روز قتل کا منصوبہ بنایا، والد آرمی میں تھے اور تعلیم کے معاملے پر اکثر ڈانٹتے تھے ایک مرتبہ والد نے پڑوسی کے سامنے اسے مارا پیٹا، دوسروں کے سامنے بے عزتی کی وجہ سے اس نے ذلت محسوس کی۔

ملزم نے پولیس کو بتایا کہ والد اور خاندان کے افراد کیخلاف شدید رنجش تھی کیونکہ کوئی بھی اس کا ساتھ نہیں دیتا تھا وہ خود کو نظرانداز اور الگ تھلگ محسوس کرنے لگا تھا۔

ارجن نے کہا کہ حال ہی معلوم ہوا کہ والد نے میری بہن کویتا کو جائیداد دینے کا فیصلہ کیا، اس نے اسی روز بہن کو نیند میں چاقو سے وار کرکے مار ڈالا، بہن کو قتل کرنے کے بعد اس نے والد اور والدہ کو بھی قتل کردیا۔

ایک عجیب و غریب واقعے میں اغوا کار نے بچے کا مذہب پوچھ کر اسے چھوڑدیا، پولیس نے اغواکار کو حراست میں لے کر تفتیش شروع کردی۔

نئی دہلی پولیس نے بتایا تکہ گزشتہ ہفتے ایک 46 سالہ خاتون کو ریڈ فورٹ، کے قریب سے گرفتار کیا گیا ہے، اس نے فٹ پاتھ سے 4 سالہ بچے کو اغوا کیا تھا، تاہم اسی دن یہ جب خاتون کو یہ معلوم ہوا کہ بچہ مختلف مذہب سے تعلق رکھتا ہے تو اسے چھوڑ دیا۔

بچے کے اغوا کے دوسرے دن اسے ڈھونڈا گیا تھا، ڈپٹی کمشنر اپولیس راجا بناتھیا نے بتایا کہ رچنا دیوی، جو مشرقی دہلی کے کرشنا نگر کی رہنے والی ہے اسے 12 نومبر کو اسکے گھر سے حراست میں لیا گیا۔

7 نومبر ایک بچے کے اغوا کی اطلاع ملی تھی، بچے کی ماں جس کا نام رخسانہ ہے اس نے پولیس کو بتایا کہ وہ اپنے بیٹے کے ساتھ فٹ پاتھ پر کھڑی تھی، وہ قریب موجود عوامی بیت الخلا گئی واپس آنے پر دیکھا بچہ جگہ پر موجود نہیں ہے۔

تقریباً 400 سی سی ٹی وی کا جائزہ لینے کے بعد پولیس نے دیکھا کہ بچے کی اغوا کار خاتون علاقے میں گھوم رہی تھی اور اس نے وہاں یہ واردات انجام دی۔

سی سی ٹی وی سے پتا چلتا ہے کہ بچہ خاتون کے ساتھ رکشے میں بیٹھا ہوا ہے، پولیس نے رکشہ ڈرائیور سے پوچھ گوچھ کی تو پتا چلا خاتون نے بچے کو سیلم پور چوک پر چھوڑا تھا۔

خاتون کی شناخت کے بعد 12 نومبر کو اسے گھر سے حراست میں لیا گیا تھا، خاتون نے پولیس کو بتایا اس کی دو بیٹیاں ہیں وہ بیٹے کی خواہشمند ہے لیکن ماں نہیں بن سکتی اسی لیے لڑکے کو اغوا کیا۔

جب اسے محسوس ہوا بچہ اس کے مذہب سے تعلق نہیں رکھتا ہے تو اسے شاستری پارک نئی دہلی میں چھوڑ دیا، بعد ازاں پولیس نے اسے بازیاب کیا۔

مزدوری مانگنے پر مالکن اپنی ملازمہ پر بھپر گئی اور اسے بیلٹ سے تششد کا نشانہ بنانے کے بعد گرم چاقو سے اس کا ہاتھ جلاڈالا۔

بھارتی دارالحکومت نئی دہلی میں مالکن نے غصے میں آکر نوکرانی کی بُری طرح بیلٹ سے پٹائی کردی۔ یہی نہیں خاتون نے گرم چاقو سے اپنی ملازمہ کا ہاتھ بھی جلایا۔ خاتون نے یہ مکروہ اقدام صرف اس لیے کیا کہ ملازمہ نے اپنی مزدوری کا مطالبہ کیا تھا۔

تشدد کا شکار ہونے والی ملازمہ نے مارچ کے مہینے میں اس گھر میں کام شروع کیا تھا جبکہ وہ کالونی کے دوسرے گھروں میں بھی کام کرتی ہے۔ خاتون نے ملازمہ کو کچھ دنوں بعد ہی بات بات پر مارنا پیٹنا شروع کر دیا۔

دو ماہ بعد ملازمہ نے 24 اپریل کو اپنی مزدوری کے پیسے مانگے اور کہا کہ وہ یہاں کام نہیں کرے گی۔ اس پر خاتون ناراض ہوگئی اور ملازمہ پر اس قدر تشدد کیا کہ اسے بے حال کردیا۔

خاتون نے ملازمہ کو بیلٹ سے بری طرح مارنے کے بعد چاقو گرم کرکے اس کا ہاتھ بھی جلا دیا اور اسے چاقو سے مارنے کی دھمکی بھی دی۔

متاثرہ خاتون کے اہل خانہ کو جیسے ہی واقعے کی اطلاع ملی، انھوں نے دہلی پولیس کو مطلع کیا۔ پولیس نے زخمی خاتون کا طبی معائنہ کرانے کے بعد مقدمہ درج کرلیا ہے۔

تشدد کا شکار ہونے والی خاتون کے اہلخانہ نے الزام لگایا کہ پولیس نے ابھی تک اس معاملے میں کوئی کارروائی نہیں کی ہے۔ انھوں جلد از جلد قانونی کارروائی کرنے اور انصاف فراہم کرنے کا مطالبہ کیا ہے۔