ARYNews.tv | Urdu – Har Lamha Bakhabar

Tag: نئے ذخائر دریافت

  • معیشت کیلئے اچھی خبر، سندھ میں تیل و گیس کے نئے ذخائر دریافت

    معیشت کیلئے اچھی خبر، سندھ میں تیل و گیس کے نئے ذخائر دریافت

    کراچی: ملکی معیشت کیلئے ایک اور اچھی خبر آئی ہے، سندھ میں گیس کے نئے ذخائر دریافت ہوئے ہیں۔

    ماڑی انرجیز کے مطابق سندھ میں سجاول کے علاقے میں گیس کے نئے ذخائر دریافت کیے گئے ہیں، لوئر گورو فارمیشن سوہو 1 سجاول بلاک میں گیس کا ذخیرہ ملا ہے اور یہاں گیس کی پیداوار کا اندازہ 30.01 ایم ایم سی ایف یومیہ لگایا گیا ہے۔

    ماڑی انرجیز ترجمان کا کہنا ہے کہ پہلی مرتبہ ریتیلی چٹانوں کے نچلے حصے سے گیس دریافت ہوئی ہے، اس دریافت نے لوئر گوروفارمیشن میں مزید دریافت کے امکانات روشن کیے ہیں۔

    ترجمان کا مزید کہنا ہے کہ مقامی وسائل سے گیس کی ضروریات پوری کرنے میں مدد ملے گی، ذخائر کے مکمل امکانات کو بروئے کار لانے کے لیے مزید فارمیشنز کو ٹارگٹ کیا جارہا ہے۔

  • بدترین معاشی صورتحال میں اچھی خبر ، پاکستان میں قدرتی گیس کے نئے ذخائر دریافت

    اسلام آباد : ملک میں قدرتی گیس کا ذخیرہ دریافت ہوگیا، جس سے یومیہ پانچ اعشاریہ ایک کیوبک فٹ گیس مل سکے گی۔

    تفصیلات کے مطابق سندھ کے ضلع گھوٹکی میں واقع ماڑی غازیج-1 میںگیس کے نئے ذخائر دریافت کرلیے گئے ،جس میں گیس کےبہاؤ کی شرح پانچ اعشاریہ ایک ملین کیوبک فٹ ہے۔

    ماڑی پیٹرولیم کمپنی لمیٹڈ کے اعلامیہ کے مطابق صوبہ سندھ میں واقع ماڑی ڈی بلاک میں غازیج- 1سے گیس کے ذخائر دریافت ہوئے ہیں، ماڑی پیٹرولیم سو فیصد حقوق کے ساتھ ماڑی ڈیو لپمنٹ اور پروڈکشن لیز کا آپریٹر ہے۔

    ماڑی غازیج- 1 ویل کی کھدائی کا عمل 24 نومبر 2022 کوشروع کیا گیا اور اسے ایک ہزار ایک سو پندرہ میٹر کی گہرائی تک کامیابی سے ڈرل کیا گیا، ڈرل اسٹیم ٹیسٹ کے ذریعے گیس کا بہاؤ 5.1ایم ایم سی ایف ڈی ریکارڈ کیا گیا۔

    یہ کنواں غازیج لائم سٹون فارمیشن کے علاقے میں تیل و گیس کی تلاش کے حوالے سے خصوصی انفرادیت کا حامل ہے۔

    ماڑی پیٹرولیم کے ایم ڈی/سی ای او فہیم حیدر نے اس دریافت کو کمپنی کے جیو سائنسدانوں کے مرہونِ منت قرار دیتے ہوئے کہا ہے کہ کمپنی اب جلد اس دریافت کے حجم اور ساتھ ہی ترقیاتی اخراجات کا جائزہ لینے کا ارادہ رکھتی ہے۔

    ان کا کہنا تھا کہ ماڑی پیٹرولیم موجودہ گیس کے کنوؤں سے پیداوار بڑھا کر اور نئے ذخائر کی دریافت سے ملک میں گیس کی کم ہوتی مقدار کو بڑھانے کیلئے پرعزم ہیں۔

    گیس کے ذخائر کی نئی دریافت سے ملک کے ہائیڈرو کاربن ذخائر میں اضافہ ہوگا اور مقامی وسائل سے ملکی توانائی ضروریات پوری کرنے میں مددملے گی۔

  • ڈیرہ اسماعیل خان میں تیل و گیس کے ذخائر دریافت

    اسلام آباد: ڈیرہ اسماعیل خان میں تیل و گیس کے نئے ذخائر دریافت ہوئے ہیں۔

    پیٹرولیم ڈویژن کے بیان کے مطابق ڈیرہ اسماعیل خان میں دریافت ہونے والے تیل اورگیس کے ذخائر سے ابتدائی طور پر یومیہ 39.12 ملین مکعب کیوبک فیٹ گیس اوریومیہ 1840 بیرل تیل حاصل ہوگا۔

    وزارت پیٹرولیم نے قوم کو مبارکباد دیتے ہوئے کہا کہ موجودہ کیلنڈر سال کے دوران تیل اور گیس کی یہ 15ویں دریافت ہے، دریافت سےتیل ،گیس درآمدات پر انحصارمیں کمی ہوگی۔

  • قدرت پاکستان پر مہربان: تیل و گیس کی تلاش میں بڑی کامیابی حاصل

    قدرت پاکستان پر مہربان: تیل و گیس کی تلاش میں بڑی کامیابی حاصل

    اسلام آباد : پاکستان نے تیل و گیس کی تلاش میں بڑی کامیابی حاصل کرلی، بنوں سے نئے ذخائر دریافت ہوگئے۔

    تفصیلات کے مطابق پاکستان میں تیل و گیس کے شعبے سےاچھی خبر آگئی ، بنوں ویسٹ بلاک میں تیل و گیس کے دریافت شدہ ذخائر میں مزید اضافہ ہوگیا۔

    گیس کےذخائر 25 ایم ایم سی ایف ڈی سے بڑھ کر50 ایم ایم سی ایف ڈی ہوگئے ، اس حوالے سے ترجمان ماڑی پٹرولیم نے بتایا کہ کنویں سے 300 بیرل یومیہ تیل بھی دریافت ہوا ، دریافت کوپیداوارمیں لانے کامنصوبہ بنا رہے ہیں۔

    ترجمان کا کہنا تھا کہ سوئی ناردرن کے ساتھ بھی ملکر کام کر رہےہیں، سوئی ناردرن کنویں کو نیشنل گرڈ کے ساتھ منسلک کرے گی۔

    یاد رہے گذشتہ ہفتے سندھ اور پنجاب میں تیل و گیس کی دریافت کے حوالے سے 2 بڑی کامیابیاں ملی تھیں۔

    ترجمان او جی ڈی سی ایل نے بتایا تھا کہ پہلی کامیابی ضلع ٹنڈو الٰہ یارصوبہ سندھ نم بلاک میں ملی، نم کنویں ایسٹ-1 سے یومیہ 1400 بیرل تیل کے ذخائر دریافت ہوئے۔

    ترجمان کا کہنا تھا کہ یومیہ 5.02 ملین مکعب کیوبک فٹ ایم ایم ایس سی ایف ڈی کے ذخائر بھی دریافت ہوئے ہیں ، نم بلاک کنواں ایسٹ-1میں اوجی ڈی سی ایل 95 فیصد اور جی ایچ پی ایل 5فیصدکی حصہ دار ہے۔

    ترجمان نے کہا تھا کہ کلچاس بلاک صوبہ پنجاب میں کلیری شم1- پر گیس کی دریافت میں دوسری کامیابی ملی ، اوجی ڈی سی ایل اورایم پی سی ایل 50،50 فیصد کے جوائنٹ وینچرپارٹنرزہیں۔

  • بڑی کامیابی ، پاکستان میں تیل اور گیس کے نئے ذخائر دریافت

    بڑی کامیابی ، پاکستان میں تیل اور گیس کے نئے ذخائر دریافت

    کراچی : خیبرپختونخوا کے ضلع کوہاٹ میں تیل وگیس کےنئے ذخائردریافت ہوگئے ، نئی دریافت سے 16.12ایم ایم سی ایف ڈی گیس کی پیداوار اور 3240بیرل یومیہ کنڈنسیٹ تیل حاصل ہوگا۔

    تفصیلات کے مطابق ملک میں تیل و گیس کی تلاش میں بڑی کامیابی مل گئی ، ایم او ایل کمپنی نےخیبرپختونخوا کے ضلع کوہاٹ میں تیل وگیس کےذخائر دریافت کرلئے۔

    اعلامیہ میں کہا گیا ہے کہ نئی دریافت سے 16.12ایم ایم سی ایف ڈی گیس کی پیداوار ہوگی جبکہ 3240بیرل یومیہ کنڈنسیٹ تیل بھی حاصل ہوگا، کمپنی کی جانب سے مزید ٹیسٹنگ جاری ہے۔

    یاد رہے رواں ماہ کے آغاز میں او جی ڈی سی ایل کا کہنا تھا کہ تھل ایسٹ ویل نمبر1 اور بھمبرا کنواں نمبر1 سے دریافت گیس کی کمرشل پیداوارکا آغاز کردیا گیا ہے، جس سے ملک میں گیس پیداوار میں اضافہ ہوگا۔

    مزید پڑھیں : دریافت گیس کی کمرشل پیداوار کا آغاز

    اوجی ڈی سی ایل کے مطابق دونوں دریافتوں سے ملکی زرمبادلہ میں خاطر خواہ بچت ہوگی ، صارفین ،صنعت کی بڑھتی طلب کو بھی پورا کرنے میں معاون ثابت ہوگی۔

    اس سے قبل کوہاٹ ڈھوک حسین کے مقام پر دریافت گیس کا منصوبہ مکمل کرلیا گیا تھا ، جس کے بعد 12 ایم ایم سی ایف ڈی کی14کلومیٹرطویل لائن ایس این جی پی ایل میں شامل ہوگئی تھی۔

    خیال رہے دسمبر 2019 میں پاکستان پیٹرولیم نے سندھ اوربلوچستان میں تیل اور گیس کی بڑی دریافت کا اعلان کرتے ہوئے پاکستان اسٹاک ایکس چینج کو نئی دریافت سے آگاہ کر دیا تھا ، پی پی ایل کا کہنا تھا کہ خیرپور سندھ میں 2 کروڑ 86 لاکھ کیوبک فٹ گیس دریافت ہوئی اور کنویں سے یومیہ 152 بیرل تیل بھی حاصل ہوگا۔

  • پاکستان کیلئے خوشخبری ، تیل اور گیس کے نئے ذخائر دریافت

    پاکستان کیلئے خوشخبری ، تیل اور گیس کے نئے ذخائر دریافت

    کراچی : خیبرپختونخوا کے ضلع کوہاٹ میں تیل وگیس کےنئے ذخائردریافت ہوئے ، او جی ڈی سی ایل کا کہنا ہے یومیہ چھیتر بیرل تیل اور پانچ لاکھ ایم ایم سی ایف ڈی گیس حاصل کی جاسکے گی۔

    تفصیلات کے مطابق تیل و گیس کے شعبے میں ایک اور بڑی کامیاب دریافت ہوئی ، خیبرپختونخوا میں نیا تیل اور اور گیس کا ذخیرہ دریافت ہو گیا ہے۔

    خیبرپختونخوا کے ضلع کوہاٹ میں وارگل فیلڈ سے گیس اور تیل کے نئے ذخائر دریافت ہوئے، او جی ڈی سی ایل کا کہنا ہے یومیہ چھیتر بیرل تیل اور پانچ لاکھ ایم ایم سی ایف ڈی گیس حاصل کی جاسکے گی۔

    یاد رہے 27 اگست کو بھی خیبرپختونخواکےضلع کوہاٹ میں تیل وگیس کےنئے ذخائردریافت ہوئے تھے ، جانچ کے دوران کنویں سے 240بیرل یومیہ خام تیل کے ذخائر اور یومیہ 1کروڑ 27 لاکھ معکب فٹ گیس کے ذخائر ملے تھے۔

    مزید پڑھیں : پاکستان کے لئے خوشخبری ، تیل اور گیس کا بڑا ذخیرہ دریافت

    اعلامیہ میں کہا گیا تیل وگیس کی نئی دریافت سےپاکستان کوقیمتی زرمبادلہ کی بچت ہوگی۔

    اس سے قبل بھی کوہاٹ میں ٹل بلاک سے تیل و گیس کے ذخائر دریافت ہوئے تھے ، پاکستان آئل فیلڈ لمیٹڈ نے باضابطہ اعلامیے میں کہا تھا کہ جانچ میں مکوڑے ڈیپ 2 کنوے سے 18.25 ایم ایم سی ایف ڈی گیس کے ذخائر ملے ہیں۔

    خیال رہے رواں برس مئی میں آئل اینڈ گیس ڈیویلپمنٹ کمپنی لمیٹڈ (او جی ڈی سی ایل) نے صوبہ سندھ کے ضلع ٹنڈومحمد خان کے علاقہ منگریو میں تیل و گیس کے نئے ذخائر کی دریافت کا اعلان کیا تھا۔

    اپریل میں ماڑی پٹرولیم نے بھی پنجاب میں تیل کے بڑے ذخائر ملنے کی خوشخبری سنا ئی تھی، ترجمان پٹرولیم ڈویژن کی طرف سے جاری بیان میں کہا گیا تھا کہ غوری بلاک کےڈھاریاں 1معدنی کنویں سےتیل دریافت ہوا ہے، ڈھاریاں ون سے 372بیرل یومیہ خام تیل ملنے کی توقع ہے۔