Tag: نئے چیئرمین جوائنٹ چیفس آف سٹاف جنرل زبیر محمود حیات

راولپنڈی : چیئرمین جوائنٹ چیفس آف اسٹاف کمیٹی جنرل زبیرمحمود حیات  نے کہا ہے پاک فوج کا جذبے اور اعلیٰ پیشہ ورانہ مہارتیں قابل فخر ہیں۔

آئی ایس پی آر کے ترجمان کے مطابق چیئرمین جوائنٹ چیفس آف اسٹاف کمیٹی جنرل زبیرمحمودحیات نے آرمی اسٹرٹیجک فورس کمانڈ کا دورہ کیا اور فورس کے کمانڈ اینڈ کنٹرول سسٹم اورسیکیورٹی پرمکمل اطمینان کا اظہار کیا ہے۔

چیئرمین جوائنٹ چیفس آف اسٹاف کمیٹی کوفورس کی تیاریوں اورتربیتی امور پربریفنگ دی گئی اس موقع پر ان کے ہمراہ ڈی جی ایس پی ڈی لیفٹیننٹ جنرل مظہرجمیل بھی موجود تھے۔

جنرل زبیرمحمود حیات نے کہا کہ فورس کاجذبہ اور اعلیٰ پیشہ ورانہ مہارتیں قابل فخر ہیں اور پاک فوج کی کارکردگی اور بہادری کی پوری دنیا معترف ہے۔

انہوں نے جدید تقاضوں کے ہم آہنگ نظام مرتب کرنے پر جوانوں اور افسران کو داد تحسین پیش کرتے ہوئے کہا کہ جدید ٹیکنالوجی کے ذریعے پیشہ ورانہ مہارت میں کامیابی حاصل عصری تقاضہ ہے جسے پاک فوج پوری طرح نبھانے کی مکمل اہلیت رکھتی ہے۔

جنرل زبیر محمود حیات نے جوانوں اور افسران سے مصافحہ کیا اور مختلف امور پر تبادلہ خیال کرتے ہوئے جوانوں کے حوصلوں کی تعریف کی۔

اسلام آباد : نو منتخب چیئرمین جوائنٹ چیفس آف اسٹاف کمیٹی جنرل زبیر حیات اور نئے آرمی چیف قمر جاوید باجوہ وزیراعظم ہائوس پہنچ گئے اور علیحدہ علیحدہ وزیراعظم سے ملاقاتیں کیں جس میں دونوں افسران کو وزیراعظم نے مبارک بادیں پیش کیں۔

اے آر وائی کے نمائندہ اسلام آباد لئیق الرحمان نے بتایا کہ تفصیلی ملاقات میں جہاں وزیراعظم نے دونوں کو مبارک بادیں پیش کیں وہیں انہوں نے توقع ظاہر کی ہےکہ جس انداز میں موجودہ عسکری قیادت نے دہشت گردی کے خلاف اقدامات کیے اور ملک دشمن عناصر کا قلع قمع کرنے کے لیے کردار ادا کیا امید ہے نئی قیادت بھی اسی طرح اپنا کردار ادا کرے گی اور دشمن عناصر کا مکمل خاتمہ کرے گی۔

ملاقات میں قمر جاوید باجوہ نے کہا کہ پاکستان کا دفاع ناقابل تسخیر ہے جب کہ جنرل زبیر حیات نے کہا کہ پاک فوج وطن کے دفاع کے لیے کسی قربانی سے دریغ نہیں کرے گی۔

نئے چیئرمین جوائنٹ چیفس آف اسٹاف جنرل زبیر محمود حیات اور نئے آرمی چیف نے جنرل قمر جاوید باجوہ نے وزیراعظم پاکستان سے اپنی ملاقات میں اُن کا شکریہ ادا کرتے ہوئے یقین دہانی کرائی کہ مادرِ وطن کا دفاع یقینی بناتے ہوئے ہرممکن اقدامات کیے جائیں گے۔

اس سے قبل ترجمان وزیراعظم ہاو س مصدق ملک نے تصدیق کی کہ صدر مملکت نے وزیراعظم کی مشاورت پر نئے آرمی چیف جنرل قمر جاوید باجوہ اور نئے چیئرمین جوائنٹ چیفس آف اسٹاف جنرل زبیر حیات کی تعیناتی کی ہے جو 29 نومبر کو اپنے عہدے سنبھال لیں گے۔