راولپنڈی : نئے تعینات ہونے والے ڈی جی آئی ایس آئی لیفٹیننٹ جنرل عاصم ملک کون ہیں ؟ ان حوالے سے اہم معلومات سامنے آگئیں۔
تفصیلات کے مطابق انٹر سروسز انٹیلی جنس (آئی ایس آئی) کے ڈائریکٹر جنرل کے نام کا اعلان کردیا گیا ، لیفٹیننٹ جنرل عاصم ملک کون ہیں۔
نئے ڈی جی آئی ایس آئی 30 ستمبر کو اپنے عہدے کی ذمہ داری سنبھالیں گے، وہ اس وقت جنرل ہیڈ کوارٹر (جی ایچ کیو) میں ایڈجوٹینٹ جنرل کے فرائض سر انجام دے رہے ہیں۔
ان کا تعلق پاکستان آرمی کی بلوچ رجمنٹ سے ہے۔ اس سے قبل وہ بلوچستان میں انفنٹری ڈویژن اور وزیرستان میں انفنٹری بریگیڈ کمانڈ کر چکے ہیں جبکہ چیف انسٹرکٹر این ڈی یو اور انسٹرکٹر کمانڈ اینڈ اسٹاف کالج کوئٹہ بھی تعینات رہ چکے ہیں۔
نئے ڈی جی آئی ایس آئی نے اپنے کورس میں اعزازی شمشیر بھی حاصل کر چکے ہیں اور ملٹری آپریشنز ڈائریکٹوریٹ میں بھی فرائض سر انجام دے چکے ہیں۔
لیفٹیننٹ جنرل عاصم ملک فورٹ لیون ورتھ اور رائل کالج آف ڈیفنس اسٹڈیز کے گریجویٹ بھی ہیں، انہیں چھ اکتوبر 2021 میں لیفٹینینٹ جنرل کے عہدے پر ترقی دی گئی تھی۔
دوسری جانب لیفٹیننٹ جنرل عاصم کی ڈی جی آئی ایس آئی تعیناتی کو دفاعی تجزیہ کاروں نے اچھا انتخاب قراردیا اور کہا کہ ان کی تعیناتی ملک اوراداروں کیلئےبہتر ثابت ہوگی۔
بریگیڈیئرریٹائرڈ وقارحسن نے کہا کہ ان کی ڈی جی آئی ایس آئی تعیناتی آن میرٹ ہے، وہ حکومت کواچھےمشورےدیں گے۔
ارشد ولی جنجوعہ کا کہنا تھا کہ ان کی تعیناتی ملک کیلئےبہترثابت ہوگی جبکہ حارث نوازنے کہا کہ وہ ملک حالات کوبہترسمجھتے ہیں اور اعلیٰ صلاحیتوں کےمالک ہیں۔
خیال رہے کہ موجودہ ڈی جی آئی ایس آئی لیفٹیننٹ جنرل ندیم انجم کو 6 اکتوبر 2021 کو ڈی جی آئی ایس آئی تعینات کیا گیا تھا۔
