Tag: نئے کرنسی نوٹ

کراچی : اسٹیٹ بینک کی جانب سے اس عید الفطر پر نئے کرنسی نوٹ جاری ہوں گے یا نہیں؟ اس حوالے سے اہم خبر آگئی۔

تفصیلات کے مطابق رمضان کا مقدس مہینہ بڑھنے کے ساتھ ہی عید الفطر کی امیدیں بڑھ رہی ہیں، عید خوشی کا ایک تہوار ہے جس پر ہر کوئی اپنی استطاعت کے مطابق اپنے عزیز واقارب اور پیاروں کو عیدی دیتا ہے اور یہ عموماً نقد رقم میں نئے کرنسی نوٹ ہوتے ہیں۔

مرکزی بینک کی جانب سے عید سے قبل کروڑوں روپے مالیت کے نئے کرنسی نوٹ جاری کیے جاتے تھے تاہم کورونا وبا کے بعد سے دو سال سے عید کے موقع پر نئے نوٹوں کا اجرا نہیں ہوسکا یوں پاکستانیوں کا عید پر خستہ حال نوٹوں کی ملی عیدی پر ہی گزارا کرنا پڑا۔

کیا اس سال عوام کو اپنے پیاروں بالخصوص بچوں کو عیدی دینے کے لیے نئے نوٹ مل سکیں گے یا نہیں؟

ذرائع نے دعویٰ کیا ہے کہ اس سال بھی نئے نوٹوں کے اجراء کے امکانات کافی کم ہیں تاہم اسٹیٹ بینک کی جانب سے نئے کرنسی نوٹوں کے اجراء کے حوالے سے کوئی باضابطہ بیان سامنے نہیں آیا۔

18 مارچ اپڈیٹ

اسٹیٹ بینک نے بعد ازاں 18 مارچ کو تحریری طور پر عوام کو آگاہ کیا کہ عید کے موقع پر نئے نوٹوں کا اجرا کیا جائے گا۔

خیال رہے عیدالفطر 2025 31 مارچ کو ہونے کی امید ہے، جس میں چند دنوں کی چھٹیاں ہوں گی تاہم چاند کی رویت کا حتمی فیصلہ مرکزی رویت ہلال کمیٹی کرے گی۔

https://urdu.arynews.tv/dollar-currency-rate-pakistan-today/

کراچی : وزیر ثقافت و سیاحت سندھ ذوالفقار علی شاہ نے 20 روپے کے نئے کرنسی نوٹ پر اعتراض اٹھادیا اور کہا نوٹ سے موہن جودڑو ہٹاکرباب خیبرکی تصویر لگائی گئی ہے۔

تفصیلات کے مطابق کرنسی نوٹ سے موہن جودڑو کی تصویر ہٹانےکےمعاملے پر گورنراسٹیٹ بینک کوخط لکھ دیا گیا ، وزیر ثقافت و سیاحت ذوالفقار علی شاہ نے خط لکھا۔

جس میں محکمہ ثقافت کی جانب سے اسٹیٹ بینک کے عمل پر تحفظات کا اظہار کیا گیا اور گورنر اسٹیٹ بینک سے معاملے پر غور کرنے کا مطالبہ کیا گیا۔

خط میں کہا گیا کہ 10روپے کے نوٹ پر 1970 میں موہن جو دڑو کی تصویر موجود تھی، بعد میں 20 روپے کے نوٹ پر موہن جو دڑو کی تصویر لگائی گئی، اب علم میں آیا کہ 20 روپے کے نوٹ سے موہن جودڑوہٹاکرباب خیبرکی تصویر لگائی گئی ہے۔

وزیر ثقافت و سیاحت کا کہنا تھا کہ موہن جو دڑو صرف تاریخی نہیں بلکہ یونیسکوکی جانب سے ورلڈ ہیریٹیج سائٹ ہے، موہن جو دڑو 5 ہزار سال پرانی تاریخی تہذیب کاوارث ہے، موہن جو دڑو کا ہمارے کرنسی نوٹ پر ہونا ہمارےلیے فخر کی بات ہے۔

خط میں مزید کہا کہ نئے نوٹوں پر سندھ اور پاکستان کے اس شاندار ثقافت کو نظرانداز کرنا درست عمل نہیں ہوگا، امید ہے آپ اس معاملے پر غور کریں گے۔

اسٹیٹ بینک آف پاکستان نے نوٹوں کی نئی سیریز کے مقابلے کے نتائج کا اعلان کرتے ہوئے نئے کرنسی نوٹوں کے ڈیزائنوں کو شارٹ لسٹ کرلیا۔

بینک نوٹوں کی نئی سیریز کیلئے منعقد ہونے والے آرٹ مقابلے کے نتائج کا اعلان کردیا گیا، 10 روپے،500 روپے اور 5 ہزار روپے کے 2، 2 ڈیزائن شارٹ لسٹ کیے گئے ہیں، محترمہ فاطمہ جناح کی تصویر والا 500 روپے کا نوٹ بھی شارٹ لسٹ ہوا ہے۔

10، 20، 100، 500 اور 5 ہزار روپے کے نوٹ پر قائد اعظم کی تصویر آویزاں ہے جبکہ ایک ہزار کے نوٹ پر لیاقت علی خان اور ان کے مکے کا نشان ہے۔

ایک ہزار روپے کے نوٹ کی پچھلی سائیڈ پر ہاتھوں کی زنجیر موجود ہے، شارٹ لسٹ کیے گئے ڈیزائنوں کو بین الاقوامی ڈیزائنرز کو بھجوایا جارہا ہے۔

اسٹیٹ بینک یہ یقینی بنائے گا کہ نئے بینک نوٹوں کی سیریز قوم کے بھرپور ثقافتی ورثے اور ترقی پسندانہ نقطہ نظر کی عکاس ہو، امید ہے حتمی ڈیزائن اس اشتراک کی مکمل عکاسی کرے گا۔

مقابلے میں شریک جیتنے والوں کو اعلان کے مطابق انعامی رقم دی جائے گی، انعامات کی تقسیم کی تقریب کی تفصیلات جلد بتادی جائیں گی۔

Currency Rates in Pakistan Today- پاکستان میں آج ڈالر کی قیمت