11 ستمبر 2001ء دنیا کی تاریخ کا وہ افسوس ناک سنگ میل جس نے دنیا کو ہلا کر رکھ دیا ۔ امریکہ میں چار فضائی مسافر بردار طیارے اغوا ہو کر خودکش انداز میں ورلڈ ٹریڈ سینٹر سے ٹکرا دیے گئے، جس کے نتیجے میں ہزاروں افراد ہلاک ہوئے اور پوری دنیا میں خوف کا عالم طاری رہا ۔

7 جولائی دو ہزار پانچ میں لندن کے تین زیر زمین ریلوے اسٹیشنوں اور ایک بس میں ہونے والے خودکش بم حملے کئے گئے۔ ان چار خودکش بم دھماکوں میں تقریبًا 52 افراد ہلاک اور سینکڑوں زخمی ہوئے تھے۔

26 نومبر دوہزار آٹھ میں بھارت کے شہر ممبئی میں دہشتگردوں نے مختلف علاقوں میں حملے کیے، جس میں بائیس غیر ملکیوں سمیت ایک سو پچانوے افراد ہلاک ہوئے، جبکہ سوا تین سو کے قریب زخمی ہوئے۔

28 دسمبردوہزار نو میں کراچی میں ایم اے جناح روڈ پر ماتمی جلوس میں دھماکے کے نتیجے میں چالیس افراد جاں بحق اور سو سے زائد زخمی ہوئے۔

9 اکتوبر دوہزار نو پاکستان کے صوبہ سرحد کے صدر مقام پشاور میں خودکش کار بم دھماکے میں پچاس افراد جاں بحق اور سو سے زیادہ زخمی ہو گئے ہیں۔

22 ستمبردوہزار تیرہ پشاور گرجا گھر میں دو خودکش دھماکوں میں چھپن افراد ہلاک اور ستر سے زائد زخمی ہوئے ۔

2 نومبر دوہزار چودہ واہگہ بارڈر کے پریڈ کے مقام کے داخلی راستے پر ہوئے تباہ کن خودکش حملے میں تین رینجرز کے اہلکاروں، دس خواتین اور سات بچوں سمیت ساٹھ افراد ہلاک ہوگئے، جبکہ ایک سو دس سے زیادہ افراد زخمی ہوئے ہیں۔

16 ستمبر دوہزار چودہ پشاور میں آرمی پبلک اسکول پر حملہ کیا گیا جس میں ایک سو چھتیس بچوں سمیت ایک سو چوالیس افراد زندگی کی بازی ہار گئے۔

9 اگست دوہزار پندرہ افغانستان کے شمالی صوبے قندوز میں خان نشین ضلع میں ہونے والے بم دھماکے میں کم از کم انتیس افراد ہلاک اور انیس زخمی ہو گئے ہیں۔

18 ستمبر دوہزار پندرہ کو پشاور کے قریب انقلاب روڈ پر پاکستان ایئر فورس ے بڈھ بیر کیمپ پر مسلح دہشت گردوں کے حملے میں سیکیورٹی اہلکاروں سمیت انتیس افراد ہلاک اور انتیس زخمی ہو گئے۔

گزشتہ رات 14 نومبر دو ہزار پندرہ پیرس میں پے در پے چھ حملوں نے ایک بار پھر یورپ سمیت دنیا بھر کو ہلا کے رکھ دیا،  آٹھ دہشت گردوں نے سیکڑوں گھراجاڑ دیئے۔