بھارتی ریاست کرناٹک میں ہاسٹل میں تعلیم حاصل کرنے والی 14 سالہ طالبہ نے بچے کو جنم دے دیا، مذکورہ واقعے کا انکشاف 9 جنوری کو ہوا۔
غیر ملکی ذرائع ابلاغ کے مطابق ضلع تومکور کے گورنمنٹ ریسیڈنشل اسکول میں نویں جماعت کی طالبہ کو طبیعت بگڑنے پر اسپتال لے جایا گیا، جہاں اس نے بچے کو جنم کو دیا، پولیس نے مقدمہ درج کرکے تحقیقات شروع کردی ہیں۔
اطلاعات کے مطابق طالبہ ہاسٹل میں رہتے ہوئے تعلیم حاصل کرتی تھی اور حال ہی میں اپنے گھر پہنچی تھی۔ شدید پیٹ کے درد کی شکایت پر اسے اسپتال منتقل کیا گیا، جہاں ڈاکٹروں نے بتایا کہ لڑکی حاملہ ہے، جس پر والدین حیرت میں مبتلا ہوگئے۔
پولیس نے واقعے کی تحقیقات کا آغاز کردیا ہے اور یہ پتہ لگانے کی کوششیں شروع کردی ہیں کہ نابالغ کا جنسی استحصال کس نے کیا۔
دوسری جانب دہلی میں نوجوان لڑکوں نے ایک شخص کو چاقو کے پے درپے وار کرکے قتل کردیا جبکہ اسے سڑک پر بھی گھسیٹتے رہے۔
دہلی میں ایک افسوسناک واقعہ پیش آیا جس میں پانچ نوعمر لڑکوں نے ایک شخص پر چھریوں سے 25 کے قریب وار کرتے ہوئے اسے قتل کردیا۔ پانچوں لڑکے مذکورہ شخص کو اس وقت تک سڑک پر گھسیٹتے رہے جب تک اس کی جان نہ نکل گئی۔
بھارتی میڈیا رپورٹس کے مطابق پولیس نے اس قتل کے سلسلے میں پانچ ملزمان کو حراست میں لیا ہے۔ پولیس ڈپٹی کمشنر ساؤتھ ایسٹ راجیش دیو کا کہنا ہے کہ مقتول گورو پر 25 کے قریب چھریوں کے وار کیے گئے۔
انھوں نے بتایا کہ گوتم پوری کے رہائشی شخص کو رات ڈھائی بجے کے قریب قتل کیا گیا۔ اس دوران پٹرولنگ پر معمور پولیس ٹیم جائے وقوع پر پہنچی۔
شوہر کا 50 روپے دینے سے انکار، بیوی نے خودکشی کرلی
پولیس کو دیکھ کر لڑکوں نے وہاں سے فرار ہونے کی کوشش کی، تاہم پولیس نے ان کا پیچھا کرتے ہوئے تین لڑکوں کو پکڑ لیا جبکہ باقی دو لڑکوں کو بھی بعد میں گرفتار کرلیا گیا۔
