Tag: نادیہ حسین

شوبز انڈسٹری کی معروف اداکارہ میزبان نادیہ حسین کا کہنا ہے کہ امریکی خاتون اونیجا کا یہاں تماشہ نہیں بنانا چاہیے۔

فوٹو اور ویڈیو شیئرنگ ایپ انسٹاگرام پر ویڈیو پیغام میں اداکارہ نادیہ حسین نے امریکی خاتون اونیجا کا تماشہ نہ بنانے اور انہیں واپس امریکا بھیجنے کی درخواست کردی۔

انہوں نے کہا کہ 33 سالہ اونیجا کی کہانی سوشل میڈیا پر چل رہی ہے جو پاکستانی 19 سالہ بچے کی محبت کے پیچھے پاکستان آئی ہیں اور وہ اکتوبر سے یہاں موجود ہیں۔

نادیہ حسین نے کہا کہ مجھے صرف ایک ہی بات کہنی ہے اور یہ میری التجا ہے کہ مجھے نہیں لگتا کہ ان کا دماغی توازن ٹھیک ہے، میں اس کا مذاق نہیں اڑا رہی لیکن جس قسم کی وہ باتیں کررہی ہے وہ پاگلوں والی ہیں اور ہمیں اس کا یہاں تماشہ نہیں بنانا چاہیے۔

اداکارہ نے کہا کہ اب پریس کانفرنسز ہورہی ہیں اور ان کے بارے میں اور چیزیں سامنے آرہی ہیں کامران ٹیسوری بھی پریس کانفرنس کررہے ہیں لیکن میں ان سے یہ درخواست کرتی ہوں کہ امریکی قونصلیٹ سے رابطہ کرکے انہیں واپس امریکا بھیجا جائے۔

View this post on Instagram

A post shared by Nadia Hussain Khan (@nadiahussain_khan)

انہوں نے کہا کہ یہاں پر جو اس کا تماشہ بن رہا ہے وہ ٹھیک نہیں، وہ جس ذہنی پریشانی یا مجبوری کی وجہ سے پاکستان آئی ہیں اور جو بھی ان کے ساتھ یہاں پر ہورہا ہے اس پر افسوس ہوتا ہے۔

نادیہ حسین نے کہا کہ امریکی خاتون کا کوئی ٹھکانا نہیں ہے، وہ بے گھر ہیں اور یہ معاملہ چاہے مرد ہو یا عورت کسی کے لیے بھی ٹھیک نہیں اور حکومت کو چاہیے کہ ان کو ڈی پورٹ کریں، ان سے متعلق کوئی بھی بات نہیں ہونی چاہیے اور نہ ہی اس سے بات کرنی چاہیے۔

اداکارہ نے کہا کہ اونیجا کو امریکی ایمبیسی کے حوالے کیا جائے اور وہ پھر انہیں ڈی پورٹ کرنے میں کردار ادا کریں۔

شوبز انڈسٹری کی ماڈل و اداکارہ نادیہ حسین کا کہنا ہے کہ طلاق یافتہ عورت سے شادی کو لوگ بدنامی سمجھتے ہیں۔

اداکارہ و سپر ماڈل نادیہ حسین نے حال ہی میں نجی ٹی وی کے شو میں شرکت کی اور خواتین کی طلاق اور کاروبار ودیگر موضوعات پر اظہار خیال کیا۔

انہوں نے کہا کہ ہم صرف اس چیز کے بارے میں بات کرتے ہیں کہ لڑکی گوری رنگت کی ہو، پڑھی لکھی بھی ہو لیکن ان کا اپنا بیٹا نکما ہوتا ہے لیکن یہاں تو طلاق یافتہ عورت سے شادی کو بھی لوگ بدنامی سمجھتے ہیں۔

نادیہ حسین کے مطابق انہیں لگتا ہے کہ جین زی جو ہے وہ شادی نہیں کریں گے، سوچ ان کی یہ ہے کہ شادی مت ہی کرو تو بہتر ہے۔

انہوں نے کہا کہ انڈسٹری میں نئی لڑکیاں آرہی ہیں جن کی رنگت گوری ہے ان کو کام مل رہا ہے اور جن کی رنگت گندمی ہے ان کی جانب نہیں دیکھا جارہا، وہ ٹیلی وژن پر نظر نہیں آرہیں۔

اداکارہ کا کہنا تھا کہ جب میں ان نئی لڑکیوں کو دیکھتی ہوں تو پتا چل جاتا ہے کہ نیچرلی گوری ہیں لیکن انہی لڑکیوں کو کام بار بار دیا جارہا ہے۔

نادیہ حسین کے مطابق خواتین کے لیے کاروبار کرنا مشکل ہوتا جارہا ہے لوگ یہاں سے چلے گئے ہیں اور کچھ آہستہ آہستہ جارہے ہیں، میں ایک سیشن پر گئی تو وہاں پر سیلون کی مالکن موجود تھیں وہ یہی کہتی ہیں کہ کاروبار کرنا مشکل ہوتا جارہا ہے۔