کراچی: گزشتہ رات نارتھ ناظم آباد سے لاپتہ ہونے والے بہن بھائی ایان اور انابیہ مل گئے ہیں۔
تفصیلات کے مطابق گزشتہ رات کراچی کے علاقے نارتھ ناظم آباد بلاک ایچ سے کم عمر بہن بھائی لاپتہ ہوگئے تھے، ماموں نے بتایا تھا ایان اور انابیہ رات گیارہ بجکر پچاس منٹ پر نیچے اترے تھے۔
کراچی : نارتھ ناظم آباد سے لاپتہ ہونے والے بچوں کی والدہ کا ویڈیو بیان سامنے آگیا
جس کے بعد بچوں کی والدہ نے سوشل میڈیا پر جاری بیان میں عوام سے بچوں کو ڈھونڈنے کی اپیل کی تھی تاہم اب والدہ نے ہی سوشل میڈیا کے ذریعے تصدیق کی ہے کہ ان کے بچے مل گئے ہیں۔
والدہ نے سوشل میڈیا پر پیغام میں لکھا کہ ’شکر الحمدللہ میرے بچے مل گئے، جو لے کر گئے تھے وہ حیدری پر چھوڑ گئے ہیں، مجھے ایک نمبر سے کال آئی تھی۔
دوسری جانب ایس ایس پی سینٹرل نے بھی اس بات کی تصدیق کی اور بتایا کہ دونوں بچے ناظم آباد کے ایک مال کے قریب سے ملے۔
واضح رہے کہ بچوں کی تلاش میں سندھ رینجرز نے اہم کردار ادا کیا، رینجرز ٹیم کی جانب سے بچوں کو گھر تک پہنچایا گیا۔
