Tag: ناردرن بائی پاس

کراچی: ناردرن بائی پاس کے قریب ڈکیت نے پولیس اہلکار کو ہی لوٹ لیا، ڈکیت پولیس اہلکار سے اسلحہ لوٹ کر فرار ہوگئے۔

تفصیلات کے مطابق کراچی کے علاقے سپر ہائی وے کے قریب نادرن بائی پاس سے نامعلوم موٹر سائیکل سوار ملزمان پولیس اہلکار سے اسلحہ چھین کر فرار ہوگئے۔

پولیس اہلکار ارسل شوکت نے اپنے بیان مں کہا کہ نامعلوم موٹر سائیکل سوار ملزمان نے واردات کی، ملزمان سرکاری نائن ایم ایم پستول چھین کر فرار ہوئے ہیں۔

دوسری جانب ڈسٹرکٹ ویسٹ منگھو پیر پولیس نے تحقیقات شروع کردی، پولیس اہلکار ارسل شوکت کا ابتدائی بیان ریکارڈ کرلیا گیا۔

حکام کا کہنا ہے کہ پولیس اہلکار کو معمار تھانے میں سرکاری اسلحہ جمع کروانا تھا، اہلکار اسلحہ جمع کروانےکے بجائے ساتھ لیکر جارہا تھا۔

کراچی میں قائم سب سے بڑی مویشی منڈی کا مقام تبدیل کردیا گیا، پرانے مقام سے 16 کلو میٹر دور ناردرن بائی پاس پر لگائی گئی منڈی کے قریب لوٹ مار کرنیوالے ملزم کو گرفتار کرلیا گیا۔

اے آر وائی نیوز کے مطابق عیدالاضحی قریب آتے ہی مویشی منڈی کے قریب وارداتوں میں اضافہ ہوگیا ہے، ناردرن بائی پاس منڈی جانے والے شہریوں سے ڈاکو لوٹ مار کر رہے ہیں۔

تاہم پولیس نے بتایا ہے کہ ناردرن بائی پاس مویشی منڈی کے قریب لوٹ مارکرنیوالے  ایک ملزم کو گرفتار کرلیا گیا ہے، ملزم امیراللہ ولد شاہ محمد کچی آبادی سے نادرن بائی پاس پر آکر وار داتیں کرتا تھا۔

پولیس کا کہنا ہے کہ گرفتار ملزم سے غیر قانونی اسلحہ برآمد ہوا، ملزم کے خلاف مقدمہ درج کرلیا گیا ہے جبکہ مزید تفتیش جاری ہے۔

واضح رہے کہ کراچی کے اسٹیج اور ٹی وی کے معروف اداکار ولی شیخ بھی ناردن بائی پاس پر لٹ چکے ہیں، جنہوں نے ایک ویڈیو پیغام میں پولیس افسران کی جانب سے وارداتیں نہ ہونے کے بیان پر شدید برہمی کا بھی اظہار کیا ہے۔

اس سے قبل بھی کئی افراد کی ویڈیوز سامنے آئی ہیں جن میں شہری ڈکیتی کی وارداتوں اور ڈاکوؤں کی جانب سے تشدد اور فائرنگ کی شکایات کرچکے ہیں۔