نارووال: والدہ کے ڈانٹنے پر 11 سالہ بچے نے خودکشی کرلی ، پولیس نے ابتدائی تفتیش میں موبائل کیبل کا تار گلے میں لپیٹنے سے سانس رکنے کا شبہ ظاہر کیا ہے۔

تفصیلات کے مطابق نارووال کے تھانہ سٹی کے علاقے محلہ غوثیہ میں 11 سالہ بچے نے مبینہ طور پر موبائل کیبل کے تار سے خودکشی کر لی۔

پولیس نے بتایا کہ واقعہ اس وقت پیش آیا جب بچے عبداللہ نے بھائی کی موبائل کیبل توڑ دی، جس پر والدہ نے اسے ڈانٹا۔

ایس ایچ او تھانہ سٹی اکرام الحق کا کہنا تھا کہ بچے نے دوسرے کمرے میں جا کر کیبل کے تار کو گلے میں لپیٹ لیا، جس سے دم گھٹنے کا شبہ ہے۔

ابتدائی تفتیش میں پولیس نے بتایا کہ موت کی اصل وجہ فرانزک رپورٹ کے بعد سامنے آئے گی، جس کے لیے گوجرانوالہ سے فرانزک ٹیم طلب کر لی گئی ہے۔

مزید پڑھیں : کراچی: ماں کے ڈانٹنے پر 11 سالہ بچے نے خودکشی کرلی

تاہم پولیس نے واقعے کی مزید تحقیقات شروع کر دی ہیں۔

یاد رہے کراچی کے علاقے نارتھ کراچی میں ماں کے رات گئے کھیلنے سے منع کرنے پر گیارہ سالہ بچے حماد نے خودکشی کرلی تھی۔

حماد کے اہل خانہ نے پولیس کو بیان دیا تھا کہ والدہ گھر کے کاموں میں مصروف تھیں جبکہ حماد گھرکی بالائی منزل پر چلا گیا، والدہ اوپر پہنچیں توحماد پھندا لگا کر خود کشی کرچکاتھا۔

نارووال : معمولی تلخ کلامی پر بھتیجے نے چچا کو قتل کردیا، مقتول کی بیوہ نے مقدمہ درج کرادیا۔

تفصیلات کے مطابق نارووال میں گاؤں زاہد پور میں معمولی تلخ کلامی پر بھتیجے نے چچا کو قتل کردیا، پولیس نے بتایا کہ بیوہ کی مدعیت میں قتل کامقدمہ درج کرلیا گیا ہے اور ملزم کی تلاش جاری ہے۔

مقتول کی بیوہ نے بتایا کہ موٹرسائیکل کی لائٹ ٹوٹنے پر ملزم کی ماں اور بہنیں گالم گلوچ کر رہی تھی، میرے شوہر عارف نے گالم گلوچ سے منع کیا تو ملزم نے چچا کو دھکادیا۔

مدعی مقدمے نے کہا کہ دھکا ددینے کی وجہ سے میرے شوہر دیوار سے ٹکرانے کے بعد موقع پر ہی دم توڑ گئے۔

مزید پڑھیں : زمین کے تنازع پر چچا نے بھتیجے کو قتل کر ڈالا

یاد رہے رواں سال جنوری میں زمین کے تنازع پر چچا اور بھتیجوں کے درمیان جھگڑے میں فائرنگ سے نوجوان بھتیجا جاں بحق ہوگیا تھا۔

پولیس کا کہنا تھا کہ چچا اپنے بھتیجے کو قتل کرنے کے بعد سے فرار ہے، مقتول شہباز کا اپنے چچا سے زمین کا تنازعہ چل رہا تھا۔

پولیس کے مطابق واقعے کا مقدمہ درج کرلیا گیا ہے اور تحقیقات جاری ہیں۔

نارووال: نواحی گاؤں بہلول پور میں دو کم سن بھائیوں کی لاشیں گھر میں آٹےکے ڈرم سے مل گئیں، دونوں بچے گزشتہ روز سے لاپتا تھے۔

تفصیلات کے مطابق نارووال کے مطابق نارووال کے نواحی گاؤں بہلول پور میں 2 کم سن بھائیوں کی لاشیں گھر میں آٹے والے خالی ڈرم سے برآمد ہوئیں۔

پولیس کی ابتدائی رپورٹ میں بتایا گیا کہ عالمگیر نامی گداگر بھیک مانگ کر اپنے بچوں کا پیٹ پالتا ہے، عالمگیر اپنے سب سے چھوٹے بچے کو ساتھ لے کر گزشتہ روز گھر سے گیا ہوا تھا اور دونوں بچوں کو گھر میں اکیلا چھوڑ کر گیا تھا۔

ابتدائی رپورٹ میں کہنا تھا کہ عالمگیر دونوں بچوں کو گھر میں اکیلا چھوڑ کر گیا تھا، جب رات گئے واپس آیا تو بچوں کی تلاش پر بچے نہ ملے۔

پولیس نے کہا کہ بچوں کو گھنٹوں تلاش کرنے کے بعد شک گزرنے پر جب گھر میں رکھا خالی آٹے کا ڈرم کھولا تو بچوں کو مردہ حالت میں پایا۔

بچوں کے باپ نے پولیس کو بیان کو بیان میں بتایا کہ بچے شرارتی تھے، کھیل ہی کھیل میں بچوں نے خود کو ڈرم میں بند کیا جس کے باعث ان کی ہلاکت ہوئی ہے۔

پولیس نے کہا کہ دونوں بچوں کی موت دم گھٹنے سے ہوئی، جاں بحق بچوں میں 4 سالہ حیدر اور 6 سالہ نواز شامل ہیں۔

پولیس نے لاشوں کو پوسٹ مارٹم کے لئے تحصیل ہیڈ کوارٹر ہسپتال شکرگڑھ منتقل کر دیا گیا ہے اور فرانسک ٹیم موقع پر پہنچ گئی ہیں ، مزید تفتیش جاری ہے۔

نارووال : گھرمیں ڈکیتی مزاحمت پر نوجوان قتل کو قتل کردیا گیا، ڈاکوؤں کی خواتین سے بد تمیزی پر مقتول فرحان نے مزاحمت کی۔

تفصیلات کے مطابق نارووال کے علاقے چھنی نگروٹہ میں گھرمیں ڈکیتی مزاحمت پرنوجوان قتل کوقتل کردیاگیا۔

پولیس حکام نے بتایا کہ آٹھ ڈاکوؤں نے اہلخانہ کویرغمال بناکرتشددکرکے لوٹ مارکی، اس دوران خواتین سے بدتمیزی پرمقتول فرحان نےڈاکوؤں سے مزاحمت کی تو ڈاکوؤں نے فائرنگ کرکےقتل کردیا۔

ڈکیتی کے واردات میں ملزمان لاکھوں روپےلوٹ کرفرارہوگئے۔

یاد رہے گذشتہ روز جیکب آباد میں ڈکیتی کی واردات کے دوران مزاحمت پر ڈاکوؤں نے ایک پولیس اہلکار سمیت دو افراد کو قتل کر دیا تھا۔

حکام نے بتایاتھا کہ پولیس اہلکار اسعداللہ سندرانی اپنے رشتہ دار سلیمان سندرانی کے ہمراہ موٹر سائیکل پر گاؤں جارہا تھا کہ راستے میں ڈاکوؤں نے حملہ کرکے اسلحہ کی نوک پر موٹر سائیکل، موبائل فون اور قیمتی سامان چھیننے کی کوشش کی۔

پولیس نے مقتولین کی لاشیں اسپتال منتقل کردی ہیں تاہم تاحال کوئی گرفتاری عمل میں آئی اور نہ ہی واقعہ کو مقدمہ درج ہوسکا۔

نارووال : سحری کے بعد سیر کیلئے جانے والی 2 بہنیں مبینہ طور پر اغوا ہوگئیں ، بہنوں کی عمریں گیارہ اور اٹھارہ سال ہیں۔

تفصیلات کے مطابق نارووال میں سحری کے بعد سیر کیلئے جانے والی 2 بہنیں مبینہ طور پر اغوا ہوگئیں ، پولیس نے اغواکی دفعات کے تحت والدکی مدعیت میں مقدمہ درج کرلیا۔

،والد نے ایف آئی آر میں موقف اختیار کیا کہ دونوں بہنیں گھرسےسیرکےلئےنکلی تھیں ، بہنوں کی عمریں گیارہ اور اٹھارہ سال ہیں، بچیوں کو فوری بازیاب کرایا جائے۔

دوسرے واقعے میں قمبر میں تھانہ نصیرآباد کی حدود سے دسویں جماعت کی طالبہ کو مبینہ طور پر اغوا کرلیا گیا ، پولیس نے 16 سال کی طالبہ کے اغوا کا مقدمہ والد کی مدعیت میں درج کیا۔

شاہد، مومن علی اور 2نامعلوم سمیت 4 ملزمان کے خلاف اغوا کا مقدمہ درج کیا گیا ، والد کا کہنا تھا کہ میری بیٹی کو3روزقبل اسکول جاتےہوئے4ملزمان نے اغواکیا۔