ورجینیا: امریکہ کے خلائی تحقیق کے ادارے ناسا نے اسٹریس راکٹ کامیابی کے ساتھ لانچ کر دیا۔
ناسا کے مطابق راکٹ ورجینیا کی ویلوپس فلائٹ فیسلیٹی سے لانچ کیا گیا، راکٹ اپنے ساتھ مدار میں کارگو ایئر کرافٹ بھی لے کر گیا ہے، جس میں تین ہزار پاونڈ سے زائد سامان موجود ہے ،یہ سامان انٹرنیشنل اسپیس اسٹیشن پہنچایا جائے گا۔
خلا میں موجود امریکی خلانوردوں نے بھی کرسمس منائی، اس موقع پر انہوں نے خلا میں چہل قدمی کی اور شٹل کی مرمت بھی کی۔
دنیا بھر میں عیسائی برادری اپنا مذہبی تہوار کرسمس نہایت جوش و جذبے سے منا رہی ہے، اس موقع کو منفرد اور یادگار بنانے کے لیے امریکی خلا بازوں نے خلا میں کرسمس منائی۔
خلائی ادارے ناسا کی جاری کردہ ویڈیو میں دکھایا گیا ہے کہ خلابازوں نے خلا میں چہل قدمی کی اور وہاں موجود اسٹیشن کے کچھ پرزوں کی مرمت بھی کی۔
خلائی شٹل میں خلاء بازوں کا کہنا تھا کہ یہ کرسمس ہمیں زندگی بھر یاد رہے گی، چہل قدمی کے دوران خلاء بازوں نے ہیلمٹ پہن رکھی تھیں، جن میں مائیکروفون نصب تھے، جن کے ذریعے اسٹیشن کے اندر موجود لوگوں سے ان کا رابطہ تھا۔
