Tag: ناصر جمشید

مانچسٹر: پاکستان کرکٹ ٹیم کے سابق کھلاڑی ناصر جمشید کے خلاف مانچسٹر کراؤن کورٹ میں اسپاٹ فکسنگ کیس کی کارروائی کے دوران برطانوی استغاثہ نے پاکستان کرکٹ بورڈ کے قوانین پر بھی اظہار تشویش کیا۔

اے آر وائی نیوز کے مطابق مانچسٹر کراؤن کورٹ میں ناصر جمشید اور ان کے دو ساتھیوں یوسف انور اور اعجاز احمد کے خلاف اسپاٹ فکسنگ کیس کی کارروائی کے دوران پی سی بی کے قوانین بھی زیر بحث آئے۔

کارروائی کے دوران ناصر جمشید کے وکیل نے عدالت کو بتایا کہ برطانیہ میں میچ فکسنگ میں ملوث افراد کو کرمنل چارجز کا سامنا کرنا پڑتا ہے جب کہ پاکستان میں کھلاڑیوں کو کرمنل چارجز کی بہ جائے صرف پابندی کا سامنا کرنا پڑتا ہے اور کھلاڑی پابندی کی مدت پوری کر کے واپس آجاتے ہیں، جب کہ برطانیہ میں سزا کا بنیادی مقصد اس گھناؤنے کام میں ملوث کھلاڑیوں کو نشان عبرت بنانا ہوتا ہے تاکہ فکسنگ کے جرم کی روک تھام کی جا سکے۔

اسپاٹ فکسنگ کیس میں ناصر جمشید گرفتار

عدالت کو کرکٹر شرجیل خان کی مثال بھی دی گئی، شرجیل پر پانچ سال کی پابندی عائد کی گئی تھی تاہم بورڈ نے اسے کم کر کے اڑھائی سال کر دیا تھا، سزا پوری کرنے کے بعد شرجیل نے دوبارہ کرکٹ کھیلنی شروع کر دی ہے۔

استغاثہ نے اس امر پر تشویش کا اظہار کرتے ہوئے کہا کہ پی سی بی کو اسپاٹ فکسنگ اور کرپشن کے قوانین مزید سخت کرنے چاہیئں، تاکہ کرکٹ کھیل پر لوگوں کا اعتماد بحال رکھا جا سکے۔

یاد رہے کہ جمعے کے روز مانچسٹر کراؤن کورٹ میں پاکستان کرکٹ ٹیم کے سابق کھلاڑی ناصر جمشید اور ان کے دو ساتھیوں یوسف انور اور اعجاز احمد کو اسپاٹ فکسنگ میں قید کی سزائیں سنائی گئی تھیں جس کے بعد انھیں کمرہ عدالت سے گرفتار کر کے جیل منتقل کر دیا گیا تھا، پاکستان کرکٹ بورڈ کی طرف سے پہلے ہی ناصر جمشید پر 10 سال کی پابندی عائد ہے جسے نہ صرف آئی سی سی بلکہ مانچسٹر کراؤن کورٹ میں بھی سراہا گیا۔

مانچسٹر: اسپاٹ فکسنگ کیس میں سزا پانے والے سابق قومی کرکٹر ناصر جمشید کی اہلیہ کا کہنا ہے کہ ناصر جمشید کی غلطی سے دوسرے سبق سیکھیں گے۔

تفصیلات کے مطابق سماجی رابطے کی ویب سائٹ ٹویٹر پر ناصر جمشید کی اہلیہ ڈاکٹر ثمرہ افصل نے اپنے پیغام میں کہا کہ پچھلے 3 سال سے ہم جس تکلیف میں تھے اس سے کوئی نہ گزرے، امید ہے ناصر جمشید کی غلطی سے دوسرے سبق سیکھیں گے۔

ثمرہ افصل نے کہا ناصر جمشید کا اچھا مستقبل ہو سکتا تھا اگر وہ محنت کرتے اور کرکٹ کے کھیل سے مخلص ہوتے، انہوں نے شارٹ کٹ کو اپنایا اور اپنی عزت، آزادی کیریئر سب کچھ کھو دیا۔

Today is the most difficult day of my life as Nasir starts his custodial sentence & I figure out what to tell my 4 year old.. I’ve felt the need to write this in the hope that others learn from Nasirs mistakes & no one goes through the pain we have suffered in the last 3 years. pic.twitter.com/fgkkMiglgz

— Dr Samara Afzal (@SamaraAfzal) February 7, 2020

ناصر جمشید کی اہلیہ ڈاکٹر ثمرہ افصل کا کہنا تھا کہ مجھے امید ہے کہ تمام کرکٹر کرپشن سے پچنے کے لیے ناصر کی مثال کو اپنے سامنے رکھیں گے۔

اسپاٹ فکسنگ کیس میں ناصر جمشید گرفتار

یاد رہے کہ گزشتہ روز سابق کرکٹر ناصر جمشید اور ان کے ساتھیوں یوسف انور اور محمد اعجاز کو گرفتار کر لیا تھا۔ ناصر جمشید کو 17 ماہ، یوسف انور کو ساڑھے تین سال اور اعجاز احمد کو ڈھائی سال کی سزا سنائی گئی تھی، تینوں مجرمان کو کمرہ عدالت سے گرفتار کیا گہا تھا۔

مانچسٹر: اسپاٹ فکسنگ کیس میں قومی کرکٹ ٹیم کے سابق کرکٹر ناصر جمشید اور ان کے ساتھیوں کو گرفتار کرلیا گیا۔

تفصیلات کے مطابق سابق کرکٹر ناصر جمشید اور ان کے ساتھیوں یوسف انور اور محمد اعجاز کو گرفتار کر لیا گیا۔ ناصر جمشید کو 17 ماہ، یوسف انور کو ساڑھے تین سال اور اعجاز احمد کو ڈھائی سال کی سزا سنائی گئی، تینوں مجرمان کو کمرہ عدالت سے گرفتارکر لیا گیا۔

نیشنل کرائم ایجنسی نے اسپاٹ فکسنگ کی تحقیقات کے بعد سابق کرکٹر ناصر جمشید اور ان کے ساتھیوں یوسف انور اور محمد اعجاز کو سزا سنائی۔

کراؤن کورٹ میں ٹرائل کے دوران ناصر جمشید نے اپنے اوپر عائد ہونے والے الزامات کا اعتراف بھی کیا تھا۔ انہوں نے عدالت کو بتایا تھا کہ ساتھی کرکٹرز کو بھی میں نے میچ فکسنگ کرنے پر اکسایا تھا۔

میچ فکسنگ کے حوالے سے حراست میں لیے جانے والے دو افراد یوسف انور اور محمد اعجاز نے بھی ٹرائل کے دوران اپنے اوپر عائد ہونے والے الزامات کا اعتراف کیا تھا۔

اسپاٹ فکسنگ اسکینڈل میں پی سی بی کی جانب سے پہلے ہی ناصر جمشید پر دس سال کی پابندی عائد کی جا چکی ہے۔

یاد رہے کہ نیشنل کرائم ایجنسی نے 35 سالہ برطانوی شہری یوسف انور اور 33 سالہ محمد اعجاز کو دو برس قبل فروری میں گرفتار کیا تھا اور ناصر جمشید سمیت تینوں افراد پر بنگلہ دیش اور پاکستان کے کرکٹ میچز میں اسپاٹ فکسنگ کا الزام تھا۔

مانچسٹر: پاکستانی کرکٹرناصرجمشید نےاسپاٹ فکسنگ کااعتراف کرلیا ہے۔

تفصیلات کے مطابق کراون کورٹ میں3 دسمبرسے کیس کی سماعت جاری تھی جس میں آج کرکٹر ناصر جمشید نے اسپاٹ فکسنگ اور ساتھی کرکٹرز کو میچ فکسنگ پر اکسانے کا اعتراف کیا۔

نیشنل کرائم ایجنسی نےتحقیقات کےبعدملوث افرادکوگرفتارکیاتھا جب کہ دیگر2 افراد نے دوران تفتیش ہی عائدالزام کااعتراف کرلیا تھا۔

ملزمان کی جانب سے اعتراف جرم کرنے کے بعد اگلی سماعت پرعدالت سزاسنائےگی۔

یہ بھی پڑھیں: اسپاٹ فکسنگ کیس: ناصرجمشید پر10 سال کی پابندی عائد

واضح رہے کہ پاکستان کرکٹ بورڈ کے اینٹی کرپشن ٹربیونل نے پی ایس ایل فکسنگ اسکینڈل میں ملوث ناصرجمشید پر10سال کی پابندی عائد کر رکھی ہے، اس دوران وہ کرکٹ نہیں کھیل سکتے۔

لندن: سابق پاکستانی کرکٹر ناصر جمشید سمیت دو افراد پر پر لندن کی نیشنل کرائم ایجنسی نے اسپاٹ فکسنگ کیس میں فرد جرم عائد کردی۔

تفصیلات کے مطابق جینٹل مین گیم کو داغ دار کرنے پر کرکٹر ناصر جمشید کے گرد گھیرا تنگ ہوگیا، لندن کی نیشنل کرائم ایجنسی نے ناصر جمشید سمیت دو افراد پر اسپاٹ فکسنگ کیس میں فرد جرم عائد کردی۔

[bs-quote quote=”فکسنگ اسکینڈل میں پی سی بی پہلے ہی ناصر جمشید پر دس سال کی پابندی عائد کرچکا ہے” style=”style-6″ align=”left”][/bs-quote]

ناصر جمشید کے ساتھ دو برطانوی شہری یوسف اور محمد اعجاز پر رشوت کے الزام پر فرد جرم عائد کردی گئی ہے۔

رپورٹ کے مطابق برطانوی پولیس نے ناصر جمشید کے لندن والے گھر پر 15 جنوری 2019 کے سمن بھی جاری کردئیے ہیں، ناصر جمشید برطانیہ میں قید کی سزا بھی کاٹ چکے ہیں۔

کرائم ایجنسی کے مطابق فکسنگ اسکینڈل کے معاملے پر پاکستان کرکٹ بورڈ اور انٹرنیشنل کرکٹ کونسل کے ساتھ رابطے میں ہیں۔

مزید پڑھیں: ناصر جمشید پر اسپاٹ فکسنگ کیس میں فرد جرم عائد

واضح رہے کہ فکسنگ اسکینڈل میں پی سی بی پہلے ہی ناصر جمشید پر دس سال کی پابندی عائد کرچکا ہے۔

یاد رہے کہ نیشنل کرائم ایجنسی نے 35 سالہ برطانوی شہری یوسف انور اور 33 سالہ محمد اعجاز کو گزشتہ سال فروری میں گرفتار کیا تھا اور ناصر جمشید سمیت تینوں افراد پر بنگلہ دیش اور پاکستان کے کرکٹ میچز میں اسپاٹ فکسنگ کا الزام ہے۔