ARYNews.tv | Urdu – Har Lamha Bakhabar

Tag: ناظم آباد

  • ویڈیو رپورٹ: 1952 میں دوسرے گورنر جنرل خواجہ ناظم الدین کے نام سے آباد علاقہ اب برباد

    ویڈیو رپورٹ: 1952 میں دوسرے گورنر جنرل خواجہ ناظم الدین کے نام سے آباد علاقہ اب برباد

    1952 میں دوسرے گورنر جنرل خواجہ ناظم الدین کے نام سے آباد کیا جانے والا علاقہ ناظم آباد اب برباد ہے!

    کراچی کا علاقہ ناظم آباد بارش کے بعد اُبلتے گٹروں، سیوریج کے بد حال نظام اور تباہ حال انفرا اسٹرکچر سے جھوجھ رہا ہے۔ علاقے میں اٹھتا تعفن، کھلے گٹر شہریوں کے لیے ذہنی کوفت کا باعث بن چکے ہیں۔ شہریوں کی شکایات کے باوجود نہ نکاسی ہو سکی نہ سیوریج لائن کی درستگی ممکن ہوئی۔

    پاکستانی نوجوان نے موبائل سے گاڑی چلا کر سب کو حیران کر دیا

    بارش کے بعد مختلف بلاکس میں کھلے مین ہول، ابلتے گٹر، سیوریج کا بوسیدہ نظام اور تباہ حال انفرا اسٹرکچر ہر طرف بربادی کی داستان بیان کرتے ہیں۔ معروف شخصیات، کھیل کے میدان، لائبریریاں، مشہور کالجوں سے جانا جانے والے ضلع وسطی کے اس پوش علاقے کی پہچان اب گرد آلود فضا، کئی کئی عرصے سے جمع تعفن زدہ سیوریج کا پانی اور ٹوٹی پھوٹی سڑکیں بن چکی ہیں۔

    علاقہ مکین کہتے ہیں شکایتیں بہت کر لی ہیں، کوئی سننے والا نہیں۔ بد حال بلدیاتی نظام کے باعث علاقے میں قائم سرکاری کالج، پلے گراؤنڈ اور اسکول سمیت شہری بھی متاثر ہیں، جب کہ سڑکوں پر کچرے کے ڈھیر نے علاقہ مکینوں کو ذہینی اذیت میں مبتلا کر رکھا ہے لیکن متعلقہ ادارے ٹس سے مس ہونے کو تیار نہیں ہیں۔

    ملٹی میڈیا – ویڈیو خبریں دیکھنے کے لیے کلک کریں

  • پاکستان کی یہ منفرد گلی کس شہر میں ہے؟ اس گلی کی دو عمارتوں نے لوگوں کو ہمیشہ حیران کیا، ویڈیو رپورٹ

    پاکستان کی یہ منفرد گلی کس شہر میں ہے؟ اس گلی کی دو عمارتوں نے لوگوں کو ہمیشہ حیران کیا، ویڈیو رپورٹ

    فیصل آباد کا ناظم آباد، جہاں ایک ہی گلی سے مسجد کی اذان اور چرچ کی گھنٹی سنائی دیتی ہے، مذہبی رواداری کی خوب صورت مثال ہے۔

    ایک طرف مسجد کی اذان دوسری طرف کلیسا کی گھنٹی کی آواز، دونوں ہی آوازیں ایک ہی گلی سے الگ الگ اوقات میں آتی ہیں۔ یہ فیصل آباد کا علاقہ ناظم آباد ہے۔ یہاں ایک ایسی گلی ہے جہاں کوئی پہلی بار آتا ہے تو یہ دیکھ کر حیران ہوتا ہے کہ مسجد اور گرجا گھر کی عمارت ایک ساتھ کیسے!

    اس گلی میں مذہبی رواداری کی کہانی دلچسپ ہے، 1962 میں سینٹ پال کیتھولک چرچ کی بنیاد رکھی گئی، اس وقت یہاں کی تقریباً سبھی آبادی مسیحی برادری کی تھی، بعد میں مسیحی برادری کے لوگوں زمینیں فروخت کیں تو کچھ مسلمان یہاں آ کر آباد ہو گئے، 1994 سے پہلے یہاں کوئی مسجد نہیں تھی۔ چرچ کےساتھ خالی پلاٹ فروخت ہوا تو مسیحی برادری سے اجازت کے بعد مسجد کی تعمیر کی گئی اور اس تعمیراتی کام میں مسیحی برادری نے بھی حصہ ڈالا۔

    یہ بے نام قبریں کس کی ہیں؟ دل دہلا دینے والی کہانی

    نائب موذن کا کہنا ہے کہ دل چسپ بات یہ ہے کہ دونوں عمارتوں کی دیوار بھی سانجھی ہے، دونوں کمیونٹی کے لوگ ضرورت پڑنے پر ایک دوسرے کے کام بھی آتے ہیں۔ ایک بزرگ نمازی نے کہا 30 سال سے مسجد اور چرچ ایک ساتھ ہیں اور اس دوران کبھی کوئی ناخوشگوار واقعہ پیش نہیں آیا، فیصل آباد کا یہ علاقہ تعصب سے بالاتر ماحول اور مذہبی رواداری کی بہترین مثال ہے۔

    ملٹی میڈیا – ویڈیو خبریں دیکھنے کے لیے کلک کریں

  • ایسی برانچ جہاں آپ سہولت کے ساتھ ڈرائیونگ لائسنس بنوا سکتے ہیں، ویڈیو رپورٹ

    ایسی برانچ جہاں آپ سہولت کے ساتھ ڈرائیونگ لائسنس بنوا سکتے ہیں، ویڈیو رپورٹ

    کراچی میں لائسنس کے بغیر گاڑی چلانے والے شہریوں کے خلاف ٹریفک پولیس کی خصوصی مہم کے بعد ڈرائیونگ لائسنس برانچز میں شہریوں کا رش بڑھ گیا ہے۔

    ایک رپورٹ کے مطابق شہر میں تقریبآ 90 لاکھ سے ایک کروڑ تک گاڑیاں اور موٹر سایئکلیں ہیں مگر صرف 40 فی صد لوگوں کے پاس ڈرائیونگ لائسنس ہیں۔

    کراچی کے علاقے ناظم آباد میں قائم واحد ڈرائیونگ لائسنس برانچ، جس کی حدود میں 400 گاڑیاں پارک کرنے کی گنجائش ہے، پورے شہر سے لائسنس بنانے کے خواہش مند افراد ہر طرح کی سہولیات کی دستیابی کی وجہ سے اس برانچ میں آنے کو ترجیح دیتے ہیں۔

    اس برانچ میں چار سو گاڑیاں پارک کرنے کی گنجائش ہے، یہ سہولت شہر کی کسی جگہ میسر نہیں ہے، اور یہ برانچ ڈرائیونگ لائسنس کے ایجنٹ مافیا سے بھی پاک ہے۔ یہاں پورے نظام کو شفاف بنایا گیا ہے، اور سارے کاؤنٹرز کو سی سی ٹی وی کیمروں سے لیس کیا گیا ہے۔

    خواتین ٹریفک وارڈنز نے مردوں کے شانہ بشانہ کام کرنے کی ٹھان لی، ویڈیو رپورٹ

    ناظم آباد برانچ کے انچارج ڈی ایس پی اعجاز قائم خانی کا کہنا ہے کہ اس برانچ میں لائسنس کے حصول کے لیے آنے والے شہریوں کی سہولت کے لیے متعدد اقدامات کیے گئے ہیں، ان کی رہنمائی کے لیے تمام جگہوں پر سائن بورڈ آویزاں کیے گئے ہیں۔

    ملٹی میڈیا – ویڈیو خبریں دیکھنے کے لیے کلک کریں

  • کراچی: آن لائن فوڈ ڈیلیوری کمپنی کے گودام میں لگی آگ پر 8 گھنٹے بعد قابو پالیا گیا

    کراچی: آن لائن فوڈ ڈیلیوری کمپنی کے گودام میں لگی آگ پر 8 گھنٹے بعد قابو پالیا گیا

    کراچی : ناظم آباد میں آن لائن فوڈ ڈیلیوری کمپنی کے گودام میں لگنے والی آگ پر آٹھ گھنٹے بعد قابو پالیا گیا۔

    تفصیلات کے مطابق کراچی کے علاقے ناظم آباد میں آن لائن فوڈ ڈیلیوری کمپنی کے گودام میں لگنے والی آگ پر تقریبا آٹھ گھنٹے بعد قابو پالیا گیا۔

    چیف فائر آفیسر ہمایوں نے بتایا کہ فائر بریگیڈ کی 10سے زائد گاڑیوں اور فائر فائٹرز نے آگ بجھانے کے عمل میں حصہ لیا۔

    چیف فائر آفیسر کا کہنا تھا کہ ، ویئر ہاؤس عمارت کی بیسمنٹ میں قائم تھا ، جہاں کوئی ایگزٹ پوائنٹ نہیں تھا،جس کی وجہ سے آگ بجھانے میں مشکلات کا سامنا کرنا پڑا تاہم بھاری مشینری سے گودام کی دیواریں توڑکرآگ بجھائی گئی اور 8گھنٹے کی جدوجہد کے بعد آگ پر قابو پایا گیا، جس کے بعد کولنگ کا عمل جاری ہے۔

    انھوں نے کہا بیسمنٹ میں آئل کھانے پینے کی اشیا موجود تھی تاہم عمارت سے رہائشیوں کو نکال لیا گیا تھا، جس سے کوئی جانی نقصان نہیں ہوا۔

    یاد رہے ناظم آباد میں آن لائن فوڈ ڈیلیوری کمپنی کے گودام میں اچانک بھڑک اٹھی تھی ، جس نے دیکھتے ہی دیکھتے پورے گودام کو اپنی لپیٹ میں لے لیا تھا۔

    کئی گھنٹوں تک بھڑکنے والی آگ نے چار منزلہ عمارت کے بیسمنٹ میں رکھے کوکنگ آئل اور دیگر قیمتی اشیاء کو جلا کر خاکستر کردیا۔

    ابتدائی معلومات کے مطابق آگ شارٹ سرکٹ کے باعث لگی تاہم آگ لگنے کی وجوہات اور اس سے ہونے والے نقصانات کاحتمی تعین پولیس تحقیقات کے بعد ہوگا۔

    گورنر سندھ کامران ٹیسوری نے گودام میں لگی آگ کی شدت پراظہارتشویش کرتے ہوئے مئیر کراچی مرتضیٰ وہاب سے رابطہ کیا اور آگ کی شدت سمیت انتظامات کے حوالے سے دریافت کیا۔

  • کراچی : فوڈ ڈلیوری گودام میں خوفناک آتشزدگی، آگ پر تاحال قابو نہیں پایا جاسکا

    کراچی : فوڈ ڈلیوری گودام میں خوفناک آتشزدگی، آگ پر تاحال قابو نہیں پایا جاسکا

    کراچی : ناظم آباد عیدگاہ کے قریب فوڈ ڈلیوری کے گودام میں آتشزدگی کا واقعہ پیش آیا ہے، آگ عمارت کے بیسمنٹ میں لگی، 5 گھنٹے بعد بھی  آگ نہ بُھج سکی۔

    کراچی کے علاقے ناظم آباد فوڈ ڈلیوری کے گودام میں لگنے والی آگ پر تاحال قابو نہیں پایا جاسکا۔ فائر بریگیڈ حکام کا کہنا ہے کہ 5گھنٹے سے زائد کا وقت گزر گیا فائر فائٹرز گودام کے بیسمنٹ میں داخل نہیں ہوسکے۔

    انہوں نے بتایا کہ گودام غیر قانونی طور پربیسمنٹ میں بنایا گیا تھا اور بیسمنٹ میں جانے کیلئے ایک ہی راستہ موجود ہے۔

    فائر بریگیڈ کے عملے کو بیسمنٹ میں دھواں بھرجانے کے باعث ریسکیو آپریشن میں شدید مشکلات کا سامنا کرنا پڑرہا ہے۔

    چیف فائرافسر ہمایوں خان نے میڈیا کو بتایا کہ آگ لگنے کی اطلاع9 بج کر7منٹ پر موصول ہوئی تھی، ویئر ہاؤس عمارت کی بیسمنٹ میں قائم ہے جہاں کوئی ایگزٹ پوائنٹ نہیں۔

    ان کا کہنا تھا کہ 8 فائر ٹینڈرز اور 2واٹر باؤوز آگ بجھانے میں مصروف ہیں, ہیوی مشینری کی مدد سے گودام کی دیوار توڑ رہے ہیں، آتش زدگی کے واقعے میں کسی جانی نقصان کی اطلاع نہیں ہے۔

    ویئر ہاؤس میں لگنے والی آگ سے متعلق گورنرسندھ کامران ٹیسوری نے تشویش کا اظہار کرتے ہوئے مئیرکراچی مرتضیٰ وہاب سے رابطہ کیا ہے۔

    گورنرسندھ نے آگ کی شدت اور بجھانے کے انتظامات کے حوالے سے دریافت کیا جس کے جواب میں مئیر کراچی نے بتایا کہ آگ بیسمنٹ میں لگی ہے اور وہاں جانےکا کوئی راستہ نہیں مل رہا۔

    مئیر کراچی نے انہیں بتایا کہ آگ پر قابو پانےکی کوشش کررہے ہیں جلد از جلد قابو پایا جائے گورنر سندھ نے کہا کہ آگ کے حوالے سے مجھے ہرگھنٹے میں اپ ڈیٹ دی جائے۔

  • کراچی : جہیز کا سامان لوٹنے والے رکشہ ڈرائیور کا بھائی گرفتار

    کراچی : جہیز کا سامان لوٹنے والے رکشہ ڈرائیور کا بھائی گرفتار

    کراچی : ناظم آباد میں جہیز کا سامان لوٹنے والے رکشہ ڈرائیور کے بھائی کو گرفتار کرکے لوٹا ہوا جہیز کا کچھ سامان برآمد کرلیا۔

    تفصیلات کے مطابق کراچی کے علاقے ناظم آباد میں جہیز کا سامان لوٹنے والے رکشہ ڈرائیور کے بھائی کو گرفتار کرلیا گیا۔

    ایس ایس پی سینٹرل شفیق صدیقی نے بتایا کہ ملزم شہزاد سے لوٹا ہوا جہیز کا کچھ سامان برآمد کرلیا ہے ، جس میں جگ گلاس سیٹ، ڈائننگ اسپون سیٹ اور کولر شامل ہیں۔

    ذیشان شفیق صدیقی کا کہنا تھا کہ فرارملزم وقاس نے گزشتہ روز2خواتین کولوٹاتھا، رکشہ چلانےوالافرارملزم وقاص عادی مجرم ہے۔

    ایس ایس پی سینٹرل نے کہا ملزم رکشہ میں سواریوں کو بٹھا کر پہلے بھی لوٹ مار کر چکا ہے جبکہ ملزم وقاص اس سے قبل گرفتار ہوچکا ہے۔

    مزید پڑھیں : کراچی میں ڈاکو رکشہ ڈرائیور بن کر وارداتیں کرنے لگے

    گذشتہ روز کراچی کے علاقے ناظم آباد نمبر چار پر ایک سفید پوش فیملی سے جہیز کا سامان لوٹ لیا تھا، واردات کرنے والے رکشہ ڈرائیور کی ویڈیو بھی سامنے آئی تھی، جس میں رکشہ ڈرائیور کو سی سی ٹی وی کیمرے سے بچنے کی کوشش کرتا رہا۔

    اہلخانہ کا کہنا تھا کہ اس کی بہن کی اس ماہ کے آخر میں شادی ہے جس کے لیے والدہ اور خالہ جہیز کا سامان خریدنے لیاقت آباد مارکیٹ گئی تھی۔

    اہلخانہ کا کہنا تھا کہ والدہ نے ایک لاکھ سے زائد مالیت کے برتن اور دیگر سامان خریدا جسے اورنگی ٹاون میں گھر لے جانا تھا، مارکیٹ میں موجود رکشے والے سے کرایہ طے کیا، کچھ سامان رکشے کے اندر باقی چھت پر رسی سے باندھا، رکشے پر سامان لوڈ کرکے ناظم آباد چار نمبر پر پہنچے تھے کہ اچانک رکشے والے رکشہ روک کر والدہ اور خالہ کو زبردستی اتارا اور سامان لے کر فرار ہوگیا تھا۔

  • کیفے ماضی، جہاں وائی فائی نہ ہونے کی وجہ حیرت انگیز ہے: ویڈیو رپورٹ

    کیفے ماضی، جہاں وائی فائی نہ ہونے کی وجہ حیرت انگیز ہے: ویڈیو رپورٹ

    کراچی کے ایک جوڑے نے گھر کے آنگن میں ایک ایسا کیفے کھولا ہے، جو صارفین کو ماضی میں جھانکنے کا موقع فراہم کرتا ہے۔

    ’’کیفے ماضی‘‘ میں وائی فائی کی سہولت نہیں ہے، یہ کوئی خاص بات نہیں ہے، لیکن خاص بات وہ نوٹس بورڈ ہے جو وہاں لگایا گیا ہے اور اس پر لوگوں کو یہ مشورہ دیا گیا ہے کہ وہ فون پر لگے رہنے کی بجائے آپس میں باتیں کریں۔

    ویڈیو رپورٹ: لیاری کے نوجوان مصور کی حیرت انگیز صلاحیتں

    کیفے ماضی میں آنے والے یہاں کی مزے دار کافی کے گرویدہ ہیں، جدید کاروباری ماحول والی اس دنیا میں پرانی اقدار کی جھلک دکھانے والی کیفے کی ’میزبان‘ ہر مہمان کا دروازے پر استقبال کرتی ہیں۔

    ملٹی میڈیا – ویڈیو خبریں دیکھنے کے لیے کلک کریں

  • کراچی : نجی اسپتال کی لیبارٹری میں ڈکیتی کرنے والا مرکزی ملزم آئن لائن بائیک سروس کا رائیڈر نکلا

    کراچی : ناظم آباد میں عباسی شہید اسپتال کے قریب نجی اسپتال کی لیبارٹری میں ڈکیتی کرنے والا مرکزی ملزم آئن لائن بائیک سروس کا رائیڈر نکلا۔

    تفصیلات کے مطابق کراچی کے علاقے ناظم آباد میں عباسی شہید اسپتال کے قریب نجی اسپتال کی لیبارٹری میں اسلحے کے زور پر ڈاکہ ڈالنے کوشش کرنے والے دو ملزمان کو گرفتار کرلیا گیا۔


    دوران تفتیش انکشاف ہوا کہ مرکزی ملزم آن لائن بائیک سروس کا رائیڈر نکلا، ملزم نے بیان میں بتایا نجی اسپتال کی لیبارٹری میں داخل ہوکر لوٹ مار کر رہے تھے کہ لیبارٹری ملازم خفیہ الارم بجادیا اور تین منٹ کے اندر پولیس پہنچی اور ملزمان کو دھرلیا۔

    پولیس نے کہا کہ ملزم محفوظ خان کو ساتھی سلیم کےساتھ گرفتار کیا گیا تھا، ملزم سلیم کے مطابق وہ پہلے بھی منشیات کیس میں گرفتار ہوچکا ہے۔

    مزید پڑھیں : نجی اسپتال کی لیبارٹری میں ڈکیتی کی کوشش، ملازم کی حاضر دماغی سے ملزمان گرفتار

    ایڈیشنل ایس ایچ او نے بتایا کہ کیش کاؤنٹرپرملازم کی حاضردماغی سےدونوں ملزمان پکڑےگئے، شاہین فورس اورناظم آبادپولیس نے 2 سے3 منٹ کے اندر پہنچ کر ملزمان کوگرفتارکیا۔

    ایڈیشنل ایس ایچ او ناظم آباد کاشف پولیس نے گرفتار ملزمان کے قبضے سے لوٹا ہوا سامان کیش اور پستول برآمد کیا۔

  • کراچی میں بہن بھائی کی گمشدگی واقعے میں اہم پیش رفت

    کراچی میں بہن بھائی کی گمشدگی واقعے میں اہم پیش رفت

    کراچی: نارتھ ناظم آباد بلاک ایچ میں بہن بھائی کی گمشدگی کا مقدمہ درج کرلیا گیا ہے۔

    تفصیلات کے مطابق کراچی کے علاقے نارتھ ناظم آباد بلاک ایچ سے کم عمر بہن بھائی لاپتہ ہوگئے ہیں، ماموں نے بتایا ایان اور انابیہ رات گیارہ بجکر پچاس منٹ پر نیچے اترے تھے۔

    ماموں کا مزید کہنا تھا کہ بچوں کے والدین کی آٹھ سال قبل اہلیہ سے علیحدگی ہوگئی تھی، بچوں کی والدہ دبئی میں ملازمت کرتی ہیں، دونوں بچے ماموں کے ساتھ ہی رہتے ہیں۔

    کراچی : نارتھ ناظم آباد بلاک ایچ سے کم عمر بہن بھائی لاپتہ

    پولیس کا اس حوالے سے کہنا ہے کہ ایان، انابیہ کی گمشدگی کا مقدمہ حیدری مارکیٹ تھانے میں درج کیا گیا، بہن بھائی گھر سے برگر لینے کیلئے نکلے تھے۔

     

    View this post on Instagram

     

    A post shared by ARY News Urdu (@urdu.arynews.tv)

    پولیس نے بتایا کہ بچے والدین سے علیحدگی کے بعد  ماموں کے گھر رہتے تھے جبکہ بچوں کی والدہ دبئی میں ملازمت کرتی ہیں۔

    سولجر پولیس کا بتانا ہے کہ مقدمہ درج کر کے سی سی ٹی وی حاصل  کررہے ہیں ساتھ ہی بچوں کے والد راشد کا بیان بھی ریکارڈ کیاجائے گا۔

  • کسی بھی ریلی یا جلسے میں ہتھیار دیکھا تو مؤثر ایکشن لیں گے: ڈی آئی جی ویسٹ

    کسی بھی ریلی یا جلسے میں ہتھیار دیکھا تو مؤثر ایکشن لیں گے: ڈی آئی جی ویسٹ

    کراچی: شہر قائد کے علاقے ناظم آباد میں دو سیاسی جماعتوں کے کارکنوں کے درمیان تصادم کے بعد ڈی آئی جی ویسٹ عاصم قائم خانی نے خبردار کیا ہے کہ اگر کوئی کارکن ہتھیار لے کر نکلا تو اس کے خلاف مؤثر کارروائی کی جائے گی۔

    تفصیلات کے مطابق کراچی کے علاقے ناظم آباد میں میڈیا سے گفتگو کرتے ہوئے ڈی آئی جی ویسٹ عاصم قائم خانی نے کہا ’’گزشتہ رات دو سیاسی جماعتوں میں تصادم کا واقعہ پیش آیا، میں لوگوں کو کہتا ہوں کہ ہتھیار لے کر نہ چلیں، کسی بھی ریلی یا جلسے میں اب ہتھیار دیکھا تو مؤثر ایکشن لیں گے۔‘‘

    انھوں نے کہا فائرنگ کس طرف سے ہوئی ہے اس سلسلے میں ہر پہلو کا جائزہ لیں گے، ڈی آئی جی ویسٹ سے سوال کیا گیا کہ کیا وہ ڈاکٹر عاصم کو مقدمے میں نامزد کریں گے؟ ڈی آئی جی ویسٹ نے جواب دیا کہ تفصیلی انکوائری کر رہے ہیں، اور میرٹ پر مقدمہ درج کریں گے۔

    کراچی : 2 سیاسی جماعت کے کارکنان کے درمیان تصادم ، ایک شخص جاں بحق

    ان کا کہنا تھا کہ الیکشن کے مرحلے جاری ہیں، سب سیاسی جماعتیں رواداری کا مظاہرہ کریں، متنبہ کرنا چاہتا ہوں کہ پرتشدد سرگرمیوں میں ملوث افراد کو رعایت نہیں دی جائے گی۔

    عاصم قائم خانی نے کہا ’’سیاسی مخالف کے سامنے سے ریلی گزارنا بھی نامناسب عمل ہے، کسی بھی سیاسی جماعت کا عسکری ونگ نہیں ہونا چاہیے، سب اسٹیک ہولڈرز کی کاوشوں سے کراچی میں امن ممکن ہوا ہے، اگر کوئی دوبارہ اٹھنے کی کوشش کرے گا تو اسے ایکشن یاد ہونا چاہیے۔‘‘