Tag: ناظم آباد

کراچی: شہر قائد میں کانگو وائرس کا ایک اور کیس سامنے آ گیا ہے، کانگو وائرس سے متاثرہ نوجوان کو ناظم آباد کے اسپتال میں داخل کرایا گیا۔

تفصیلات کے مطابق کانگو وائرس سے متاثرہ ایک اور نوجوان کراچی کے علاقے ناظم آباد کے اسپتال میں داخل ہوا ہے، ڈاکٹرز نے ابتدائی ٹیسٹ کے بعد مریض میں کانگو وائرس کی تصدیق کر دی۔

کانگو وائرس سے متاثرہ نوجوان 17 سالہ قمر شاہ سہراب گوٹھ کا رہایشی ہے اور ایک باڑے میں کام کرتا ہے۔

خیال رہے کہ کراچی میں رواں سال پہلا کانگو وائرس کا کیس 11 فروری کو سامنے آیا تھا، اورنگی ٹاؤن کی رہایشی خاتون تعظیم فیضان کو تشویش ناک حالت میں جناح اسپتال منتقل کیا گیا تھا، جہاں ڈاکٹر سیمی جمالی نے خاتون میں وائرس کی تصدیق کی۔

گزشتہ سال اس وائرس کے نتیجے میں کراچی میں 16 اموات ہوئی تھیں جب کہ 41 مریضوں میں کانگو کریمین ہیمریجک فیور کی تصدیق کی گئی تھی، جن میں سے بیش تر مریضوں کا تعلق کوئٹہ بلوچستان سے تھا۔

24 جولائی کو کراچی میں کے ایم سی نے اپنے زیر انتظام اسپتالوں میں انسداد کانگو وائرس کا الرٹ بھی جاری کیا تھا۔

یہ وائرس مویشی کی کھال سے چپکی چیچڑوں میں پایا جاتا ہے، چیچڑی کے کاٹنے سے وائرس انسان میں منتقل ہو جاتا ہے، قومی ادارۂ صحت کے مطابق نیرو نامی وائرس انسانی خون، تھوک اور فضلات میں پایا جاتا ہے جو انسانوں میں گانگو بخار پھیلاتا ہے۔

علامات

تیز بخار، کمر، پٹھوں، گردن میں درد، قے، متلی، گلے کی سوزش اور جسم پر سرخ دھبے کانگو کی علامات ہیں۔

احتیاطی تدابیر

جانوروں کے پاس جانے سے گریز کیا جائے، مویشیوں کے پاس جانے کی ضرورت پیش آئے تو دستانوں کا استعمال ضرور کیا جائے۔

یاد رہے کہ کانگو وائرس کے خاتمے کے لیے تا حال کوئی ویکسین ایجاد نہیں ہوئی ہے لہٰذا قبل از وقت احتیاط اور مرض ظاہر ہو جانے کی صورت میں فوری اور بر وقت علاج ضروری ہے۔

کراچی: شہر قائد کے علاقے ناظم آباد میں گاڑی روکنے کی کوشش میں کارسوار کی فائرنگ سے ایک مبینہ ڈاکو ہلاک جبکہ دوسرا فرار ہوگیا۔

تفصیلات کے مطابق کراچی کے علاقے ناظم آباد نمبردو میں موٹرسائیکل پرسواردومبینہ ڈاکوؤں نے ایک کارکو روکنے کی کوشش کی جس پرکارمیں سوارشخص نے فائرنگ کردی۔

فائرنگ سےموٹرسائیکل پرسوارایک مبینہ ڈاکوہلاک اوراس کا ساتھی فرارہوگیا۔ فائرنگ کے بعد کار سوار بھی موقع سے فرارہوگیا۔

پولیس حکام کا کہنا ہے کہ مارے جانے والے مبینہ ڈاکو کے پاس سے اسلحہ برآمد ہوا ہے جبکہ ملزم کی شناخت نہیں ہوسکی۔

کراچی کے علاقے لانڈھی شیرپاؤ کالونی میں رواں ماہ 5 مئی کو شہری کی فائرنگ سے ایک مبینہ ڈاکو ہلاک جبکہ دوسرا زخمی ہوگیا تھا۔

یاد رہے کہ گزشتہ ماہ کراچی کے علاقے ڈیفنس فیز6 میں ملزم نے پکڑے جانے پر فرار ہونے کی کوشش کی تو شہری نے فائرنگ کردی جبکہ ملزم ابراہیم کا ساتھی فرار ہونے میں کامیاب ہوگیا تھا۔

کراچی: رینجرز سے مقابلہ، ایک ڈاکو گرفتار

واضح رہے کہ رواں سال مارچ میں کراچی کے علاقے طارق روڈ پر رینجرز سے مقابلے میں ایک ڈاکو زخمی حالت میں گرفتار ہوا جبکہ ڈاکوئوں کی فائرنگ سے ایک شہری جاں بحق ہوگیا تھا۔

کراچی: شہر قائد کےعلاقے نارتھ ناظم آباد میں پولیس اہلکار شاکر کو قتل کرنے کی ذمہ داری کالعدم تنظیم نے قبول کرلی۔

تفصیلات کے مطابق گزشتہ ہفتے کراچی کے علاقے نارتھ ناظم آباد میں لنڈی کوتل چورنگی کے قریب فائرنگ سے پولیس اہلکار کی ہلاکت کا معاملہ، واقعے کی سی سی ٹی وی فوٹیج اے آروائی نیوز نے حاصل کرلی۔

سی سی ٹی وی فوٹیج جائے وقوع سے کچھ فاصلے پرنصب کیمرے کی ہے، فوٹیج میں 2 دہشت گردوں کو گلی سے گزرتے دیکھا جاسکتا ہے جبکہ دونوں دہشت گردوں نے شناخت چھپانے کے لیے ہیلمنٹ پہن رکھے ہیں۔

کالعدم تنظیم تحریک طالبان پاکستان نے سوشل میڈیا پرپولیس اہلکارشاکر کے قتل کی ذمہ داری قبول کرلی۔

کراچی: لنڈی کوتل چورنگی کےقریب فائرنگ‘ پولیس اہلکارجاں بحق

خیال رہے کہ 12 جنوری کو کراچی کے علاقے نارتھ ناظم آباد میں لنڈی کوتل چورنگی کے قریب دہشت گردوں کی فائرنگ سے پولیس اہلکار جان کی بازی ہار گیا تھا۔

یاد رہے کہ گزشتہ ہفتے کراچی میں کورنگی انڈسٹریل ایریا کے علاقے ویٹا چورنگی کے قریب سپریم کورٹ کے جج جسٹس گلزار کے بیٹے کی گاڑی پرنامعلوم ملزمان نےفائرنگ کی تھی تاہم جسٹس گلزار کے بیٹے سعد محفوظ رہے۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔