Tag: ناظم جوکھیو قتل کیس

کراچی : ناظم جوکھیو قتل کیس میں عدالت نے ایم پی اے جام اویس سمیت 6 ملزمان کے جسمانی ریمانڈ میں 2 روز کی توسیع کردی۔

تفصیلات کے مطابق ملیر کورٹ میں ناظم جوکھیو قتل کیس کی سماعت ہوئی ، ریمانڈمکمل ہونےپرایم پی اےجام اویس سمیت 6ملزمان کو پیش کیا گیا۔

پولیس نے ملزمان کے جسمانی ریمانڈ میں 2 دن توسیع کی استدعا کی اور عدالت کو بتایا کہ مقدمےمیں شواہدچھپانےکی دفعات کا اضافہ کردیا جبکہ مقدمےمیں اغواکی دفعہ پہلےہی شامل کی جاچکی ہے۔

تفتیشی افسر نے کہا مفرورملزمان سےمتعلق تفتیش کےلئےجسمانی ریمانڈمیں توسیع کی جائے، جس پر عدالت نے ملزمان کے جسمانی ریمانڈ میں 2یوم کی توسیع کردی۔

عدالت نے حکم دیا کہ ملزمان کو 18نومبر کو عدالت میں پیش کیا جائے گا۔

تفتیشی افسر نے بتایا ناظم جوکھیوکاجلا ہوافون ، کپڑےفارنزک کےلئےبھیج دیے، وکیل مدعی نے کہا ناظم جوکھیوکےکپڑے اور موبائل کی تصدیق ہم سےنہیں کروائی گئی اور اہم شواہد کی برآمدگی کےوقت مدعی اوروکلاوہاں موجودنہیں تھے۔

مدعی مقدمہ کیجانب سے ایس ایچ او کے موبائل کی فارنزک کروانے کے لئے درخواست کرتے ہوئے کہا گیا ایس ایچ اومیمن گوٹھ کےموبائل کافارنزک کروایاجائے، ایس ایچ اوملزمان کےساتھ رابطےمیں ہے۔

وکیل مدعی نے مقدمے میں انسداددہشت گردی کی دفعات شامل کرنے کی درخواست کرتے ہوئے کہا واقعےسےملک بھرمیں دہشت پھیلی ہے اور سندھ اسمبلی کے وقار کو بھی نقصان پہنچاہے۔

مقدمےمیں انسداددہشت گردی کی دفعات شامل کی جائیں، جس پر عدالت نے کہا انسداددہشت گردی دفعات کی درخواست پر آئندہ سماعت پردلائل دیے جائیں گے۔

کراچی : ناظم جوکھیو قتل کیس میں تفتیشی ٹیم نے موبائل ڈیٹاکی مدد سے تفتیش تیزکردی جبکہ جام گوٹھ میں افضل جوکھیو، نیاز اور جام عبدالکریم کے فون کی لوکیش سامنے آگئی ہے۔

تفصیلات کے مطابق ناظم جوکھیوقتل کیس تفتیش میں اہم پیشرفت سامنے آئی ، تفتیشی ٹیم نےموبائل ڈیٹاکی مددسےتفتیش تیزکردی ، جس کے بعد جام گوٹھ میں افضل جوکھیو، نیاز اور جام عبدالکریم کے فون کی لوکیش سامنے آئی ہے۔

تفتیشی ذرائع کا کہنا ہے کہ مقتول ناظم جوکھیو کی ویڈیوکوشواہد کےطورپراستعمال کرنےکافیصلہ کرلیا ، خدشہ ہے ناظم جوکھیو کو سر پر لگنے والا ڈنڈا جان لیوا ثابت ہوا ہو تاہم تفصیلی میڈیکل رپورٹ سےمزیدحقائق سامنےآئیں گے۔

تفتیشی ٹیم نے افضل جوکھیوکیساتھ جائے وقوعہ کا دورہ کیا ،تفتیشی حکام کا کہنا تھا کہ تاحال ناظم جوکھیوکاموبائل فون نہیں ملا ، ناظم جوکھیوکی لاش کی اطلاع 3 نومبر2بجے15مددگارپرشہری نےدی، کیس میں مزیدافرادکوگرفتارکیاجائے گا۔

یاد رہے ناظم جوکھیو قتل کیس میں مزید 3 افراد کو گرفتار کیا گیا اور کیس میں اغواکی دفعہ 365 اور ایم این اے جام عبدالکریم کو بھی ملزمان میں شامل کرلیا گیا ہے ، ناظم جوکھیو قتل سے متعلق تینوں افراد سے تفتیش کی جائے گی اور گرفتار ملزمان کے بیانات کی روشنی میں 3افراد کو حراست میں لیا گیا جبکہ ملزمان کی نشاندہی پر ڈی وی آر برآمد کیا۔

کراچی : گورنرسندھ عمران اسماعیل نے ناظم جوکھیو قتل کیس کی رپورٹ پر جے آئی ٹی بنانے کا فیصلہ کرلیا ، وزیراعظم کی ہدایت پر جلد نوٹیفکیشن جاری ہونے کا امکان ہے۔

تفصیلات کے مطابق گورنر سندھ عمران اسماعیل نے ناظم جوکھیوقتل کیس کی رپورٹ پر جے آئی ٹی بنانے کا فیصلہ کرلیا، ذرائع کا کہنا ہے کہ گورنرسندھ سے ملاقات میں جے آئی ٹی بنانے پر اتفاق ہوا۔

عمران اسماعیل نے کہا کہ ناظم جوکھیوقتل کیس کو دبانے اوت ورثا پر شدید دباؤ ہے، دونوں یم پی ایز شفاف تحقیقات کی راہ میں رکاوٹیں ڈال رہے ہیں۔

گورنرسندھ نے وزیراعظم سے گزارش کی واقعے کی شفاف تحقیقات کے لئے جےآئی ٹی بنائی جائے، جے آئی ٹی کی تحقیقات سے اصل حقائق سامنے آئیں گے، شفاف تحقیقات سے ورثا کا قانون پراعتماد بھی بحال ہوگا۔

وزیراعظم کی ہدایت پر جلد نوٹیفکیشن جاری ہونے کا امکان ہے۔

یاد رہے ناظم جوکھیو قتل کیس میں مزید 3 افراد کو گرفتار کرلیا گیا اور کیس میں اغواکی دفعہ 365 اور ایم این اے جام عبدالکریم کو بھی ملزمان میں شامل کرلیا ہے۔

خیال رہے گرفتار جام اویس سمیت 3 ملزمان پولیس ریمانڈ پر ہیں اور واقعے کا مقدمہ قتل کی دفعہ کے تحت درج ہے۔

کراچی : ناظم جوکھیو قتل کیس میں مزید 3 افراد کو گرفتار کرلیا گیا اور کیس میں اغواکی دفعہ 365 اور ایم این اے جام عبدالکریم کو بھی ملزمان میں شامل کرلیا۔

تفصیلات کے مطابق ناظم جوکھیوقتل کیس میں اہم پیش رفت سامنے آئی ، تحقیقاتی ٹیم نے مزید 3 افراد کو حراست میں لے لیا۔

پولیس کا کہنا ہے کہ رزاق ،معراج اورجمال واحد کو حراست میں لیا گیا اور تینوں افراد کو تفتیش کیلئے نامعلوم مقام پر منتقل کردیا گیا ہے۔

ناظم جوکھیو قتل سے متعلق تینوں افراد سے تفتیش کی جائے گی اور گرفتار ملزمان کے بیانات کی روشنی میں 3افراد کو حراست میں لیا گیا جبکہ ملزمان کی نشاندہی پر ڈی وی آر برآمد کرلیا گیا ہے۔

دوسری جانب پولیس نے کیس میں اغواکی دفعہ 365 اور ایم این اے جام عبدالکریم کو بھی ملزمان میں شامل کرلیا، پولیس کا کہنا ہے کہ
جام کریم سمیت 15 سے زائدملزمان تاحال مفرورہیں۔

گرفتار جام اویس سمیت 3 ملزمان پولیس ریمانڈ پر ہیں اور واقعے کا مقدمہ قتل کی دفعہ کے تحت درج ہے۔

کراچی : مقامی عدالت نے ناظم جوکھیو قتل کیس میں پی پی رکن سندھ اسمبلی جام اویس کو تین روزہ جسمانی ریمانڈ پر پولیس کے حوالے کردیا۔

تفصیلات کے مطابق کراچی کی ملیرکورٹ میں ملیرمیمن گوٹھ میں غیرملکیوں کو شکار سے روکنے پر نوجوان کے قتل کیس کی سماعت ہوئی ، پولیس نے ممبرصوبائی اسمبلی جام اویس کو عدالت میں پیش کیا۔

تفتیشی افسر نے عدالت کو بتایا کہ مقتول ناظم جوکھیو کے ورثا نے ایم پی اےجام اویس کونامزدکیاہے، ملزم جام اویس نےگزشتہ روزرضاکارانہ طورپرگرفتاری پیش کی، ملزم سے تفتیش،ساتھیوں سے متعلق معلومات کے لئے ریمانڈ دیا جائے۔

عدالت نےجام اویس گہرام کو3 روزہ جسمانی ریمانڈپرپولیس کےحوالے کرتے ہوئے آئندہ سماعت پر پیشرفت رپورٹ طلب کرلی۔

عدالت نے مزید 2ملزمان حیدر اور میرعلی کو بھی 3روزہ جسمانی ریمانڈ پر پولیس کے حوالے کردیا، ملزمان حیدراورمیرعلی فارم ہاؤس کےملازم ہیں۔

یاد رہے مقتول ناظم نے غیر ملکیوں کو شکار سے روکنے کی ویڈیوسوشل میڈیا پراپلوڈکی تھی ، جس کے بعد مقتول ناظم کی تشددزدہ لاش ملیرمیمن گوٹھ سےملی تھی۔

ورثا نے الزام عائد کیا ہے کہ ایم پی اے کے مہمانوں کی ویڈیوسوشل میڈیاپر ڈالنے پر ناظم جوکھیو کو جام ہاؤس بلا کر قتل کیا گیا۔

خیال رہے ناظم جوکھیو قتل کیس کی تحقیقات کیلئےایس ایس پی ملیرعرفان بہادر کی سربراہی میں آٹھ رکنی جوائنٹ انویسٹی گیشن ٹیم تشکیل دے دی گئی ہے، جو روزانہ کی بنیاد پر پیشرفت سے آگاہ کرے گی ۔