Tag: ناقابل یقین کیچ

چیمپئنزٹرافی فائنل کے دوران اڑنے والے کیوی فیلڈر گلین فلپس کے ایک اور شاندار کیچ نے شائقین سمیت کمنٹیٹرز کو بھی حیران کردیا۔

بھارت نے چیمپئنزٹرافی کے فائنل میں کامیابی حاصل کی مگر یہ ٹورنامنٹ شاید گلین فلپس کے شاندار اور ناقابل یقین کیچز کی وجہ سے یاد رکھا جائے گا، اڑنے والے کیوی گلین فلپس نے چیمپئنزٹرافی فائنل میں ایک بار پھر سب کو حیران کیا، انھوں نے شبمن گل کا ناممکن کیچ لیا تو شائقین اور بیٹر کو یقین ہی نہ آیا۔

میچ کے19 ویں اوور کی چوتھی گیند پر گلین فلپس ہوا میں اڑتے ہوئے گیند پر ایسے جھپٹے کہ شبمن گل حیران رہ گئے اور ان کی طرف دیکھتے رہے۔

https://youtube.com/shorts/t9OAV0Ng3XI?si=QV6255A0_KDJQ0qh

کیوی اسپنر مچل سینٹنر کی گیند پر شبمن گل نے گیند کو کور کی طرف کھیلا، یہ ایک اچھا شاٹ تھا اور انھوں نے فلپس کے سرکے اوپر سے بال کو گزارنا چاہا تھا، تاہم فلپس شائقین کو حیران کرنے پر تلے ہوئے تھے اور انھوں نے لمحوں میں گیند کو تھام کر ایک اور شاندار کیچ لیا۔

ان کے اس بہترین کیچ کی وجہ سے بھارتی اوپننگ شراکت کا اختتام ہوا، شبمن گل 50 بالز پر 31 رنز بنا کر پویلین لوٹے۔

خیال رہے کہ چیمپئنزٹرافی کے دبئی میں ہونے والے فائنل میں بھارت نے نیوزی لینڈ کو 4 وکٹوں سے شکست دے کر تیسری بار ٹائٹل اپنے نام کیا۔

https://urdu.arynews.tv/champions-trophy-rizwan-in-deep-shock-as-phillips-catch/

بگ بیش لیگ کے فائنل میں مائیکل نیسر اور پال والٹر کے ناقابل یقین کیچ نے مداحوں کو ششدر کردیا، جس کی ویڈیو وائرل ہوگئی۔

بی بی ایل کے 13ویں ایڈیشن کا فائنل 24 جنوری کو کھیلا گیا، اس دوران مائیکل نیسر اور پال والٹر نے مل کر باؤنڈری پر ایک شاندار کیچ لیا جس نے کمنٹیٹر اور ماہریں دونوں کو ہی حیرت زدہ کردیا۔

سڈنی سکسرز فائنل میں برسبین کی جانب سے دیے گئے ہدف کا تعاقب کررہی تھی۔ 18 ویں اوور میں زیویئر بارلیٹ کی گیند کو ایبٹ نے لانگ آن فیلڈر کی طرف کھیلا۔

قریب تھا کہ گیند باؤنڈر لائن پار کرجاتی کہ نیسر نے اچھلتے ہوئے کیچ تھام لیا اور گرتے ہوئے اسے روپ سے باہر پھینک دیا، جسے ان کے ساتھ کھلاری والٹر نے کامیابی سے پکڑلیا۔

باؤنڈری پردنوں فیلڈرز کے اس شاندار تال میل اور ناقابل یقین کیچ پر شائقین کافی پُرجوش ہوگئے اور انھیں خوب داد دکی۔

HE’S DONE IT AGAIN! 🤯

Michael Neser – you absolute superstar. #BBL13 pic.twitter.com/yHxvNLCrwv

— KFC Big Bash League (@BBL) January 24, 2024

بی بی ایل میں مائیکل نیسر کی فیلڈنگ کافی شاندار رہی ہے، انھوں نے 97 اننگز میں 52 کیچ پکڑے ہیں۔ انھوں نے 11 میچز میں 12 وکٹیں بھی حاصل کیں۔ جبی وہ نچلے نمبرز پر کارآمد بیٹر ہیں۔

واضح رہے کہ برسبین ہیٹ نے بدھ 24 جنوری کو بگ بیش لیگ کے فائنل میں سڈنی سکسرز کو 54 رنز سے شکست دی تھی۔