قصور: رائیونڈ روڈ پر تیز رفتارہائی روف وین نالے میں گرنے سے ایک ہی خاندان کے 8 افراد جاں بحق ہوگئے، وین میں سوارافراد شادی کی تقریب سے واپس آرہے تھے۔
تفصیلات کے مطابق قصور میں رائیونڈ روڈ پر وین نالے میں جا گری، حادثے میں آٹھ افراد جاں بحق اور دو زخمی ہوگئے۔
ریسکیو حکام نے بتایا کہ زخمیوں کو ڈسٹرکٹ اسپتال منتقل کر دیا گیا ہے ، وین میں سوار ایک ہی خاندان کے افراد شادی کی تقریب سے واپس آ رہے تھے کہ ڈرائیور کو نیند آنے باعث افسوسناک حادثہ پیش آیا۔
جاں بحق ہونے والوں میں 30 سالہ لائیبہ، 35 سالہ عمران، 38 سالہ سلیمان، 25 سالہ سنی، 35 سالہ مقصود اور دو نامعلوم افراد شامل ہیں۔
مزید پڑھیں : مسافر بس اور رکشے میں خوفناک تصادم ، 6 افراد جاں بحق
گذشہ روز خانپور میں قومی شاہراہ پر ظاہر پیر کے قریب ٹریفک حادثہ پیش آیا تھا، جس میں مسافر بس رکشہ سے ٹکرا گئی تھی ، حادثے میں 6 افراد جاں بحق ہوگئے تھے۔
ریسکیو حکام نے بتایا تھا کہ حادثہ تیز رفتاری اور دھند کے باعث پیش آیا ، بس اور رکشہ میں تصادم کے بعد بس روڈ سے نیچے اتر گئی۔
