Tag: نامزدگیاں

لاس اینجلس: 89 ویں آسکر ایوارڈز کی نامزدگیوں کا اعلان ہوچکا ہے اور ہالی ووڈ کی اداکارہ میرل اسٹریپ نے 20 ویں بار نامزد ہو کر اپنا ہی ریکارڈ توڑ دیا۔

میرل اسٹریپ اکیڈمی ایوارڈز کی تاریخ میں سب سے زیادہ بار نامزد ہونے والی اداکارہ کا منفرد اعزاز اپنے نام کر چکی ہیں۔ اب تک انہیں 16 دفعہ بہترین اداکارہ جبکہ 4 دفعہ بہترین معاون اداکارہ کے طور پر نامزد کیا جاچکا ہے۔

اس سے قبل سب سے زیادہ نامزدگیوں کا ریکارڈ اداکار جیک نکولسن اور کیتھرین ہپ برن کے پاس تھا جنہیں 12، 12 دفعہ نامزد کیا گیا۔

میرل اسٹریپ اب تک 3 اکیڈمی ایوارڈز بھی حاصل کر چکی ہیں۔ رواں سال انہیں فلورنس فوسٹر جینکنس میں اداکاری کے لیے بہترین اداکارہ کے طور پر نامزد کیا گیا ہے۔

Meryl Streep was nominated for her 20th lead or supporting actress Oscar. Her statement? Literally just this gif. https://t.co/z0Fdq94D6O pic.twitter.com/PdevKzbllE

— E! News (@enews) January 24, 2017

ان کا ایک اور اعزاز گولڈن گلوب ایوارڈز میں بھی 30 بار نامزد کیا جانا ہے۔

یاد رہے کہ چند دن قبل امریکی صدر ڈونلڈ ٹرمپ اور میرل اسٹریپ کے درمیان لفظی جنگ بھی ہوچکی ہے جس میں ٹرمپ نے میرل اسٹریپ کا مذاق اڑایا تھا۔ اداکارہ کے مداحوں نے اب بیسویں بار آسکر کے لیے میرل اسٹریپ کی نامزدگی پر ٹرمپ کو ہدف تنقید بنا لیا ہے۔

دوسری جانب 2016 کی کامیاب ترین میوزیکل فلم لالا لینڈ کو بھی 14 شعبوں میں نامزد کیا گیا ہے جس میں بہترین ہدایت کار، اداکار و اداکارہ کی نامزدگی شامل ہے۔

آسکر ایوارڈز کی تقریب 26 فروری کو کیلی فورنیا میں منعقد ہوگی۔