ARYNews.tv | Urdu – Har Lamha Bakhabar

Tag: نامعلوم افراد

  • سعودی عرب : پارکنگ میں کھڑی گاڑیاں پراسرار طور پر جل کر تباہ

    سعودی عرب : پارکنگ میں کھڑی گاڑیاں پراسرار طور پر جل کر تباہ

    ریاض: سعودی شہر ینبع میں نامعلوم افراد نے گاڑیوں پر حملے شروع کردیے، ملزمان نے درجنوں گاڑیاں آگ لگادیں۔

    عرب میڈیا کی رپورٹ کے مطابق پولیس نے واقعے کی تحقیقات اور ملزمان کی گرفتاری کے لیے خصوصی ٹیم تشکیل دے دی ہے۔ امید ظاہر کی گئی ہے کہ جلد نامعلوم افراد کی گرفتاریاں عمل میں آئیں گی۔

    پولیس کا کہنا ہے کہ ینبع میں رات کے وقت پارکنگ میں کھڑی متعدد گاڑیوں کو آگ لگانے سے کوئی جانی نقصان نہیں ہوا البتہ درجنوں گاڑیاں جل کر راکھ ہوگئیں۔ متعلقہ اداروں نے گرفتاری کے لیے چھاپے مارنا شروع کردیے۔

    تحقیقاتی اداروں کو شبہ ہے کہ مذکورہ حملہ تخریب کاری کا بھی ہوسکتا ہے۔ تاہم ابھی یہ کہنا قبل از وقت ہوگا۔

    فائر فائٹرز کی ٹیموں نے واقعے کے فوراً بعد ہی ریسکیو آپریشن کا عمل شروع کردیا تھا بصورت دیگر مزید مالی نقصانات کا سامنا کرنا پڑ سکتا تھا۔

    پولیس نے شہریوں کو یقین دہانی کرائی ہے کہ ملزمان جلد قانون کی گرفت میں ہوں گے۔

  • مصرمیں نامعلوم افراد کی فائرنگ، پولیس اہلکار اور ڈرائیور ہلاک

    مصرمیں نامعلوم افراد کی فائرنگ، پولیس اہلکار اور ڈرائیور ہلاک

    قاہرہ : مصری دارالحکومت کے مشرقی علاقے میں نامعلوم ملزمان کی فائرنگ سے پولیس اہلکار ڈرائیور سمیت ہلاک ہوگیا، ملزمان کو تلاش کررہی ہے۔

    تفصیلات کے مطابق مصر کے دارالحکومت قاہرہ کے مشرقی علاقے میں نامعلوم مسلح ملزمان نے اندھا دھند فائرنگ کرکے ایک پولیس اہلکار اور اس کے ڈرائیور کو قتل کرکے موقع سے فرار ہوگئے۔

    مصری وزارت داخلہ کی جانب سے جاری بیان میں کہا گیا ہے کہ پولیس نے معمول کے گشت کے دوران جب ایک مشکوک گاڑی کو روکنے کی کوشش کی تو ان پر فائرنگ کر دی گئی۔

    اس واقعے میں کیپٹن مجید احمد عبدالرزاق ہلاک ہوگئے جبکہ تین اہلکار زخمی ہوگئے بعد ازاں پولیس کی گاڑی کے ڈرائیور نے ہسپتال میں دم توڑ دیا۔

    اطلاعات کے مطابق گاڑی کی نمبر پلیٹ جعلی تھی اور اس میں چار نامعلوم افراد سوار تھے جن کی افراد کی تلاش جاری ہے۔

    مزید پڑھیں : مصر میں بس پر فائرنگ، 7 افراد ہلاک، متعدد زخمی

    یاد رہے کہ گزشتہ برس نومبر میں بھی مصری دارالحکومت قاہرہ میں فائرنگ کا واقعہ پیش آیا تھا، جس کے باعث سات مسیحی ہلاک اور 14 زخمی ہوگئے تھے۔

    غیر ملکی خبر رساں ادارے کے مطابق یہ بس قبطی مسیحی زائرین کو لے کر سینٹ سیموئل نامی ایک مذہبی خانقاہ جا رہی تھی، تاہم اب تک کسی دہشت گرد گروہ نے حملے کی ذمے داری قبول نہیں کی تھی۔

    دوسری جانب بس پر حملے کی تصدیق مصری صوبے منیا کے قبطی آرچ بشپ نے کر دی ہے، جبکہ زخمیوں میں دو کی حالت تشویش ناک ہے۔

  • کوئٹہ میں سیکیورٹی فورسزکی گاڑی پرفائرنگ‘ 4 اہلکار شہید

    کوئٹہ میں سیکیورٹی فورسزکی گاڑی پرفائرنگ‘ 4 اہلکار شہید

    کوئٹہ : صوبہ بلوچستان کے دارالحکومت کوئٹہ میں نامعلوم مسلح افراد کی سیکیورٹی فورسز کی گاڑی پرفائرنگ کے نتیجے میں ایف سی کے 4 اہلکار شہید ہوگئے۔

    تفصیلات کے مطابق کوئٹہ کے علاقے لانگوآباد میں نامعلوم افراد کی سیکیورٹی فورسز کی گاڑی پرفائرنگ کے نتیجے میں ایف سی کے 4 اہلکار شہید ہوگئے۔

    واقعے کے فوری بعد پولیس اور امدادی ٹیمیں موقع پرپہنچ گئیں جبکہ علاقے کو گھیرے میں لے سرچ آپریشن شروع کردیا۔

    پولیس حکام کے مطابق سیکیورٹی اہلکاروں کی گاڑی گشت پر تھی کہ نامعلوم افراد نے فرنٹیئرر کور کی گاڑی پر فائرنگ کی۔

    آئی جی بلوچستان معظم جاں انصاری

    آئی بلوچستان معظم جاں انصاری نے میڈیا سے گفتگو کرتے ہوئے کہا کہ دہشت گردوں نے آج پھر ایف سی اہلکاروں کو نشانہ بنایا۔

    انہوں نے کہا کہ 3 سے 4 حملہ آوروں نے کلاشنکوف ، 9 ایم ایم پستول سے فائرنگ ایف سی اہلکاروں پر فائرنگ کی۔

    آئی جی بلوچستان نے کہا کہ دہشت گردوں کے خلاف سیکیورٹی فورسزکی کارروائیاں جاری ہے، دہشت گردوں کوانجام تک پہنچائے بغیرچین سے نہیں بیٹھیں گے۔

    معظم جاں انصاری نے کہا کہ عوام کے جان ومال کا تحفظ ہماری ذمہ داری ہے، کسی قربانی سے دریغ نہیں کریں گے۔

    بلاول بھٹو کی کوئٹہ میں سیکیورٹی فورسز پرحملے کی مذمت

    پیپلزپارٹی کے چیئرمین بلاول بھٹو زرداری نے کوئٹہ میں فورسزکی گاڑی پردہشت گرد حملےکی شدید مذمت کرتے ہوئے 4 سیکیورٹی اہلکاروں کی شہادت پرافسوس کا اظہارکیا۔

    بلاول بھٹو نے کہا کہ فورسزبہادری سے دہشت گردی کے خلاف لڑرہی ہیں، شہدا کی قربانی کبھی رائیگاں نہیں جائیں گی۔

    چیئرمین پیپلزپارٹی نے کہا کہ قوم اورمسلح افواج مل کردہشت گردی کوشکست دیں گے۔

    وزیراعلیٰ بلوچستان کی کوئٹہ میں سیکیورٹی فورسز پرحملے کی مذمت

    وزیراعلیٰ بلوچستان عبدالقدوس بزنجو نے کوئٹہ میں سیکیورٹی اہلکاروں کی شہادت پراظہار افسوس کرتے ہوئے کہا کہ دہشت گردی کے خاتمے کے لیے فورسزکی قربانیاں رائیگاں نہیں جائیں گی۔

    انہوں نے کہا کہ شہید اہلکاروں کے پسماندگان کے دکھ میں برابرکے شریک ہیں، شہید اہلکاروں نے عوام کے جان ومال کے تحفظ کے لیے جانیں قربان کیں۔

    وزیراعلیٰ بلوچستان نے کہا کہ دہشت گردوں کو کیفرکردارتک پہنچایا جائے گا، دہشت گردی کے خاتمےتک چین سے نہیں بیٹھیں گے۔

    خیال رہے کہ گزشتہ ماہ 21 جنوری کو کوئٹہ میں نامعلوم افراد کی فائرنگ سے کوئٹہ پولیس کے سابق ایس ایچ او فضل الرحمن جاں بحق ہوگئے تھے۔

    اس سے قبل 16 جنوری 2018 کو کوئٹہ میں رئیسانی روڈ پرنامعلوم موٹرسائیکل سوار مسلح افراد کی فائرنگ سے ٹریفک پولیس اہلکار جاں بحق ہوگیا تھا۔

    کوئٹہ فائرنگ، ایس پی قائدآباد سمیت 4 پولیس اہلکارشہید

    یاد رہے کہ گزشتہ سال 13 جولائی کو کوئٹہ میں کلی دیبہ کے قریب مسلح افراد کی فائرنگ سے ایس پی قائدآباد سمیت 4 پولیس اہلکارشہید اور ایک زخمی ہوگیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • بنوں میں نامعلوم افراد کی فائرنگ‘ جماعت اسلامی کےرہنما جاں بحق

    بنوں میں نامعلوم افراد کی فائرنگ‘ جماعت اسلامی کےرہنما جاں بحق

    بنوں: صوبہ خیبرپختونخواہ کے شہر بنوں میں نامعلوم افراد کی فائرنگ سے جماعت اسلامی کے ضلعی رہنما ملک طفیل جاں بحق ہوگئے۔

    تفصیلات کے مطابق بنوں کے علاقے غوریوالہ میں میں نامعلوم موٹرسائیکل سواروں نے جماعت اسلامی کے رہنما پر فائرنگ کی اور فرار ہوگئے۔

    جماعت اسلامی کے ضلعی رہنما ملک طفیل کو شدید زخمی حالت میں مقامی اسپتال منتقل کیا گیا جہاں وہ جانبرنہ ہوسکے۔

    پولیس حکام کے مطابق فائرنگ کے واقعے کے بعد جائے وقوعہ کوگھیرے میں لے کرملزمان کی تلاش شروع کردی ہے۔

    مردان: اسٹیج اداکارہ سنبل خان قاتلانہ حملے میں جاں بحق

    خیال رہے کہ گزشتہ روز صوبہ خیبرپختونخواہ کے علاقے مردان میں اسٹیج اداکارہ سنبل خان کو ڈانس پارٹی میں شرکت سے انکار کرنے پر مسلح افراد نے گھر میں گھس پر فائرنگ کر کے قتل کردیا تھا۔

    یاد رہے کہ گزشتہ ماہ 29 جنوری کو مجاہد آفریدی نے رشتے سے انکار پرمیڈیکل کی طالبہ عاصمہ رانی کو فائرنگ کرکے قتل کردیا تھا جس کے بعد ملزم سعودی عرب فرار ہوگیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کوئٹہ میں فائرنگ‘ ٹریفک پولیس اہلکارجاں بحق

    کوئٹہ میں فائرنگ‘ ٹریفک پولیس اہلکارجاں بحق

    کوئٹہ: صوبہ بلوچستان کے دارالحکومت کوئٹہ میں نامعلوم مسلح افراد کی فائرنگ سے ٹریفک پولیس اہلکار جاں بحق ہوگیا۔

    تفصیلات کے مطابق کوئٹہ میں رئیسانی روڈ پرنامعلوم موٹرسائیکل سوار مسلح افراد کی فائرنگ سے ٹریفک پولیس اہلکار جاں بحق ہوگیا۔

    فائرنگ کے واقعے کے بعد پولیس نے جائے وقوعہ کو گھیرے میں کے کرشواہد اکھٹے کیے اور واقعے کی تحقیقات شروع کردی۔

    پولیس حکام کے مطابق جاں بحق پولیس اہلکار کی لاش کو پوسٹ مارٹم کے لیے اسپتال منتقل کردیا گیا۔

    کوئٹہ میں فائرنگ‘ پولیس اہلکار شہید

    خیال رہے کہ گزشتہ ہفتے 6 جنوری کو کوئٹہ میں سریاب روڈ پر پولیس اہلکار معمول کے گشت پرتھے کہ نامعلوم افراد نے فائرنگ کردی تھی جس کے نتیجے میں ایک پولیس اہلکار شہید جبکہ دوسرا زخمی ہوگیا تھا۔

    یاد رہے کہ گزشتہ سال 17 نومبر کو کوئٹہ میں نامعلوم مسلح افراد کی گاڑی پر فائرنگ کے نتیجے میں ایس پی محمد الیاس اہلیہ، بیٹا اور بھائی سمیت شہید جبکہ پوتی زخمی ہوگئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بلوچستان کے علاقے حب میں فائرنگ،3افراد جاں بحق

    بلوچستان کے علاقے حب میں فائرنگ،3افراد جاں بحق

    حب : صوبہ بلوچستان کے علاقے حب میں آج صبح نامعلوم ملزمان نے ایک ہی خاندان کے3 افراد کو گھر میں گھس کر قتل کردیا۔

    تفصیلات کے مطابق پولیس کا کہنا ہے کہ حب سٹی تھانہ کی حدود میں اشوک پمپ کے قریب گھر سے میاں بیوی اور ان کے ایک سالہ بچے کی لاشیں ملیں،جنہیں نامعلوم ملزمان نے گھر کے اندر فائرنگ کرکے قتل کیا۔

    پولیس کے مطابق ابتدائی کارروائی کے بعد لاشیں سول اسپتال منتقل کر دی گئیں۔ پولیس تہرے قتل کی اس واردات کی وجوہات جاننے کیلئے چھان بین کر رہی ہے۔

    مزید پڑھیں: بلوچستان کے ضلع ہرنائی میں فائرنگ،4افراد جاں بحق

    یاد رہے گزشتہ ماہ بلوچستان کےضلع ہرنائی میں گھر کے اندر نامعلوم افراد کی فائرنگ سے باپ بیٹے سمیت چار افراد جاں بحق اور دو افراد زخمی ہوگئے تھے۔

    مزید پڑھیں: بلوچستان میں فائرنگ،3سیکورٹی اہلکار جاں بحق

    واضح رہے کہ گزشتہ ہفتے صوبہ بلوچستان کے ضلع مستونگ میں فائرنگ کے دو مختلف واقعات میں تین سکیورٹی اہلکار جان کی بازی ہار گئے تھے۔

  • نامعلوم افراد بینرز لگا رہے ہیں،اللہ ان کو ہدایت دے،فاروق ستار

    نامعلوم افراد بینرز لگا رہے ہیں،اللہ ان کو ہدایت دے،فاروق ستار

    کراچی: ایم کیوایم پاکستان کے رہنماءفاروق ستار کا کہنا ہے کہ کراچی میں نامعلوم افراد بینرز لگا رہے ہیں،ان کا پتہ لگا کر سدباب کرنا چاہیے۔

    تفصیلات کےمطابق شہر کے مختلف علاقوں میں متحدہ بانی کے حق میں بینرز لگا دیے گئے ہیں جن پر تحریر درج ہے کہ ”جو قائد کا غدار ہے، وہ موت کا حقدار ہے۔“

    ایم کیو ایم پاکستان کے رہنماءفاروق ستار نے راشد منہاس شہید کی قبر پر حاضری اور پھولوں کی چادر چڑھانے کے بعد میڈیا سے گفتگو کرتے ہوئے کہا کہ کراچی میں نامعلوم افراد بینرز لگا رہے ہیں، اللہ ان نامعلوم افراد کو ہدایت دے۔

    انہوں نے کہا کہ ان نامعلوم افراد کا سدباب ہونا چاہیے کیونکہ یہ معمہ حل نہ ہونے تک کراچی کے معاملات حل کرنے میں مشکل ہو گی۔

    اس موقع پر انہوں نے پاک فضائیہ کی صلاحیتوں کی تعریف کرتے ہوئے کہا کہ پاک فضائیہ دنیا کی بہترین فضائیہ میں سے ہے.ہمیں پاکستان کو مضبوط بنانا ہے اور اپنے معیار کو بہتر سے بہتر بنانا ہے۔

    ان کا مزید کہنا تھا کہ ہیروز کو یاد نہ رکھنے والی قومیں مضبوط نہیں ہوتیں.شہر میں دیرپا اور پائیدار امن قائم کرنے کےلیے شہریوں کو اونرشپ دینی پڑے گی۔

  • گجرات میں فائرنگ سےماں،باپ سمیت 5افراد جاں بحق

    گجرات میں فائرنگ سےماں،باپ سمیت 5افراد جاں بحق

    گجرات : صوبہ پنجاب کے شہر گجرات کےگاؤں معین الدین پورمیں نامعلوم افراد کی فائرنگ سے ماں،باپ اور تین بچوں سمیت 5افرادجاں بحق ہوگئے .

    تفصیلات کے مطابق گجرات کےگاؤں معین الدین پورمیں نامعلوم افراد کی فائرنگ سے ماں،باپ اور تین بچوں سمیت پانچ افراد جان کی بازی ہار گئے.

    پولیس کےمطابق فائرنگ کا واقعہ گاؤں معین الدین پورمیں پیش آیا جب نامعلوم افراد نے گھرمیں گھس کر فائرنگ کردی.

    فائرنگ کی وجہ سے گھر میں تسور حسین، ان کی بیوی اور تین بچے جاں بحق ہوگئے،جاں بحق ہونےوالوں کی عمریں بارہ سے سترہ سال کےدرمیان ہیں.

    پولیس کا کہناہےکہ واقعے کی تحقیقات کی جارہی ہیں تاہم اب تک ملزمان کی گرفتاری عمل میں نہیں لائی جاسکی.

    *بلوچستان میں فائرنگ کےدو واقعات میں5افرادجاں بحق

    یاد رہے کہ گزشتہ دنوں بلوچستان کے ضلع آواران کے علاقے جھاؤ میں نامعلوم مسلح افراد نے ایک گھر کے اندر گھس کر فائرنگ کی جس کےنتیجے میں ایک ہی خاندان کے تین افراد جان کی بازی ہارگئے، مرنے والوں میں ایک کمسن بچہ بھی شامل تھا.

    اسی طرح آواران سے متصل ضلع کیچ کے علاقےزعمران میں نامعلوم موٹر سائیکل سواروں کی فائرنگ سےلیویز فورس کاایک اہلکار جان کی بازی ہار گیاتھا

    *بلوچستان میں فائرنگ،ہندو تاجر ہلاک

    واضح رہے کہ دو روز قبل صوبہ بلوچستان کے افغانستان سے متصل سرحدی شہر چمن میں نامعلوم مسلح افراد کی فائرنگ سے ایک ہندو تاجر ہلاک ہوگیاتھا.

  • بلوچستان میں فائرنگ،ہندو تاجر ہلاک

    بلوچستان میں فائرنگ،ہندو تاجر ہلاک

    کوئٹہ : صوبہ بلوچستان کے افغانستان سے متصل سرحدی شہر چمن میں نامعلوم مسلح افراد کی فائرنگ سے ایک ہندو تاجر ہلاک ہوگیا.

    تفصیلات کے مطابق ہندو تاجر سنتوش کمہار تاج روڈ پر اپنی دکان پر بیٹھے تھے کہ نامعلوم مسلح افراد آئے اور ان پر فائرنگ کر دی جس کے نتیجے میں ہندو تاجر جان کی بازی ہار گیا.

    ہندو تاجر کو ہلاک کرنے کے بعد نامعلوم مسلح حملہ آور فرار ہونے میں کامیاب ہوگئے.

    انجمن تاجران کے صدر محمد صادق اچکزئی کا کہنا تھا کہ اس واقعہ کے خلاف شہر میں تجارتی مراکز بطور احتجاج بند ہو گئے جبکہ تاجروں اور سیاسی رہنماؤں کے علاوہ ہندو برادری نے ڈپٹی کمشنر کے دفتر کے باہر احتجاج بھی کیا.

    انجمن تاجران کے صدر نے بتایا کہ سنتوش کمہار کو ہر سال بھتہ دینے کے حوالے سے دھمکیاں بھی ملتی تھیں.

    یاد رہے کہ چمن شہر میں بد امنی کے دیگر واقعات کے علاوہ اغوا برائے تاوان کے واقعات میں اضافہ ہوا ہے.

    *کوئٹہ: بلوچستان کے شہر چمن سے سینیئر ڈاکٹر اغوا

    واضح رہےکہ گزشتہ دنوں سول اسپتال چمن کے میڈیکل سپرنٹنڈنٹ کے بیٹے کو اغوا کیا گیا جبکہ کہ گذشتہ ماہ ریلوے اسپتال کے ایم ایس کو بھی اغوا کیا گیا تھا.

  • بلوچستان میں فائرنگ کےدو واقعات میں5افرادجاں بحق

    بلوچستان میں فائرنگ کےدو واقعات میں5افرادجاں بحق

    کوئٹہ :صوبہ بلوچستان کے دو مختلف علاقوں میں فائرنگ کے واقعات میں لیویز فورس کے ایک اہلکار سمیت پانچ افرادجاں بحق ہوگئے.

    تفصیلات کے مطابق بلوچستان کے ضلع آواران کے علاقے جھاؤ میں نامعلوم مسلح افراد نے ایک گھر کے اندر گھس کر فائرنگ کی جس کےنتیجے میں ایک ہی خاندان کے تین افراد جان کی بازی ہارگئے، مرنے والوں میں ایک کمسن بچہ بھی شامل ہے.

    ذرائع کے مطابق مارے جانے والے افراد کو کسی سے کوئی دشمنی نہیں تھی،گزشتہ چند ماہ کے دوران آواران میں گھروں کے اندر گھس کر لوگوں کو ہلاک کرنے کے متعدد واقعات میں اضافہ ہواہے.

    *بلوچستان کے ضلع ہرنائی میں فائرنگ،4افراد جاں بحق

    دوسری جانب آواران سے متصل ضلع کیچ کے علاقےزعمران میں نامعلوم موٹر سائیکل سواروں کی فائرنگ سےلیویز فورس کاایک اہلکار جان کی بازی ہار گیا.

    *بلوچستان کے دارالحکومت کوئٹہ اور آوران میں فائرنگ،بچی سمیت دو افراد جاں بحق

    کیچ ہی کے علاقے کپکپار میں نامعلوم مسلح افراد نے مچھلی فروش کو قتل کیا.ذرائع کا کہنا تھا کہ اس واقعے کے محرکات تاحال معلوم نہیں ہوسکے.

    واضح رہے کہ آواران اور کیچ کا شمار بلوچستان کے ان علاقوں میں ہوتا ہے جو کہ شورش سے زیادہ متاثر ہیں.