Tag: نان فائلرز

اسلام آباد: ایف بی آر کی جانب سے اب تک نان فائلرز کی موبائل سمز بلاک کرنے کی تفصیلات سامنے آگئیں۔

تفصیلات کے مطابق ایف بی آر کی جانب سے نان فائلرز کے خلاف کارروائی جاری ہے ، حکام نے بتایا کہ اب تک 1لاکھ 5 ہزار نان فائلرز کی موبائل سمز مرحلہ وار بلاک کی جاچکی ہے۔

ایف بی آر کا کہنا تھا کہ روزانہ کی بنیاد پر 5 ہزار افراد کا ڈیٹا ٹیلی کام آپریٹرز کوبھیجا جارہا ہے۔

حکام نے مزید بتایا کہ انکم ٹیکس گوشوارےداخل کرانےپر18ہزار902افرادکی سمز بحال بھی کی گئی ،ٹیکس قوانین پرعملدرآمد کے بعد صارفین کی موبائل سمزبحال کی گئیں۔

مزید پڑھیں : 85 ہزار نان فائلرز افراد کی سمز بند ہوگئیں

، ایف بی آر نے کہا کہ ابتدائی فہرست میں5 لاکھ 6 ہزار 671 بڑے نان فائلرز کی نشاندہی کی گئی،انکم ٹیکس جنرل آرڈرکےتحت موبائل سمزبلاک کی جارہی ہیں۔

حکام نے بتایا کہ ٹیکس فائلرز کی سم بلاک کرنے کا کوئی نظام نہیں، ٹیکس فائلرز کی سم بلاک کرنے کی خبروں میں صداقت نہیں ہے۔

اسلام آباد : فیڈرل بورڈ آف ریونیو (ایف بی آر) نے نان فائلرز کی جانب سے ٹیکس گوشوارے جمع کرانے پر 7 ہزار 167 موبائل سمز بحال کر دیں۔

تفصیلات کے مطابق نان فائلرز کی موبائل سمز بلاک کرنے کے معاملے پر ایف بی آر کی جانب سے نان فائلرز کیخلاف کاروائی کے مثبت اثرات شروع ہوگئے۔

ذرائع ایف بی آر نے بتایا ہے کہ سمز بلاک کرنے کے معاملے پر 7 ہزار 167 افراد کی سمیں بحال کر دی گئیں ہیں ، ان افراد کی جانب سے ٹیکس گوشوارے جمع کرانے پر سمز بحال کی گئیں۔

ذرائع کا کہنا ہے کہ اب تک 65 ہزار نان فائلر کا ڈیٹا ٹیلی کام کمپنیوں سے شیئر کیا گیا اور ٹیلی کام کمپینوں کو ان نان فائلرز کی موبائل سمز بلاک کرنے کی ہدایت کی گئی ۔

ذرائع نے کہا کہ مجموعی طور پر 5 لاکھ 6 ہزار 671 نان فائلرز کی فہرست تیار کی گئی تھی ،انکم ٹیکس جنرل آرڈر کے تحت ان افراد کی سمز بتدریج بند کرنے کا فیصلہ ہوا تھا۔

اسلام آباد : موبائل اور ڈیٹا لوڈ پر اضافی ٹیکس وصولی کی تیاری کرلی گئی اور ڈیٹا پی ٹی اے حوالے کردیا گیا تھا۔

تفصیلات کے مطابق نان فائلرز کی موبائل سمز بند کرنے کا معاملہ تنازعات کا شکار ہے تاہم اب نان فائلزز کیخلاف 15 مئی کے بعد متبادل کارروائیوں پرغور کیا جارہا ہے۔

نان فائلرز کی سم پر 2.5 فیصد اضافی ٹیکس اور سم بندنہ ہونے پراضافی ودہولڈنگ ٹیکس پر غور ہورہا ہے۔

ہر بار لوڈ کرانے پر اضافی ٹیکس وصول کرنے اور موبائل اور ڈیٹا لوڈپر اضافی ٹیکس لانے پر بھی غور کیا جارہا ہے، اس سلسلے میں نان فائلرز کاڈیٹا پی ٹی اے حوالے کردیا گیا تھا۔

یاد رہے ایف بی آر نے 15مئی تک نان فائلرز کی سمزبند نہ کرنے پر قانونی چارہ جوئی کا فیصلہ کیا ہے۔

5لاکھ سےزائد سمز نہ بندکرنےکیخلاف ٹیلی کام کمپنیوں کیخلاف عدالت جانے کا فیصلہ کیا گیا ہے۔

ذرائع نے بتایا ہے کہ پی ٹی اے، ٹیلی کام کمپنیوں کیخلاف اسلام آباد ہائیکورٹ میں درخواست دائرکی جائےگی، ایف بی آر نےدرخواست دائر کرنے کیلئے قانونی ٹیم سے مشاورت شروع کردی ہے۔

ایف بی آر ، وزارت خزانہ حکام پی ٹی اے اورٹیلی کام کمپنیوں کیخلاف درخواست دائر کرنے پر متفق ہیں۔

یاد رہے سمز بلاک کرنے پر ایف بی آر اور موبائل کمپنیوں میں مذاکرات ناکام ہو گئے تھے، ذرائع کا کہنا تھا کہ موبائل کمپنیوں کی جانب سے سمز بلاک کرنے سے انکار کیا گیا۔