Tag: نتائج کا اعلان

  • میٹرک امتحانات کے نتائج کا اعلان کر دیا گیا

    میٹرک امتحانات کے نتائج کا اعلان کر دیا گیا

    لاہور : میٹرک کے سالانہ امتحان 2023 کے نتائج کا اعلان کردیا گیا ، لاہور بورڈ میں کامیابی کا تناسب 74.57 فیصد رہا۔

    تفصیلات کے مطابق پنجاب بھر میں میٹرک کےامتحانات کےنتائج کا اعلان کر دیا گیا، نتائج کا اعلان سپیشل سیکرٹری ہائر ایجوکیشن آغا علی عباس نے پریس کانفرنس میں کیا۔

    لاہوربورڈ میں کامیابی کاتناسب 74.57 فیصد، فیصل آبادمیں81.76 فیصد ، ڈی جی خان بورڈ میں کامیابی کا تناسب 86.37 فیصد، بہاولپور میں82.70فیصد رہا۔

    اس کے علاوہ گوجرانوالہ بورڈ میں کامیابی کا تناسب 80.82فیصد ،ملتان میں 85فیصد ، راولپنڈی بورڈ میں کامیابی کا تناسب 77.20 فیصد، ساہیوال میں 78.76فیصد اور سرگودھا میں 82.82 فیصد رزلٹ رہا۔

    لاہور بورڈ میں 230915 امیدواران نے شرکت کی جن میں سے 172204 امیدوار نے کامیابی حاصل کی

    دوسری جانب راولپنڈی بورڈ نے بھی میٹرک کے سالانہ امتحانات 2023 کے نتائج کا اعلان کر دیا ہے، راولپنڈی بورڈ کے مطابقمیٹرک کے سالانہ امتحانات میں 89184 امیدوار کامیاب ہوئے۔

    راولپنڈی بورڈ کا کہنا ہے کہ طلبا میں کامیابی کی شرح 71.42 فیصد اور طالبات کی 83.11 فیصد رہی۔

  • کامرس سال دوم کے امتحانی نتائج کا اعلان ہو گیا

    کامرس سال دوم کے امتحانی نتائج کا اعلان ہو گیا

    کراچی: کامرس سال دوم (ریگولر گروپ) کے سالانہ امتحانی نتائج کا اعلان ہو گیا۔

    تفصیلات کے مطابق اعلیٰ ثانوی تعلیمی بورڈ نے کامرس ریگولر گروپ سال دوم کے سالانہ امتحانی نتائج کا اعلان کر دیا، پہلی تینوں پوزیشنیں طالبات لے اڑیں۔

    ناظم امتحانات انور علیم راجپوت کے مطابق کامکس کالج کی لائبہ علی نے 93.9 فی صد نمبر لے کر پہلی پوزیشن حاصل کی، دوسری پوزیشن کامکس کالج ہی کی طوبیٰ عمیر نے 92.82 فی صد نمبر لے کر حاصل کی۔

    ناظم امتحانات کے مطابق تیسری پوزیشن کامکس کالج ہی کی سیدہ نذل عدنان نے 92.62 فی صد نمبر لے کر حاصل کی۔

    کامرس گروپ کے سالانہ امتحانات میں 44 ہزار 114 طلباہ شریک ہوئے، جن میں سے 26 ہزار 151 طلبہ تمام پرچوں میں کامیاب قرار پائے۔

    ناظم امتحانات انور علیم راجپوت کے مطابق امتحانات میں کامیابی کا تناسب 60.30 فی صد رہا۔

    چیئرمین انٹرمیڈیٹ بورڈ پروفیسر سعید الدین نے نتائج کے حوالے سے کہا کہ کرونا کی وبا کے دوران رزلٹ اچھا رہا، بچوں کو پاس کرنا مجبوری تھی، اب بچوں نے بڑی محنت کی اور رزلٹ ساٹھ فی صد آیا ہے۔

    انھوں نے بتایا کہ سرکاری کالجز کا کوئی بھی طالب علم پوزیشن نہ لے سکا، انٹر بورڈ میں ہم منیجمنٹ گروپ بنا رہے ہیں، کامرس گروپ میں نصاب کی تبدیلی کی ضرورت ہے۔

  • اسکالر شپس امتحانات کے نتائج کا اعلان

    اسکالر شپس امتحانات کے نتائج کا اعلان

    اسلام آباد: اسکالر شپس امتحانات کے نتائج کا اعلان ہو گیا۔

    تفصیلات کے مطابق وفاقی نظامت تعلیمات نے پانچویں اور آٹھویں کے اسکالر شپ امتحانات کے نتائج کا اعلان کر دیا۔

    وفاقی نظامت تعلیمات کے مطابق پانچویں کا مجموعی نتیجہ 89.27 فی صد رہا، پانچویں میں 578 نمبر لے کر پہلی پوزیشن اسلام آباد ماڈل کالج ایف سکس ٹو کے ابریش فرقان نے حاصل کر لی۔

    574 نمبر لے کر دوسری پوزیشن علیشہ کامران اور کرن شہزادی نے حاصل کی، جب کہ 573 نمبر لے کر تیسری پوزیشن زرلش ایمان اور مناہل تبسیم نے حاصل کی۔

    آٹھویں کے اسکالر شپ امتحانات کے نتائج کی شرح 86.85 فی صد رہی، ماڈل کالج ایف ایٹ ون کی زارا ذوالفقار نے 681 نمبر لے کر آٹھویں میں پہلی پوزیشن حاصل کر لی۔

    دوسری اور تیسری پوزیشن کے لیے علی ٹرسٹ کے محمد انیس نے 681 نمبر، اجمل خان نے 675 نمبر، اور محمد صالح نے 674 نمبر حاصل کر لیے۔

    آٹھویں کے اسکالر شپ امتحانات میں سب سے زیادہ 53 اسکالر شپس علی ٹرسٹ نے حاصل کر لیں۔

    اسلام آباد کالج فار گرلز ایف سکس ٹو نے 11 اسکالر شپس، جب کہ ماڈل کالج فار بوائز جی نائن فور نے 10 اسکالر شپس حاصل کیں۔

  • انٹرمیڈیٹ سائنس اور میڈیکل ٹیکنالوجی کے امتحانات کے نتائج کا اعلان

    انٹرمیڈیٹ سائنس اور میڈیکل ٹیکنالوجی کے امتحانات کے نتائج کا اعلان

    کراچی: اعلیٰ ثانوی تعلیمی بورڈ کراچی نے انٹرمیڈیٹ سائنس پری میڈیکل اور میڈیکل ٹیکنالوجی گروپس کے سالانہ امتحانات برائے 2020 کے نتائج کا اعلان کر دیا۔

    اے آر وائی نیوز کے مطابق انٹرمیڈیٹ سائنس پری میڈیکل اور میڈیکل ٹیکنالوجی گروپس کے سالانہ امتحانات کے نتائج کا اعلان ہو گیا، پری میڈیکل گروپ کے امتحانات میں 25321 امیدوار رجسٹرڈ ہوئے جن میں سے 25297 امیدوار کامیاب قرار پائے جب کہ کام یابی کا تناسب 99.91 فی صد رہا۔

    میڈیکل ٹیکنالوجی کے امتحانات میں صرف ایک امیدوار رجسٹرڈ ہوا جس نے سی گریڈ میں کامیابی حاصل کی۔

    چیئرمین انٹر بورڈ پروفیسر انعام احمد نے بتایا کہ کو وِڈ 19 کی وجہ سے امسال امتحانات منعقد نہیں ہوئے بلکہ طلبہ کو پروموٹ کرنے کی حکومتی پالیسی پر عمل کرتے ہوئے تمام طلبہ کو گیارہویں جماعت کے حاصل کردہ نمبروں کے مطابق بارہویں جماعت کے پرچوں میں نمبرز دیے گئے، بارہویں جماعت کے پرچوں میں 3 فی صد اضافی نمبرز دیے گئے۔

    ناظم امتحانات شجاعت ہاشمی نے نتائج کی تفصیلات بتاتے ہوئے کہا کہ انٹرمیڈیٹ سائنس پری میڈیکل گروپ کے سالانہ امتحانات برائے 2020 کے امتحانات میں 1631 امیدواروں نے اے ون گریڈ جب کہ 3534 نے اے گریڈ حاصل کیا۔

    4309 میدواروں نے بی گریڈ، 4165 امیدواروں نے سی گریڈ، 7624 امیدواروں نے ڈی گریڈ، 3965 امیدواروں نے ای گریڈ حاصل کیا جب کہ 69 امیدوار صرف پاس قرار پائے۔

    یاد رہے کہ اس سال پروموشن پالیسی کے مطابق طلبہ کو پوزیشنز نہیں دی گئی ہیں، نتائج کے اعلان کے فوری بعد ہی بورڈ کی ویب سائٹ پر یہ نتائج اپ لوڈ کر دیے گئے ہیں۔ امیدوار اپنے مجموعی نمبرز اعلیٰ ثانوی تعلیمی بورڈ کراچی کی آفیشل اینڈرائڈ ایپ پر بھی دیکھ سکتے ہیں۔ اس اینڈرائڈ ایپ کو گوگل پلے اسٹور پر BIEK کے نام سے سرچ کر کے موبائل میں انسٹال کیا جا سکتا ہے۔

  • الیکشن کمیشن کا قومی اسمبلی کی270 نشستوں پرنتائج کا اعلان

    الیکشن کمیشن کا قومی اسمبلی کی270 نشستوں پرنتائج کا اعلان

    اسلام آباد: الیکشن کمیشن آف پاکستان نے قومی اسمبلی کی 270 نشتوں کے نتائج جاری کردیے جس کے مطابق تحریک انصاف قومی اسمبلی میں 115 نشتوں کے ساتھ سرفہرست ہے۔

    تفصیلات کے مطابق الیکشن کمیشن آف پاکستان کی جانب سے قومی اسمبلی کے270، پنجاب کے 295، سندھ کے 129، خیبرپختونخواہ کے 97 اوربلوچستان کی 50 نشتوں کےحتمی نتائج کا اعلان کیا گیا۔

    الیکشن کمیشن کے جاری کردہ نتائج کے مطابق قومی اسمبلی اور خیبرپختونخواہ اسمبلی میں تحریک انصاف پنجاب اسمبلی میں مسلم لیگ ن، سندھ اسمبلی میں پیپلزپارٹی جبکہ بلوچستان اسمبلی میں بلوچستان عوامی پارٹی کو برتری حاصل ہے۔

    دوسری جانب پنجاب اسمبلی میں پاکستان تحریک انصاف اور مسلم لیگ ن کے درمیان کانٹے کا مقابلہ ہے۔

    الیکشن کمیشن کے اب تک کے جاری کردہ نتائج کے مطابق پنجاب اسمبلی میں ن لیگ کو 129 اور تحریک انصاف کو 123 جبکہ آزاد امیدواروں کو 28 نشتیں ملی ہیں۔

    عمران خان کا خطاب، متوقع پالیسیوں پر اظہار خیال

    واضح رہے کہ گزشتہ روز پاکستان تحریک انصاف کے سربراہ عمران خان نے قوم سے اپنے خطاب میں کہا تھا کہ ان کی حکومت میں احتساب خود ان سے شروع ہوگا۔

    عمران خان کا یہ بھی کہنا تھا کہ سیاسی حلقوں کو جن حلقوں کے نتائج پراعتراض ہے، ان کو کھلوا دیں گے، جہاں دھاندلی کا کہا جا رہا ہے، وہاں تحقیقات کرانے کے لیے تیار ہیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انٹرمیڈیٹ کراچی نے کامرس گروپ کے نتائج کا اعلان کردیا

    انٹرمیڈیٹ کراچی نے کامرس گروپ کے نتائج کا اعلان کردیا

    کراچی: اعلیٰ ثانوی تعلیمی بورڈ نے انٹرمیڈیٹ سال دوم کامرس ریگولر و پرائیویٹ کے سالانہ امتحانات برائے 2016ء کے نتائج کا اعلان کردیا۔

    ناظم امتحانات محمد عمران خان چشتی کے مطابق امتحانات میں تینتالیس ہزار دوسو بیس بچوں نے شرکت کی تاہم ں کامیاب ہونے والے امیدواروں کا تناسب 43 فیصد رہا، کامرس ریگولر گروپ میں پہلی پوزیشن ڈی اے ڈگری کالج برائے خواتین، فیز8 کی طالبہ عائشہ آصف بنت آصف یوسف نے 954 لے کر حاصل کی۔

    کامرس ریگولر گروپ میں دوسری پوزیشن ڈی اے ڈگری کالج برائے خواتین فیز 8 کی طالبہ عائشہ مبشر بنت مبشر نے 936 نمبر حاصل کر کے کی جبکہ تسیری پوزیشن تابانیز کالج کے طالب علم محمد اسحاق ولد آفتاب احمد نے 931 نمبر لے کر کی۔

    کامرس پرائیوٹ گروپ میں محمد مزمل ولد مصدق پاشا نے 836 نمبر لے کر پہلی پوزیشن حاصل کی جبکہ دوسری پوزیشن فائزہ رؤف بنت محمد رؤف احمد نے 884 نمبر لے کر حاصل کی اور تیسری پوزیشن 840 نمبر حاصل کرنے والی طالبہ ثنا بنت محمد سکندر  نے حاصل کی۔

    انٹرمیڈیٹ کامرس گروپ ریگولر کے نتائج دیکھنے کے لیے یہاں کلک کریں

    انٹرمیڈیٹ کامرس گروپ پرائیوٹ کے نتائج دیکھنے کے لیے یہاں کلک کریں

     

  • کراچی انٹربورڈ میں کرپشن: لاکھوں طلبہ کا مستقبل داؤ پر لگ گیا

    کراچی انٹربورڈ میں کرپشن: لاکھوں طلبہ کا مستقبل داؤ پر لگ گیا

    کراچی : انٹربورڈ کراچی میں کرپشن کے انکشاف سے لاکھوں طلبہ کا مستقبل داؤ پر لگ گیا ۔ نتائج کا اعلان کب ہوگا اب تک کوئی حتمی تاریخ نہ دی جاسکی۔

    تفصیلات کے مطابق کراچی انٹر بورڈ میں اینٹی کرپشن کے چھاپے کے بعد لاکھوں طلبہ کا مستقبل داؤ پر لگ گیا ۔میڈیکل یونیورسٹی میں داخلے قریب ہیں اور امتحانی نتائج کا کچھ پتہ نہیں۔

    انٹر بورڈ ذرائع کے مطابق نتائج اینٹی کرپشن کی کارروائی کے بعد مشکوک ہوچکے ہیں، پانچ دن تک امتحانی کاپیوں اور دیگر متعلقہ ریکارڈ بغیر اجازت اور مشیر نامہ کے بغیر بورڈز سے لے جایا گیا۔

    امتحانی کاپیاں ایوارڈ لسٹ ،ٹیبولیشن رجسٹرڈ اور دیگر ریکارڈ لے جانے کے عمل نے نتائج کو تاخیر کا شکار بنادیا۔

    نتائج کے مشکوک عمل نے میڈیکل انجینئرنگ یونیورسٹی کالجز اور دوسرے صوبوں میں داخلے کے خواہش مند امیدواروں کو بھی مایوسی کا شکار کردیا۔

     

  • کراچی: نویں جماعت سائنس گروپ کے نتائج کا اعلان

    کراچی: نویں جماعت سائنس گروپ کے نتائج کا اعلان

    کراچی : کراچی میٹرک بورڈ نے نویں جماعت سائنس کے سالانہ امتحانات کے نتائج کا اعلان کردیا ہے.

    نویں جماعت کے سائنس گروپ کےامتحانات 2014 میں ایک لاکھ 36ہزار29 امیدواروں نے رجسٹریشن حاصل کی، ایک لاکھ 34ہزار22 امیدواروں نے امتحانات میں شرکت کی جس میں سے 2307 امیدوارغیر حاضررہے .

    تمام پانچ پرچوں 93 ہزار787 امیدواروں نے کامیابی حاصل کی، چارپرچوں میں 21689امیدوار کامیابی حاصل کرسکے ، تین پرچوں میں9799 امیدوارکامیاب ہوئے۔

    اسی طرح دو پرچوں میں 4688امیدوار پاس ہوئے جبکہ ایک پرچے میں 2344 امیدوار کامیاب ہوئے امتحانات میں پانچ پرچوں میں کامیابی حاصل کرنے والے امیدوارں کا تناسب 69.98فیصد، چارپرچوں میں 16.18فیصد، تین پرچوں میں 7.31 فیصد، دوپرچوں میں 3.50فیصد،جبکہ ایک پرچے میں کامیابی حاصل کرنے والوں کا تناسب 1.75فیصد رہا۔

  • سندھ اور پنجاب بورڈ نے میٹرک کے امتحانات کے نتائج کا اعلان

    سندھ اور پنجاب بورڈ نے میٹرک کے امتحانات کے نتائج کا اعلان

    کراچی : سندھ اور پنجاب بورڈ نے میٹرک کے امتحانات کے نتائج کا اعلان کردیا۔

    کراچی ،لاہور، ملتان ، سرگودھا اور فیصل آباد کے میڑک کے امتحانات کے نتائج کا اعلان کردیا گیا، کراچی میں جنرل گروپ کے نتائج میں 25648 امیدواروں نے حصہ لیا، جنرل گروپ میں کامیابی کا تناسب55.18رہا، جنرل گروپ میں پوزیشن حاصل کرنے والی تینوں طلبا حافظہ ہیں ۔ پہلی حافظہ اسنی، دوسری حافظہ لبابہ مستقیم اور تیسری پوزیشن حافظہ غانیہ وقار نے حاصل کی ۔

    سائنس گروپ میں 137031 امیدواروں نے حصہ لیا، کامیابی کا تناسب 70.15فیصد رہا، جس میں مروا تنویر نے پہلی ،دوسری ماہ نوررحمان اور تیسری پوزیشن سعد خالد نے حاصل کی۔

    لاہورتعلیمی بورڈ کے زیراہتمام میٹرک کے سالانہ امتحانات میں ایک لاکھ پچاسی ہزار امیدواروں نے حصہ لیا تھا، جن میں سے ایک لاکھ 24 ہزار 343 نے کامیابی حاصل کی ہے۔ اس طرح کامیابی کا تناسب 66.94 فیصد رہا،  گورنمنٹ ہائی سکول کاہنہ قصور کے اسامہ قمر نے پہلی، پاک گریژن سکول ننکانہ کے علی حسنین اور کریسنٹ ہائی سکول اقبال ٹاؤن لاہور کی سجیحہ اشرف نے دوسری جبکہ سوسائٹی گرلز ہائی سکول مغلپورہ لاہور کی رمیشا اسلم نے تیسری پوزیشن حاصل کی۔

    فیصل آباد میں امتحانات میں ایک لاکھ23 ہزارامیدواروں نے حصہ لیا۔ کنڑولر امتحانات ڈاکٹر ظفر اقبال کے مطابق امتحانات میں36 ہزار300 امیدوار ناکام ہوئے، سرگودہا میں تعلیمی بورڈ میٹرک کے امتحان میں طلباء وطالبات کی کامیابی کاتناسب  68فیصدرہا جبکہ فیصل آباد میں یہ تناسب70 فیصدرہا۔

    گوجرانوالہ میں میٹرک کے امتحانات میں کامیابی کا تناسب70 فیصد رہا،تعلیمی بورڈ کے مطابق پہلی پوزیشن حاصل کر نے والی3 طلبات ہیں، پہلی پوزیشن ردا مریم نے1068دوسری پوزیشن کشف ظفرکے1065تیسری پوزیشن ہادیہ اختر1064نے نمبر حاصل کئے۔

    ملتان میں اسامہ ارشد اور صہیب رحمان نے 1068 نمبر حاسل کرکے پہلی پوزیشن لے لی ، ماحسن ارشد رانا نے 1067 نمبر حاصل کرکے دوسری پوزیشن حاصل کی ، محمد تیمور عبدا للہ ، انزل اشفاق ، محمود اسمعیل نئیر نے 1060 نمبر حاصل کرکے تیسری پوزیشن حاصل کی امتحانات میں کل 74565 امیدواروں نے شرکت اور پاس ہونے والے 52448 امیدوار ہے۔