Tag: نتائج

  • الیکشن کمیشن نے سینیٹ انتخابات کے نتائج جاری کردیے

    الیکشن کمیشن نے سینیٹ انتخابات کے نتائج جاری کردیے

    اسلام آباد: الیکشن کمیشن آف پاکستان نے سینیٹ الیکشن 2018 کے نتائج جاری کردیے جس کے مطابق سینیٹ میں مسلم لیگ ن کے حمایت یافتہ امیدواروں کی تعداد 33 ہوگئی۔

    تفصیلات کے مطابق الیکشن کمیشن نے سینیٹ انتخابات کے نتائج جاری کردیے جس کے مطابق مسلم لیگ ن کے حمایت یافتہ امیدواروں کی تعداد 33 ہوگئی، پاکستان پیپلزپارٹی 20 نشستوں کے ساتھ دوسرے نمبرپرجبکہ پی ٹی آئی 12 سیٹوں کے ساتھ سینیٹ میں تیسری پوزیشن پرہے۔

    الیکشن کمیشن کے مطابق سینیٹ میں 15 نشستیں آزادا میدواروں کے پاس ہیں، ایم کیوایم کی 5، جمعیت علمائےاسلام ف کی سینیٹ میں 4 نشستیں، نیشنل پارٹی اورپشتونخوامیپ کی بھی سینیٹ میں 5،5 نشتیں ہیں۔


    سینیٹ انتخابات: ن لیگ کے حمایت یافتہ 15، پیپلزپارٹی کے 12امیدوار کامیاب


    الیکشن کمیشن کے جاری کردہ نتائج کے مطابق مسلم لیگ فنکشنل، اےاین پی کی سینیٹ میں ایک ایک سیٹ ہے جبکہ جماعت اسلامی کی2، بی این پی مینگل کی سینیٹ میں ایک نشست ہے۔

    واضح رہے کہ چیئرمین اور ڈپٹی چیئرمین کے لیے کسی بھی جماعت کو کم ازکم 53 ووٹ درکار ہیں جس کے لیے سیاسی جوڑ توڑ کا سلسلہ شروع ہوگیا ہے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔

  • پی ٹی آئی کےارباب عامر45 ہزار734ووٹ لےکرکامیاب قرار‘ الیکشن کمیشن

    پی ٹی آئی کےارباب عامر45 ہزار734ووٹ لےکرکامیاب قرار‘ الیکشن کمیشن

    اسلام آباد: الیکشن کمیشن نے قومی اسمبلی کے حلقہ این اے 4 کے ضمنی انتخاب کےغیرحتمی نتائج جاری کردیے جس کے مطابق پاکستان تحریک انصاف کے امیدوار 45 ہزار734ووٹ لےکرکامیاب ہوئے۔

    تفصیلات کے مطابق الیکشن کمیشن آف پاکستان کی جانب سے این اے 4 کے ضمنی الیکشن کے غیر حتمی نتائج کے مطابق پاکستان تحریک انصاف کے امیدوارباب عامر45 ہزار734ووٹ لےکرکامیاب ہوئے۔

    عوامی نیشنل پارٹی کے امیدوار خوشدل خان 24 ہزار 874 ووٹ لے کر دوسرے جبکہ مسلم لیگ ن کے امیدوار ناصر خان موسیٰ زئی 20 ہزار 790 ووٹ کے ساتھ تیسرےنمبرپر رہے۔


    این اے 4 ضمنی انتخاب: تحریک انصاف نے میدان مارلیا


    پاکستان پیپلزپارٹی کے امیدوار اسد گلزار 13 ہزار 200 ووٹوں کے ساتھ چوتھے جبکہ تحریک لبیک پاکستان کے امیدوار ڈاکٹرعلامہ محمد شفیق 9 ہزار 935 ووٹ لے کر پانچویں اور جماعت اسلامی کے امیدوار واصل طارق 7 ہزار 668 ووٹ لے کر چھٹے نمبر پر رہے۔

    الیکشن کمیشن کے مطابق حلقے میں ایک لاکھ 33 ہزار960 ووٹ ڈالے گئے جن میں سے 2 ہزار662 ووٹ مسترد جبکہ ایک لاکھ 31 ہزار 298 ووٹ درست قرار پائے۔

    واضح رہے کہ الیکشن کمیشن آف پاکستان کے مطابق حلقے میں رجسٹرڈ ووٹرزکی تعداد 3لاکھ 37 ہزار 904 ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دسویں (آرٹس) اور خصوصی طلبہ کے امتحانات کے نتائج کا اعلان

    دسویں (آرٹس) اور خصوصی طلبہ کے امتحانات کے نتائج کا اعلان

    کراچی: ثانوی تعلیمی بورڈ کراچی نے سیکنڈری اسکول سرٹیفکیٹ سال دوئم (دسویں کلاس) ہومینٹرز (آرٹس گروپ) اور خصوصی طلبہ کے سالانہ امتحانات برائے سال 2016 کے نتائج کا اعلان کردیا۔ میٹرک بورڈ میں تمام پوزیشن طالبات نے حاصل کیں۔

    تفصیلات کے مطابق انٹر بورڈ کے چیئرمین انوار احمد زئی نے نتائج کا اعلان کیا۔

    دونوں شعبوں میں حسب معمول پہلی 3 پوزیشنز خواتین نے حاصل کیں۔ میٹرک آرٹس گروپ میں ایمن بلوچ نے پہلی، علیشا نے دوسری اور حنا جاوید نے تیسری پوزیشن حاصل کی۔

    دوسری جانب خصوصی طلبہ کے سالانہ امتحانات میں وفا ناز نے پہلی، مبینہ خان نے دوسری اور ام ہانی نے تیسری پوزیشن حاصل کی۔

  • مسلم لیگ ن فوج کو سہولت کار اور تحریک انصاف ضمانتی بنانا چاہتی تھی، جاوید ہاشمی

    مسلم لیگ ن فوج کو سہولت کار اور تحریک انصاف ضمانتی بنانا چاہتی تھی، جاوید ہاشمی

    ملتان: جاوید ہاشمی کہتے ہیں کہ فوج کو سیاست میں لانے کی خواہش عمران کی تھی، دھرنے کی سیاست ناکام ہوچکی، سیاسی سفر جاری رکھوں گا،یوسف رضا گیلانی کا کہنا ہے کہ ہم تشدد کی سیاست کے حامی نہیں۔

    سابق وزریراعظم یوسف رضاگیلانی نے ملتان میں جاویدہاشمی سے ملاقات کی۔ اس موقع پر میڈیا سے گفتگومیں یوسف رضا گیلانی نے کہا کہ نومبر کے بعد تحریک انصاف کے احتجاج میں تشدد آیا تو قبول نہیں کریں گے، ملٹری آپریشن انتہا پسندی کا مستقل حل نہیں ہے۔ یوسف رضا گیلانی کاکہناتھا کہ انتخابی اصلاحات کے بغیر آئندہ انتخابات نہ کرائے جائیں۔

    اس موقع پر جاوید ہاشمی کا کہنا تھا کہ آرمی چیف کا نام سیاسی معاملات میں نہیں آنا چاہیے تھا، حکومت سے ہونے والے مذاکرات میں شامل تھا جمہوری جدوجہد کے حق میں ہوں، عدالتوں کو اپنے فیصلوں میں جمہوریت کی معاونت کرنا چاہیے۔ موجودہ صورتحال میں عمران خان کے ساتھ تعاون کیا جائے، عمران خان کو ملکی سیاست سے آوٹ نہیں کیا جا سکتا۔

  • نتائج کو کھلے دل سے تسلیم کروں گا،جاوید ہاشمی

    نتائج کو کھلے دل سے تسلیم کروں گا،جاوید ہاشمی

    ملتان: ضمنی الیکشن کے امیدوار مخدوم جاوید ہاشمی نے کہا ہے کہ میں نتائج کو کھلے دل سے تسلیم کروں گا اور حتمی نتائج آنے پر جیتنے والے امیدوار کومبارکباد دونگا۔

    ان خیالات کااظہار انہوں نے ملتان میں میڈیا سے گفتگو کرتے ہوئے کیا،جاوید ہاشمی نے کا کہنا تھا کہ میں طبیعت کی خرابی کے باعث اپنی انتخابی مہم نہیں چلا سکا ، البتہ جن لوگون نے مجھے ووٹ دیئےان کا شکرگزار ہوں۔

    انہوں نے کہا کہ اپنے علاج کے سلسلے میں چین جلد چین جاؤں گا، ان کا کہنا تھا کہ الیکشن سے یہ بات واضح ہوگئی کہ تبدیلی صرف ووٹ کے ذریعے ہی آئے گی کنٹینرز اور دھرنوں سے تبدیلی کا کوئی امکان نہیں۔ انہوں نے کہا کہ ہاربھی گیا تو کسی سے کوئی شکوہ نہیں ہے۔