ARYNews.tv | Urdu – Har Lamha Bakhabar

Tag: نتاشا

  • پانڈیا کی سابقہ اہلیہ نتاشا سربیا سے ممبئی پہنچ گئیں، ویڈیو سامنے آگئی

    پانڈیا کی سابقہ اہلیہ نتاشا سربیا سے ممبئی پہنچ گئیں، ویڈیو سامنے آگئی

    بھارتی کرکٹ ٹیم کے آل راؤنڈر ہاردیک پانڈیا کی سابقہ اہلیہ نتاشا اسٹینکووچ گزشتہ روز اپنے بیٹے آگستیا کے ساتھ بھارت کے شہر ممبئی پہنچ گئیں۔

    بھارتی میڈیا کا کہنا ہے کہ جوڑے کے درمیان طلاق کی کارروائی جاری ہے، سوشل میڈیا پوسٹ کے ذریعے گزشتہ جولائی میں دونوں نے علیحدگی کا اعلان کیا تھا جس کے بعد نتاشا سربیا روانہ ہوگئیں تھیں، سربیا میں ڈیڑھ ماہ قیام کے بعد اب وہ واپس ممبئی پہنچی ہیں۔

    بدھ کی شام ممبئی کے علاقے باندرہ میں 32 سالہ پرکشش ماڈل و اداکارہ کو دیکھا گیا جہاں پاپارازی فوٹو گرافرز نے انکی جانب سے پوز دینے پر تصاویر بنائیں۔

    دوسری جانب انکی اس طرح اچانک واپسی سے ہر ایک کی توجہ انکی جانب مبذول ہے۔

    ٹیسٹ میں 10 ہزار رنز نہ بنائے تو شرم کا مقام ہوگا! کوہلی کو ایسا کس نے کہا؟

    واضح رہے کہ ہاردیک پانڈیا اور بھارتی نژاد برطانوی گلوکارہ و ٹیلی ویژن پرسنالٹی جیسمین والیا کے ساتھ رومانی ملاقاتوں کی افواہیں بھی سامنے آرہی ہیں۔

  • نتاشا اسٹینکوویچ نے بھارت چھوڑنے کے بعد پہلی تصویر شیئر کردی

    نتاشا اسٹینکوویچ نے بھارت چھوڑنے کے بعد پہلی تصویر شیئر کردی

    بھارت کے ورلڈ کلاس آل راؤنڈر ہاردک پانڈیا کی اہلیہ نتاشا اسٹینکوویچ شوہر سے علیحدگی کے بعد بیٹے کے ہمراہ بھارت چھوڑ کر اپنے آبائی ملک سربیا روانہ ہوگئیں۔

    بھارتی میڈیا کے مطابق گزشتہ روز سربیئن ماڈل و اداکارہ نتاشا اسٹینکوویچ اپنے بیٹے کے ہمراہ ممبئی ائیرپورٹ پر موجود تھیں۔

    پانڈیا کی اہلیہ نے سوشل میڈیا پلیٹ فارم انسٹاگرام اسٹوری پر اپنا سامان پیک کرتے ہوئے ایک تصویر شیئر کی تھی، جس کے کیپشن سے مداحوں نے اندازہ لگایا تھا کہ نتاشا اپنے بیٹے کے ہمراہ آبائی ملک سربیا روانہ ہوگئی ہیں۔

    تاہم اب سربیئن ماڈل و اداکارہ نتاشا اسٹینکوویچ نے ایک تصویر شیئر کی ہے، جس میں غالباً وہ اپنے گھر میں موجود ہیں، جبکہ انہوں نے اس کے کیپشن میں لکھا ”ہوم سوئٹ ہوم“۔۔۔

    واضح رہے کہ پانڈیا اور سربیئن اداکارہ و ماڈل نتاشا اسٹینکوویچ کی مئی 2020 میں شادی ہوئی تھی، تاہم رواں سال مئی میں اس وقت ان کی علیحدگی کی خبریں سامنے آنے لگیں، جب نتاشا نے اپنے انسٹاگرام اکاؤنٹ پر نام کے ساتھ ’پانڈیا‘ کا نام ہٹا دیا تھا۔

    نتاشا کے آئی پی ایل 2024 کے میچز میں شریک نہ ہونے سے بھی دونوں کے درمیان علیحدگی کی افواہوں کو تقویت ملی تھی۔ تاہم اب دونوں کی جانب سے علیحدگی کی تصدیق کی جاچکی ہے۔

  • پانڈیا کی اہلیہ بیٹے کے ہمراہ بھارت چھوڑ گئیں، وجہ سامنے آگئی

    پانڈیا کی اہلیہ بیٹے کے ہمراہ بھارت چھوڑ گئیں، وجہ سامنے آگئی

    بھارت کے ورلڈ کلاس آل راؤنڈر ہاردک پانڈیا کی اہلیہ نتاشا اسٹینکوویچ طلاق کی افواہوں کے درمیان بیٹے کے ہمراہ بھارت چھوڑ کر روانہ ہوگئیں۔

    بھارتی میڈیا کا اس حوالے سے کہنا ہے کہ گزشتہ روز سربیئن ماڈل و اداکارہ نتاشا اسٹینکوویچ اپنے بیٹے کے ہمراہ ممبئی ائیرپورٹ پر موجود تھیں۔

    پانڈیا کی اہلیہ نے سوشل میڈیا پلیٹ فارم انسٹاگرام اسٹوری پر اپنا سامان پیک کرتے ہوئے ایک تصویر شیئر کی تھی، جس کے کیپشن سے مداحوں نے اندازہ لگایا کہ نتاشا اپنے بیٹے کے ہمراہ آبائی ملک سربیا روانہ ہوگئی ہیں۔

    بھارتی میڈیا کا یہ دعویٰ بھی سامنے آرہا ہے کہ بھارتی آل راؤنڈ پانڈیا کی اہلیہ نتاشا اپنے بیٹے کے ساتھ آبائی ملک سربیا چلی گئی ہیں۔

    واضح رہے کہ پانڈیا اور سربیئن اداکارہ و ماڈل نتاشا اسٹینکوویچ کی مئی 2020 میں شادی ہوئی تھی، تاہم رواں سال مئی میں اس وقت ان کی علیحدگی کی خبریں سامنے آنے لگیں، جب نتاشا نے اپنے انسٹاگرام اکاؤنٹ پر نام کے ساتھ ’پانڈیا‘ کا نام ہٹا دیا تھا۔

    نتاشا کے آئی پی ایل 2024 کے میچز میں شریک نہ ہونے سے بھی دونوں کے درمیان علیحدگی کی افواہوں کو تقویت ملی تھی۔

  • ہاردیک پانڈیا اور نتاشا کی طلاق کا ڈراپ سین ہوگیا

    ہاردیک پانڈیا اور نتاشا کی طلاق کا ڈراپ سین ہوگیا

    بھارتی کرکٹ ٹیم کے نائب کپتان ہاردیک پانڈیا کی اہلیہ نتاشا اسٹینکووچ کی طلاق کا ڈراپ سین ہوگیا۔

    فوٹو اینڈ ویڈیو شیئرنگ ایپ انسٹاگرام سے غائب کی گئی شادی کی تصاویر ہاردیک پانڈیا کی اہلیہ نتاشا اسٹینکووچ نے پھر سے ’ان آرکائیو‘ کردیں۔

    جنوری 2020 میں منگنی اور پھر 31 مئی 2020 کو شادی کے بندھن میں بندھنے والی معروف جوڑی کی طلاق کی خبریں گردش کررہی ہیں۔

    اگرچہ سوشل میڈیا پر اسٹار جوڑی کی طلاق کی خبریں گردش کرتی نظر آئیں مگر اسٹارز نے اس خبر کی تصدیق و تردید کرنے سے گریز کیا اور مداح تشویش میں مبتلا رہے۔

    تاہم اب پانڈیا کی اہلیہ نتاشا نے انسٹاگرام اکاؤنٹ سے ہٹائی گئی شادی کی تصاویر ان آرکائیو کردی ہیں جس کے بعد وہ ان کے اکاؤنٹ پر پھر سے دیکھی جاسکتی ہیں۔

    نتاشا اسٹینکووچ کے انسٹاگرام اکاؤنٹ پر اس پوسٹ کو واپس دیکھ کر سوشل میڈیا صارفین حیرانی میں مبتلا ہوگئے اور کمنٹ سیکشن میں تبصروں کا انبار لگادیا۔

    طلاق کی افواہیں، ہاردک پانڈیا کی اہلیہ نتاشا سے متعلق گفتگو کی ویڈیو وائرل

    واضح رہے کہ طلاق کی خبر سامنے آنے کے بعد بھارتی میڈیا میں یہ افواہیں زور پکڑ گئی تھیں کہ ہاردیک اور نتاشا اسٹینکووچ نے طلاق کا جھوٹا ڈراما کیا ہے تاکہ ہاردیک کی آئی پی ایل میں ناقص کارکردگی کو عوام نظر انداز کردے۔

  • طلاق کی افواہیں، پانڈیا کی اہلیہ نتاشا نے پہلی پوسٹ جاری کردی

    طلاق کی افواہیں، پانڈیا کی اہلیہ نتاشا نے پہلی پوسٹ جاری کردی

    بھارتی کرکٹ ٹیم کے نائب کپتان ہاردیک پانڈیا اور ان کی اہلیہ نتاشا اسٹینکووچ کے درمیان طلاق کی خبریں زیر گردش ہیں، ایسے میں نتاشا نے پہلی پوسٹ جاری کرکے سب کی توجہ حاصل کرلی ہے۔

    سوشل میڈیا پر بھارتی کرکٹ ٹیم کے جارح مزاج بلے باز پانڈیا اور نتاشا اسٹینکووچ کے درمیان طلاق کی افواہوں پر قیاس آرائیوں کا سلسلہ جاری ہے، جبکہ مداحوں نے دونوں اسٹارز کی سوشل میڈیا سرگرمیوں پر ساری توجہ مرکوز کر رکھی ہے۔

    جب سے دونوں اسٹارز کی طلاق کی افواہوں کا سلسلہ شروع ہوا ہے، اس وقت نتاشا اسٹینکووچ نے انسٹاگرام پر ایک مبہم اسٹوری شیئر کی تھی، جس میں لکھا تھا کہ ’کوئی سڑک پر آنے والا ہے‘۔

    اب پانڈیا کی اہلیہ نتاشا نے ایک بار پھر مداحوں کی دلوں کی دھڑکن کو بڑھاتے ہوئے انسٹاگرام پر ایک پوسٹ جاری کی ہے جس میں وہ لفٹ میں مرر سیلفی لیتی نظر آرہی ہیں۔

     

    View this post on Instagram

     

    A post shared by @natasastankovic__

    اس مرر سیلفی کو دیکھ کر سوشل میڈیا صارفین یہ اندازہ لگانے کی کوشش کررہے ہیں کہ نتاشا نے طلاق کی تردید کرنے کیلئے یہ پوسٹ جاری کیا ہے کیونکہ خبروں میں کہا جارہا ہے کہ نتاشا ہاردیک پانڈیا کا گھر چھوڑ کر چلی گئیں ہیں۔

    ہاردک پانڈیا سے طلاق کی صورت میں نتاشا کو کتنی جائیداد ملے گی؟

    واضح رہے کہ مرر سیلفی میں نظر آنے والی لفٹ میں وہ ماضی میں متعدد بار تصاویر شیئر کرچکی ہیں جن میں ان کے ساتھ انکا بیٹا بھی موجود ہوتا ہے۔

  • رمہا احمد کی دلچسپ ویڈیو وائرل

    اے آر وائی ڈیجیٹل کے ڈرامہ سیریل ’مقدر کا ستارہ‘ میں ’نتاشا‘ کا کردار نبھانے والی اداکارہ رمہا احمد کی دلچسپ ویڈیو سوشل میڈیا پر وائرل ہوگئی۔

    فوٹو اور ویڈیو شیئرنگ ایپ انسٹاگرام پر رمہا احمد نے ویڈیو شیئر کی جس میں وہ جنوری اور دسمبر 2022 سے متعلق ڈائیلاگ پر لپ سنکنگ کررہی ہیں۔

    رمہا احمد نے ویڈیو شیئر کرتے ہوئے کیپشن میں لکھا کہ ’مختصر طور پر 2022۔‘

     

    View this post on Instagram

     

    A post shared by Rimha Ahmed🦋 (@rimhahmed)

    وہ ویڈیو میں کہہ رہی ہیں کہ ’میں خوش ہوں اس سال جبکہ سال کے اختتام پر وہ رونے کی اداکاری کررہی ہیں۔

    اداکارہ نے گزشتہ دنوں یہ ویڈیو شیئر کی جسے ساتھی اداکارہ فاطمہ آفندی سمیت دیگر مداحوں نے بھی پسند کیا اور اس پر کمنٹس بھی کیے جارہے ہیں۔

    اداکارہ متعدد ڈراموں میں اداکاری کے جوہر دکھا چکی ہیں، سوشل میڈیا صارفین کی جانب سے انہیں اداکارہ منال خان کا ہمشکل بھی قرار دیا گیا تھا۔

     

    واضح رہے کہ ڈرامہ سیریل ’مقدر کا ستارہ‘ میں رمہا احمد بابر علی کی بیٹی ’نتاشا‘ کا کردار نبھا رہی ہیں جس میں انہیں والد اور والدہ کی نافرمان بیٹی دکھایا گیا ہے۔

    ڈرامے کی دیگر کاسٹ میں آریز احمد، فاطمہ آفندی، نادیہ حسین، لائبہ خان، عنایت خان، ودیگر شامل ہیں۔

    ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔ ’مقدر کا ستارہ‘ کی 21ویں قسط کل شام 7 بجے نشر کی جائے گی۔

  • ملکہ ترنم نور جہاں کی پرانی تصویر نے ماضی کے دریچے کھول دیے

    ملکہ ترنم نور جہاں کی پرانی تصویر نے ماضی کے دریچے کھول دیے

    ملکہ ترنم نور جہاں کو گو کہ اس دنیا سے گزرے 19 برس بیت چکے ہیں، لیکن وہ اپنی سریلی اور خوبصورت آواز کے ذریعے اب تک اپنے مداحوں کے دل میں زندہ ہیں، ان کی نواسی کی سوشل میڈیا پر شیئر کی گئی ایک تصویر نے ان کی بھولی بسری یادیں پھر سے تازہ کردیں۔

    نور جہاں کی نواسی نتاشا خالد نے سماجی رابطے کی ویب سائٹ انسٹاگرام پر ایک پرانی تصویر شیئر کی جو ان کی والدہ حنا درانی کی شادی کے موقع کی ہے۔

    تصویر میں دلہن بنی حنا اپنی والدہ ملکہ ترنم نور جہاں کے کندھے پر سر رکھے ہوئے ہیں اور دونوں نہایت خوشگوار موڈ میں ہیں۔ یہ تصویر یقیناً کسی بھی بیٹی کو جذباتی کرنے کے لیے کافی ہے۔

    نتاشا نے اپنی والدہ اور نانی کے لیے لکھا کہ میں نے اتنی خوبصورت دلہن، اور دلہن کی اتنی خوبصورت ماں آج تک نہیں دیکھی۔

    نتاشا کی تصویر کو مداحوں نے بے حد پسند کیا اور اب تک تصویر کو 28 ہزار سے زائد لائیکس موصول ہوچکے ہیں۔

    خیال رہے کہ ملکہ ترنم نور جہاں نے دو شادیاں کیں، ان کی 4 بیٹیاں اور 2 بیٹے ہیں جن میں سے ان کی صاحبزادی ظل ہما نے بھی اپنی ماں کی میراث گائیکی کو اپنایا۔

    ملکہ ترنم سنہ 2000 میں 27 رمضان کی شب کراچی کے ایک اسپتال میں دل کا دورہ پڑنے سے انتقال کرگئیں۔ عمر بھر عظمت، شہرت اور دولت کمانے کے ساتھ ساتھ وہ فلاحی کاموں میں بھی بے انتہا آگے تھیں اور کئی غریب گھرانوں کے گھر کا سہارا بنی رہیں۔