ARYNews.tv | Urdu – Har Lamha Bakhabar

Tag: نتاشا اسٹینکووچ

  • پانڈیا کی سابقہ اہلیہ نتاشا سربیا سے ممبئی پہنچ گئیں، ویڈیو سامنے آگئی

    پانڈیا کی سابقہ اہلیہ نتاشا سربیا سے ممبئی پہنچ گئیں، ویڈیو سامنے آگئی

    بھارتی کرکٹ ٹیم کے آل راؤنڈر ہاردیک پانڈیا کی سابقہ اہلیہ نتاشا اسٹینکووچ گزشتہ روز اپنے بیٹے آگستیا کے ساتھ بھارت کے شہر ممبئی پہنچ گئیں۔

    بھارتی میڈیا کا کہنا ہے کہ جوڑے کے درمیان طلاق کی کارروائی جاری ہے، سوشل میڈیا پوسٹ کے ذریعے گزشتہ جولائی میں دونوں نے علیحدگی کا اعلان کیا تھا جس کے بعد نتاشا سربیا روانہ ہوگئیں تھیں، سربیا میں ڈیڑھ ماہ قیام کے بعد اب وہ واپس ممبئی پہنچی ہیں۔

    بدھ کی شام ممبئی کے علاقے باندرہ میں 32 سالہ پرکشش ماڈل و اداکارہ کو دیکھا گیا جہاں پاپارازی فوٹو گرافرز نے انکی جانب سے پوز دینے پر تصاویر بنائیں۔

    دوسری جانب انکی اس طرح اچانک واپسی سے ہر ایک کی توجہ انکی جانب مبذول ہے۔

    ٹیسٹ میں 10 ہزار رنز نہ بنائے تو شرم کا مقام ہوگا! کوہلی کو ایسا کس نے کہا؟

    واضح رہے کہ ہاردیک پانڈیا اور بھارتی نژاد برطانوی گلوکارہ و ٹیلی ویژن پرسنالٹی جیسمین والیا کے ساتھ رومانی ملاقاتوں کی افواہیں بھی سامنے آرہی ہیں۔

  • باردک کی جیسمین سے ڈیٹنگ کی افواہیں: نتاشا ممبئی پہنچ گئیں

    باردک کی جیسمین سے ڈیٹنگ کی افواہیں: نتاشا ممبئی پہنچ گئیں

    بھارتی کرکٹر ہاردک پانڈیا کی برطانوی گلوکارہ اور ٹیلی ویژن کی شخصیت جیسمین والیہ سے رومانی ملاقاتوں کی افواہوں کے بعد نتاشا اسٹینکووچ ممبئی پہنچ گئیں۔

    بھارتی میڈیا رپورٹس کے مطابق بھارتی کرکٹر ہاردیک پانڈیا کی بھارتی نژاد برطانوی گلوکارہ اور ٹیلی وژن پرسنالٹی جیسمین والیا کے ساتھ ڈیٹنگ کی افواہوں کے درمیان انکی سابق اہلیہ نتاشا اسٹینکووچ سربیا سے اتوار کو ممبئی واپس پہنچ گئیں۔

    فوٹو اینڈ شیئرنگ ایپ انسٹاگرام اسٹوری نتاشانے بھارت پہنچنے کے حوالے سے اپنے ٹرپ کی جھلکیاں شیئر کی ہیں، جبکہ انہوں نے اپنے طیارے کے سفر کی سیلفی بھی شیئر کی ہیں۔

    انسٹاگرام اسٹوری پر ممبئ میں اترنے کے چند گھنٹے بعد نتاشا اسٹینکووچ نے اپنی ڈرائیونگ کی کلپ شیئر کی، ساتھ لکھا ’ممبئی بارش‘، تاہم یہ یہ واضح نہیں ہے کہ آیا ان کا بیٹا بھی بھارت کے دورے پر ان کے ساتھ تھا، یا وہ اکیلے ممبئی پہنچی ہیں۔

    واضح رہے کہ جولائی میں ہاردیک پانڈیا اور سربیا سے تعلق رکھنے والی 32 سالہ اداکارہ و ماڈل نتاسا اسٹینکووچ نے ایک انسٹاگرام پوسٹ کے ذریعے علیحدگی کا اعلان کیا تھا۔ جس کے بعد نتاشا اپنے بیٹے آگستیا کے ساتھ اپنے آبائی وطن سربیا روانہ ہوگئیں تھیں۔

    دریں اثنا پانڈیا اور 29 سالہ پرکشش برطانوی گلوکارہ جیسمین والیا کی ڈیٹنگ کی افواہیں پہلی بار منظر عام پر آئی ہیں۔

  • پانڈیا طلاق کے بعد بیوی کو کتنی رقم دیں گے؟

    پانڈیا طلاق کے بعد بیوی کو کتنی رقم دیں گے؟

    بھارتی کرکٹ ٹیم کے آل راؤنڈر ہاردیک پانڈیا اور ان کی اہلیہ، سربین اداکارہ و ماڈل، نتاشا اسٹینکووچ کے درمیان علیحدگی کی صورت میں پانڈیا کی لگژری زندگی متاثر ہونے کا خدشہ پیدا ہوگیا ہے۔

    بھارتی میڈیا کا کہنا ہے کہ نتاشا اسٹینکووچ کے اثاثوں کی مالیت 20 کروڑ بھارتی روپے ہے جبکہ بھارتی کرکٹر پانڈیا 90 کروڑ سے زائد اثاثوں کے مالک ہیں۔

    دونوں کے درمیان طلاق کی خبریں سامنے آنے کے بعد نتاشا اسٹینکووچ، ہاردیک پانڈیا کی 70 فیصد جائیداد کی ملکیت حاصل کرسکتی ہیں۔

    واضح رہے کہ طلاق کی تصدیق سے قبل اس حوالے سے نتاشا اسٹینکووچ نے انسٹااسٹوری بھی شیئر کی تھی، جس میں اُن کا کہنا تھا کہ ’کوئی بہت جلد سڑک پر آنے والا ہے‘۔

    اُس وقت انہوں نے اپنی اسٹوری میں یہ تو واضح طور پر نہیں بتایا تھا کہ وہ کس کے متعلق بات کررہی ہیں۔

    مگر اس وقت ان کی انسٹااسٹوری ان کی اور پانڈیاکی طلاق کی گردشی خبروں کو ہوا دینے کے ساتھ ساتھ اس بات کا بھی اشارہ کر رہی تھی کہ طلاق کی صورت میں نتاشا ہاردیک پانڈیا سے 70 فیصد جائیداد کا مطالبہ کر سکتی ہیں۔

    بھارتی میڈیا کا کہنا ہے کہ کرکٹر ماضی میں یہ کہہ چکے ہیں کہ وہ اپنی تمام جائیداد اور اثاثوں کے اکیلے مالک نہیں بلکہ ان کی والدہ بھی ان کی ملکیت میں شراکت دار ہیں۔

    بھارتی قانون کہتا ہے کہ پانڈیا کی اہلیہ اب بھی نان نفقے کا مطالبہ کرسکتی ہیں اور ایسی صورت میں پانڈیا کو بڑی رقم سے محروم ہونا پڑے گا۔

    نتاشا اور ہاردک میں طلاق ہوگئی! اداکارہ نے تصدیق کردی

    بھارتی میڈیا کا کہنا ہے کہ اگر پانڈیا کی اہلیہ نے نان نفقے کا مطالبہ کیا تو انہیں تقریباً 64 کروڑ روپے تک مل سکتے ہیں، جو بھارتی کرکٹر کے لئے ایک بڑا دھچکا ہوگا۔

  • ہاردک پانڈیا اور اہلیہ نتاشا سوشل میڈیا صارفین کے نشانے پر آگئے

    ہاردک پانڈیا اور اہلیہ نتاشا سوشل میڈیا صارفین کے نشانے پر آگئے

    بھارتی آل راؤنڈر ہاردک پانڈیا اور اہلیہ نتاشا اسٹینکووچ طلاق اور پھر صلح کی خبرو کے بعد سوشل میڈیا صارفین کے نشانے پر آگئے۔

    میڈیا رپورٹ کے مطابق کرکٹر اور ان کی سربین اہلیہ کے درمیان طلاق کی خبریں آئیں مگر پھر نتاشا نے اپنی اور شوہر کی تصاویر سوشل میڈیا کی زینت بنادیں جس کے بعد یہ کہا جارہا ہے کہ ان کے درمیان طلاق کی خبریں محض افواہ تھیں اور ایسا توجہ حاصل کرنے کے لیے کیا گیا تھا۔

    صارفین کا ماننا ہے کہ ماڈل نتاشا نے ہمدردی حاصل کرنے کے لیے ایسا کیا اور مبینہ طور پر اپنی علیحدگی کہ جعلی خبریں پھیلائیں اور اس طرح کا تاثر دیا۔ جعلی خبروں کی وجہ سے سوشل میڈیا پر جوڑ کو شدید تنقید کا نشانہ بنایا جارہا ہے۔

    انسٹاگرام اسٹوری پر نتاشا نے اپنے پالتو کتے کی تصویر پوسٹ کی، تاہم، جس چیز نے صارفین کی توجہ اپنی طرف مبذول کرائی، وہ نتاشا کا گلابی پانڈا پرنٹ لباس تھا جبکہ کیشن میں انھوں نے لکھا ’بیبی آوارہ پانڈا (وائی)‘، جس سے صارفین کو لگ رہا ہے کہ پانڈیا خاندان میں سب ٹھیک ہے۔

    واضح رہے کہ بھارتی ٹیم کے آل راؤنڈر ہاردک پانڈیا اور اہلیہ و سربین اداکارہ نتاشا اسٹینکووچ کے درمیان طلاق کی خبریں گردش کررہی ہیں۔

    سوشل میڈیا پر ہاردک پانڈیا اور نتاشا کی طلاق کی خبروں کے ساتھ ساتھ یہ افواہیں بھی گردش کررہی تھیں کہ طلاق کے بعد نتاشا شوہر کی 70 فیصد جائیداد کی مالک بن جائیں گی۔

    تاہم اسی دوران ہاردک پانڈیا کا ماضی میں دیا گیا ایک انٹرویو دوبارہ منظر عام پر آیا تھا جس میں وہ اپنی جائیداد کی تفصیلات سے متعلق اظہار خیال کررہے تھے۔

    آل راؤنڈر کا کہنا تھا کہ ان کی جائیداد ان کے نام پر نہیں ہے بلکہ انہوں نے اپنی جائیداد والدہ کے نام پر منتقل کی ہوئی ہے۔

  • طلاق کی افواہیں، پانڈیا کی اہلیہ نتاشا نے پہلی پوسٹ جاری کردی

    طلاق کی افواہیں، پانڈیا کی اہلیہ نتاشا نے پہلی پوسٹ جاری کردی

    بھارتی کرکٹ ٹیم کے نائب کپتان ہاردیک پانڈیا اور ان کی اہلیہ نتاشا اسٹینکووچ کے درمیان طلاق کی خبریں زیر گردش ہیں، ایسے میں نتاشا نے پہلی پوسٹ جاری کرکے سب کی توجہ حاصل کرلی ہے۔

    سوشل میڈیا پر بھارتی کرکٹ ٹیم کے جارح مزاج بلے باز پانڈیا اور نتاشا اسٹینکووچ کے درمیان طلاق کی افواہوں پر قیاس آرائیوں کا سلسلہ جاری ہے، جبکہ مداحوں نے دونوں اسٹارز کی سوشل میڈیا سرگرمیوں پر ساری توجہ مرکوز کر رکھی ہے۔

    جب سے دونوں اسٹارز کی طلاق کی افواہوں کا سلسلہ شروع ہوا ہے، اس وقت نتاشا اسٹینکووچ نے انسٹاگرام پر ایک مبہم اسٹوری شیئر کی تھی، جس میں لکھا تھا کہ ’کوئی سڑک پر آنے والا ہے‘۔

    اب پانڈیا کی اہلیہ نتاشا نے ایک بار پھر مداحوں کی دلوں کی دھڑکن کو بڑھاتے ہوئے انسٹاگرام پر ایک پوسٹ جاری کی ہے جس میں وہ لفٹ میں مرر سیلفی لیتی نظر آرہی ہیں۔

     

    View this post on Instagram

     

    A post shared by @natasastankovic__

    اس مرر سیلفی کو دیکھ کر سوشل میڈیا صارفین یہ اندازہ لگانے کی کوشش کررہے ہیں کہ نتاشا نے طلاق کی تردید کرنے کیلئے یہ پوسٹ جاری کیا ہے کیونکہ خبروں میں کہا جارہا ہے کہ نتاشا ہاردیک پانڈیا کا گھر چھوڑ کر چلی گئیں ہیں۔

    ہاردک پانڈیا سے طلاق کی صورت میں نتاشا کو کتنی جائیداد ملے گی؟

    واضح رہے کہ مرر سیلفی میں نظر آنے والی لفٹ میں وہ ماضی میں متعدد بار تصاویر شیئر کرچکی ہیں جن میں ان کے ساتھ انکا بیٹا بھی موجود ہوتا ہے۔

  • کیا آپ کی ہاردک سے طلاق ہوگئی ہے؟ نتاشا اسٹینکووچ نے بتا دیا

    کیا آپ کی ہاردک سے طلاق ہوگئی ہے؟ نتاشا اسٹینکووچ نے بتا دیا

    بھارتی آل راؤنڈر ہاردک پانڈیا کی اہلیہ طلاق کی افواہوں کے بعد پہلی بار اپنے دوست کے ساتھ منظر عام پر آگئیں۔

    بھارتی میڈیا رپورٹس کے مطابق طلاق کی افواہوں کے بیچ سوشل میڈیا پر اداکارہ نتاشا اسٹینکووچ کی نئی ویڈیو سامنے آئی ہے جس میں وہ اداکارہ دیشا پٹانی کے بوائے فرینڈ کے ساتھ ہیں جبکہ انھوں نے اپنی طلاق کے سوال پر پاپا رازی فوٹو گرافر کو جواب بھی دیا۔

    انسٹا گرام پر جاری ویڈیو میں نتاشا ریستوران سے الیگزینڈر کے ہمراہ باہر نکلتی ہیں تو سامنے بھارتی پاپا رازی فوٹوگرافرز موجود ہوتے ہیں جو ان کی تصویر کھینچنے کے لیے کھڑے تھے۔

    نتاشا کیمرے کے سامنے پوز دیتی ہیں تو صحافی اداکارہ سے پوچھتے ہیں کہ آپ ہادرک پانڈیا سے طلاق کی خبروں پر کیا کہنا چاہیں گی؟

     

    View this post on Instagram

     

    A post shared by Viral Bhayani (@viralbhayani)

    صحافی کی جانب سے اچانک اس طرح کا سوال سُن کر نتاشا مسکراتے ہوئے شکریہ کہہ کر وہاں سے گزر کر اپنی گاڑی میں بیٹھ جاتی ہیں جبکہ الیگزینڈر نے بھی اس پر کوئی رسپانس نہیں دیا۔

    واضح رہے کہ مائیکرو بلاگنگ پلیٹ فارم ’ریڈ اِٹ‘ پر ایک پوسٹ شیئر کی گئی تھی جس میں پانڈیا اور نتاشا کی شادی ختم ہونے کا خدشہ ظاہر کیا گیا تھا جس کے بعد سے افواہوں نے زور پکڑ لیا ہے۔

  • کیا ہاردک پانڈیا اور ان کی اہلیہ نتاشا کے بیچ علیحدگی ہوگئی؟

    کیا ہاردک پانڈیا اور ان کی اہلیہ نتاشا کے بیچ علیحدگی ہوگئی؟

    بھارتی آل راؤنڈر ہاردک پانڈیا نہ صرف خراب فارم سے دوچار ہیں بلکہ ان کی سربین اہلیہ نتاشا اسٹینکووچ سے علیحدگی کی افواہوں بھی گرم ہیں۔

    آئی پی ایل میں ممبئی انڈینز کی کپتانی پر تنقید کا نشانہ بننے والے ہاردیک پانڈیا اور سربیا کی اداکارہ نتاشا اسٹینکووچ نے 2020 میں شادی کی تھی اور ان کا ایک بیٹا آگستیا بھی ہے۔ آئی پی ایل میں پانڈیا کی ناقص کاکرردگی کے باعث نتاشا کو بھی سوشل میڈیا پر کافی ٹرول کیا گیا تھا۔

    مائیکرو بلاگنگ پلیٹ فارم ’ریڈ اِٹ‘ پر ایک پوسٹ شیئر کی گئی ہے اور اس میں پانڈیا اور نتاشا کی شادی ختم ہونے کا خدشہ ظاہر کیا گیا ہے جس کے بعد سے افواہوں نے زور پکڑ لیا ہے۔

    مذکورہ شخص نے اپنی پوسٹ میں لکھا کہ ’بھارتی آل راؤنڈر اور اہلیہ نتاشا اسٹینکوچ ایک دوسرے کے ساتھ انسٹاگرام پر اسٹوری شیئر نہیں کر رہے، ان کی بیوی نے انسٹاگرام اکاؤنٹ پر اپنے نام سے ہاردیک پانڈیا کا نام ہٹا دیا ہے‘۔

    صارف نے انکشاف کیا کہ نتاشا کی سالگرہ 4 مارچ کو تھی لیکن ہاردیک پانڈیا نے ان کے لیے کوئی پوسٹ شیئر نہیں کی۔

    یہ بات بھی قابل ذکر ہے کہ سربین اداکارہ نے ہاردیک کے ساتھ ساری تصاویر بھی انسٹاگرام سے ہٹا دی ہیں، انھوں نے صرف ایک تصویر رہنے دی ہے جس میں دونوں اپنے آگستیا کے ساتھ نظر آرہے ہیں۔

    آئی پی ایل میچز کے دوران بھی نتاشا اسٹیڈیم میں نظر نہیں آئی تھیں نہ ہو انھوں نے ممبئی کی ٹیم سے متعلق کوئی اسٹوری شیئر کی تھی۔ تاہم نتاشا کی پوسٹس پر ہاردیک کے بھائی اور بھابھی اب بھی کمنٹس کررہے ہیں۔

    واضح رہے کہ بھارتی آل راؤنڈر کی آئی پی ایل میں پرفارمنس بھی نہایت خراب رہی تھی ان کی کپتانی میں ممبئی انڈینز کی ٹیم 14 میں سے 10 میچز ہار گئی تھی جبکہ فینز بھی ان سے کافی ناراض ہیں اور ان کے خلاف کئی بار نعرے بازی کرچکے ہیں۔