ARYNews.tv | Urdu – Har Lamha Bakhabar

Tag: نثار کھوڑو

  • آصف زرداری کی گرفتاری، پیپلزپارٹی کا کل سندھ بھر میں یوم سیاہ منانے کا اعلان

    آصف زرداری کی گرفتاری، پیپلزپارٹی کا کل سندھ بھر میں یوم سیاہ منانے کا اعلان

    کراچی: سابق صدر آصف علی زرداری کی گرفتاری پر پیپلزپارٹی نے کل سندھ بھر میں یوم سیاہ منانے کا اعلان کردیا۔

    تفصیلات کے مطابق صوبائی صدر پیپلزپارٹی نثار کھوڑو نے کہا ہے کہ آصف علی زرداری کی گرفتاری پر پیپلزپارٹی کل سندھ بھر میں یوم سیاہ منائے گی، ضلعی ہیڈ کوارٹرز میں کارکنان سیاہ پٹیاں باندھ کر احتجاج کریں گے۔

    نثار کھوڑو نے کہا کہ احتجاج سندھ بھر کے ضلعی ہیڈ کوارٹرز میں ہوگا، احتجاج مکمل طور پر پر امن ہوگا۔

    پیپلزپارٹی سندھ کے صدر نے کہا کہ وفاقی حکومت اپوزیشن کے قائدین کے خلاف کارروائیاں کرواکر اپنی نااہلی نہیں چھپا سکتی، عدالتوں کا احترام کرتے ہیں مگر متنازع فیصلوں پر پرامن احتجاج کا بھی حق رکھتے ہیں۔

    مزید پڑھیں: جعلی اکاؤنٹس کیس ، نیب نے سابق صدر آصف زرداری کو گرفتار کرلیا

    نثار کھوڑو نے کہا کہ متنازع فیصلوں کے باوجود عدالتوں میں ہی بے گناہی ثابت کرنے پر یقین رکھتے ہیں، متنازع عدالتی فیصلوں کے ذریعے پیپلزپارٹی کو جھکایا نہیں جاسکتا ہے۔

    واضح رہے کہ کچھ دیر قبل نیب ٹیم نے جعلی اکاؤنٹس کیس میں پیپلزپارٹی کے شریک چیئرمین اور سابق صدر آصف علی زرداری کو گرفتار کرلیا، اسلام آباد ہائی کورٹ نے آصف زرداری کی درخواست ضمانت مسترد کردی تھی۔

    سابق صدر آصف علی زرداری کو کل احتساب عدالت میں پیش کیا جائے گا اور ریمانڈ کی استدعا کی جائے گی۔

    خیال رہے نیب نے میگا منی لانڈرنگ کیس میں آصف رزداری کے وارنٹ گرفتاری جاری کر رکھے تھے، کیس میں آصف زرداری، فریال تالپورکی عبوری ضمانت میں 6 بار توسیع کی جا چکی تھی۔

  • وزیر اعظم عمران خان کا مائنڈ سیٹ مشرف سے ملتا جلتا ہے: نثارکھوڑو

    وزیر اعظم عمران خان کا مائنڈ سیٹ مشرف سے ملتا جلتا ہے: نثارکھوڑو

    حیدر آباد: پیپلزپارٹی کے سینئر رہنما نثار کھوڑو نے کہا ہے کہ وزیر اعظم عمران خان کا مائنڈ سیٹ پرویز مشرف سے ملتا جلتا ہے.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ ون یونٹ کےخلاف سندھ سے تحریک چلائی گئی تھی.

    رہنما پیپلز پارٹی نثار کھوڑو نے کہا کہ بلاول کی قیادت میں جوش اورجذبے سے آگے بڑھ رہے ہیں، عمران خان چاہتےہیں صوبےاپناحصہ نہ لیں، کارواں بھٹونے بہت سے لوگوں کو پریشان کر دیا ہے.

    یاد رہے کہ گزشتہ روز ذوالفقار علی بھٹو کی برسی کے موقع پر خطاب کرتے ہوئے بلاول بھٹو زرداری نے حکومت کو کڑی تنقید کا نشانہ بنایا تھا.

    مزید پڑھیں: غنویٰ بھٹو کا بلاول کو اپنا نام بلاول بے نظیر رکھنے کا مشورہ

    بلاول بھٹو زرداری کا کہنا تھا کہ وزیراعظم عمران خان بھٹو شہید کا آئین ختم کرنا چاہتے ہیں، وزیراعظم کہتے ہیں، 18 ویں ترمیم سے وفاق دیوالیہ ہوگیا، 18 ویں ترمیم ختم کرنے، ون یونٹ بنانے کی کوشش کی تو ایک لات مارکر حکومت گرادوں گا، اس حکومت سے معیشت چل سکتی ہے نہ ہی ملک چل سکتا ہے۔ کوئی حکومت کو سمجھائے کہ حکومت چندے سے نہیں چلتی، وکریاں تو دور، عوام سے روزگار چھینا جارہا ہے.

  • نیب کی نثار کھوڑو، شرجیل میمن سمیت اہم شخصیات کے خلاف انکوائری کی منظوری

    نیب کی نثار کھوڑو، شرجیل میمن سمیت اہم شخصیات کے خلاف انکوائری کی منظوری

    اسلام آباد: آج چیئرمین نیب جاوید ا قبال کی زیرصدارت ایگزیکٹو بورڈ کا اجلاس ہوا، جس میں‌ اہم انکوائریوں کی منظوری دی گئی.

    تفصیلات کے مطابق اجلاس میں 16 انکوائریوں کی منظوری دی گئی، جس میں‌ نثار کھوڑو، محکمہ خوراک سکھر کے افسران کے خلاف انکوائری بھی شامل ہے.

    [bs-quote quote=” اجلاس میں مجموعی طور پر 16 انکوائریوں کی منظوری دی گئی” style=”style-7″ align=”left”][/bs-quote]

    نیب اعلامیہ کے مطابق سابق ایم این اے پیر صابر شاہ، محکمہ محصولات ڈی آئی خان کے افسران، اہل کاروں کے خلاف انکوائری کی منظوری دی گئی .

    نیب نے ایم ڈی نیشنل ٹیلی کام کارپوریشن وقار  زاہد میر، قائم مقام ایم ڈی اوگرا، او جی ڈی سی ایل انتظامیہ، ایم پی اے عبدالکریم سومرو، شرجیل میمن، قیصر عباس کے خلاف انکوائری کی بھی منظوری دی ہے.

    مزید پڑھیں: نیب کی مریم اورنگزیب کیخلاف 8الزامات کے تحت تحقیقات

    نیب نے محکمہ محصولات چوبارہ لیہ کے اہل کاروں، محکمہ خوراک سکھر کے افسران، اہل کاروں، نیشنل پاور پارک مینجمنٹ کمپنی، گورنمنٹ ہولڈنگ پرائیویٹ لمیٹڈ، پاکستان ایل این جی لمیٹڈ کے خلاف بھی انکوائری کی منظوری دی گئی.

    ڈی جی نیب شہزاد سلیم

    ڈی جی نیب شہزاد سلیم نے کہا ہے کہ نیب کسی دباؤ کے بغیر تحقیقات جاری رکھے ہوئے ہے. ان خیالات کا اظہار انھوں‌نے صحافیوں سے گفتگو کرتے ہوئے کیا۔

    واضح رہے کہ  آج نیب لاہور کی جانب سے صحافیوں کو نیب کے دفتر کا دورہ کرایا گیا، نیب حکام نے صحافیوں کو قیدیوں کو فراہم سہولتوں پربریفنگ دی.

    اس موقع پر ڈی جی نیب نے کہا کہ نیب عدم تشدد کی پالیسی پریقین رکھتا ہے، ادارے دباؤ کے بغیر تحقیقات جاری رکھے گا.

  • چیئرمین نیب کی زیرِ صدارت اجلاس، 13 انکوائریز کی منظوری

    چیئرمین نیب کی زیرِ صدارت اجلاس، 13 انکوائریز کی منظوری

    اسلام آباد: چیئرمین نیب جسٹس (ر) جاوید اقبال کی زیرِ صدارت اجلاس میں سابق وفاقی وزرا و دیگر اہم افراد کے خلاف 13 انکوائریز کی منظوری دے دی گئی۔

    تفصیلات کے مطابق چیئرمین نیب کی زیرِ صدارت منعقدہ اجلاس میں 13 انکوائریز کی منظوری دی گئی ہے جس میں سابق وفاقی وزیر ارباب عالمگیر اور ان کی اہلیہ عاصمہ ارباب عالمگیر کے خلاف ریفرنس بھی شامل ہے۔

    [bs-quote quote=”ارباب عالمگیر اور عاصمہ ارباب پر آمدن سے زائد اثاثوں پر ریفرنس دائر ہوگا۔” style=”style-7″ align=”left” color=”#dd3333″][/bs-quote]

    ارباب عالمگیر اور عاصمہ ارباب عالمگیر پر اختیارات کے نا جائز استعمال کا الزام ہے، نیب کے مطابق ارباب عالمگیر اور عاصمہ ارباب پر آمدن سے زائد اثاثوں کا ریفرنس دائر ہوگا۔

    نیب اجلاس میں سابق وفاقی وزیر اکرم درّانی اور سابق صوبائی وزیر نثار کھوڑو کے خلاف بھی تحقیقات کی منظوری دی گئی ہے۔

    جن ریفرنسز کی منظوری دی گئی ہے ان  میں مردان، خیبر پختونخوا کی ولی خان یونی ورسٹی کے سابق وائس چانسلر ڈاکٹر احسان کے خلاف ریفرنس بھی شامل ہے۔

    یہ بھی پڑھیں:  چاروں صوبوں میں اہم شخصیات کے خلاف نیب کی تحقیقات، 71 نام شامل

    چیئرمین نیب جاوید اقبال نے اجلاس سے خطاب میں کہا کہ میگا کرپشن کیسز ترجیحی بنیاد پر منطقی انجام تک پہنچائے جائیں گے۔ انھوں نے نیب عملے کو نیب دفتر آنے والے تمام افراد کا احترام کرنے کی بھی ہدایت کی۔

  • کالا باغ ڈیم رد ہوچکا ہے: نثار کھوڑو

    کالا باغ ڈیم رد ہوچکا ہے: نثار کھوڑو

    لاڑکانہ: پیپلز پارٹی سندھ کے صدر نثار احمد کھوڑو نے کہا ہے کہ کالا باغ ڈیم رد ہوچکا ہے اسی لیے چیف جسٹس ثاقب نثار نے بھی دوسرے ڈیموں کی تعمیر کی بات کی۔

    وہ صوبہ سندھ کے شہر لاڑکانہ میں تحریک نفاذِ فقہ جعفریہ کے ساتھ مشترکہ پریس کانفرنس کر رہے تھے، انھوں نے گرینڈ ڈیمو کریٹک الائنس پر تنقید کرتے ہوئے کہا کہ اس کو ابھی بھی دوسروں کی ضرورت ہے۔

    نثار کھوڑو نے میڈیا سے گفتگو کرتے ہوئے کہا ’جی ڈی اے ابھی بھی دوسروں کی مدد کی تلاش میں ہے۔‘ ان کا کہنا تھا کہ وفاق میں جمہوریت پسند جماعتوں کے ساتھ مل کر چل سکتے ہیں۔

    پی پی کے سینئر رہنما نے کہا کہ بلاول بھٹو کو نصیر آباد اور فیصل آباد جانے نہیں دیا گیا، ایسی ہی صورتِ حال رہی تو انتخابات پر سوال اٹھیں گے۔

    نثار کھوڑو کا کہنا تھا کہ 25 جولائی دور نہیں ہے، ہرایک کی محنت کا نتیجہ سامنے آ جائے گا، پیپلز پارٹی سندھ اور وفاق میں حکومت بنائے گی۔

    ہم رہیں نہ رہیں، ڈیم ضرور بنے گا، چیف جسٹس

    خیال رہے کہ چیف جسٹس آف پاکستان نے ملک میں پانی کی قلت کے مسئلے پر ایکشن لیتے ہوئے ڈیموں کی تعمیر کا معاملہ اٹھایا اور اس سلسلے میں دیامر بھاشا اور مہمند ڈیموں کی تعمیر کے لیے عدالتی حکم کے ذریعے فنڈ بھی قائم کردیاہے۔

    نئے صوبے کا مطالبہ کرنے والوں کا ڈٹ کر مقابلہ کریں گے، نثارکھوڑو

    واضح رہے کہ نثار کھوڑو سندھ میں نئے صوبے کے لیے اٹھائی جانے والی آواز کے سخت ناقد ہیں، وہ متعدد بار کہہ چکے ہیں کہ اس مطالبے کا ڈٹ کر مقابلہ کیا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • زبانی کلامی شادی کی گنجائش نہیں، نثار کھوڑو پر مقدمہ ہوسکتا ہے، چیف جسٹس

    زبانی کلامی شادی کی گنجائش نہیں، نثار کھوڑو پر مقدمہ ہوسکتا ہے، چیف جسٹس

    اسلام آباد : چیف جسٹس سپریم کورٹ نے کہا ہے کہ قانون میں زبانی کلامی شادی کی کوئی گنجائش نہیں ہے، کیا نثارکھوڑو نے تیسری شادی کرتے وقت پہلی بیوی سےاجازت لی تھی؟

    یہ ریمارکس انہوں نے پیپلز پارٹی کے مرکزی رہنما نثار کھوڑو کی الیکشن میں نااہلی کیس کی سماعت کے موقع پر دیئے، نثار کھوڑو اپنی نااہلی ختم کرانے سپریم کورٹ گئے تو الٹا مقدمہ کی تلوار لٹک گئی۔

    سپریم کورٹ میں چیف جسٹس ثاقب نثار کی سربراہی میں نثار کھوڑو کی نااہلی کیخلاف اپیل کی سماعت ہوئی، اس موقع پر نثارکھوڑو عدالت میں موجود نہیں تھے۔

    درخواست گزار کے وکیل صفائی فاروق ایچ نائیک نے عدالت میں مؤقف اختیار کیا کہ میرےمؤکل نے سال2007 میں تیسری شادی زبانی کلامی کی تھی اور بعد ازاں2017میں تیسری بیوی کو زبانی کلامی طلاق بھی دے دی۔

    چیف جسٹس کا ریمارکس دیتے ہوئے کہنا تھا کہ پاکستانی قانون میں زبانی کلامی شادی کی کوئی گنجائش نہیں ہے، کیا نثارکھوڑو نے تیسری شادی کرتے وقت پہلی بیوی سےاجازت لی تھی؟ شادی رجسٹرڈ نہ کرانے پر ان کےخلاف مقدمہ درج ہوسکتا ہے کیونکہ شادی رجسٹرڈ کرانا پاکستانی قانون میں ضروری ہے۔

    وکیل فاروق ایچ نائیک نے کہا کہ الزام لگایا گیا کہ نثارکھوڑو نےعدالت میں بیٹی کی ولدیت تسلیم نہیں کی، جس پر  چیف جسٹس نے کہا کہ نہیں لگتا کہ کوئی شخص اپنی بیٹی کی ولدیت عدالت میں قبول نہ کرے۔

    درخواست گزار کے وکیل نے کہا کہ نثارکھوڑو کی تیسری بیوی نے بیان حلفی جمع کرایا ہوا ہے، چیف جسٹس کا کہنا تھا کہ بڑی اچھی بیوی ہے جس نے طلاق کے بعد بھی بیان حلفی جمع کرادیا، اس معاملے پر تمام قوانین کا جائزہ لیں گے، بعدا زاں سپریم کورٹ میں نثار کھوڑو کی اپیل پر سماعت میں کچھ دیر کا وقفہ دیا گیا۔

    یاد رہے کہ پیپلز پارٹی سندھ کے صدر اور سابق صوبائی وزیر نثار کھوڑو کے پی ایس11سکھر سے کاغذات نامزدگی فارم اپیلٹ ٹریبونل نے مسترد کرتے کرتے ہوئے انہیں نااہل قرار دیا تھا، عدالت نے اثاثے اور بیوی بچوں کی مکمل معلومات نہ ظاہر کرنے پر فیصلہ سنایا۔

    مزید پڑھیں: تیسری بیوی اوربیٹی ظاہرنہ کرنے پرنثارکھوڑو کے کاغذات نامزدگی مسترد

    نثار کھوڑو کےخلاف جی ڈی اے کے رہنما معظم عباسی نے اعتراضات داخل کیے تھے، درخواست گزار کا نثارکھوڑو پر الزام عائد کرتے ہوئے مؤقف تھا کہ نامزدگی فارم میں نثارکھوڑو نے تیسری بیگم،بیٹی کانہیں بتایا اور نہ نثارکھوڑو نےنامزدگی فارم میں اپنی166ایکٹر زمین ظاہرنہیں کی۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • تیسری بیوی اوربیٹی ظاہرنہ کرنے پرنثارکھوڑو کے کاغذات نامزدگی مسترد

    تیسری بیوی اوربیٹی ظاہرنہ کرنے پرنثارکھوڑو کے کاغذات نامزدگی مسترد

    سکھر : پیپلز پارٹی سندھ کے صدر اور سابق صوبائی وزیر نثار کھوڑو کے کاغذات نامزدگی فارم مسترد کردیئے گئے، عدالت نے اثاثے اور بیوی بچوں کی مکمل معلومات نہ ظاہر کرنے پر فیصلہ سنا دیا، نثار کھوڑو فیصلے کیخلاف اپیل کریں گے۔

    تفصیلات کے مطابق اپیلٹ ٹریبونل نے پی ایس11سکھر میں پیپلز پارٹی کے امیدوار نثارکھوڑو کے صوبائی اسمبلی کی نشست کے لیے جمع کرائے گئے نامزدگی فارم مسترد کردیئے۔

    نثار کھوڑو کےخلاف جی ڈی اے کے رہنما معظم عباسی نے اعتراضات داخل کیے تھے، درخواست گزار کا نثارکھوڑو پر الزام عائد کرتے ہوئے مؤقف تھا کہ نامزدگی فارم میں نثارکھوڑو نے تیسری بیگم،بیٹی کانہیں بتایا اور نہ نثارکھوڑو نےنامزدگی فارم میں اپنی166ایکٹر زمین ظاہرنہیں کی۔

    معظم عباسی کے مطابق نثار کھوڑو نے کاغذات نامزدگی میں دو بیگمات اورچار بچے ظاہرکیے جو غلط معلومات ہیں، دوسری جانب نثارکھوڑو کا کہنا ہے کہ ٹریبونل کے فیصلے کے خلاف اپیل دائر کروں گا، کاغذات نامزدگی میں کوئی چیزنہیں چھپائی گئی۔

    یاد رہے کہ اس سے قبل اپیلٹ ٹربیونل نے این اے57مری سے سابق وزیر اعظم شاھد خاقان عباسی، پی ایس 27خیرپور سے پیپلز پارٹی کے رہنما منظور وسان اور این اے67جہلم سے پاکستان تحریک انصاف کے رہنما فواد چوہدری کے کاغذات نامزدگی مسترد کرتے ہوئے انہیں انتخابات کیلئے نااہل قرار دیا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • عمران خان پیپلزپارٹی کو ڈرا نہیں سکتے, محترمہ کو مشرف نے قتل کیا: نثار کھوڑو

    عمران خان پیپلزپارٹی کو ڈرا نہیں سکتے, محترمہ کو مشرف نے قتل کیا: نثار کھوڑو

    لاڑکانہ : پیپلزپارٹی کے مرکزی رہنما نثار کھوڑو نے کہا ہے کہ پیپلز پارٹی کبھی ختم نہیں ہوسکتی، ہمیں سازشوں کا مقابلہ کرنا آتا ہے۔

    یہ بات انھوں نے لاڑکانہ میں میڈیا سے بات کرتے ہوئے کہی۔ ان کا کہنا تھا کہ محترمہ بے نظیر بھٹو کی دسویں برسی کے موقع پر ہونے والی تقریب میں ایک بیٹے نے اپنی ماں سے بات کی۔

    انھوں نے عمران خان کو بھی کڑی تنقید کا نشانہ بنایا۔ ان کا کہنا تھا کہ عمران خان پیپلزپارٹی کو ڈرا نہیں سکتے۔

    نثار کھوڑو کا کہنا تھا کہ ہم نواز شریف کی طرح فقط طعنے نہیں دیتے، جس نے محترمہ بے نظیر بھٹو کو ہم سے چھینا، بلاول نے بلاخوف و خطر اس کا نام لیا۔

    یہ بھی پڑھیں: عمران خان جلد سلاخوں کے پیچھے ہوں گے، نثار کھوڑو

    انھوں نے کہا کہ بےنظیر بھٹو کے قتل میں پرویزمشرف ملوث ہیں، وہ یہاں سے طبی بنیادوں پر جاتے ہیں اور باہر جا کر تقریبات میں رقص کرتے ہیں۔

    ان کا کہنا تھا کہ جائے وقوعہ دھلوانے کی معافی کافی نہیں، پرویزمشرف نے کل کے بیان میں اعترافی بیان دے دیا ہے، عدالتیں پرویزمشرف کا نوٹس لے۔

    انھوں نے تسلیم کیا کہ سندھ 60 فیصد علاقوں میں زیر زمین پانی مضرصحت ہے اور حکومت اس مسئلے پر کام کر رہی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سندھ اسمبلی، کالا باغ ڈیم کی مخالفین کو ملک دشمن کہنے پر مذمتی قرارداد منظور

    سندھ اسمبلی، کالا باغ ڈیم کی مخالفین کو ملک دشمن کہنے پر مذمتی قرارداد منظور

    کراچی : سینیئرصوبائی وزیر نثار کھوڑو نے کہا ہے کہ سندھ اسمبلی کالا باغ ڈیم کو مسترد کرچکی ہے لیکن ڈیم کی مخالفت کرنے والوں کو را کا ایجنٹ قرار دینا کسی طور مناسب عمل نہیں جس کی سخت الفاظ میں مذمت کرتے ہیں.

    ان خیالات کا اظہار انہوں نے سندھ اسمبلی میں کالا باغ ڈیم کے خلاف سندھ اسمبلی میں وفاقی وزیر کے بیان کے خلاف مذمتی قرارداد پیش کرتے ہوئے کیا جب کہ مذمتی قرارداد کو منتفقہ طور پر سندھ اسمبلی نے منظور کرلیا.

    نثار کھوڑو نے کہا کہ ایک وفاقی وزیر ننے کالا باغ ڈیم پر اختلاف رائے رکھنے والوں کو بھارتی ایجنٹ کہا جس سے سندھ کے عوام کی دل آزاری ہوئی ہے اور سندھ اسمبلی کی توہین کی گئی ہے.

    انہوں نے کہا کہ وزیر موصوف اگر اتنے ہی محب الوطن ہیں تو اپنے قائد نواز شریف کی سرزنش کیوں نہیں کرتے جو مودی سے ملتے ہیں اور بھارت سے کاروباری مراسم بھی رکھتے ہیں.

    نثار کھوڑو نے مزید کہا کہ وفاقی وزیر کو حب الوطنی کا مظاہر کرتے ہوئے نوازشریف کی بھارت نواز پالیسیوں سے پر بھی آواز اٹھانی چاہیئے لیکن ایسا کرنے کی شاید انہیں ہمت نہیں ہو گی.

    انہوں نے مزید کہا کہ کالا ڈیم پر سندھ اسمبلی سمیت ملک کی تین صوبائی اسمبلیوں نے کالا باغ ڈیم کے خلاف قراردادیں منظور کی ہیں جس سے ثابت ہوتا ہے کہ اس ڈیم کے خلاف تین اسمبلیاں ایک صفحے پر ہیں.

    سینیئر صوبائی وزیر نثار کھوڑو نے کہا ہے کہ کالا باغ  ڈیم  پر اکثریت کے فیصلے کا احترام کیا جانا چاہیئے اور اس قسم کے بیانات سے پرہیز کرنا چاہیئے جس سے چھوٹوں صوبوں کی دل آزاری ہو اور ان میں احساس محرومی بڑھے گی.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مردم شماری میں‌ سب کا اندراج بطور سندھی ہوگا، نثار کھوڑو

    مردم شماری میں‌ سب کا اندراج بطور سندھی ہوگا، نثار کھوڑو

    کراچی: پیپلزپارٹی کے سینئر وزیر نثار کھوڑو نے کہا ہے کہ عوام کو ڈرا دھمکا کر شہر پر راج کرنے والوں نے بہت سارے علاقوں کو نظر انداز کیا، مردم شماری میں سندھ کے باشندوں کا اندارج بطور سندھی ہوگا۔

    میڈیا سے گفتگو کرتے ہوئے پی پی سندھ کے صدر نثار کھوڑو نے کہا کہ کراچی کے شہری اب لندن کے فون پر شہر بند نہیں کریں گے، عوام کو ڈرا دھمکا کر شہر پر راج کرنے والوں نے مختلف علاقوں کو نظر انداز کیا۔

    انہوں نے کہا کہ لوگوں نے گلے کاٹنے والوں ، مذہب پر لڑنے اور یوٹرن لینے والوں کو مسترد کردیا، مردم شماری میں سندھ کے باشندوں کا اندراج ہوگا، مردم شماری کے لیے شناختی کارڈ کی شرط کو ختم ہونا چاہیے۔

    یاد رہے مردم شماری سے قبل ایم کیو ایم اور پی پی کے درمیان سیاسی کشیدگی شدت اختیار کرتی جارہی ہے، میئر کراچی نے بھی اختیارات کے مسئلے کو عدالت لے جانے کا اعلان کیا ہے جبکہ سندھ حکومت کا کہنا ہے کہ وسیم اختر پہلے موجودہ اختیارات والے کام مکمل کریں کیونکہ موجودہ اختیارات بہت ہیں۔

    ایم کیو ایم پاکستان کے سربراہ ڈاکٹر فاروق ستار نے دعویٰ کیا ہے کہ مردم شماری کے بعد کراچی کی آبادی کی صحیح تعداد سامنے آنے پر شہر انتظامی یونٹ میں تبدیل ہوسکتا ہے۔