ARYNews.tv | Urdu – Har Lamha Bakhabar

Tag: نجم سیٹھی

  • نجم سیٹھی کی تعیناتی کے خلاف دائر درخواست مسترد

    نجم سیٹھی کی تعیناتی کے خلاف دائر درخواست مسترد

    لاہور: ہائیکورٹ نے چیئرمین پی سی بی نجم سیٹھی کی تعیناتی کے خلاف دائر درخواست مسترد کر دی۔

    درخواست کی سماعت لاہور ہائی کورٹ کے جسٹس مامون رشید شیخ کے روبرو ہوئی جس میں درخواست گزار ناصر اقبال نے موقف اختیار کیا تھا کہ نجم سیٹھی کو پی سی بی آئین کے خلاف چیئرمین تعینات کیا گی، سابق پیٹرن ان چیف میاں نواز شریف نے نجم سیٹھی اور عارف اعجاز کو بطور بورڈ آف گورنر توسیع دی انھوں نے 9 جولائی کو ہی 6 اگست سے بورڈ ممبرز کی نامزدگی کر دی جبکہ 6 اگست سے پہلے سابق چیئرمین شہریار خان کی مدت بھی مکمل نہیں ہوئی تھی۔

    درخواست گزار کے مطابق شہریار خان کی مدت مکمل ہونے سے پہلے بورڈ ممبران کی نامزدگی نہیں کی جا سکتی، سابق پیٹرن نواز شریف جولائی میں بطور وزیر اعظم نااہل ہوگئے اور نااہلی کے بعد نواز شریف کی جانب سے پی سی بی کے بورڈ آف گورنر کی تعیناتی کے لیے جاری احکامات بھی غیر مو ثر ہو چکے ہیں۔

    موقف میں کہا گیا کہ اسی لیے نجم سیٹھی اور عارف اعجاز کا 6 اگست کے لیے بطور بورڈ آف گورنر نوٹی فکیشن بھی اپنی حیثیت کھو چکا ہے اس لیے نجم سیٹھی کی تعیناتی پی سی بی کے قوانین کی صریحاً خلاف ورزی یے، استدعا ہے کہ چیئرمین پی سی بی نجم سیٹھی کی تعیناتی کو غیر قانونی اور کالعدم قرار دیا جائے۔

    جواب میں پی سی بی کے وکیل نے دلائل دیے کہ نجم سیٹھی کا الیکشن قانون کے مطابق ہوا، پی سی بی کے بورڈ آف گورنر کو اختیار حاصل ہے کہ وہ چیئرمین کا انتخاب کر سکیں لہذا درخواست مسترد کی جائے۔

    عدالت نے وکلا کے دلائل مکمل ہونے کے بعد درخواست کو ناقابل سماعت قرار دے کر مسترد کر دیا۔

  • چیئرمین کرکٹ بورڈ نجم سیٹھی کی تعیناتی ہائیکورٹ میں چیلنج

    چیئرمین کرکٹ بورڈ نجم سیٹھی کی تعیناتی ہائیکورٹ میں چیلنج

    لاہور:چیئرمین پاکستان کرکٹ بورڈ نجم سیٹھی کی تعیناتی کو لاہور ہائیکورٹ میں چیلنج کردیا گیا۔

    تفصیلات کے مطابق لاہور ہائیکورٹ میں درخواست ایڈووکیٹ ناصر اقبال کی جانب سے دائر کی گئی ہے جس میں مؤقف اختیار کیا گیا ہے کہ نجم سیٹھی کو پی سی بی کے آئین کے خلاف چیئرمین تعینات کیا گیا۔

    درخواست میں کہا گیا کہ سابق پیٹرن ان چیف میاں نواز شریف نے نجم سیٹھی اور عارف اعجاز کو بطور بورڈ آف گورنر توسیع دی۔ انہوں نے 9 جولائی کو ہی 6 اگست سے بورڈ ممبرز کی نامزدگی کردی جبکہ 6 اگست سے پہلے سابق چیئرمین شہریار خان کی مدت بھی مکمل نہیں ہوئی تھی۔

    مزید پڑھیں: نجم سیٹھی پاکستان کرکٹ بورڈ کے نئے چیئرمین منتخب

    درخواست گزار کے مطابق عہدے پر موجود چیئرمین شہریار خان کی مدت مکمل ہونے سے پہلے بورڈ ممبران کی نامزدگی نہیں کی جاسکتی۔

    ایڈووکیٹ ناصر اقبال کے مطابق سابق پیٹرن ان چیف نواز شریف جولائی میں بطور وزیر اعظم نا اہل ہوگئے اور نااہلی کے بعد نواز شریف کی جانب سے پی سی بی کے بورڈ آف گورنر کی تعیناتی کے لیے جاری احکامات بھی غیر مؤثر ہو گئے۔ لہٰذا نجم سیٹھی اور عارف اعجاز کا 6 اگست کے لیے بطور بورڈ آف گورنر نوٹیفکیشن بھی اپنی حیثیت کھو چکا ہے۔

    درخواست میں کہا گیا کہ نجم سیٹھی کی تعیناتی پی سی بی کے قوانین کی صریحاً خلاف ورزی ہے۔

    درخواست گزار نے استد عا کی کہ چیئرمین پی سی بی نجم سیٹھی کی تعیناتی کو غیر قانونی اور کالعدم قرار دیا جائے۔

    یاد رہے کہ پاکستان سپر لیگ کے چیئرمین نجم سیٹھی چند روز قبل ایک بار پاکستان کرکٹ بورڈ کے چیئرمین منتخب ہوگئے۔ ان کے مدمقابل کسی امیدوار نے کاغذات نامزدگی جمع نہیں کروائے۔

    نجم سیٹھی دوسری مرتبہ کرکٹ بورڈ کے چیئرمین مقرر ہوئے ہیں۔ وہ اس سے قبل سنہ 2014 میں بھی مختصر عرصے کے لیے اس عہدے پر رہے تھے۔

  • چیئرمین پی سی بی انتخاب: نجم سیٹھی مضبوط امیدواربن گئے

    چیئرمین پی سی بی انتخاب: نجم سیٹھی مضبوط امیدواربن گئے

    لاہور : پاکستان کرکٹ بورڈ کا نیا چیئرمین کون ہوگا؟ اس کا فیصلہ کل ہوجائےگا، نجم سیٹھی چیئرمین کے لئے مضبوط امیدوار بن کر سامنے آئے ہیں، سابق کپتان وسیم اکرم، رمیز راجہ اور راشد لطیف نے اپنا ووٹ نجم سیٹھی کے حق میں دےدیا۔

    تفصیلات کے مطابق پاکستان کے سابق کپتان وسیم اکرم، میز راجہ اور راشد لطیف نےنجم سیٹھی کو پی سی بی کا چیئرمین بنانے کی حمایت کردی ہے۔

    وسیم اکرم کا کہنا ہے کہ کرکٹ بورڈ میں بہت سے لوگ آئے جنہوں نے پی ایس ایل کرانے کا وعدہ کیا لیکن اسے پورا نہیں کرسکے، نجم سیٹھی نے یہ ایونٹ کا انعقاد کرکے دکھایا۔

    رامیز راجہ کا کہنا تھا کہ پی ایس ایل کرانے میں نجم سیٹھی کا کردار سب سےاہم تھا، راشد لطیف نے امید ظاہر کی کہ نجم سیٹھی کی چیئرمین شپ میں کرکٹ بورڈ مزید ترقی کرےگا۔

    یاد رہے کہ چیئرمین پی سی بی کیلئے انتخاب میں گورننگ بورڈ کے ممبران ووٹ دیں گے۔ گورننگ بورڈ میں ڈپارٹمنٹس یونائیٹڈ بینک، حبیب بینک، واپڈا اور سوئی سدرن گیس کمپنی، ریجنز میں فاٹا، لاہور، سیالکوٹ اور کوئٹہ کے نمائندے شامل ہیں۔

    واضح رہے کہ سابق چیئرمین پی سی بی شہریار خان نے 18 اگست 2014کو بطور چیئرمین پی سی بی چارج سنبھالا تھا لیکن ان کی انگلینڈ موجودگی کے دوران الیکشن کا جو شیڈول بنایا گیا اس کے تحت وہ قبل از وقت ہی اپنا دفتر چھوڑ چکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • فیئر ویل دینے کی تیاری، نجم سیٹھی کا شاہد آفریدی کو فون

    فیئر ویل دینے کی تیاری، نجم سیٹھی کا شاہد آفریدی کو فون

    لاہور : پاکستان کرکٹ بورڈ شاہد آفریدی کو فیئر ویل دینے کو تیار ہوگیا، معاملات طے کرنے کیلئے نجم سیٹھی نے آفریدی کوفون کرکے لاہور بلالیا۔

    تفصیلات کے مطابق پاکستان کرکٹ بورڈ کی ایگزیکٹو کمیٹی کے چیئرمین نجم سیٹھی نے شاہد آفریدی کو شایان شان فیئر ویل دینے کی یقین دہانی کرا دی۔ بوم بوم کوالوداع کہنے کی تیاری کی جارہی ہے، پاکستان کرکٹ بورڈ نے آفریدی کو فیئر ویل دینے پر آمادگی ظاہرکردی۔

    چیئرمین پی ایس ایل نجم سیٹھی نے شاہد آفریدی سے ٹیلی فونک رابطہ کیا۔ اس موقع پر دونوں شخصیات کے درمیان فیئر ویل دینے کےحوالے سےبات چیت ہوئی، نجم سیٹھی نے معاملات کو حتمی شکل دینے کیلئے آفریدی کو لاہور بلالیا۔

    نجم سیٹھی نے کہا ہے کہ شاہد آفریدی اصل ہیرو ہے، پی سی بی الوداعی تقریب کا انعقاد کرنے کوتیارہے۔ شاہد آفریدی جس طرح چاہتے ہیں انہیں فیئرویل دیں گے۔

    یاد رہے کہ دو روز قبل آفریدی نے ایک پریس کانفرنس میں پی سی بی پر شدید تنقید کرتے ہوئے کہا تھا کہ مجھے کسی فیئرویل کی ضرورت نہیں اور نہ ہی مجھے پاکستان کرکٹ بورڈ کی عزت کی ضرورت ہے۔

    ان کا کہنا تھا کہ میرے لیے شائقین کی محبت ہی کافی ہے لیکن پی سی بی کو یہ بات نہیں بھولنی چاہیئے کہ کرکٹ بورڈ کھلاڑیوں کی وجہ سے ہی ہے۔

  • اسپاٹ فکسنگ: نجم سیٹھی کی ایف آئی اے سے تحقیقات روکنے کی درخواست

    اسپاٹ فکسنگ: نجم سیٹھی کی ایف آئی اے سے تحقیقات روکنے کی درخواست

    لاہور: اسپاٹ فکسنگ اسکینڈل میں فیڈرل انویسٹی گیشن ایجنسی کی انکوائری پر سوالات اٹھنا شروع ہوگئے۔ چیئرمین پاکستان سپر لیگ نجم سیٹھی نے ایف آئی اے سے کارروائی روکنے کی درخواست کردی۔

    اسپاٹ فکسنگ اسکینڈل میں ملوث معطل کھلاڑیوں کے خلاف تحقیقات کا سلسلہ جاری ہے۔

    چیئرمین پاکستان سپر لیگ نجم سیٹھی نے ایف آئی اے کی تفتیش پراعتراض اٹھا دیا۔ ان کے مطابق پاکستان کرکٹ بورڈ نے صرف ثبوت کی جانچ کے لیے ایف آئی اے سے مدد مانگی تھی، لیکن ایف آئی اے نے کیس ہی اپنے ہاتھ میں لے لیا۔

    ان کا کہنا ہے کہ پاکستان میں فکسنگ کے خلاف قانون نہیں، ایف آئی اے نے تحقیقات کیسے شروع کر دیں؟ انہوں نے سوال کیا کہ ایف آئی اے کو تحقیقات کا کرنے کا کہا ہی کس نے تھا۔

    مزید پڑھیں: اسپاٹ فکسنگ میں ملوث کرکٹرز کے نام ای سی ایل میں شامل

    نجم سیٹھی کا کہنا تھا کہ ایف آئی اے کی انکوائری پر انٹرنیشنل کرکٹ کونسل (آئی سی سی) بھی اعتراض کر سکتا ہے۔ ایف آئی اے اپنی کارروائی روک کر بورڈ کو اپنا کام کرنے دے۔

    یاد رہے کہ گزشتہ روز ایف آئی اے نے معطل کرکٹرز محمد عرفان اور خالد لطیف کو طلب کیا تھا جہاں دونوں کھلاڑیوں نے اپنا وضاحتی بیان ریکارڈ کروا دیا۔

    اپنے بیان میں انہوں نے بکی سے ملنے کا اعتراف تو کیا لیکن اسپاٹ فکسنگ کے الزامات ماننے سے پھر انکار کردیا۔

    ایف آئی اے نے آج شرجیل خان اور شاہ زیب حسن کو بیان ریکارڈ کروانے کے لیے طلب کیا ہے۔

    خیال رہے کہ اسپاٹ فکسنگ اسکینڈل میں اب تک 5 کھلاڑیوں شرجیل خان، خالد لطیف، ناصر جمشید، شاہ زیب حسن خان اور محمد عرفان کو معطل کیا جاچکا ہے۔ ایک روز قبل وفاقی وزیر داخلہ چوہدری نثار کی ہدایت پر ان پانچوں کھلاڑیوں کا نام ایگزٹ کنٹرول لسٹ میں بھی شامل کیا جا چکا ہے۔

  • ایف آئی اے کھلاڑیوں سے تحقیقات روک دے، نجم سیٹھی

    ایف آئی اے کھلاڑیوں سے تحقیقات روک دے، نجم سیٹھی

    کراچی: پاکستان کرکٹ بورڈ کے بعد اب چیئرمین پی ایس ایل نجم سیٹھی نے بھی ایف آئی اے کی کھلاڑیوں سے تحقیقات پر اعتراض کردیا۔

    اطلاعات کے مطابق پی ایس ایل اسپاٹ فکسنگ اسکینڈل میں معطل ہونے والے پانچ کھلاڑیوں سے ایف آئی اے کی جانب سے تحقیقات کے معاملے پر پاکستان کرکٹ بورڈ نے اعترا ض کیا تھا ، اب چیئرمین پی ایس ایل نجم سیٹھی کو بھی اس بات پر اعتراض ہے۔

    ایک بیان میں نجم سیٹھی نے کہا ہے کہ ایف آئی اے کی انکوائری ہمارے لیے مسئلہ بن سکتی ہے،آئی سی سی کارروائی پر اعتراض کرسکتا ہے،ایف آئی اے سے کہیں گے کہ کارروائی روک کر ہمیں کام کرنے دیں۔

    انہوں نے مزید کہا کہ کھلاڑیوں کے خلاف پی سی بی کی جانب سے تحقیقات جاری ہیں جسے مکمل کرکے ایف آئی اے کو دیں گے۔

    یہ پڑھیں: سٹے باز نے 40 لاکھ روپے کی پیشکش کی، خالد لطیف، بیانات ریکارڈ

     خیال رہے کہ آج ہی لاہور میں پاکستانی کرکٹرز خالد لطیف اور محمد عرفان نے ایف آئی اے کے سامنے جرم تسلیم کرنے سے انکار کردیا اور کہا ہے کہ بکیز نے رابطہ ضرور کیا لیکن ہم نے ان کی پیشکش ٹھکرا دی۔

    یہ بھی پڑھیں: اسپاٹ فکسنگ میں ملوث کرکٹرز کے نام ای سی ایل میں شامل

      خالد لطیف نے کہا کہ مجھے بکیز نے چالیس لاکھ روپے کی آفر کی جسے قبول نہ کیا جب کہ محمد عرفان نے کہا کہ بکیز نے آفرز ضرور دیں لیکن انہیں قبول نہیں کیا، والدہ کی طبیعت خراب تھی اس لیے بورڈ کو آگاہ کردیا۔

  • فائنل میں فرنچائزمالکان کو بلا کرشکریہ ادا کرنا چاہئے تھا، سلمان اقبال

    فائنل میں فرنچائزمالکان کو بلا کرشکریہ ادا کرنا چاہئے تھا، سلمان اقبال

    کراچی : پی ایس ایل کی سب سے مہنگی ٹیم کراچی کنگز کے مالک اور اے آر وائی نیٹ ورک کے سی ای او سلمان اقبال نے کہا ہے کہ نجم سیٹھی کو فائنل کے موقع پر تمام ٹیموں کے مالکان کو بلا کران کا شکریہ ادا کرنا چاہئے تھا، پشاور زلمی کے مالک جاوید آفریدی اور لاہور قلندر کے مالک فواد رانا نے کہا کہ کل لاہور میں پاکستان کی جیت ہوئی ہے، نجم سیٹھی نے کہا کہ اگلےسال پی ایس ایل میں چھٹی ٹیم کااضافہ ہوگا.

    ان خیالات کا اظہار انہوں نے اے آر وائی نیوز کے پروگرام الیونتھ آور میں میزبان وسیم بادامی سے گفتگو کرتے ہوئے کیا، مالک کراچی کنگزسلمان اقبال نے کہا کہ پشاورزلمی کو جیت پرمبارکباد دیتا ہوں، غیرملکی کھلاڑیوں کے آنے پربہت خوش ہوں۔

    انہوں نے کہا کہ چیئرمین پی ایس ایل نجم سیٹھی کو فائنل کے موقع پر تمام ٹیموں کے مالکان کو بلا کران شکریہ ادا کرنا چاہئے تھا، سلمان اقبال نے کہا کہ روی بوپارہ سے بات ہوئی ہے، وہ کراچی آکرکام کرنا چاہتے ہیں، روی بوپارہ نےکہا ہے کہ میں پاکستان میں کرکٹ کیلئےکام کرناچاہتاہوں۔

    چیئرمین پی ایس ایل نجم سیٹھی نے کہا کہ دنیا نے دیکھا کہ ہم پاکستانی دہشت گرد نہیں بلکہ پرامن لوگ ہیں، انہوں بتایا کہ دوسال کے بعد اجازت ہے کہ چھٹی ٹیم پی ایس ایل میں لائیں، اگلےسال پی ایس ایل میں چھٹی ٹیم کا اضافہ ہوگا۔

    جاوید آفریدی کا کہنا تھا کہ پی ایس ایل فائنل جیتنے پربہت خوشی ہوئی، غیرملکی کھلاڑی پاکستان آکربہت خوش ہوئے، جاویدآفریدی نے کہا کہ کل صرف پشاورزلمی کی نہیں پاکستان کی جیت ہوئی ہے۔

    فوادرانا کا کہنا تھا کہ عالمی کرکٹ پاکستان لانا ہی ہماری خواہش تھی، ہماری کوششوں سے ہی عالمی کرکٹ پاکستان آئی، پاکستان میں انٹرنیشنل کرکٹ کی واپسی سےبہت خوشی ہوئی۔

  • آئی سی سی کا ورلڈ الیون پاکستان بھیجنے پر غور

    آئی سی سی کا ورلڈ الیون پاکستان بھیجنے پر غور

    دبئی: پی ایس ایل فائنل کا کامیاب انعقاد رنگ لایا، آئی سی سی نے ورلڈ الیون پاکستان میں بھیجنے پر غور شروع کردیا جو پاکستان کرکٹ ٹیم سے چار ٹی ٹوئنٹی میچز کھیلے گی۔

    تفصیلات کے مطابق پاکستان سپر لیگ فائنل کے لاہور میں کامیاب انعقاد کے بعد پاکستان میں عالمی کرکٹ کے دروازے کھلنے کی امکان بڑھ گیا، انٹرنیشنل کرکٹ کونسل نے ورلڈ الیون ٹیم پاکستان میں بھیجنے پر غور شروع کردیا۔

    برطانوی اخبار کے مطابق آئی سی سی ورلڈ الیون پاکستان بھیجنے کی منصوبہ بندی کررہی ہے، ستمبر میں ورلڈ الیون کرکٹ ٹیم پاکستان آئے گی اور پاکستان میں چار ٹی ٹوئنٹی میچز کی سیریز کھیلے گی۔

    پاکستان سیکیورٹی ٹاسک ٹیم کے سربراہ اور انگلینڈ کرکٹ بورڈ کے صدر جائلز کلارک کے حوالے سے برطانوی اخبار دی گارجین نے دعویٰ کیا ہے کہ آئی سی سی طے کرچکی ہے کہ یہ چاروں ٹی ٹوئنٹی میچز لاہور قذافی اسٹیڈیم میں ہوں گے اور اس ٹی ٹوئنٹی سیریز کا نام انڈی پینڈنس کپ ہوگا۔

    جائلزکلارک نے مزید کہا کہ 4 ٹی-20 میچزلاہورمیں کھیلےجائیں گے جس کے لیے ورلڈالیون کرکٹ ٹیم 17 ستمبر کودبئی پہنچےگی جب کہ
    چاروں میچز 29 ،28، 23 ، 22 ستمبرکو لاہور میں کھیلے جائیں گے۔

    فیصلے پر پاکستان سپر لیگ کے چیئرمین نجم سیٹھی نے انتہائی خوشی کا اظہار کرتے ہوئے ٹوئٹ کیا ہے کہ اب بولو! پی ایس ایل کے لاہور میں فائنل ہونے سے پاکستان پر عالمی کرکٹ کے دروازے کھل گئے، ستمبر میں ورلڈ الیون ٹی ٹوئنٹی میچز کھیلنے کے لیے پاکستان آئے گی تاہم کون سے کھلاڑی ورلڈ الیون میں شامل ہوں ان تفصیلات سے آئی سی سی بات میں آگاہ کرے گی۔

    نجم سیٹھی نے مزید خوش خبری سنائی کہ غیر ملکی ٹیمیں پاکستان آنے کے لیے تیار ہیں، سری لنکا، بنگلہ دیش اور زمبابوے کی ٹیمیں اگلے برس پاکستان کا دورہ کریں گی۔

  • وعدہ ہے سب ٹھیک ہوا تو اسی سال انٹرنیشنل ٹیم بلائیں گے،نجم سیٹھی

    وعدہ ہے سب ٹھیک ہوا تو اسی سال انٹرنیشنل ٹیم بلائیں گے،نجم سیٹھی

    لاہور : پاکستان سپر لیگ کے چیئرمین نجم سیٹھی نے کہا ہے کہ آج پاکستان میں کرکٹ کی بحالی کے لئےاہم ترین دن ہے، دنیا دیکھے گی کہ ہم پر امن لوگ ہیں، وعدہ ہے سب ٹھیک ہوا تو اسی سال انٹرنیشنل ٹیم بلائیں گے۔

    ان خیالات کا اظہار انہوں نے اے آر وائی نیوز سے خصوصی گفتگو میں کیا۔ نجم سیٹھی کا کہنا تھا کہ سری لنکا اور بنگلادیش کو پاکستان آنے کی دعوت دی ہے۔

    انہوں نے کہا کہ انشااللہ پی ایس ایل کا فائنل کامیاب ہوگا، میچ کے کامیاب انعقاد سے دنیا کو مثبت پیغام جائے گا، انہوں نے کہا کہ ایک انٹرنیشنل ٹیم ضرور اس سال پاکستان آئے گی۔

    غیرملکی کھلاڑی آچکے ہیں، اللہ کے کرم سے ایونٹ کامیاب ہوگا، میچ کے حوالے سے انہوں نے کہا کہ مقابلہ سخت ہوگا، دونوں ٹیموں کے پاس باصلاحیت کھلاڑی موجود ہیں۔

    چیئرمین پی ایس ایل کا کہنا تھا کہ قذافی اسٹیڈیم میں کیے گئے انتظامات سے مطمئن ہوں۔

  • فائنل کیلئےغیرملکی کھلاڑی لاہورآئیں گے، نجم سیٹھی

    فائنل کیلئےغیرملکی کھلاڑی لاہورآئیں گے، نجم سیٹھی

    دبئی : چئیرمین پی ایس ایل نجم سیٹھی نے کہا ہے کہ غیر ملکی کھلاڑی لاہور آئیں گے، فائنل کے لئے ہر ٹیم میں چار غیر ملکی کھلاڑی ہوں گے، غیر ملکی کھلاڑی پلاٹینئیم، ڈائمنڈ اور گولڈ کٹیگری سے ہوں گے۔

    یہ بات انہوں نے سماجی رابطے کی ویب سائٹ ٹوئیٹر پر اپنے پیغام میں کہی، پی ایس ایل کے چئیر مین نجم سیٹھی نے کہا کہ غیرملکی کھلاڑی پی ایس ایل کا فائنل دیکھنے لاہورآئیں گے، فائنل کے لئے ہر ٹیم میں 4 غیر ملکی کھلاڑی ہوں گے۔

    انہوں نے کہا کہ غیر ملکی کھلاڑی پلاٹینئیم، ڈائمنڈ اور گولڈ کٹیگری سے ہوں گے، چئرمین پی ایس ایل کا کہنا تھا کہ کچھ غیر ملکی کھلاڑی چلے گئے تو اور آجائیں گے۔

    دوسری جانب چیئرمین پی سی بی شہریار خان نے کہا ہے کہ لوگ پی ایس ایل کا فائنل پاکستان میں دیکھنا چاہتے ہیں، پی ایس ایل فائنل کےتمام ٹکٹس بک جائیں گے۔

    مزید پڑھیں : کوئٹہ گلیڈی ایٹرز کے 4 غیر ملکی کھلاڑیوں کا لاہور آنے سے انکار

    چیئرمین پی سی بی نے کہا کہ جو غیرملکی کھلاڑی نہیں آرہے تو کوئی بات نہیں اور آجائیں گے، ایک سوال کے جواب میں شہریارخان کا کہنا تھا کہ میں کراچی کا رہنے والا ہوں حمایت بھی اسی کی کروں گا۔