Tag: نجکاری

قومی اسمبلی میں ان اداروں کی فہرست پیش کی گئی ہے جنہیں پرائیویٹائز کیا جائے گا اور کابینہ کمیٹی برائے نجکاری اس کی منظوری دے چکی ہے۔

اے آر وائی نیوز کے مطابق قومی اسمبلی اجلاس میں وقفہ سوالات کے دوران وزارت نجکاری نے اجلاس کو بتایا کہ کابینہ کمیٹی برائے نجکاری نے گزشتہ سال 2، اگست 2024 کو ہونے والے اجلاس میں 24 اداروں کی نجکاری کی منظوری دی تھی۔ ان اداروں کی تین مراحل میں نجکاری کی جائے گی۔

وزارت نجکاری نے بتایا کہ فیز ون میں شامل اداروں کی ایک سال کے اندر، فیز 2 میں شامل اداروں کی ایک سے تین سال جب کہ فیز تھری میں شامل اداروں کی تین سے پانچ سال میں نجکاری کر دی جائے گی۔

نجکاری ڈویژن کے مطابق فیز ون میں پی آئی اے، فرسٹ وویمن بینک، ہاؤس بلڈنگ فنانس کارپوریشن، زرعی ترقیاتی بینک، پاکستان انجینئرنگ کمپنی پیکو کی نجکاری کی جائے گی۔

آئیسکو، گیپکو، فیسکو اور سندھ انجینئرنگ لمیٹیڈ کی نجکاری بھی فیز ون میں ہی کی جائے گی۔

نجکاری ڈویزن نے بتایا کہ فیز ٹو میں اسٹیٹ لائف، پاکستان ری انشورنس کمپنی، سنٹرل پاور جنریشن کمپنی، جامشورو پاور، ناردرن پاور جنریشن اور لاکھڑا پاور جنریشن کمپنی کی نجکاری کی جائے گی۔

اس کے علاوہ لیسکو، میپکو ہزارہ الیکٹرک، حیدرآباد الیکٹرک، پشاور الیکٹرک اور سکھر الیکٹرک سپلائی کمپنی کی بھی نجکاری فیز ٹو میں ہی کی جائے گی۔

وزارت نجکاری نے بتایا کہ فیز تھری میں پوسٹل لائف انشورنس کمپنی کی نجکاری کی جائے گی۔

ایک رکن بشیر خان نے استفسار کیا کہ کون سے اداروں کی نجکاری مکمل ہوچکی ہے اور حاصل رقم کی تفصیل کیا ہے۔ اس پر پارلیمانی سیکریٹری نے بتایا کہ رواں برس اکتوبر نومبر میں پی آئی اے کی نجکاری مکمل ہو جائے گی۔

وزیر دفاع خواجہ آصف نے کہا کہ حکومت سوچ رہی ہے کہ جوائنٹ وینچر کے طور پر پی آئی اے پر کام کرے، بصورت دیگر حکومت روز ویلٹ کو مکمل طور پر بیچنا چاہتی ہے۔

پاکستان کی قومی فضائی کمپنی (پی آئی اے) کی نجکاری کے حوالے سے حکومتی کوششیں کافی عرصہ سے جاری ہیں اب اس حوالے سے نئی خبر آ گئی ہے۔

پاکستان کی قومی فضائی کمپنی (پی آئی اے) کی نجکاری کے لیے وفاقی حکومت طویل عرصہ سے کوشاں ہے اور اس حوالے سے کئی بار نیلامی کا بھی اعلان کیا گیا مگر تاحال یہ مشن کامیاب نہیں ہوسکا۔

اب اطلاعات یہ ہیں کہ عالمی مالیاتی ادارے (آئی ایم ایف) کی جانب سے حکومت کو پی آئی اے کی نجکاری کے لیے جو ڈیڈ لائن دی گئی تھی۔ اس مقررہ مدت تک بھی اس کی پرائیویٹائزیشن نہیں ہو سکے گی۔

اے آر وائی نیوز کو ذرائع سے ملنے والی اطلاعات کے مطابق آئی ایم ایف نے حکومت کو جولائی تک پی آئی اے کی نجکاری کی ڈیڈ لائن دی تھی، تاہم اس حوالے سے وزیراعظم شہباز شریف کے مشیر برائے نجکاری کا کہنا ہے کہ پی آئی اےکی نجکاری جولائی میں بھی نہیں ہو سکے گی۔

آئی ایم ایف کو دی گئی ڈیڈ لائن کے مطابق پی آئی اے کی نجکاری نہیں ہو سکے گی بلکہ اس کی پرائیویٹائزیشن کا عمل دسمبر تک مکمل ہو سکے گا۔

دو دہائی بعد پی آئی اے منافع بخش ادارہ بن گیا

مشیر نجکاری کے مطابق پی آئی اے کے لیے ایکسپریشن آف انٹرسٹ رواں ماہ جاری کیا جائے گا اور بولی دینے والوں کو جولائی میں اس کے اثاثوں کی جانچ پڑتال کا موقع دیا جائے گا۔

پی آئی اے نے 8 انٹرنیشنل روٹس بحال کر دیے

ان کا کہنا ہے کہ نیلامی کے معاملے کے بعد غور وفکر کا مرحلہ ستمبر تک جاری رہے گا۔ دوسری بار نجکاری میں پہلے بولی دینے والی کمپنیاں بھی شامل ہوں گی۔

https://urdu.arynews.tv/pia-privatization-process-accelerates-once-again/

پاکستان ریلویز نے نجکاری سے متعلق اہم قدم اٹھاتے ہوئے مزید سات مسافر ٹرینوں کو نجی شعبے کو دینے کا فیصلہ کیا ہے۔

اے آر وائی نیوز کو ذرائع سے ملنے والی اطلاعات کے مطابق پاکستان ریلویز نے نجکاری سے متعلق اہم قدم اٹھاتے ہوئے مزید سات مسافر ٹرینوں کو نجی شعبے کو دینے کا فیصلہ کیا ہے۔ ان ٹرینوں کی نیلامی کیلیے بڈز وصولی 25 فروری تک ہو گی۔

ذرائع کے مطابق جن ٹرینوں کو نجی شعبے کو دینے کا فیصلہ کیا گیا ہے۔ ان میں ہزارہ ایکسپریس، کراچی ایکسپریس، فرید ایکسپریس، بہاؤ الدین زکریا ایکسپریس، سکھر ایکسپریس، راولپنڈی ایکسپریس اور موہنجو دڑو ایکسپریس شامل ہیں۔

اس حوالے سے ریلویز حکام کا موقف بھی سامنے آیا ہے اور ان کا کہنا ہے کہ ٹرینوں کو پرائیوٹائز نہیں بلکہ آؤٹ سورس کیا جائے گا۔ آؤٹ سورسنگ سے مسافروں کو سہولتوں کی فراہمی اور ریونیو میں بہتری آئے گی۔

https://urdu.arynews.tv/pakistan-railways-revolutionary-step-towards-modernization/

پاکستان نے آذر بائیجان کو پی آئی اے یوٹیلٹی اسٹورز، بجلی ڈسکوز سمیت دیگر اداروں کی نجکاری میں شامل ہونے کی پیشکش کی ہے۔

اے آر وائی نیوز کے مطابق وفاقی وزیر نجکاری اور مواصلات عبدالعلیم خان کی باکو میں آذر بائیجان کے وزیر معیشت سے ملاقات ہوئی جس میں انہوں نے آذر بائیجان کو پاکستان میں پی آئی اے، یوٹیلٹی اسٹورز، بجلی ڈسکوز سمیت دیگر اداروں کی نجکاری میں شامل ہونے کی پیشکش کی ہے۔

وفاقی وزیر عبدالعلیم خان جو بین الوزارتی کانفرنس میں شرکت کے لیے دو روزہ دورے پر آذر بائیجان پہنچے ہیں۔ وہ اس دوسرے کے دوران اجلاسوں میں شرکت اور حکومتی حکام سے ملاقاتیں کریں گے۔

باکو میں آذر بائیجان کے وزیر معیشت سے ملاقات میں باہمی تجارت وتعاون، دو طرفہ تعلقات میں اضافے سمیت مختلف آپشنز پر تبادلہ خیال کیا گیا۔

بعد ازاں مقامی میڈیا سے گفتگو میں عبدالعلیم خان نے کہا کہ یہ میرا دوسرا گھر اور ہمارے دلوں کے نزدیک ہے۔ آذر بائیجان حکومت سے پاکستان میں نجکاری، جی ٹو جی اور بی ٹو بی شراکت پر بات چیت ہوئی ہے۔

انہوں نے بتایا کہ باکو کو پی آئی اے، زرعی ترقیاتی بینک، ڈسکوز، یوٹیلٹی اسٹورز سمیت دیگر منصوبوں کی نجکاری کے عمل میں شامل ہونے کی پیشکش کی ہے۔

وفاقی وزیر عبدالعلیم خان نے کمیونیکیشن سیکٹر میں بھی آذربائیجان کو باہمی تعاون کی پیشکش کرتے ہوئے کہا کہ سکھر سے کراچی موٹر وے ایم 6 بندرگاہ کی تعمیر میں آذربائیجان حصہ لے۔

عبدالعلیم خان نے مزید کہا کہ ایل این جی اور ’’ری نیو ایبل انرجی ” میں باہمی سرمایہ کاری کر سکتے ہیں۔ اس کے علاوہ آئی ٹی، ٹیلی کام، زراعت، انرجی ودیگر شعبوں میں بھاری انوسٹمنٹ ہو سکتی ہے۔

ان کا کہنا تھا کہ دو طرفہ تجارت کے حجم میں اضافے کیلیے قابل عمل اقدامات کرنا ہوں گے۔ باہمی تعاون اور دو طرفہ امور کو "جوائنٹ وینچرز” اور” ایم او یوز” سے آگے لے کر جانا ہے۔

اس موقع پر آذر بائیجان کے وزیر نے پاکستان سے باکو تک ڈائریکٹ فلائٹ کے آغاز پر اطمینان کا اظہار کیا اور کہا کہ پاکستان سے باکو ٹور ازم میں اضافہ ہوا ہے۔