اسلام آباد: نجکاری کمیشن بورڈ نے 5 سالہ نجکاری پلان کی منظوری دے دی ہے، پہلے مرحلے میں 15 سے 20 سرکاری اداروں کی نجکاری کا فیصلہ کرلیا گیا ہے۔
تفصیلات کے مطابق نجکاری کمیشن بورڈ نے 5 سال پر مشتمل نجکاری پلان کی منظوری دے دی ہے، 15 سے 20 سرکاری اداروں کی نجکاری کا فیصلہ کیا گیا ہے جبکہ فہرست کل کابینہ کمیٹی برائے نجکاری کے اجلاس میں پیش کی جائے گی۔
[bs-quote quote=”سرکاری اداروں کے ملازمین کو بے روزگار نہیں کیا جائے گا” style=”style-6″ align=”left” author_name=”وزیر نجکاری”][/bs-quote]
پی آئی اے اور پاکستان اسٹیل کی نجکاری فی الحال روک دی گئی، اسٹیٹ لائف، ایچ بی ایف سی کی نجکاری کی منظوری دے دی گئی ہے۔
ایس ایم ای بینک، فرسٹ ویمن بینک نجکاری کی فہرست میں شامل ہیں۔ وزیر نجکاری کے مطابق پہلے مرحلے میں زیادہ قیمت کی توقع والے اداروں کی نجکاری ہوگی۔
وفاقی وزیر نجکاری میاں محمد سومرو نے کہا کہ پرائیویٹائز کیے جانے والے سرکاری اداروں کے ملازمین کو بے روزگار نہیں کیا جائے گا، ان کا کہنا تھا کہ پی آئی اے اور اسٹیل مل کی نجکاری کو فی الحال روک دیا گیا ہے۔
