نجی فضائی کمپنی نے پاکستان میں ایئر ایمبولینس سروس شروع کرنے کا اعلان کیا ہے سول ایوی ایشن اتھارٹی نے اجازت دے دی ہے۔
اے آر وائی نیوز کے مطابق نجی فضائی کمپنی نے پاکستان میں ایئر ایمبولینس سروس شروع کرنے کا اعلان کیا ہے اور سول ایوی ایشن اتھارٹی (سی اے اے) نے مذکورہ کمپنی کو فضائی ایمبولینس سروس شروع کرنے کی اجازت بھی دے دی ہے۔
نجی کمپنی جدید پائپر سینیکا طیارہ ایئر ایمبولینس سروس کے لیے استعمال کرے گا۔ اس فضائی ایمبولینس سے مریضوں کو ملک کے کسی بھی ایئرپورٹ سے منتقل کیا جا سکے گا۔
نجی کمپنی کا کہنا ہے کہ ایئر ایمبولینس سروس کے لیے دوسرا طیارہ بھی جلد بیڑے میں شامل کر دیا جائے گا۔
واضح رہے کہ اس سے قبل سول ایوی ایشن اتھارٹی نے پاکستان کی سب سے بڑی فلاحی تنظیم ایدھی فاؤنڈیشن کو ایئر ایمبولینس سروس شروع کرنے کی اجازت دی تھی۔ا