ندا یاسر نے عبایا پہنے اپنی چند تصویریں شیئر کی ہیں اور اس پوسٹ کے کیپشن میں لکھا ہے کہ ’دعاؤں میں یاد رکھیے گا، حج کے لیے جا رہی ہوں، کہا سنا معاف ‘۔
میزبان ندا یاسر نے گزشتہ روز اپنا مارننگ شو بھی عبائے میں کیا تھا، جس میں انہوں نے بتایا تھا کہ وہ آج رات کی فلائٹ سے حج کی سعادت حاصل کرنے کے لیے سعودی عرب روانہ ہو رہی ہیں۔
پاکستان انڈسٹری کے معروف اداکار و پروڈیوسر عدنان صدیقی کو پروگرام میں مکھی نے تنگ کیا تو انہوں نے خواتین سے تشبیہہ دیدی۔
اے آروائی ڈیجیٹل کے ’شان سحر‘ شو میں اداکارہ عدنان صدیقی نے شرکت کی، جہاں انہیں مکھی نے تنگ کیا تو انہوں نے ایک عجیب و غریب تبصرہ کیا جس پر میزبان ندا یاسر بھی پریشان ہوگئیں۔
عدنان صدیقی نے خواتین کیلئے مکھی کی مثال دیتے ہوئے کہا کہ ’ میں جو بات کرنے جارہا ہوں اس بات کے حوالے سے تمام خواتین سے گزارش ہے کہ وہ اس بات کا برا نہ مانیں ‘۔
عدنان صدیقی نے کہا کہ مکھی اور خواتین کی مثال ایک جیسی ہے، آپ جتنا خواتین کے پیچھے بھاگیں گے وہ آپ سے دور بھاگیں گی اور اگر آپ بیٹھ جائیں گے تو وہ مکھی کی طرح ہاتھ پر آکر بیٹھ جائیں گی۔
اداکار نے شو کے دوران اپنی مثال دیتے ہوئے کہا کہ جب میں مکھی کے پیچھے بھاگ رہا تھا تو وہ بھاگ رہی تھی اور جب میں بیٹھ گیا تو وہ میری ناک پر آکر بیٹھ گئی۔
ماضی کے معروف اداکار غلام محی الدین کا کہنا ہے کہ اپنے کیریئر کے ابتدائی دنوں میں ان کے پاس بس میں سفر کے پیسے نہیں ہوتے تھے، جب انہیں پہلی فلم کی آفر آئی تو وہ مایوس ہو کر امریکا جا کر کمانے کا سوچ رہے تھے۔
تفصیلات کے مطابق ماضی کے معروف اداکار غلام محی الدین نے اے آر وائی ڈیجیٹل کے پروگرام شان سحور میں شرکت کی اور میزبان ندا یاسر کے دلچسپ سوالات کے جوب دیے۔
غلام محی الدین نے اپنی ابتدائی جدوجہد کے بارے میں گفتگو کرتے ہوئے بتایا کہ شروع میں ان کے پاس بس میں سفر کرنے کے پیسے نہیں ہوتے تھے اور وہ زیادہ تر پیدل سفر کیا کرتے تھے۔
انہوں نے کہا کہ وہ ریڈیو پروگرام کرتے تھے اور اس کے بعد وائس آف امریکا کے لیے ریڈیو پروگرام کرتے تھے اور دونوں کے درمیان 1 گھنٹے کا وقت ہوتا تھا جس میں وہ بھاگم بھاگ ایک جگہ سے دوسری جگہ پہنچتے تھے۔
اداکار نے بتایا کہ ریڈیو کے بعد انہوں نے تھیٹرز بھی کیے اور پھر پی ٹی وی پر پلے بھی کیے۔
انہوں نے کہا کہ پی ٹی وی پر ایک پلے جو انہوں نے خود لکھا تھا، اس کے لیے کہا گیا کہ غلام محی الدین کو اس میں کام نہ کرنے دیا جائے۔ وہ پروگرام مینیجر کے پاس گئے اور کہا کہ یہ پلے ان کی تخلیق کردہ ہے لہٰذا وہ اس میں ہر صورت کام کریں گے۔
اداکار نے یہ بھی کہہ دیا کہ چاہے وہ اس کے بعد کوئی پلے نہ کریں لیکن اس پلے میں ہر صورت کام کریں گے۔ جب پلے ختم ہوا تو وہ شدید ذہنی دباؤ کا شکار ہوگئے کہ اب وہ کیا کریں گے۔
اس دوران انہیں ان کے امریکا میں مقیم ایک دوست نے وہاں آنے کے لیے کہا اور وہ خود بھی امریکا جانے کا ارادہ کر رہے تھے، لیکن پھر اچانک معروف ہدایتکار شباب کیرانوی نے ان سے رابطہ کیا اور انہیں فلم کی پیشکش کی۔
غلام محی الدین نے کہا کہ ابتدا میں وہ ہچکچاہٹ کا شکار تھے لیکن شباب صاحب نے ہی ان کا حوصلہ بڑھایا اور اس کے بعد انہوں نے فلموں میں کام شروع کردیا۔
معروف اداکارہ حنا الطاف کا کہنا ہے کہ انہیں کیریئر کی ابتدا میں زیادہ مشکلات نہیں اٹھانی پڑیں اور انہیں جلدی جلدی مواقع ملتے گئے۔
معروف پاکستانی اداکارہ حنا الطاف نے اے آر وائی نیوز کے پروگرام گڈ مارننگ پاکستان میں شرکت کی اور اپنی پیشہ وارانہ زندگی کے بارے میں بتایا۔
انہوں نے کہا کہ انہوں نے اپنا پہلا آڈیشن 18 سال کی عمر میں وی جے کے لیے دیا تھا، اس کے بعد کئی آڈیشنز دیے۔
حنا کا کہنا ہے کہ پھر ایک دن انہیں اچانک رات میں کال آئی کہ کیا وہ اگلی صبح پروگرام کر سکتی ہیں؟ پروگرام کی میزبان کسی وجہ سے چلی گئی تھیں اور ان کی جگہ پر فوری طور پر دوسرا شخص چاہیئے تھا۔
انہوں نے کہا کہ وہ پروگرام کرنے چلی گئیں، سب کچھ بالکل ٹھیک ہوا اور پھر وہ مستقل شو کرنے لگیں۔ اس کے بعد انہوں نے اے آر وائی کے ساتھ ایک لمبا عرصہ کام کیا۔
حنا کا کہنا تھا کہ اداکاری کے لیے بھی انہیں اچانک ہی آڈیشن دینے کا کہا گیا اور ان کا وہ آڈیشن بہت برا ہوا تھا، اس کے باوجود ان کا انتخاب کرلیا گیا۔ اس کے بعد انہوں نے متعدد ڈراموں میں کام کیا۔
کراچی: معروف پاکستانی اداکارہ حرا خان نے اپنے شوہر کے ساتھ ندا یاسر کے پروگرام میں شرکت کی اور ارسلان سے ہونے والی ملاقات کے بارے میں بتایا۔
معروف اداکارہ حرا خان نے اپنے شوہر ارسلان خان کے ساتھ اے آر وائی ڈیجیٹل کے پروگرام میں شرکت کی اور میزبان ندا یاسر کے دلچسپ سوالات کے جواب دیے۔
ندا کے پوچھنے پر حرا نے بتایا کہ ان کی ارسلان سے ملاقات کیسے ہوئی تھی۔
حرا کا کہنا تھا کہ کراچی میں جب موسلا دھار بارشیں ہورہی تھیں تو وہ اپنی ایک دوست کے ساتھ اپنے فلیٹ میں محصور ہوگئی تھیں اور ان کے پاس پانی بجلی کچھ بھی نہیں تھا۔
ان کی دوست پہلے انہیں اپنے گھر اور پھر اپنے ایک دوست کے گھر لے گئی تھیں، وہیں ارسلان سے ان کی ملاقات ہوئی۔
حرا نے بتایا کہ ارسلان سے پہلے ان کی دوستی ہوئی پھر آہستہ آہستہ دونوں کو اندازہ ہوا کہ وہ دونوں ہم مزاج ہیں، اس کے بعد محبت کا تعلق قائم ہوگیا، اس دوران حرا ارسلان کے گھر والوں سے بھی مل چکی تھیں اور وہ بھی انہیں بےحد پسند کرتے تھے۔
بعد ازاں ندا نے ایک سیگمنٹ میں دونوں سے ایک دوسرے کے بارے میں دریافت کیا اور دونوں کے بیشتر جوابات صحیح نکلے۔
ارسلان کا کہنا تھا کہ شروع میں حرا انہیں بالکل پسند نہیں آئیں کیونکہ وہ بہت کم گو انسان تھے اور حرا بہت باتونی، لیکن پھر آہستہ آہستہ دونوں کے درمیان محبت کا تعلق قائم ہوگیا۔
یاد رہے کہ حرا خان نے اے آر وائی ڈیجیٹل کے ڈرامہ سیریل وہ پاگل سی میں سارا کا کردار نبھایا تھا جبکہ اس سے قبل بلاک بسٹر ڈرامہ سیریل میرے ہمسفر میں رومی کا کردار بھی ادا کیا تھا۔
دونوں ڈراموں میں ان کی اداکاری کو بے حد پسند کیا گیا اور مداحوں نے ان کی بے حد تعریف کی۔
کراچی: ڈرامہ انڈسٹری کی سینئر اداکارہ شگفتہ اعجاز کا کہنا ہے کہ مجھے کھانا پکانے اور کھلانے کا بہت شوق ہے۔
اداکارہ شگفتہ اعجاز نے اے آر وائی ڈیجیٹل کے پروگرام ’گڈ مارننگ پاکستان‘ میں شرکت کی اور میزبان ندا یاسر کی جانب سے پوچھے گئے مختلف سوالات کے جوابات دیے گئے۔
انہوں نے بتایا کہ ’مجھے کھانا پکانے اور کھلانے کا بہت شوق ہے اور ایسا کرنا مجھے اچھا بھی لگتا ہے۔
میزبان ندا یاسر نے کہا کہ ’شوہر یاسر نواز نے بتایا ہے کہ آپ سیٹ پر رات کے وقت بھی گرم گرم کھانا بنا کر دیتی ہیں۔‘
اداکارہ نے کہا کہ ’میں نے گھر میں گاؤں میں یہی دیکھا ہے، گھر میں مہمان نوازی دیکھتی آرہی ہوں وہاں دادی کے گھر جاتے تھے تو اسی طرح کا ماحول دیکھنے کو ملا وہ جو ان کا پیار اور خلوص ہوتا تھا میں سمجھتی ہوں کہ آپ کھانے سے میز سجا دیں لیکن اگر آپ دل سے خوش نہیں تو اس کا مزہ نہیں آتا ہے۔‘
میزبان نے پوچھا کہ آپ کے ہاتھ میں ذائقہ بھی ہے؟ شگفتہ اعجاز نے بتایا کہ ’لوگ تو کہتے ہیں کیونکہ ہمارے یہاں بنیادی چیزیں بنا کرتی تھیں مسالے والا سالن، والدہ کے ہاتھ کے کھانوں میں بھی ذائقہ تھا۔‘
انہوں نے بتایا کہ ’جب اسکول گئی تھی ’ہوم اکنامکس‘ سبجیکٹ لیا تو ٹیچرز کی جانب سے ڈشز بنوائی جاتی تھیں تو ان چیزوں کی وجہ سے میری کھانا بنانے میں دلچسپی ہوئی۔
واضح رہے کہ شگفتہ اعجاز سوشل میڈیا پر کافی متحرک رہتی ہیں اور اکثر دلچسپ ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
معروف اداکاروں یاسر نواز اور ہارون شاہد نے وزن کم کرنے سے متعلق ٹپس بتائیں، دونوں کا کہنا تھا کہ اسکرین پر ان کا وزن زیادہ دکھائی دیتا ہے جس کی وجہ سے وہ اپنا وزن کم رکھنا چاہتے ہیں۔
تفصیلات کے مطابق معروف اداکاروں یاسر نواز اور ہارون شاہد نے اے آر وائی ڈیجیٹل کے مارننگ شو گڈ مارننگ پاکستان میں شرکت کی اور میزبان ندا یاسر کے مختلف سوالات کے جواب دیے۔
ہارون شاہد نے بتایا کہ ان کا وزن مناسب ہے لیکن وہ اسکرین پر فربہ لگتے ہیں لہٰذا وہ اپنا وزن کم کرنا چاہتے ہیں۔
انہوں نے کہا کہ اس کے لیے ایک ہی طریقہ ہے تھوڑی سی بھوک چھوڑ کر کھانا کھایا جائے اور پیٹ مکمل طور پر نہ بھرا جائے۔
یاسر نواز نے بتایا کہ وہ زمانہ طالب علمی میں بہت دبلے پتلے ہوا کرتے تھے، ان کے والد انہیں پینٹ شرٹ نہیں پہننے دیتے تھے کیونکہ وہ اس میں مزید دبلے لگتے تھے۔
انہوں نے کہا کہ وہ وزن میں اضافے کے لیے ملائی، دودھ جلیبی اور انڈے وغیرہ کھایا کرتے تھے لیکن ان کے وزن میں اصل اضافہ ورزش کرنے سے ہوا۔
یاسر کا کہنا تھا کہ ورزش کرنے سے ان کا جسم حرکت میں آیا اور بھوک میں بھی اضافہ ہوا جس کے بعد ان کا وزن بڑھنا شروع ہوا، تاہم اداکاری چھوڑ کر ہدایت کاری میں آنے کے بعد انہوں نے ورزش چھوڑ دی۔
ان کا کہنا ہے کہ اب وہ ایک بار پھر سے ورزش کر کے خود کو فٹ بنانے کی کوشش کر رہے ہیں۔
معروف پاکستانی اداکارہ مریم نفیس کا کہنا ہے کہ انہیں اپنے شوہر کی سب سے بہترین خوبی یہ لگتی ہے کہ وہ آسان طبیعت کے مالک ہیں اور زیادہ تنگ نہیں کرتے۔
معروف پاکستانی اداکارہ مریم نفیس نے اپنے شوہر امان احمد کے ساتھ ندا یاسر کے پروگرام میں شرکت کی۔
مریم نے بتایا کہ انہیں اپنے شوہر کی سب سے اچھی بات یہ لگتی ہے کہ وہ بہت سہل طبیعت کے مالک ہیں، ان کی طرف سے کسی بات پہ کوئی روک ٹوک نہیں ہوتی نہ وہ زیادہ تنگ کرتے ہیں۔
مریم کا کہنا تھا کہ ان کی دوسری خوبیاں تو اپنی جگہ ہیں ہی لیکن اگر کوئی شخص ہینڈسم ہو لیکن مشکل طبیعت کا، تنگ کرنے والا ہو تو ایسی ہینڈسم نیس کا کیا کرنا۔
اداکارہ نے بتایا کہ وہ ابتدا میں دوست بنے پھر ان کے درمیان محبت کا تعلق قائم ہوا، لہٰذا شادی کے بعد بھی ان کا رشتہ نہایت دوستانہ ہے۔
امان نے بتایا کہ انہیں مریم کی یہ خوبی بہت پسند ہے کہ وہ آزاد سوچ کی مالک ہیں اور ہر معاملے میں اپنی رائے رکھتی ہیں، بھیڑ چال نہیں چلتیں۔
ان کا کہنا تھا کہ انہوں نے مریم کے ڈرامے زیادہ نہیں دیکھے، دراصل انہیں مریم کی سماجی سرگرمیاں زیادہ پسند ہی جبکہ وہ ان کی خود اعتمادی کے بھی مداح ہیں۔
یاد رہے کہ مریم نفیس گزشتہ دنوں فلم ساز امان احمد کے ساتھ رشتہ ازدواج میں منسلک ہوئی ہیں، مریم نے مئی 2021 میں امان احمد سے منگنی کی تھی، ان کے شوہر امان احمد اداکار ہونے کے ساتھ فلم ساز بھی ہیں۔
کراچی: معروف اداکارہ حرا مانی نے بتایا کہ وہ گھر سے دور ہوتے ہوئے بھی کس طرح گھر کا خیال رکھتی ہیں۔
تفصیلات کے مطابق معروف پاکستانی اداکارہ حرا مانی اور ان کے شوہر سلمان ثاقب شیخ (مانی) نے ندا یاسر کے شو میں شرکت کی اور اپنے بارے میں دلچسپ باتیں بتائیں۔
حرا کا کہنا تھا کہ شادی کے بعد جب وہ سسرال گئیں تو انہوں نے بے تحاشہ صفائیاں شروع کردیں، انہیں صفائی کا ہمیشہ سے جنون تھا۔
مانی کا کہنا تھا کہ اب بھی جب حرا گھر پر ہوتی ہے تو وہ سب کے لیے بہت پریشان کن دن ہوتا ہے کیونکہ وہ تمام چیزیں کھول کھول کر دیکھتی ہے اور نوکروں کی شامت آجاتی ہے۔
حرا نے بتایا کہ اب انہوں نے گھر پہ کیمرے بھی لگا لیے ہیں جس کی وجہ سے وہ آسانی سے ملازمین سے کام کروا سکتی ہیں۔
کراچی: معروف ٹی وی اداکار ہارون شاہد کا کہنا ہے کہ وہ اور ان کی اہلیہ ایک دوسرے کو کالج سے جانتے تھے، ہارون پلوشہ سے 4 سال سینیئر تھے۔
تفصیلات کے مطابق معروف ٹی وی اداکار ہارون شاہد نے اے آر وائی ڈیجیٹل کے پروگرام شان سحور میں اپنی اہلیہ پلوشہ شاہد کے ساتھ شرکت کی اور اپنی زندگی کے بارے میں بتایا۔
میزبان ندا یاسر سے گفتگو کرتے ہوئے انہوں نے بتایا کہ وہ اور ان کی اہلیہ پلوشہ کالج سے ایک دوسرے کو جانتے تھے۔
ہارون سینیئر تھے جبکہ پلوشہ اسلام آباد سے آئی تھیں، دونوں کی ایک مشترکہ دوست تھی جس کے توسط سے دونوں کی دوستی ہوئی۔
ہارون نے اپنی زندگی سے متعلق مزید دلچسپ باتیں بھی ندا یاسر کے ساتھ شیئر کیں۔
