ملتان: چھ روز سے احتجاج پر بیٹھیں نشتر ہسپتال ملتان کی نرسوں نے اپنے مطالبات کی منظوری کی بعد احتجاج ختم کرنے کا اعلان کر کے اپنی معمول کی ذمہ داریاں نبھانا شروع کردیں۔

تفصیلات کے مطابق نشتر ہسپتال ملتان کی نرسوں نے چھ روز سے نشتر روڈ پر احتجاج جاری رکھا ہوا تھا، نرسوں نے نرسنگ سپرنٹنڈنٹ میڈم ناہید کوکب کی برطرفی کا مطالبہ کیا تھا۔

ملتان میں نرسوں کا احتجاج چھٹےروز بھی جاری ہے

چھ روز سے احتجاج پر بیٹھیں نرسوں کا کہنا تھا کہ نرسنگ سپرنٹنڈنٹ کوکب ناہید کا اسٹاف کے ساتھ رویہ مناسب نہیں ہے، بلاوجہ تنگ کیا جاتا ہے،نرسوں کو چھٹی نہیں دی جاتی، جب کہ اسپتال کے ایم ایس کا رویا بھی نہایت نامناسب ہے،انہوں نے حجاب پہنے پر پابندی لگا رکھی ہے۔

یاد رہے کہ احتجاج کے چوتھے روز نرسیں کچہری پل پر چڑھ گئی تھیں،جہاں ایک نرس نے نیچھے چھلانگ لگانے کی بھی کوشش کی تھی جسے ساتھی نرسوں نے ناکام بنادیا تھا،اس کے بعد ضلعی انتظامیہ کی جانب سے ایک کمیٹی بھی بنا دی گئی تھی،جسے نرسز ایسوسی ایشن نے مسترد کردیا تھا۔

معاملہ کی سنگینی کو دیکھتے ہوئے آج ڈی جی نرسنگ اور اسپتال انتظامیہ نے احتجاجی نرسوں سے مزاکرات کر کےنرسوں کے مطالبے کو مانتے ہوئے ہے،نرسنگ سپرنٹنڈنٹ کوکب ناہید کو عارضی طور پر عہدے سے ہٹا کر پرنسپل
نرسنگ اسکول زاہدہ نور کو نرسنگ سپرنٹنڈنٹ تعینات کردیاگیا۔

اس موقع پر ڈی جی نرسنگ نے معاملے پر مکمل انکوائری کےلیئے چار رکنی کمیٹی بھی بنادی ہے، جو اپنی تحقیقات مکمل کر کے رپورٹ ڈی جی نرسنگ کو دے گا۔

نرسوں نے نرسنگ سپرنٹنڈنٹ کوکب ناہید کو عہدے سے ہٹائے جانے پر احتجاج ختم کرکے ڈھول کی تھاپ پر بھنگڑے ڈالے اور مٹھائیاں تقسیم کیں۔

چیئرمین پیپلزپارٹی بلاول بھٹو زرداری نے لاہور میں جاری کسانوں اور محکمہ صحت کے ملازمین کے احتجاج پر تشویش کا اظہار کرتے ہوئے واضح کیا ہےکہ مظاہرین کے مطالبات تسلیم نہ کیے گئے تو پیپلزپارٹی مظاہرین کے ہمراہ احتجاج میں شامل ہوجائے گی۔

بلاول ہاؤس سے جاری بیان میں چیئرمین پیپلزپارٹی نے حکومت پنجاب کے رویے پر شدید تنقید کرتے ہوئے کہا ہے کہ پنجاب حکومت ماضی کی تاریخ دہرانے سے باز رہے اور غریبوں کا معاشی طور پر قتل عام فوری طور پر بند کرے۔

مزید پڑھیں : کسانوں کا پنجاب اسمبلی کے سامنے دھرنا، 1 کسان جاں بحق

مظاہرے میں گرمی کے باعث جاں بحق ہونے والے کسان سمیع اللہ کے انتقال پر اظہار افسوس کرتے ہوئے بلاول بھٹو زدرای کا کہنا تھا کہ ’’ شدید گرمی کے باوجود کسان اپنے جائز حقوق مانگنے کے لیے سڑکوں پر موجود ہیں، مظاہرے میں موجود بیشتر کسانوں کا تعلق جنوبی پنجاب کے مختلف علاقوں ملتان، کبیروالا، لودھراں سے ہے۔

بلاول بھٹو زرداری نے حکومت پر واضح ہے کہ اگر حکومتِ پنجاب نے کسانوں کے مطالبات تسلیم نہ کیے تو پیپلزپارٹی ان کے حقوق کی جدوجہد میں شامہ ہوجائے گی، چیئرمین پیپلزپارٹی نے پنجاب آرگنائزنگ کمیٹی کے رہنماء چوہدری منظور اور رانا فاورق مظاہرین سے اظہار یکجہتی کے لئے دھرنوں میں شرکت کی ہدایت کی ہے۔

واضح رہے پنجاب اسمبلی کے باہر بیرونِ ملک سے اشیاء کی درآمد کروانے اور فصلوں پر قیمتوں میں اضافے کے لئے جبکہ ملتان کے شہر نشتر روڈ پر واقع نشتر ہسپتال کے ایم ایس اور نرسنگ ہیڈ کے خلاف ہسپتال کی نرسوں نے احتجاج جاری رکھا ہوا ہے۔