ARYNews.tv | Urdu – Har Lamha Bakhabar

Tag: نرسوں کا عالمی دن

  • ’ورلڈ نرسز ڈے‘‘ آج منایا جائے گا

    ’ورلڈ نرسز ڈے‘‘ آج منایا جائے گا

    اسلام آباد :پاکستان سمیت دنیا بھر میں نرسوں کا عالمی دن ’’ورلڈ نرسز ڈے‘‘ آج بھرپور انداز سے منایا جائے گا۔

    تفصیلات کے مطابق نرسنگ کی اہمیت اُجاگر کرنے اور اس کی خدمات کے اعتراف کے طور پر دنیا بھر میں ہر سال 12مئی کو نرسوں کا عالمی دن منایا جاتا ہے۔

    اس دن کو منانے کا آغاز1953ء میں ہوا، اس دن کو منانے کا مقصد اس پیشے سے وابستہ خواتین کی حوصلہ افزائی کرنا ہے اور ساتھ ہی جنگ عظیم میں خدمات سرانجام دینے والی معروف نرس فلورنس نائٹ انگیل کی خدمات کو بھی سراہنا ہے۔

    اقوام متحدہ کی رپورٹ کے مطابق دنیا میں ایک کروڑ 80 لاکھ 28 ہزار 917 نرسیں خدمت انسانی کے جذبے کے تحت دنیا کے مختلف ہسپتالوں میں خدمات سرانجام دے رہی ہیں۔

    رپورٹ کے مطابق 69 لاکھ 41 ہزار 698 نرسوں کے ساتھ یورپ سرفہرست جبکہ 40 لاکھ 95 ہزار 757 کے ساتھ براعظم امریکا کا خطہ دوسرے، 34 لاکھ 66 ہزار 342 کے ساتھ مغربی بحرالکاہل تیسرے 19 لاکھ 55 ہزار 190 کے ساتھ جنوب مشرقی ایشیا چوتھے 7 لاکھ 92 ہزار 853 کے ساتھ افریقہ پانچویں نمبر پر ہے۔

    پاکستان میں شعبہ نرسنگ کی بنیاد بیگم رعنا لیاقت علی خان نے رکھی۔ 1949ء میں سینٹرل نرسنگ ایسویسی ایشن اور1951ء میں نرسز ایسویسی ایشن کا قیام عمل میں آیا۔

  • زخموں کی مسیحائی کرنے والی نرسوں کا عالمی دن

    زخموں کی مسیحائی کرنے والی نرسوں کا عالمی دن

    جذبہ انسانیت سے سرشار زخموں اور زخمیوں کی مسیحائی کرنے والی نرسوں کا آج عالمی دن آج منایا جارہا ہے۔

    نرسنگ کے مقدس پیشے کی بنیاد ایک اطالوی خاتون فلورنس نائیٹ اینجل نے سنہ 1860 میں رکھی۔ فلورنس نے اپنے والدین کی مخالفت اور اس وقت معاشرے میں اس پیشے کو باعزت نہ سمجھنے جانے کے باوجود اس پیشے میں مہارت حاصل کی۔

    florence

    نرسوں کا عالمی دن اسی عظیم خاتون کو خراج تحسین پیش کرنے کے لیے ان کے یوم پیدائش پر منایا جاتا ہے۔

    عالمی ادارہ صحت کے مطابق دنیا بھر میں لگ بھگ 2 کروڑ نرسیں مختلف اسپتالوں میں اپنی خدمات سر انجام دے رہی ہیں۔

    پاکستان میں شعبہ نرسنگ

    پاکستان میں نرسنگ کے شعبہ کی بنیاد سابق وزیر اعظم پاکستان کی اہلیہ بیگم رعنا لیاقت علی خان نے رکھی تھی جو خود بھی سندھ کی گورنر رہیں۔

    اکنامک سروے آف پاکستان کے اعداد و شمار کے مطابق ملک میں 62 ہزار 651 نرسیں ہیں اور 10 ہزار آبادی کے لیے صرف 5 نرسیں ہیں۔

    nurse-4

    پاکستان نرسنگ کونسل کے مطابق ملک بھر میں نرسنگ کی بنیادی تربیت کے لیے 162 ادارے قائم ہیں۔ ان اداروں سے سالانہ 1800 سے 2000 رجسٹرڈ خواتین نرسز، 1200 مڈ وائف نرسز اور تقریباً 300 لیڈی ہیلتھ وزٹر میدان عمل میں آتی ہیں۔

    نرسنگ کے شعبے میں ڈپلومہ اور ڈگری پروگرام فراہم کرنے والے اداروں کی تعداد صرف 5 ہے۔

    ماہرین طب کے مطابق پاکستان میں نرسنگ کا شعبہ بے پناہ مسائل کا شکار ہے۔

    nurse-3

    نرسوں کے لیے ڈاکٹروں کی طرح ڈیوٹی کی 3 شفٹیں رکھی گئی ہیں جن کا دورانیہ کم و بیش 16 گھنٹے ہوتا ہے اور حادثاتی صورتحال کے پیش نظر نرسوں کو اکثر و بیشتر اوور ٹائم میں بھی کام کرنا پڑتا ہے مگر ان کو اس کی کوئی اجرت نہیں دی جاتی۔

    گزشتہ کئی عرصے سے پاکستان کے مختلف صوبوں کی نرسیں اپنے جائز حقوق اور مطالبات کے لیے سراپا احتجاج ہیں۔

    nurse-2

    اضافی کام کے بوجھ، قلیل سہولیات، اور دیگر مسائل کے باعث سرکاری اسپتالوں میں زیادہ تر نرسز صرف تجربہ حاصل کرنے کے لیے ملازمت اختیار کرتی ہیں اور جونہی انہیں کسی بہتر جگہ ملازمت دستیاب ہوتی ہے وہ فوراً سرکاری ملازمت چھوڑ کر نجی اداروں یا بیرون ملک کا رخ کرلیتی ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نرسوں کا عالمی دن آج منایا جا رہا ہے

    نرسوں کا عالمی دن آج منایا جا رہا ہے

    لاہور: پاکستان سمیت دنیا بھرمیں آج نرسوں کادن منایاجارہا ہے،نرسوں کی تنخواہیں اورگریڈ تو بڑھ گئےلیکن اس مقدس پیشےسے منسلک خواتین کوشکایات ہےکہ انہیں معاشرے میں وہ عزت نہیں دی جاتی جس کی وہ مستحق ہیں۔

    دنیا بھر میں نرسنگ کا پیشہ اس لیے مقدس سمجھا جاتا ہے،کیونکہ نرسیں ان مریضوں تک کا خیال رکھتی ہیں جنہیں ان کی بیماری کے باعث عزیز و اقارب بھی خود سے دور کر دیتے ہیں۔

    نرسیں تو خدمتِ خلق کے اپنے اس پیشے پر فخر محسوس کرتی ہیں لیکن لوگوں کا رویہ دیکھ کر دل ٹوٹ جاتا ہے پاکستان کے صوبے پنجاب میں نرسوں کی اپ گریڈیشن بھی ہو گئی ہے اور تنخواہیں بھی اچھی مل رہی ہیں لیکن ان کا کہنا ہے کہ اس پیشے کی وجہ سے انہیں عزت اور وقار نہیں مل پا رہا، ایمرجنسی سے لے کر انتہائی نگہداشت کے یونٹ تک نرسوں کی ڈیوٹی ہر مریض کی دیکھ بھال ہے۔

     پاکستان سمیت دنیا بھر نرسز کا عالمی دن انٹر نیشنل کونسل آف نرسز کے زیر اہتمام 1965ء سے لے کر اب تک ہر سال12مئی کو منایا جاتا ہے۔

  • دنیا بھر میں آج نرسوں کا عالمی دن منایا جائےرہا ہے

    دنیا بھر میں آج نرسوں کا عالمی دن منایا جائےرہا ہے

    nurse