Tag: نرگس

مینا کماری کو بالی ووڈ کی ملکہ جذبات یا ٹریجڈی کوئین کے لقب سے نوازا جاتا تھا۔

مینا کماری نے ایک سے بڑھ کر ایک سپر ہٹ فلموں میں اداکاری کے جوہر دکھائے لیکن  ذاتی زندگی میں رنج و غم میں مبتلا رہیں اور آخری وقت میں تنہا رہ گئی تھیں۔

جب ملکہ جذبات مینا کماری کا انتقال ہوا تو ایک طرف جہاں انہیں خراج عقیدت پیش کرنے والوں کو مجمع لگا ہوا تھا، وہیں معروف اداکارہ نرگس نے انہیں موت کی مبارک باد دی تھی۔

رپورٹ کے مطابق مینا کماری نرگس کو ’ باجی‘ کہہ کر مخاطب کرتی تھیں لیکن جب مینا کماری کا 38 برس کی عمر میں انتقال ہوا تو ہر ایک آنکھ نم تھی وہیں نرگس نے رندھی ہوئی آواز سے یہ کہہ کر سب کو حیران کن کر دیا تھا ’مینا موت مبارک ہو!‘

اس تنازع کے شدت اختیار کرنے کے بعد آخرکار اداکارہ نرگس نے 3 ماہ کے بعد 1972 میں ایک خصوصی مضمون شائع کی گئی۔

اداکارہ نرگس نے مضمون میں مینا کماری کی درد بھری بیماری اور المیہ زندگی کے بارے میں تفصیل سے بتایا انہوں نے مضمون کا آغاز ہی ان الفاظ سے کیا آپ کو موت مبارک ہو! آپ کی بڑی بہن آپ کی موت پر مبارک باد پیش کرتی ہے۔

انہوں نے لکھا کہ تھا کہ مینا میں آپ سے کہتی ہوں کہ اس دنیا میں پھر کبھی نہیں آئیے گا، کیونکہ یہ آپ جیسے لوگوں کے لیے نہیں ہے۔

اداکارہ نرگس نے اس حوالے سے بتایا کہ کمال امروہوی کے ساتھ ناکام ازوداجی زندگی گزارتے مینا کماری مختلف ذہنی بیماریوں کا شکار ہو چکی تھیں۔ ان  کی کثرت سے مے نوشی کی خبریں عام ہوگئیں تھی، مینا کماری کامل امرہوی سے خفا ہوکر بہن کے پاس آ کر رہنے لگی تھیں اور انہوں نے یہ فیصلہ کیا تھا کہ اب دوبارہ لوٹ کر نہیں جائیں گی۔

خیال رہے کہ مینا کماری 31 مارچ کو 1972 کو ان دنیا سے رخصت ہوئی تھیں اور آج ان کی برسی ہے۔