ARYNews.tv | Urdu – Har Lamha Bakhabar

Tag: نریندر مودی

  • وزیر اعظم کی الیکشن میں کامیابی پر نریندر مودی کو مبارک باد، مودی کا اظہار تشکر

    وزیر اعظم کی الیکشن میں کامیابی پر نریندر مودی کو مبارک باد، مودی کا اظہار تشکر

    اسلام آباد: وزیر اعظم عمران خان کی جانب سے انتخابات میں  کام یابی پر نریندر مودی کو مبارک باد دی گئی ، جس کا بھارتی وزیر اعظم نے شکریہ ادا کیا۔

    تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر مودی کے لیے الیکشن میں کام یابی پر مبارک باد کا پیغام جاری کیا۔

    بھارت کے پارلیمانیانتخابات میں بی جے پی اور اس کی اتحادی جماعتوں نے 345 نشستیں اپنے نام کی ہیں۔

    وزیر اعظم نے لکھا کہ نریندر مودی اور ان کے اتحادیوں کو الیکشن جیتنے پر مبارک باد دیتا ہوں۔ عمران خان کا کہنا تھا کہ وہ نریندر مودی کے ساتھ خطے میں امن، ترقی اور خوش حالی کے لیے کام کرنے کے خواہش مند ہیں۔

    پاکستانی وزیر اعظم کی مبارک باد کے ردعمل میں بھارتی وزیراعظم نریندر مودی نے شکریہ ادا کرتے لکھا:  میں آپ کی نیک خواہشات پر آپ کا تہہ دل سے ممنون ہوں۔

    انھوں نے مزید لکھا کہ میں نے ہمیشہ اپنے خطے میں امن اور ترقی کو اولین ترجیح دی ہے۔

    الیکشن میں کانگریس اتحاد 94 نشستیں حاصل کر سکی، جب کہ عام آدمی پارٹی کا صفایا ہوگیا۔نریندر مودی بھارت میں پہلے غیر کانگریسی وزیر اعظم ہیں جو پانچ سالہ دور کے بعد ایک بار پھر برسر اقتدار آ گئے ہیں۔

    خیال رہے کہ چینی صدر شی جن پنگ اور اسرائیلی وزیر اعظم بنجامن نیتن یاہو نے بھی مودی کو ان کی متاثر کن کام یابی پر مبارک باد دی ہے۔

  • بھارت میں لوک سبھا انتخابات کے نتائج کا اعلان آج ہوگا

    بھارت میں لوک سبھا انتخابات کے نتائج کا اعلان آج ہوگا

    نئی دہلی: بھارت میں لوک سبھا انتخابات کے نتائج کا اعلان آج ہوگا، بھارتی وزارت داخلہ نے سیکیورٹی ہائی الرٹ جاری کیا ہے۔

    تفصیلات کے مطابق بھارت میں 11 اپریل کو لوک سبھا کے انتخابات شروع ہوئے اور 7 مرحلوں میں 19 مئی کو مکمل ہوئے اور آج نتائج کا اعلان کیا جائے گا۔

    لوک سبھا انتخابات کے نتائج کے اعلان کے موقع پر بھارتی وزارت داخلہ نے سیکیورٹی ہائی الرٹ جاری کیا ہے۔

    انتخابی نتائج کے دوران ممکنہ ہنگامہ آرائی پر ریاستی حکام کو ہدایات جاری کردی گئیں، ووٹوں کی گنتی والے مراکز کی سیکیورٹی بھی سخت کرنے کی ہدایت کی گئی ہے۔

    بھارتی انتخابات کا ساتواں مرحلہ ختم ہونے کے بعد ایگزٹ پولز جاری کیے گئے اور زیادہ تر ایگزٹ ہولز نے مودی کی جماعت اس کے اتحادیوں کی جیت کی پیشگوئی کی ہے۔

    دوسری جانب کانگریس کے سربراہ راہول گاندھی نے لوک سبھا کے ایگزٹ پول نتائج مسترد کرتے ہوئے کہا کہ کارکن ایگزٹ پول کے جھوٹے نتائج کے پروپیگنڈے سے مایوس نہ ہوں۔

    واضح رہے کہ 11 اپریل سے شروع ہونے والے بھارت کے 17ویں عام انتخابات 7 مراحل میں مکمل ہوئے۔ بھارتی انتخابات میں مجموعی طور پر 89 کروڑ 89 لاکھ ووٹرز اپنا حق رائے دہی استعمال کریں گے۔

    انتخابات میں حکمران جماعت بی جے پی اور کانگریس کے درمیان ہی اصل مقابلہ ہے تاہم متعدد دیگر جماعتیں بھی انتخابی عمل کا حصہ ہیں۔

  • مودی کی پریس کانفرنس مذاق بن گئی، راہول گاندھی کی شدید تنقید

    مودی کی پریس کانفرنس مذاق بن گئی، راہول گاندھی کی شدید تنقید

    دہلی: بھارتی وزیر اعظم نریندر مودی کی پہلی پریس کانفرنس سوشل میڈیا پر مذاق بن گئی، اپوزیشن نے نشانے پر رکھ لیا.

    تفصیلات کے مطابق نریندر مودی نے اپنے پانچ سالہ دور اقتدار کی پہلی پریس کانفرنسمیںکسی بھی سوال کا جواب دینے سے اجتناب برتا.

    اس رویے کو شدید تنقید کی نشانہ بنایا گیا، نہ صرف سوشل میڈیا پر اس کے خلاف ایک طوفان آگیا، بلکہ بھارتی اخبارات نے بھی اس کانفرنس کو آڑے ہاتھوں لیا.

    بھارتی اخبار ’دا ٹیلی گراف‘ نے اس پر انوکھے انداز میں طنز کرتے ہوئے صفحہ اول پر جگہ خالی چھوڑ دی، ساتھ لکھا،’’یہ جگہ مختص کر دی ہے، اس کو بھر دیا جائے گا، جب وزیر اعظم نریندر مودی پریس کانفرنس میں سوالات کا جواب دیں گے۔‘‘

    اپوزیشن پارٹی کانگریس پارٹی کے صدر راہل گاندھی نے طنزاً وزیر اعظم کو اپنی پہلی پریس کانفرنس پر مبارک باد دیتے ہوئے ٹویٹ کیا۔

    انھوں نے لکھا: ’’مودی جی مبارک ہو۔ شان دار پریس کانفرنس! آپ کا نظر آنا نصف جنگ ہے۔ اگلی بار مسٹر شاہ آپ کو ایک دو سوالوں کا جواب دینے کی اجازت ضرور دیں گے۔ شاباش!‘‘

    راہل گاندھی نے ایک پریس کانفرنس بھی کی، جس میں انھوں نے کہا کہ ’’میں نے سنا کہ بعض صحافیوں کو وزیر اعظم کی پریس کانفرنس میں جانے نہیں دیا گیا۔۔۔ اس لیے میں یہیں سے ان سے سوال کرتا ہوں کہ آپ نے رفال پر میرے کسی سوال کا جواب کیوں نہیں دیا۔‘‘

     

    سوشل میڈیا پر اس واقعے پر طنز کا سلسلہ جاری ہے اور کہا جارہا ہے کہ اسکرپٹ کے بغیر نریندر مودی راہول گاندھی سے بھی گئے گزرے ہیں۔

  • بھارتی انتخابات، نریندر مودی کی پانچ سال میں پہلی پریس کانفرنس، جیت کے لیے پرامید

    بھارتی انتخابات، نریندر مودی کی پانچ سال میں پہلی پریس کانفرنس، جیت کے لیے پرامید

    دہلی: بھارتی وزیراعظم نے امید ظاہر کی ہے کہ عام انتخابات میں بی جے پی کو مکمل اکثریت حاصل ہو گی.

    ان خیالات کا اظہار انھوں نے خصوصی پریس کانفرنس میں کیا. اس موقع پر انھوں‌ نے کہا کہ مجھے یقین ہے کہ پانچ سالہ مدت پورے کرنے والی حکومت دوبار اقتدار میں آرہی ہے.

    انھوں نے کہا کہ عوام کو سن 2014 کے بعد 2019 میں دوبار موقع ملا ہے، عوام نے بی جے پی کی حکومت بنانا طے کرلیا، اب ملک کو آگے لے کر جانا ہے. جلد سے جلد نئی حکومت اپنا کام شروع کردے گی۔

    ان کا کہنا تھا کہ 2009  اور  2014 میں الیکشن کی وجہ سے آئی پی ایل کرکٹ مقابلوں کا انعقاد بیرون ملک کرانا پڑا تھا، لیکن اس مرتبہ آئی پی ایل کو باہر نہیں لے جانا پڑے گا، میچز روزے اور الیکشن ساتھ ساتھ چل رہا ہے۔

    یہ جمہوریت کی طاقت ہے، دنیا کو ہندوستانی جمہوریت کی طاقت سے آگاہ کرایا جانا چاہیے۔ یہ جمہوریت تنوع سے بھری ہوئی ہے۔

    مزید پڑھیں: انگریزی لغت میں نئے لفظ مودی لائی کا اضافہ ہوا ہے، راہول گاندھی کا دعویٰ

    خیال رہے کہ یہ بھارتی وزیر اعظم نریندر مودی کی اپنے پانچ سال کے دور اقتدار میں پہلی پریس کانفرنس تھی، البتہ انھوں نے صحافیوں کے کسی سوال کا جواب نہیں دیا۔

    تمام سوالات کا جواب پارٹی صدر امت شاہ نے دیا، جو پریس کانفرنس میں ساتھ موجود تھے، اس امر پر بھارتی صحافیوں کو خاصی مایوسی ہوئی، جس کا انھوں نے ٹویٹر اور سوشل میڈیا پر برملا اظہار کیا.

  • اگر راڈار چل رہے ہوتے تو مودی صاحب سوچیں کہ پھر کیا ہوتا؟ شاہ محمود قریشی

    اگر راڈار چل رہے ہوتے تو مودی صاحب سوچیں کہ پھر کیا ہوتا؟ شاہ محمود قریشی

    اسلام آباد : وزیر خارجہ شاہ محمود قریشی نے کہا ہے کہ پاک فوج نے بھارت کے دو طیارے گرا دیئے اگر راڈار چل رہے ہوتے تو مودی صاحب سوچیں کہ پھر کیا انجام ہوتا۔

    یہ بات انہوں نے بھارتی وزیراعظم نریندر مودی کے مضحکہ خیز بیان پر اپنے ردعمل میں کہی۔ اسلام آباد میں قومی اسمبلی کی خارجہ امور کمیٹی کے اجلاس کے بعد میڈیا سے گفتگو کرتے ہوئے وزیر خارجہ نے کہا کہ جب راڈار نہیں چل رہے تھے تو دو بھارتی طیارے مار گرائے، اگر راڈار چل رہے ہوتے تو مودی صاحب سوچیں کہ پھر کیا ہوتا؟

    وزیر خارجہ نے مزید کہا کہ پاکستانی خواتین کی چینی شہریوں سے شادیوں کے معاملے پر چینی قیادت سے رابطے میں ہیں یہ معاملہ دونوں ملکوں کے تعلقات کو خراب کرنے کی سازش ہے۔

    وزیر خارجہ نے کہا کہ ایران اور امریکہ کے درمیان کشیدگی میں اضافہ ہوا ہے، پاکستان اس صورتحال پر گہری نظر رکھے ہوئے ہے اپنے مفاد کو دیکھ کر حکمت عملی ترتیب دیں گے۔

    مزید پڑھیں: ایئر اسٹرائیک کی اجازت اس لیے دی کہ طیارے بادلوں میں چھپ جائیں گے، مودی کا مضحکہ خیز دعویٰ

    یاد رہے کہ نریندر مودی کے بادلوں پر مضحکہ خیز بیان کے بعد سوشل میڈیا پر بھارتی وزیر اعظم کا خوب مذاق بن رہا ہے، بھارتی وزیر اعظم نریندر مودی نے ایک اور اچھوتی بات کہہ ڈالی۔

    کہتے ہیں کہ بالاکوٹ میں ایئراسٹرائیک کی اجازت اس لیے دی کہ اس دن بادل زیادہ تھے سوچا ہمارے طیارے بادلوں میں چھپ جائیں گے۔

    انہوں نے پلان بنایا تھا کہ بالاکوٹ حملہ کیا جائے کیوں کہ گہری گھٹائیں ہیں اور بھارتی فضائیہ بڑے آرام سے ان کی اوٹ میں پاکستان چلی جائے گی، ان کے اس بیان کا سوشل میڈیا پر خوب مذاق اڑایا جارہا ہے۔

  • امریکی میگزین کے سرورق پر مودی کی تصویر متنازع عنوان کے ساتھ شائع

    امریکی میگزین کے سرورق پر مودی کی تصویر متنازع عنوان کے ساتھ شائع

    واشنگٹن: معروف امریکی جریدے نے اپنے نئے شمارے کے سرورق پر بھارتی وزیراعظم کی تصویر متنازع عنوان کے ساتھ شائع کردی۔

    غیرملکی خبررساں ادارے کے مطابق معروف امریکی میگزین ٹائم نے اپنے نئے شمارے کے سرورق پر بھارتی وزیراعظم نریندر مودی کی تصویر متنازع عنوان کے ساتھ شائع کی ہے، سرورق پر مودی کی تصویر کے ساتھ ’بھارت کے منقسم اعلیٰ‘ کے الفاظ تحریر ہیں۔

    امریکی میگزین کے سرورق پر موجود شہ سرخی جریدے میں موجود ایک مضمون سے متعلق ہے جس میں مصنف نے بھارتی سیاست پر اپنے خیالات کا اظہار کیا ہے۔

    مضمون کی شہ سرخی بھی دلچسپ ہے جس میں مصنف نے سوال پوچھا ہے کہ کیا دنیا کی سب سے بڑی جمہوریت مزید پانچ سال مودی حکومت کو برداشت کرے گی۔

    مضمون میں سابق بھارتی وزیراعظم جواہر لعل نہرو کے سیکولر نظریات اور نریندر مودی کے نظریات سے موازنا بھی کیا گیا ہے۔

    میگزین میں مودی کے بطور وزیراعلیٰ گجرات میں ہونے والے فسادات کا تذکرہ بھی کیا گیا ہے۔

    واضح رہے کہ بھارت میں ان دنوں لوک سبھا انتخابات کا عمل جاری ہے، ایسے موقع پر میگزین کے متنازع ٹائٹل نے سوشل میڈیا پر بحث چھیڑ دی ہے۔

    سوشل میڈیا پر اس عنوان پر تنقید کی گئی ہے تو اس کی حمایت میں بھی بہت سے لوگوں نے اطہار خیال ہے۔

    اسی شمارے کے ایک اور مضمون میں مودی کی اب تک کی کامیابیوں کا ذکر کرتے ہوئے انہیں اقتصادی اصلاحات کے لیے بھارت کی بہترین امید قرار دیا گیا ہے۔

  • کینیڈین وزیراعظم سمیت عالمی رہنماؤں کی امت مسلمہ کو رمضان کی مبارک باد

    کینیڈین وزیراعظم سمیت عالمی رہنماؤں کی امت مسلمہ کو رمضان کی مبارک باد

    اوٹاوا: امریکی صدر ڈونلڈ ٹرمپ، میلانیا ٹرمپ اور کینیڈین وزیراعظم جسٹن ٹروڈو سمیت عالمی رہنماؤں نے امت مسلمہ کو رمضان کی مبارک باد پیش کی۔

    غیرملکی خبررساں ادارے کے مطابق کینیڈین وزیراعظم جسٹن ٹروڈو نے اپنے ویڈیو پیغام میں دنیا بھر کے مسلمانوں کو رمضان کی آمد پر دل کی گہرائیوں سے مبارک باد دی۔

    جسٹن ٹروڈو نے کہا کہ السلام و علیکم رمضان اسلام کی تعلیمات کا محور ہے، یہ مہینہ خدمت خلق، رواداری کا مہینہ ہے اور دوسروں کی ضروریات کا خیال رکھنے کا درس دیتا ہے۔

    نیوزی لینڈ کی مساجد میں خودکش حملوں پر جسٹن ٹروڈو نے کہا کہ گزشتہ چند ماہ مسلمانوں کے لیے نہایت تکلیف دہ رہے، مسلمانوں کو نفرت آمیز روئیے، اسلام فوبیا اور تشدد کا سامنا رہا ہے، ہم سب کو مل کر اسلام فوبیا کا مقابلہ کرنا ہوگا۔

    امریکی صدر ڈونلڈ ٹرمپ اور ان کی اہلیہ میلانیا ٹرمپ پوری دنیا بالخصوص امریکا کے مسلمانوں کو رمضان کی مبارک باد دیتے ہوئے کہا کہ یہ وہ مہینہ ہے جس میں قرآن کا نزول ہوا اور اس ماہ مسلمان روزوں کا اہتمام کرتے ہیں۔

    دوسری جانب بھارتی وزیراعظم نریندر مودی، برطانوی وزیراعظم تھریسامے، فرانسیسی صدر ایمانویل میکرون اور جرمن چانسلر انجیلا مرکل سمیت دیگر عالمی رہنماؤں نے بھی مسلمانوں کو رمضان کی آمد پر دل کی گہرائیوں سے مبارک باد پیش کی۔

  • کیا شاہ رخ‌ خان کو نریندر مودی کی شکست کا انتظار ہے؟

    کیا شاہ رخ‌ خان کو نریندر مودی کی شکست کا انتظار ہے؟

    ممبئی: میگا بجٹ فلم "زیرو” کی ناکامی کے بعد شاہ رخ نے مزید فلمیں کرنے سے انکار کر دیا.

    تفصیلات کے مطابق بالی وڈ کے کنگ خان اس وقت اپنے کیریر کے مشکل ترین دور تک سے گزر رہے ہیں، ان کی فلموں کو پے در پے ناکامیوں کا سامنا کرنا پڑا.

    کنگ خان کی میگا بجٹ فلم ’’زیرو‘‘ کو بھی بدترین ناکامی کا سامنا کرنا پڑا، جس کے بعد اداکار نے مزید کوئی فلم کرنے سے انکار کر دیا.

    بہ ظاہر یوں لگتا ہے کہ شاہ رخ‌ اپنی ناکامیوں سے پریشان ہیں، مگر کچھ تجزیہ کاروں کے مطابق اس کا سبب مودی ڈاکٹرائن ہے، جس میں‌ کنگ خان اور دیگر مسلمان اداکاروں کی جگہ ہندو اداکاروں کو سامنے لانے کی کوشش کی جارہی ہے.

    اس ضمن میں معروف نقادین اور سوشل میڈیا کو کامیابی سے برتا گیا. خیال رہے کہ شاہ رخ‌ خان کی فلم ’’دل والے‘‘ کو عدم برداشت کے ایک بیان پر شدید احتجاج کا نشانہ بنایا پڑا، جس کی وجہ سے فلم کا بزنس شدید متاثر ہوا.

    مزید پڑھیں: مودی سرکار شاہ رخ خان کی ڈاکٹریٹ کی ڈگری میں رکاوٹ بن گئی

    یاد رہے کہ کنگ خان نے ابتدا میں کہا تھا کہ وہ جون میں اپنے اگلے پراجیکٹ کا اعلان کریں گے، البتہ انھوں نے کہا ہے کہ وہ فی الحال فلم کرنے کا ارادہ نہیں رکھتے.

    خیال رہے کہ بھارت میں‌ الیکشن جاری ہیں، سات مرحلوں میں ہونے والے یہ انتخابات 19 اپریل سے 11 مئی تک جاری رہیں گے. شاید کنگ خان اسی کے بعد اپنے اگلے پراجیکٹ کا اعلان کریں.

    ذہن نشین رہے کہ شاہ رخ خان کا جھکاؤ ہمیشہ کانگریس کی طرف رہا۔ وہ بنگال کی وزیر اعلیٰ ممتا بینرجی کے بھی قریب تصور کیے جاتے ہیں۔

  • میری پارٹی کے حق میں‌ کیوں بیان دیا؟ نریندر مودی بوکھلا گئے

    میری پارٹی کے حق میں‌ کیوں بیان دیا؟ نریندر مودی بوکھلا گئے

    دہلی: نریندر مودی وزیر اعظم عمران خان کے بی جے پی سے متعلق بیان پر بوکھلاہٹ‌کا شکار ہوگئے.

    تفصیلات کے مطابق بھارتی وزیراعظم نے پاکستانی ہم منصب کے جذبہ خیر سگالی کو اپنی منفی سوچ کا لبادہ پہناتے ہوئے ریورس سوئنگ اور بھارتی الیکشن پر اثر انداز ہونے کی کوشش قرار دیا۔

    بھارتی میڈیا کو انٹرویو دیتے ہوئے وزیراعظم نریندر مودی نے کہا کہ عمران خان نے بی جے پی کی حمایت میں بیان دے کر ووٹرز کو متنفر کرنے کی کوشش کی ہے۔

    انھوں نے کہا کہ پاکستانی وزیراعظم کا بی جے پی کی حکومت بننے کی صورت میں پاک بھارت مذاکرات میں کامیابی کے روشن امکان والا بیان کچھ اور نہیں بلکہ ریورس سوئنگ ہے۔

    مزید پڑھیں: مودی سرکار کیخلاف منی لانڈرنگ کا تہلکہ خیز اسکینڈل منظر عام پر آگیا

    بھارتی وزیراعظم نریندرا مودی نے روایتی ہٹ دھرمی کا اظہار کرتے ہوئے مضحکہ خیز دعویٰ کیا کہ اس ریورس سوئنگ کو بھارتی عوام ہیلی کاپٹر شاٹ مار کر گراﺅنڈ سے باہر پھینک دے گی۔

    خیال رہے کہ ایک برطانوی خبر رساں ادارے کو انٹرویو دیتے ہوئے وزیر اعظم عمران خان نے کہا تھا کہ بی جے پی کے جیتنے کی صورت میں‌ مسئلہ کشمیر کے حل کے زیادہ امکان ہے.

  • بھارتی انتخابات: فن کاروں کے بعد سائنس داں بھی نریندر مودی کے خلاف اٹھ کھڑے ہوئے

    بھارتی انتخابات: فن کاروں کے بعد سائنس داں بھی نریندر مودی کے خلاف اٹھ کھڑے ہوئے

    دہلی: بھارتی انتخابات قریب آتے ہی مودی پر تنقید میں اضافہ ہوگیا، مصوروں اور فن کاروں کے بعد اب سائنس داں بھی مودی کے خلاف اٹھ کھڑے ہوئے.

    تفصیلات کے مطابق بھارت کا پڑھا لکھا طبقہ مودی کی پالیسیوں کےخلاف سوشل میڈیا پر متحرک ہوگیا. ریلیوں اور جلسوں کی صورت بھی احتجاج کا سلسلہ جاری ہے.

    باشعور طبقے کا یہی موقف ہے کہ نفرت کی سیاست کرنے والوں کو ووٹ نہ دیا جائے، متعصبانہ پالیسیوں کو رد کر دیا جائے.

    ظلم، جبر اور مذہبی فسادات کو ہوا دینے پرمودی کے خلاف سائنس دانوں نے بھی عوام سے اپیل کی کہ عوام میں مذہب، ذات اور زبان میں تفریق کرنے والوں کو ووٹ ہرگزنہ دیں۔

    خیال رہے کہ بالی وڈ فن کار نصیرالدین شاہ، رتنا پاتھک، کالچی کوچلن سمیت سات سو سے زائد فلم، ٹی وی اور تھیٹر اداکاروں نے مودی کو ووٹ نہ دینے کی اپیل کی تھی.

    مزید پڑھیں: نریندر مودی کی بالی وڈ کو یرغمال بنانے کی کوشش کو بڑا دھچکا

    جب پریش راول اور انوپم کھیر جیسے مودی کے حامیوں‌ نے انڈسٹری کے رویے پر سوالات اٹھائے، تو انھیں سخت ردعمل کا سامنا کرنا پڑا.

    تجزیہ کاروں‌ کا خیال ہے کہ باشعور طبقے کا ردعمل الیکشن کے نتائج پر اثر انداز ہوسکتا ہے.