ARYNews.tv | Urdu – Har Lamha Bakhabar

Tag: نریندر مودی

  • تیر ہاتھ میں ہی رہ گیا، راون کا مودی کے ہاتھوں جلنے سے انکار

    تیر ہاتھ میں ہی رہ گیا، راون کا مودی کے ہاتھوں جلنے سے انکار

    نئی دہلی : بھارت میں ہندؤوں کا تہوار دسہرا منایا گیا، جس میں راون نے مودی کے ہاتھوں جلنے سے انکار کردیا، راون وزیر اعظم کی آمد سے قبل ہی شرم کے مارے زمین پر جا گرا۔

    تفصیلات کے مطابق بھارت سمیت دنیا بھر میں ہندو برادری نے دسہرا کا تہوار منایا، اس تہوار کے دوران ملک کے مختلف حصوں میں برائی کی علامت سمجھے جانے والے راون کے پتلے جلائے گئے۔

    اس موقع پر نریندر مودی بھی راون پر تیر چلانے کے لئے دہلی کے لال قعلہ پہنچے لیکن راون نے مودی کے ہاتھوں جلنے سے انکار کردیا۔

    چین اور روس کو منانے میں ناکام ہونے والے بھارتی وزیر اعظم نریندرا مودی روان کو تیرکمان سے جلانے میں بھی ناکام ہوگئے۔

    نریندر مودی نے راون کو جلانے کے لئے کمان اٹھا کر تیر چڑھایا تو کمان ہی ٹوٹ گئی یعنی ابشگون ہوگیا، مودی کے دلی کے لال قلعہ پہنچنےسے پہلے راون کاپتلا گرگیا تھا، جس کے بعد فوری طور پر پتلے کو دوبارہ کھڑا کیا گیا۔

    شاید راون کو کسی نے بتادیا تھا کہ نریندر مودی اس پر تیرچلائیں گے اسی لئے راون شرم سے گرگیا، واقعے کے بعد سوشل میڈیا پر لوگوں کی بڑی تعداد نے مودی کو اپنی شدید تنقید کا نشانہ بھی بنایا۔

  • بھارت افغانستان کےراستے پاکستان میں مداخلت کررہاہے‘ خواجہ آصف

    بھارت افغانستان کےراستے پاکستان میں مداخلت کررہاہے‘ خواجہ آصف

    نیویارک: وزیرخارجہ خواجہ آصف کا کہنا ہے کہ افغانستان میں امن وسیکورٹی کی ذمہ داری نہیں لے سکتے۔

    تفصیلات کے مطابق وزیر خارجہ خواجہ آصف نے نیویارک میں ایشیا سوسائٹی سے خطاب کرتے ہوئے کہا کہ محمد نوازشریف نے امن کوششوں کی سیاسی قیمت ادا کی۔

    خواجہ آصف نے کہا کہ بھارت افغانستان کے راستے پاکستان میں مداخلت کررہا ہے جبکہ بھارت میں 66 دہشت گرد تنظیمیں ہیں۔

    انہوں نے بھارتی وزیراعظم نریندر مودی کو تنقید کا نشانہ بناتے ہوئے کہا کہ نریندر مودی اب تک گجرات سے باہر نہیں نکل سکے۔

    وزیر خارجہ خواجہ آصف نے کہا کہ افغانستان میں امن وسیکیورٹی کی ذمے داری نہیں لے سکتے۔ انہوں نے کہا کہ امریکہ جنگ کے ذریعے افغانستان میں کامیابی حاصل نہیں کرسکتا۔

    خواجہ آصف نے کہا کہ موثربارڈر مینجمنٹ انتہائی ضروری ہے، انہوں نے کہا کہ کئی افغان رہنما مفادات کے لیے کشیدگی جاری رکھنا چاہتے ہیں۔

    امریکہ کو بتادیا کہ طالبان کے محفوظ ٹھکانے افغانستان میں ہیں، خواجہ آصف

    یاد رہے کہ گزشتہ ہفتے نیویارک میں میڈیا سے گفتگوکرتے ہوئے وزیرخارجہ خواجہ آصف نے کہا تھا کہ امریکہ کوبتادیا کہ طالبان کے محفوظ ٹھکانے افغانستان میں ہیں۔

    بھارت جنوبی ایشیا میں دہشت گردی کی ماں ہے‘ ملیحہ لودھی

    واضح رہے کہ تین روز قبل اقوام متحدہ میں پاکستان کی مستقل مندوب ملیحہ لودھی نے اقوام متحدہ کی جنرل اسمبلی میں بھارتی وزیرخارجہ کی تقریرکا جواب دیتے ہوئے کہا تھا کہ بھارت جنوبی ایشیا میں دہشت گردی کی ماں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت جنوبی ایشیا میں دہشت گردی کی ماں ہے‘ ملیحہ لودھی

    بھارت جنوبی ایشیا میں دہشت گردی کی ماں ہے‘ ملیحہ لودھی

     

    نیویارک : اقوام متحدہ میں پاکستان کی مستقل مندوب ملیحہ لودھی نے اقوام متحدہ کی جنرل اسمبلی میں بھارتی وزیرخارجہ کی تقریرکا جواب دیتے ہوئے کہا کہ بھارت جنوبی ایشیا میں دہشت گردی کی ماں ہے۔

    تفصیلات کے مطابق اقوام متحدہ میں‌ پاکستان کی سفیر ملیحہ لودھی نے جنرل اسمبلی میں بھارتی وزیرخارجہ کو کرارا جواب دیتے ہوئے کہا کہ کلبھوشن یادیو نے پاکستان میں دہشت گردی کا اعتراف کیا۔

    ملیحہ لودھی نے بھارت کو جنوبی ایشیا میں دہشت گردی کا سرپرست اعلیٰ قرار دیتے ہوئے کہا کہ بھارت دہشت گردی کو ریاستی ہتھکنڈے کے طور پراستعمال کرتا ہے۔

    پاکستانی سفیر نے کہا کہ بھارتی حکمران جماعت کے ہاتھ خون سے رنگے ہوئے ہیں، نریندر مودی گجرات میں مسلمانوں کےقتل عام میں ملوث رہا ہے جبکہ بھارت میں کوئی اقلیت محفوظ نہیں ہے۔

    ملیحہ لودھی نے کہا کہ کشمیر بھارت کا حصہ نہیں اس پر بھارتی قبضہ غیرقانونی ہے۔ انہوں نے یہ بھی کہا کہ کشمیر میں بھارتی جرائم کی تحقیقات ہونی چاہیں اور فریقین تنازعہ حل نہ کرسکیں تو اقوام متحدہ اور عالمی برادری مداخلت کے پابند ہیں۔

    عالمی یوم امن کے موقع پر بھارتی جارحیت و بربریت، 6 معصوم شہری شہید

    اقوام متحدہ میں پاکستان کی مستقبل مندوب ملیحہ لودھی نے کہا کہ اقوام متحدہ کی قراردادوں پرعمل سے انکار دھوکہ اور جارحیت ہے جبکہ بھارت مقبوضہ کشمیر میں انسانی حقوق پامال کررہا ہے۔ انہوں نے عالمی برادری پر زور دیا کہ وہ بھارت کو سیزفائر کی خلاف ورزی سے روکے۔

    ملیحہ لودھی نے کہا کہ پاکستان تمام مسائل کا حل مذاکرات سے چاہتا ہے لیکن مذاکرات کے لیے بھارت کو دہشت گردی کی پالیسی ترک کرنا ہوگی۔

    بھارت نےمحدود جنگ کی پالیسی نہ بدلی تومنہ توڑ جواب ملےگا‘ وزیراعظم

    یاد رہے کہ دو روز قبل اقوام متحدہ کی جنرل اسمبلی کے 72 ویں اجلاس سے خطاب کرتے ہوئے پاکستانی وزیراعظم شاہد خاقان عباسی کا کہنا تھا کہ بھارت نےمقبوضہ کشمیر میں 7 لاکھ فوج تعینات کررکھی ہے جو کشمیریوں کی جدوجہد آزادی کو طاقت کے ذریعے کچل رہی ہے۔

    واضح رہے کہ وزیراعظم شاہد خاقان عباسی کا کہنا تھا کہ اگر بھارت نے ایل او سی کو پارکرنے کی کوشش کی یا پاکستان کے خلاف محدود جنگ کی پالیسی پرعمل درآمد کیا تو اس کا بھرپور جواب دیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت ہوش کےناخن لےورنہ کشمیرگنوا دےگا‘ فاروق عبداللہ

    بھارت ہوش کےناخن لےورنہ کشمیرگنوا دےگا‘ فاروق عبداللہ

    سری نگر: مقبوضہ کشمیرکےسابق وزیراعلیٰ فاروق عبداللہ کاکہناہےکہ بھارت کوجاگ جانا چاہیےورنہ مقبوضہ کشمیربھی پاکستان میں شامل ہوجائےگا۔

    تفصیلات کےمطابق مقبوضہ کشمیر کےسابق وزیر اعلیٰ اورسربراہ نیشنل کانفرنس فاروق عبداللہ نےسری نگر میں جاری ضمنی انتخابات کے دوران قتل وغارت گری پرشدید غم وغصےکا اظہار کرتےہوئےاس کا ذمہ دار مودی سرکار کو ٹھہرایا ہے۔

    فاروق عبداللہ کا انٹرویو کےدوران کہنا تھا کہ کشمیری نوجوانوں کا خون کھول رہا ہے،بھارت ہوش کے ناخن لےاورمسئلے کےحل کےلیےبھارتی حکومت کشمیری نوجوانوں،حریت رہنماؤں اور پاکستان کےساتھ ایک میز پر بیٹھے۔

    مقبوضہ کشمیر کےسابق وزیراعلیٰ کاکہناتھاکہ بھارت مانےیا نہ مانےپاکستان کےبغیرمسئلہ کشمیرحل نہیں ہوگا۔

    سابق کٹھ پتلی وزیراعلیٰ فاروق عبداللہ کاکہناتھاکہ مودی سرکار آگ سے کھیل رہی ہےکیونکہ پتھراؤ کرنےوالے کشمیری نوجوان کسی عہدے یاوزارت کےطلب گارنہیں بلکہ وہ بھارتی مظالم کےخلاف لڑ رہے ہیں۔

    مقبوضہ کشمیر کےسابق وزیراعلیٰ فاروق عبداللہ کاکہناتھاکہ بھارتی حکومت نےان سے ہر طرح کی آزادی چھین لی ہےاور وہ آزادی کےلیےہی لڑ رہے ہیں۔

    بھارتی فوج کی فائرنگ،12 کشمیری شہید

    یاد رہےکہ مقبوضہ کشمیرمیں دو روز کےدوران بھارتی فوج نے نہتے کشمیریوں پر فائرنگ کرکے 12 کشمیریوں کو شہید کردیا ہے۔

    واضح رہےکہ فاروق عبداللہ نےنریندر مودی کو کہاہےکہ وہ ہوش کےناخن لےاس سے پہلے کہ بہت دیر ہوجائےاورمقبوضہ کشمیر بھی پاکستان کے ساتھ شامل ہوجائے۔

  • مودی کےگجرات میں فرقہ وارانہ فسادات ‘ 1ہلاک‘ 14زخمی

    مودی کےگجرات میں فرقہ وارانہ فسادات ‘ 1ہلاک‘ 14زخمی

    گجرات : بھارتی وزیراعظم نریندر مودی کےآبائی علاقےگجرات میں ہندو مسلم فسادات میں ایک شخص ہلاک جبکہ 14افراد زخمی ہوگئے۔

    تفصیلات کےمطابق بھارتی وزیراعظم نریندر مودی کے آبائی علاقے گجرات میں ہندو اور مسلمان اسکول طلباء کےدرمیان ہونےوالےفسادات میں 1طالب علم ہلاک جبکہ 14افراد زخمی ہوگئے۔

    گجرات میں ضلع پٹن کےگاؤں وڈاوالی میں 5000ہزار افراد کے ہجوم نے مسلمان آبادی پرحملہ کردیا اور ان کےگھروں اور گاڑیوں کو نذر آتش کردیا جس کےبعد ضلع بھر میں حالات کشیدہ ہوگئے۔

    مسلم کمیونٹی کی جانب سے اس حملے کےبعد پتھراؤ کیا گیاجس کے پولیس کی جانب سے ان پر آنسو گیس کی شیلنگ اور لاٹھی چارج کیاگیا۔

    خیال رہےکہ بھارتی ریاست گجرات کی سنگین فرقہ وارانہ فسادات کےحوالے سےتاریخ رہی ہے۔

    مزید پڑھیں:سوشل میڈیا پر یو پی کے وزیراعلی پر تبصرہ، مسلمان نوجوان گرفتار

    خیال رہےکہ بھارتی ریاست گجرات میں سال2002 میں ہونے والےمسلم ہندو فسادات میں ایک اندازاے کےمطابق ایک ہزار کےقریب مسلمانوں کا قتل عام کیاگیاتھا اس وقت وزیراعلیٰ نریندر مودی تھے۔

    یاد رہےکہ بھارت میں سال 2013 میں سپریم کورٹ کی طرف سےگجرات میں ہونے والے فسادات کی تحقیقات کےلیےبنائےگئے پینل کی تحقیقات میں ناکافی ثبوتوں کی بنا پرنریندر مودی کےخلاف قانونی کارروائی نہیں کی گئی تھی۔

    واضح رہےکہ پٹن ضلع کے انتظامی عہدیدار کےکے نائرالہ کا کہناہےکہ مسلم ہندو فسادات کےبعد صورت حال کنٹرول میں ہےاور ہنگامی صورت حال سے نمٹنے کے لیے پولیس کی اضافی نفری تعینات ہے۔

  • نریندر مودی بھارت کے ڈونلڈ ٹرمپ ہیں، راہول گاندھی

    نریندر مودی بھارت کے ڈونلڈ ٹرمپ ہیں، راہول گاندھی

    نئی دہلی : کانگریس کے نائب صدر راہول گاندھی نے کہا ہے کہ امریکہ کو ابھی ڈونلڈ ٹرمپ ملا ہے جب کہ بھارت کو ڈھائی سال سے ڈونلڈ ٹرمپ مودی کی صورت میں میئسر ہیں۔

    وہ اترپردیش میں ایک بڑے جلسہ عام سے خطاب کر رہے تھے انہوں نے اپنے خطاب میں نریندر مودی کو شدید تنقید کا نشانہ بناتے ہوئے کہا کہ بھارت کو مودی کی شکل میں ڈونلڈ ٹرمپ ملا ہے جو اپنے ہی ملک کی دیگر اکائیوں کے درمیان نفرت کو پروان چڑھاتے ہیں۔

    کانگریس کے نائب صدر راہول گاندھی کا کہنا تھا کہ نریندر مودی نے نوٹوں پر پابندی لگا کر نہ صرف کسانوں کا نقصان کیا جو اپنی فصلوں کا سودا نہیں کر سکے بلکہ عام آدمی بینک کی قطاروں میں لگے لگے اپنی جانوں سے ہاتھ دھو بیٹھے۔

    انہوں نے کہا کہ بھارت نفرت آمیز رویوں اور اشتعال انگیز کارروائیوں کا متحمل نہیں ہوسکتا کیوں کہ بھارت کئی اکائیوں کا مجموعہ ہیں جو برسہا برس سے ایک دوسرے کے ساتھ پُر امن طریقے سے رہ رہے ہیں۔

    راہول گاندھی نے ملک میں معیشت کی ذبوں حالی پر تشویش کا اظہار کرتے ہوئے کہا کہ بیروزگاری کا عفریت غریب لوگوں کو اپنی خوارک بنا رہا ہے جب کہ حکومت چپ سادھے ہاتھ پہ ہاتھ دھرے بیٹھی ہے۔

    انہوں نے نریندر مودی کو مخاطب کرتے ہوئے مطالبہ کیا کہ علاقائی سطح پر صنعتوں کا قیام عمل میں لایا جائے تاکہ ملک سے بیروزگاری کا خاتمہ ہو اور لوگوں کو اپنے ہی علاقے میں روزگار میئسر آ سکے۔

  • ڈونلڈ ٹرمپ کی بھارتی وزیراعظم کو امریکہ کے دورے کی دعوت

    ڈونلڈ ٹرمپ کی بھارتی وزیراعظم کو امریکہ کے دورے کی دعوت

    واشنگٹن : امریکی صدر ڈونلڈ ٹرمپ نے بھارتی وزیراعظم نریندر مودی کو امریکہ دورے کی دعوت دے دی ہے۔

    تفصیلات کےمطابق امریکی صدر ڈونلڈ ٹرمپ نےبھارتی وزیراعظم نریندر مودی سے ٹیلی فون پر بات کرتے ہوئے کہا کہ میں بھارت کوایک حقیقی دوست اور دنیا بھر میں درپش چینلجز سے نمٹنے کےلیےشراکت دارکے طور پر دیکھتاہوں۔

    امریکی صدر اور بھارتی وزیراعظم کے درمیان ٹیلی فون پر ہونے والی بات چیت میں بھارت اور امریکہ کے درمیان شراکت داری کو مزید مستحکم کرنے کے علاوہ معیشت اور دفاع کے شعبے میں تعاون کو مزید بڑھانے پر بات چیت ہوئی۔

    وائٹ ہاؤس کےمطابق رواں برس کے آخر میں وزیراعظم مودی امریکہ کا دورہ کریں گے۔ترجمان وائٹ ہاؤس کاکہناہےکہ ڈونلڈ ٹرمپ اور وزیراعظم مودی نے دہشت گردی کے خلاف عالمی جنگ میں ایک دوسرے کے ساتھ کندھے سے کندھا ملا کر کھڑے ہونے پر اتفاق کیا۔

    خیال رہےکہ صدر ٹرمپ نے انتخابی مہم کے دوران بھارت کے ساتھ تعلقات کو مضبوط بنانے کی بات کرتے ہوئے وزیراعظم مودی کی اقتصادی اصلاحات کی تعریف کی تھی۔

    مزید پڑھیں:اسرائیلی وزیراعظم کی یہودی بستی تعمیر کرنے کی منظوری

    یاد رہےکہ اس سے قبل 22 جنوری کوامریکی صدر ڈونلڈ ٹرمپ اور اسرائیلی وزیر اعظم نیتن یاہو کے درمیان پہلی بار فون کے ذریعے بات چیت ہوئی تھی۔

    واضح رہےکہ اسرائیلی وزیر اعظم نیتن یاہو نے صدر ڈونلڈ ٹرمپ سے بات کرنے کے بعد کہاتھا کہ امریکی صدر نے انہیں آئندہ ماہ ملاقات کے لیے امریکہ آنے کی دعوت دی ہے۔

  • اپوزیشن مجھے پارلیمنٹ میں نہیں بولنے دیتی، مودی کی دہائی

    اپوزیشن مجھے پارلیمنٹ میں نہیں بولنے دیتی، مودی کی دہائی

    گجرات : بھارتی وزیر اعظم نریندرا مودی نے کہا ہے کہ کرنسی نوٹوں کی تبدیلی ایک مشکل فیصلہ تھا اور عوام کو تو تکلیف ہو گی لیکن 50 دن کے بعد حالات بہتر ہونے لگیں گے۔ انہوں نے کہا کہ کسی بے ایمان کو کالے دھن اور بدعنوانی سے کوئی پریشانی نہیں تھی، پریشان صرف ایماندار شہری تھے۔ اپوزیشن مجھے پارلیمنٹ میں نہیں بولنے دیتی اس لئے جلسے میں بول رہا ہوں۔

    یہ بات انہوں نے بھارتی ریاست گجرات میں ایک ڈیری پلانٹ کے افتتاح کے موقع پر جلسہ عام سے خطاب کرتے ہوئے کہی، نریندرا مودی نے اپنے فیصلے کا دفاع کرتے ہوئے کہا کہ پورے ملک میں بحث ہے کہ نوٹوں کا کیا ہوگا؟ 8 نومبر سے پہلے 100، 50 اور 20 روپے کے نوٹ کو کوئی پوچھتا تھا کیا؟ اب لوگ بڑے نوٹوں کی طرف نہیں دیکھنا چاہتے۔’

    انہوں نے کہا کہ ہمارا یہ اقدام ملک کو بدعنوانی سے آزاد کرنے کیلیے ہے۔ اپوزیشن جماعتوں کی طرف سے بڑھتی ہوئی تنقید کا بے بسی سے جواب دیتے ہوئے مودی کا کہنا تھا کہ ”نوٹ بندی“ کے فیصلے پر اپوزیشن مجھے پارلیمنٹ میں بولنے نہیں دیتی اس لئے میں عوامی جلسہ عام میں بول رہا ہوں۔

    گزشتہ سترسال تک ان ایماندار لوگوں کو لوٹا گیا، ان کا جینا مشکل کیا گیا، لاکھ اکسانے کے بعد بھی ایماندار لوگوں نے میرا ساتھ دیا ہے۔ مودی کا کہنا تھا کہ 8 نومبر کے بعد جنھوں نے بھی جرم کیے ہیں، انہیں اس کی سزا ملے گی۔

    یاد رہے کہ بھاری حکومت کی جانب سے 500 اور ایک ہزارروپے کے کرنسی نوٹوں پر پابندی کی وجہ سے بھارتی عوام شدید ذہنی اذیت سے دو چارہیں، لوگوں کے پاس کرنسی نوٹ تبدیل کرنے کے لیے 30 دسمبر تک کا وقت ہے۔

    حکومت کے اس فیصلے سے عام لوگوں اور کاروباری طبقے کو سب سے زیادہ مشکلات پیش آرہی ہیں جبکہ بینکوں کے باہر نوٹ تبدیل کرانے کے لیے طویل قطاریں دیکھنے میں آئی ہیں۔

    اس بحران کے باعث کئی افراد اپنی جان سے بھی ہاتھ دھو بیٹھے ہیں۔ اس حوالے سے اپوزیشن جماعتوں نے مودی حکومت کو آڑے ہاتھوں لیا ہے اور اس پالیسی کو بھارت کی تاریخ کا سب ست بڑٓ اسکینڈل قرار دیا ہے۔

  • بھارت آبی جارحیت پر اتر آیا، ڈاکٹر فاروق ستار

    بھارت آبی جارحیت پر اتر آیا، ڈاکٹر فاروق ستار

     کراچی: متحدہ قومی موومنٹ (پاکستان ) کے سربراہ ڈاکٹر محمد فاروق ستار نے کہا ہے کہ سندھ طاس معاہدے کے حوالے بھارتی وزیر اعظم نریندر مودی کے بیانات اور اقدامات خطے میں عدم توازن پیدا کرنے کی گھناؤنی سازش ہیں۔

    تفصیلات کے مطابق ایم کیو ایم پاکستان کے سربراہ ڈاکٹر فاروق ستار نے کہا کہ بھارتی وزیر اعظم کھلی آبی دہشت گردی پر اتر ے ہوئے ہیں اُن کی جانب سے مسلسل جنگی جنون کا مظاہرہ کیا جارہا ہے، جو نہ صرف قابلِ مذمت ہے بلکہ اس جنگی جنون اور آبی دہشت گردی کو دنیا کا کوئی بھی ملک درست قرار نہیں دے سکتا‘‘۔

    پڑھیں: بھارت نے پانی بند کیا تواعلان جنگ تصور ہوگا، مشیر خارجہ

     انہوں نے کہاکہ بھارتی وزیراعظم اگر ایشیاء اور خطے کے امن سے مخلص ہیں تو انہیں سندھ طاس معاہدے کی پاسداری کرنی چاہئے اور مسئلہ کشمیر کے حل کیلئے دوستانہ ماحول پیدا کرکے خطے میں پائیدارامن کا قیام یقینی بناکر دونوں ممالک کے عوام کو بلاتفریق جنگ و جدل کے ماحول سے نکالنا چاہئے ۔
    ڈاکٹر فاروق ستار نے پاکستان کے خلاف ہرزہ سرائی اور سندھ طاس معاہدے کی خلاف ورزی کاعندیہ دینے کی سخت ترین الفاظ میں مذمت کی اور نریندر مودی کے بیانات و اقدامات کو خطے میں عدم توازن پیدا کرنے کی گھناؤنی سازش قرار دیا ہے ۔

     مزید پڑھیں:  مقبوضہ کشمیر میں مظالم قابلِ مذمت ہیں، ایرانی سفیر

     سربراہ ایم کیو ایم پاکستان نے کہا کہ  نریندر مودی تمام تر انتہاء پسندانہ اقدامات کے باوجود پاکستان کا کچھ نہ بگاڑ سکے تو پاکستان میں پانی کا مسئلہ پیدا کرکے اپنی دشمنی کا کھلا اظہار کررہے ہیں جس کی جتنی بھی مذمت کی جائے کم ہے۔ اگر بھارتی وزیرا عظم اپنی ہٹ دھرمی پر قائم رہے اور پاکستانی دریاؤں کا پانی روکنے کی روش برقرار رکھی تو اس کے نتائج کسی طرح بھی دونوں ممالک اور خطے کے امن کیلئے انتہائی خطرناک برآمد ہوسکتے ہیں۔

      یہ بھی پڑھیں:  کشمیرکے بعد بھارت میں بھی پاکستان زندہ باد کے نعرے

     نریندر مودی کو مشورہ دیتے ہوئے ڈاکٹر فاروق ستار نے کہا کہ بھارتی وزیراعظم نریندر مودی پاکستان دشمنی میں اندھے ، بہرے اور گونگے پن کا مظاہرہ کرنے کے بجائے حقائق کو تسلیم کریں اور خطے میں پائیدار امن کے قیام کیلئے اپنے جنگی جنون اور انتہاء پسندانہ اقدامات سے باز رہیں۔

    ایم کیو ایم پاکستان کے سربراہ نے عالمی برادری سے مطالبہ کیا کہ وہ بھارتی وزیراعظم نریندر مودی کی جانب سے سندھ طاس معاہدے کی خلاف ورزی کا عندیہ دینے اور پاکستان کے خلاف مسلسل ہرزہ سرائی کا سختی سے نوٹس لے اور خطے میں قیامِ امن کے لیے دونوں ممالک کے درمیان پیدا ہونے والی کشیدگی کو ختم کروانے میں اپنا مثبت کردار ادا کرے۔

  • گجرات کا قصاب کشمیرکا قصائی بن گیا ہے،بلاول بھٹو

    گجرات کا قصاب کشمیرکا قصائی بن گیا ہے،بلاول بھٹو

    کراچی پاکستان پیپلز پارٹی کے چیرمین بلاول بھٹو زرداری نے بھارتی وزیراعظم نریندر مودی کو تنقید کا نشانہ بناتے ہوئے مودی کو کشمیرکا قصائی قراردے دیا۔

    تفصیلات کے مطابق پاکستان پیپلز پارٹی کے سربراہ بلاول بھٹو زرداری نے سماجی رابطے کی ویب سائیٹ ٹیوٹر پر اپنے حالیہ پیغام میں کہا ہے کہ گجرات کا قصاب کشمیر کا قصائی بن چکا ہے۔

    انہوں نے پیغام میں مزید کہا مودی خود بہت بڑے دہشت گرد اور انتہا پسند ہیں کس منہ سے دہشت گردی کے خلاف جنگ پر لیکچر دے رہے ہیں۔

    کہ کہا ہے کہ سماجی رابطے کی ویب سائیٹ ٹیوٹرپر اپنے پیغام میں کہا ہے کہ دنیا کو مل کر اس ذہنیت کے خلاف کام کرنا ہو گا۔

    واضح رہے کہ پاک بھارت کے درمیان جاری کشیدگی میں اضافہ ہوتا جا رہا ہے جس کے بعد دو طرفہ سخت بیانات کا تبادلہ جاری ہے بھارت کی مودی سرکار کی بد زبانی پر پاکستانی سیاست دانوں کا ردعمل ایک فطری عمل ہے۔

    گزشتہ روز مودی کی کی گئی نفرت آمیز تقریر کے بعد مختلف پاکستانی سیاست دانوںکے ردعمل آنا شروع ہو گئے ہیں،بلاول بھٹو زرداری کا یہ بیان بھی اسی تناظر میں ہے۔