دہلی: بھارتی وزیرِاعظم نریندر مودی نے کہا ہے کہ سانحۂ پشاور پر بھارت میں ہر آنکھ اشکبار ہے، پشاور میں دہشت گردی کی بھرپور مذمت کرتے ہیں۔
بھارتی لوک سبھا میں خطاب کرتے ہوئے وزیرِاعظم نریندرمودی نے کہا کہ پشاور میں معصوم بچوں کی شہادت پر جتنی تکلیف پاکستان کو ہوئی، بھارت میں بھی اتنا ہی دکھ محسوس کیا گیا، پاکستان کی صورتحال پر تشویش ہے۔
انہوں نے کہا کہ پشاور واقعےکے فوری بعد ممبئی حملوں کے ملزم کو ضمانت ملنے پر صدمہ پہنچا، پاکستان کوضمانت منسوخ کرنی چاہئیے۔
نئی دہلی: بھارتی حکومت نےاسلحہ خریداری کی امریکی پیشکش مستردکردی،مودی سرکار نےاسرائیل سےتیرہ ارب ڈالرکےمیزائل خریدنےکی منظوری دےدی۔
انتہا پسند نریندر مودی حکومت نے امریکہ کی پیشکش مسترد کرتے ہوئے اسرائیل سےاربوں ڈالر کے ٹینک شکن میزائل خریدنے کا فیصلہ کر لیا۔ بھارتی حکومت نے فوج کو جدید بنانے کے لیے کئی منصوبوں کی منظوری دیدی۔ جن میں اسرائیل کے ساتھ تیرہ ارب دس کروڑ ارب ڈالر کے میزائلوں کا سودا شامل ہے۔
مودی حکومت اسرائیل سے آٹھ ہزار تین سو پینسٹھ اسپائیک میزائل اور تین سو اکیس میزائل لانچر خریدے گی۔ اسرائیل سے اتنی بڑی تعداد میں میزائل خریدنے کا فیصلہ بھارت نے ایک ایسے وقت کیا ہے جب کافی دنوں سے بھارت لائن آف کنٹرول اور ورکنگ باؤنڈری پر مسلسل گولہ باری کر رہا ہے۔ اور چین کے ساتھ بھارتی سرحد پر بھی تناؤ کی کیفیت ہے۔ بھارت دنیا میں اسلحے کا سب سے بڑا خریدار ملک ہے۔ مودی سرکاری نے سو ارب ڈالر مالیت کے دفاعی منصوبوں کی منظوری دے رکھی ہے۔
برمینگھم: ملالہ یوسف زئی نے کہا ہے کہ نوبل انعام ملنےکایقین نہیں آرہا، بطورپاکستانی یہ اعزازملنےپرفخرہے۔
امن کے نوبل انعام حقدار پاکستانی شخصیت ملالہ یو سف زئی نے پریس کا نفرنس میں کہا کہ پا کستانی عوام دہشت گرد تنظیمو ں کو سخت نا پسند کرتے ہیں، انہو ں نے مزید کہاکہ مجھے نو بل انعام کی اطلا ع اسکو ل میں ملی۔ میں تمام کلاسسز لینے کے بعد اسکول سے روانہ ہو ئی۔ پاکستانی عوام دہشت گرد تنظیموں کیخلاف ہیں، پاک بھارت سرحدی کشیدگی دونوں مما لک کیلئے بہتر نہیں، دونوں ممالک اپنی توجہ تعلیم پر مرکوز کریں۔
ملالہ یوسف زئی کا کہنا تھا کہ بھرپور تعاون پر میں اپنے والدین کا شکریہ ادا کرتی ہوں، میرے والد نے مجھے قید نہیں رکھا بلکہ تعلیم حاصل کرنے کیلئے آزادی دی، یہ صرف ایک ایوارڈ نہیں، مجھے اس سے یہ احساس ملا ہے کہ میں ایک آزاد لڑکی ہوں۔
انہوں نے کہا کہ پاکستان اور بھارت کو ایک ساتھ امن کا نوبل ایوارڈ دیا جانا امن اور محبت کا پیغام ہے، میں وزیر اعظم نواز شریف اور بھارتی وزیر اعظم نریندر مودی سے درخواست کرتی ہوں کہ وہ یہ ایوارڈ دینے کے لئے ہونے والی تقریب میں شرکت کریں ، دونوں ممالک کے درمیان جاری حالیہ کشیدگی پر میری خواہش ہے کہ دونوں ممالک امن قائم کریں ، اپنی عوام کی بہتری کے لئے اقدامات کریں اور یہ دونوں ممالک مل کر بچوں کے لئے تعلیم کا حصول ممکن بنائیں۔
اسلام آباد: نوبل انعام ملنے پرملکی اور غیرملکی قیادت نے ملالہ یوسف زئی کو مبارکباد دی ہے۔وزیراعظم نے کہا ہے کہ ملالہ یوسف زئی پاکستان کا فخر ہے۔صدرممنون حسین،وزیراعظم نوازشریف،سابق صدر آصف علی زرداری،الطاف حسین،عمران خان اور علامہ طاہرالقادری نے ملالہ کو نوبل انعام ملنے پر مبارکباد دی ہے۔
وزیراعظم نے ملالہ یوسف زئی کوپاکستان کا فخر قراردیا ہے۔ڈی جی آئی ایس پی آر نے بھی نوبل انعام ملنے پرملالہ کومبارکباد پیش کی ہے۔ایم کیوایم کے قائدالطاف حسین نے کہا ہے کہ ملالہ نے تعلیم کیلئے جس بہادری کا مظاہرہ کیا اس پر وہ امن کے نوبل انعام کی ہی حقدار تھی ۔علامہ طاہرالقادری نے بھی ملالہ یوسف زئی کو نوبل انعام ملنے پر مبارکباد دی ہے۔
عمران خان کہتے ہیں ملالہ کونوبل پرائز ملنے پرخوشی ہوئی،بلاول بھٹونے ٹوئٹر پرملالہ کے نام مباکباد کے پیغام میں لکھا ملالہ تم پرسب کوناز ہے۔ گورنرپنجاب کاکہناہے کہ ملالہ کو نوبل امن انعام ملنا پاکستانیوں کے لیے باعث فخر ہے۔
گورنرسندھ نے ملالہ کو دنیا کیلئےرول ماڈل قراردیا ۔اپنے تواپنے بھارتی وزیراعظم نریندر مودی بھی ملالہ کی جرآت کا اعتراف کیے بغیرنہ رہ سکے ۔کہتے ہیں کہ ملالہ کی زندگی جدوجہد اور بہادری کی مثال ہے اسے نوبل انعام ملنے پر مبارکباد پیش کرتا ہوں۔
نئی دہلی: چینی صدرشی جن پنگ 17ستمبرکوتین روزہ دورے پرنئی دہلی پہنچ رہے ہیں جہاں ان کی ضیافت کھچڑی سمیت روایتی ہندوستانی کھانوں سے کی جائے گی۔
تفصیلات کے مطابق چینی صدربدھ کے روزنئی دہلی پہنچیں گے جہاں ان کا سرکاری سطح پراستقبال کیا جائے گاجس کے بعد وہ احمد آبادروانہ ہوجائیں گے۔
چینی صدرکاپروٹوکول عملہ اس سے پہلے ہی احمد آباد پہنچ چکا ہے، ذرائع کے مطابق عملے نے بھارتی وزیرِاعظم نریندر مودی اورچینی صدر کے درمیان ہونے والی ملاقات کے مقام کا بھی جائزہ لیا۔
ذرائع کے مطابق چینی صدرکےاعزازمیں دی گئی دعوتِ طعام میں باجرے کی روٹی اورگجراتی مصالحہ دارکچھڑی خصوصی طورپرپیش کی جائے گی جبکہ مزید 110 اقسام کے کھانے ان کی تواضع کے لئے موجود ہوں گے۔
چین کے صدر کودی جانے والی دعوت میں بی جے پی کے سینئر لیڈران، کانگریس کے لیڈران اور بھارتی افواج کے سربراہان سمیت دیگراعلیٰ شخصیات شرکت کریں گی۔
برلن: بھارتی وزیر اعظم نریندر مودی برازیل میں پانچ ملکی اجلاس میں شرکت سے قبل جرمنی کے شہر برلن پہنچ گئے لیکن جرمن چانسلر سے ملاقات نہ ہو سکی۔
بھارتی وزیر اعظم نریندر مودی نے برازیل میں پانچ ملکی اجلاس میں شرکت سے قبل جرمنی میں مختصر قیام کے دوران چانسلر انجیلا مارکل سے ملاقات کرنی تھی تاہم جرمن چانسلر نے برازیل میں جرمنی اور ارجنٹائن کے درمیان فائنل فٹ بال میچ کے باعث نریندر مودی سے ملاقات منسوخ کردی۔
نریندر مودی آج برازیل روانہ ہونگے جہاں وہ پانچ ملکی اجلاس میں روس،چین،برازیل اور جنوبی افریقہ کے رہنماوں سے ملاقات کریں گے۔
