Tag: نسرین جلیل

کراچی : ایم کیو ایم کی رہنما نسرین جلیل نے گورنر سندھ بننے کے حوالے سے سوال پر کہا کہ مجھے اس بارے میں علم نہیں۔

تفصیلات کے مطابق ایم کیو ایم کی رہنما نسرین جلیل نے اے آر وائی نیوز سے گفتگو کرتے ہوئے کہا شہباز شریف کا کراچی آنا خوش ائند ہے،امید ہے اب کراچی کو نظر انداز نہیں کیا جائے گا۔

صحافی نے سوال کیا کہ کیا آپ گورنر سندھ بننے جارہی ہیں ،جس پر نسرین جلیل کا کہنا تھا کہ اس پر سوچا نہیں، ابھی مجھے علم نہیں، مجھےتوسب سےآخر میں علم ہوگا۔

خیال رہے ایم کیو ایم رہنما وسیم اختر کو گورنر سندھ بنانے کی تجویز سامنے آئی ہے۔

یاد رہے گذشتہ روز وزیراعظم شہبازشریف اور ایم کیوایم پاکستان کے وفد کی ملاقات ہوئی تھی ، جس میں ایم کیوایم سے کابینہ کیلئے دو نام مانگے گئے تھے۔

جس پر ایم کیوایم کا کہنا تھا کہ مشاورت کے بعد دو نام دیئے جائیں گے۔

ذرائع نے کہا تھا کہ سندھ کی گورنرشپ بھی ایم کیوایم کو دینے کا امکان ہے جبکہ اسپیکر، ڈپٹی اسپیکر یا چیئرمین، ڈپٹی چیئرمین سینیٹ کی سیٹ بھی دی جا سکتی ہے۔

کراچی: ایم کیو ایم پاکستان نے سیاسی دفاتر کھلوانے اور حکومتی کارروائیاں رکوانے کے لیے امریکہ سے مدد طلب کر لی۔

ذرائع کے مطابق ایم کیو ایم کے قائد کی خفیہ ہدایات پر فاروق ستار اور نسرین جلیل کی امریکی سفارتکاروں سے خفیہ ملاقات ہوئی، ذرائع کے مطابق امریکی سفارتکاروں سے ملاقات میں ایم کیو ایم پاکستان کے رہنماوں نے 90 کھلوانے اورحکومت پاکستان کو ایم کیو ایم کے خلاف کارروائی سے روکنے کے لیے مدد طلب کر لی۔

ذرائع کا کہنا ہے کہ 22 اگست کے بعد ایم کیو ایم کی سینیئر قیادت امریکی اور دیگرغیرملکی سفارتکاروں سے مسلسل رابطے میں ہے، گزشہ روزکراچی میں امریکی قونصلیٹ جنرل سے ڈاکٹر فاروق ستار اورنسرین جلیل نے خفیہ ملاقات کی۔

ملاقات میں ایم کیو ایم رہنماوں نے امریکی قونصل خانے کے اہلکاروں کو بتایا کہ ایم کیو ایم کے بند سیاسی دفاتر کھلوانے اور ایم کیو ایم کے خلاف حکومتی کارروائی کو روکنے کے لیے امریکہ اپنا اثر و رسوخ استعمال کرے۔

ذرائع کے مطابق ایم کیو ایم رہنماوں نے امریکی اہلکاروں سے مزید کہا کہ اگر ان کے خلاف یہی صورتحال رہی تو کراچی میں ان کے لیے کام کرنا مشکل ہو جائے گا، ذرائع نے بتایا کہ ڈاکٹرفاروق ستار اور نسرین جلیل نے ایم کیو ایم قائد کی ہدایت پر کراچی میں امریکی سفارتکاروں سے ملاقات کی۔