کراچی : چیئرمین انٹر بورڈ کراچی نسیم میمن کی بحالی کا نوٹیفکیشن معطل کردیا گیا اور آئندہ سماعت تک کوئی بھی عہدہ دینے سے بھی روک دیا۔
تفصیلات کے مطابق سندھ ہائیکورٹ نے چیئرمین انٹر بورڈ کراچی نسیم میمن کی معطلی کا نوٹیفکیشن واپس لینے سے متعلق درخواست پر سماعت ہوئی۔
وکیل نے بتایا کہ صوبائی محتسب اعلیٰ نےجنسی ہراسانی کاجرم ثابت ہونے پرہٹانےکاحکم دیاتھا، محکمہ یونیورسٹی اینڈبورڈزنے چیئرمین انٹر بورڈ کو عہدے سے معطل کردیا تھا لیکن 12 دسمبر 2023 کو ان کی معطلی کا نوٹیفکیشن واپس لے لیا گیا تھا۔
جس پر عدالت نے چیئرمین انٹر بورڈ کراچی کی بحالی کا نوٹیفکیشن معطل کرتے ہوئے ان کو آئندہ سماعت تک کوئی بھی عہدہ دینے سے بھی روک دیا۔
سندھ ہائی کورٹ نے سندھ حکومت ،چیئرمین انٹر بورڈکراچی اور دیگر کو نوٹس جاری کرتے ہوئے 6 اگست تک جواب طلب کرلیا
