کراچی: لائنز ایریا میں نشے کے عادی شخص نے اپنی بیوی کا گلہ دبا کر قتل کردیا۔
تفصیلات کے مطابق کراچی کے لائنز ایریا میں ایک افسوسناک واقعہ پیش آیا ہے جہاں ایک گھر سے خاتون کی تشدد زدہ لاش ملی ہے۔
پولیس کا کہنا ہے کہ مقتولہ کی شناخت 30 سالہ سعدیہ کے نام سے ہوئی ہے، مقتولہ کے شوہر رول امین نے گلہ دبا کر قتل کیا اور موقع سے فرار ہوگیا، جس کی تلاش جاری ہے۔
مقتولہ کے اہلخانہ کا کہنا تھا کہ سعدیہ کا گزشتہ 4 زور سے شوہر سے جھگڑا چل رہا تھا، مقتولہ 2 بچوں کی ماں تھی، اس کا شوہر نشے کا عادی ہے اور کئی ماہ سے بیروزگار تھا۔
دوسری جانب لائنز ایریا میں ہی ایک اور خاتون کی لاش گھر سے برآمد ہوئی، خاتون کی شناخت صائمہ کے نام سے ہوئی جس کی لاش اسپتال منتقل کردی گئی۔