Tag: نشان پاکستان

پاکستان کے سابق وزیراعظم اور پیپلز پارٹی کے بانی ذوالفقار علی بھٹو کو بعد از مرگ اعلیٰ ترین سول ایوارڈ نشان پاکستان عطا کیا گیا۔

اے آر وائی نیوز کے مطابق 85 ویں یوم پاکستان کے موقع پر ایوان صدر میں ملک کے لیے مختلف شعبہ ہائے زندگی سے تعلق رکھنے والے افراد کو سول اعزازت دینے کی تقریب منعقد ہوئی۔

صدر مملکت آصف علی زرداری نے پاکستان کے لیے شاندار خدمات انجام دینے پر ملک کے پہلے منتخب وزیراعظم اور پاکستان پیپلز پارٹی کے بانی ذوالفقار علی بھٹو کو بعد از مرگ اعلیٰ ترین سول ایوارڈ نشان پاکستان عطا کیا۔

سابق وزیراعظم ذوالفقار علی بھٹو کا یہ اعزاز ان کی صاحبزادی صنم بھٹو نے وصول کیا۔ اس موقع پر بھٹو کے نواسے اور پی پی چیئرمین بلاول بھٹو، نواسی اور ایم این اے آصفہ بھٹو، چیئرمین سینیٹ یوسف رضا گیلانی بھی موجود تھے۔

 

View this post on Instagram

 

A post shared by ARY News (@arynewstv)

ایوان صدر میں نمایاں خدمات انجام دینے والے افراد کو سول اعزازت دینے کی تقریب جاری ہے اور مختلف شبعہ ہائے زندگی سے تعلق رکھنے والے افراد کو یہ اعزازات دیے جا رہے ہیں۔

واضح رہے کہ پی پی پی کے بانی ذوالفقار علی بھٹو نے پاکستان کے دو لخت ہونے کے بعد وزارت عظمیٰ کا منصب سنبھالا تھا۔ تاہم انہیں 1977 میں معزول کرنے کے بعد 4 اپریل 1979 میں پھانسی دے دی گئی تھی۔

بعد ازاں آصف علی زرداری کے پہلے دور صدارت میں بھٹو کی پھانسی کے خلاف ریفرنس دائر کیا گیا تھا جو گیارہ سال بعد سماعت کے لیے مقرر کیا گیا تھا۔

گزشتہ برس جولائی میں سپریم کورٹ نے اس ریفرنس کی متعدد سماعتوں کے بعد اپنی تفصیلی رائے جاری کی تھی جس میں کہا گیا تھا کہ شفاف ٹرائل کے بغیر معصوم شخص ذوالفقار علی بھٹو کو پھانسی پر چڑھایا گیا۔

https://urdu.arynews.tv/supreme-court-zulfiqar-bhutto-referecne/

اسلام اباد : ایوان صدر میں بوہرہ کمیونٹی کے روحانی پیشوا سیدنا مفضل سیف الدین کو نشان پاکستان کے اعزازسے نواز دیا گیا۔

تفصیلات کے مطابق ایوان صدر میں بوہرہ کمیونٹی کے روحانی پیشوا کو نشان پاکستان کا اعزاز دینے کی تقریب کا انعقاد کیا گیا۔

تقریب میں صدرمملکت نےبوہرہ کمیونٹی کے روحانی پیشوا ڈاکٹر سید نامفضل سیف الدین کو اعزاز سے نوازا۔

بعد ازاں داؤدی بوہرہ برادری کے روحانی پیشوا ڈاکٹر سیدنا مفضل سیف الدین نے نگران وزیرِ اعظم انوار الحق کاکڑ سے ملاقات کی۔

بوہرہ برادری کا آٹھ رکنی وفد بھی ملاقات میں ہمراہ تھا، وزیرِ اعظم نے ڈاکٹر سیدنا مفضل سیف الدین کے دورہءِ پاکستان کا خیر مقدم کرتے ہوئے بوہرہ برادری کے پاکستان کی ترقی میں کردار کو سراہا۔

انوار الحق کاکڑ نے ڈاکٹر مفضل سیف الدین کو ان کی پاکستان کیلئے خدمات کے اعتراف میں دیئے جانے والے نشانِ پاکستان پر انہیں مبارکباد پیش کی۔

نگراں وزیراعظم کا کہنا تھا کہ بوہرہ برادری کی پاکستان کیلئے خدمات کو قدر کی نگاہ سے دیکھتے ہیں، پاکستان میں ہر مذہب ، رنگ و نسل کےلوگ موجودہیں جنکوبرابری کےحقوق حاصل ہیں، امید ہے بوہرہ برادری آئندہ بھی ترقی و خوشحالی کیلئے اہم کردار ادا کرتی رہےگی۔

بوہرہ برادری کے وفد نے وزیر اعظم کے موسمیاتی تبدیلی کے مضراثرات اجاگر کرنے کے اقدامات پر سراہتے ہوئے حکومت کے بین المذاہب ہم آہنگی کیلئے اقدامات کی بھی تعریف کی۔