کراچی: سندھ ہائی کورٹ کے واضح احکامات کے باوجود اے آر وائی نیوز کی نشریات کیبل پر تاحال بند ہیں۔
تفصیلات کے مطابق ملک کے مقبول ترین چینل اے آر وائی نیوز کے خلاف انتقامی کارروائیاں جاری ہیں، اور حکومت کی ڈھٹائی برقرار ہے۔
اے آروائی نیوز براہِ راست دیکھیں live.arynews.tv پر
ملک کے مختلف حصوں میں ناظرین اپنا پسندیدہ چینل اے آر وائی نیوز کیبل پر دیکھنے سے محروم ہیں۔
اے آر وائی نیوز کے خلاف کارروائیوں پر صحافتی تنظیمیں سراپا احتجاج بن گئی ہیں، اور حکومت سے انتقامی کارروائیاں بند کرنے، اور اے آر وائی نیوز کی نشریات فوری بحال کرنے کا مطالبہ کیا ہے، سکھر اور ٹھٹھہ میں بھی صحافی برادری نے احتجاج کیا۔
اے آر وائی نیوز کی نشریات اب تک کیوں بحال نہیں کی گئیں، اس سلسلے میں سندھ ہائیکورٹ میں آج پیمرا کے خلاف توہین عدالت کی درخواست کی سماعت ہوگی۔
یاد رہے کہ سندھ ہائیکورٹ نے جمعہ کو اے آر وائی نیوز کی نشریات فوری بحال کرنے کا حکم دیا تھا۔ عدالتی حکم نامے میں کہا گیا، اگر اے آر وائی کی نشریات بحال نہ ہوئیں تو پیمرا کے نئے چیئرمین سلیم بیگ پیر کو پیش ہوں۔
