Tag: نشوہ کیس

کراچی: شہر قائد کی مقامی عدالت نے نشوہ کیس کا محفوظ فیصلہ سناتے ہوئے اسپتال سے انجیکشن کی پرچی طلب کرلی۔

تفصیلات کے مطابق کراچی کے سٹی کورٹ میں نشوہ کیس کی سماعت ہوئی جس میں پولیس نے ملزمان کو پیش کیا۔ عدالت نے حراست میں لیے گئے ملزمان کو 28 اپریل تک ریمانڈ پر پولیس کے حوالے کیا۔ جج نے پہلے سے محفوظ فیصلہ سنایا اور نشوہ کو لگائے جانے والے انجیکشن سمیت اسپتال میں بچوں کے آئی سی یو کی موجودگی کی تفصیلات بھی طلب کرلیں۔

مزید پڑھیں: نشوا کی پوسٹ مارٹم رپورٹ 2 ہفتوں میں جاری ہوگی: پولیس سرجن

دوسری جانب مدعی کے وکیل نے عدالت میں مؤقف اختیار کیا کہ ’نشوہ کا کیس قتلِ خطا نہیں بلکہ اُسے جان بوجھ کر مارا گیا‘۔ مقدمے میں غفلت اور لاپرواہی کی دفعہ 322 کا اضافہ بھی کردیا گیا۔ عدالت نے تفتیشی افسر کو اسپتال عملے کی تعلیمی قابلیت اور دیگر کوائف بھی جمع کرنے کی ہدایت کی۔

دریں اثناء پاکستان میڈیکل ایسوسی ایشن نے نشوہ کی موت کو قتل قرار دیا۔ پریس کانفرنس میں ڈاکٹر قیصر سجاد کا کہنا تھا کہ 9 ماہ کی بچی کو غلط انجیکشن لگایا گیا میری نظر میں یہ قتل ہے۔

انہوں نے مطالبہ کیا کہ کیس کی شفافانہ تحقیقات کر کے اسے منطقی انجام تک پہنچایا جائے تاکہ مسقبل میں عوام ایسے واقعات سے محفوظ رکھا جاسکے، ایک شخص کی کوتاہی پر ادارہ بندکرنا کوئی حل نہیں، ہمیں طبی شعبےکی مکمل جانچ پڑتال کرنا ہوگی۔

یہ بھی پڑھیں: مطالبات نہ مانے توکل سےشہریوں کے ساتھ دھرنا دوں گا، والد نشوہ

یاد رہے کہ نشوہ کے والد قیصر علی نے مطالبہ کیا ہے کہ واقعے کی جوڈیشل انکوائری کرائی جائے اور دارالصحت اسپتال کی انتظامیہ کو بھی حراست میں لیا جائے، انہوں نے عندیہ دیا کہ اگر مطالبات منظور نہ ہوئے تو جلد دھرنے پر بیٹھ جاؤں گا۔ یہ بھی یاد رہے کہ وزیر اعلیٰ سندھ کی ہدایت پر گزشتہ روز ہیلتھ کمیشن نے کارروائی کرکے دارالصحت اسپتال کی او پی ڈی کو سیل کردیا تھا۔

کراچی: دارالصحت اسپتال انتظامیہ کی غفلت کے سبب 9 ماہ کی بچی نشوہ کی ہلاکت کے بعد اسپتالوں کی انتظامیہ نے رجسٹریشن اور لائسنس کے لیے کوششیں تیز کردیں۔

تفصیلات کے مطابق کراچی میں اسپتال انتظامیہ نے نشوہ کیس کے بعد رجسٹریشن اور لائسنس کے لیے بھاگ ڈور شروع کردی ہے، ڈاکٹر رتھ فاؤ سول اسپتال کراچی کو عبوری لائسنس مل گیا۔

ذرائع کے مطابق ہیلتھ کیئر کمیشن نے اسپتال کا تفصیلی دورہ کرکے عبوری لائسنس جاری کیا۔

ایم ایس ڈاکٹر رتھ فاؤ سول اسپتال کا کہنا تھا کہ سرکاری و نجی اسپتالوں میں غفلت کے واقعات میں اضافہ ہونے لگا ہے، کلائسنس جاری ہونے پر خوشی ہوئی ہے۔

ایم ایس ڈاکٹر خادم قریشی کا کہنا تھا کہ عملے کی جانب سے غفلت برداشت نہیں کی جائے گی، چھ ماہ کے بعد مستقل لائسنس مل جائے گا۔

مزید پڑھیں: عصمت کیس، مجرمانہ غفلت برداشت نہیں کریں گے: وزیر اعلیٰ سندھ

واضح رہے کہ عصمت کیس میں وزیراعلیٰ سندھ سید مراد علی شاہ نے کہا تھا کہ عصمت کیس میں مجرمانہ غفلت برداشت نہیں کی جائے گی، جن ڈاکٹرز کے خلاف فیملی کو شک ہے اس کے خلاف کارروائی ہوگی۔

یاد رہے کہ کراچی کے دارالصحت اسپتال میں نو ماہ کی بچی نشوہ اسپتال انتظامیہ کی جانب سے غلط انجکشن لگنے کے سبب دو روز قبل انتقال کرگئی تھی۔

خیال رہے کہ کورنگی کے سندھ گورنمنٹ اسپتال میں 25 سالہ عصمت کو دانت کے درد لیے انجکشن لگوانے جانے پر مبینہ طور پر زیادتی کے بعد قتل کردیا گیا تھا۔

کراچی: نشوہ کیس میں غفلت برتنے والے دارالصحت اسپتال کے ایگزیکٹو ڈائریکٹر شہزاد عالم نے اپنے عہدے سے استعفیٰ دے دیا، انتظامیہ نے اعلان کیا ہے کہ بچی کے والدین کی ہر طرح سے مدد کی جائے گی جبکہ وزیراعلیٰ سندھ کے سامنے بھی کمیٹی پیش ہوگی۔

تفصیلات کے مطابق دارالصحت اسپتال میں علاج کرانے والی نشوہ کو اوورڈوز انجیکشن لگانے کے معاملے پر انتظامیہ حرکت میں آگئی اور انہوں نے ملازمین کے خلاف ایکشن لینا شروع کردیا۔

دارالصحت اسپتال کے ایگزیکٹو ڈائریکٹر شہزاد عالم نے استعفیٰ دیا جبکہ 2 کوالیفائیڈ پیرا میڈک اسٹاف کو بھی نوکری سے برطرف کیا گیا۔ انتظامیہ نے اعلان کیا ہے کہ ہیلتھ کیئر کمیشن کی تجاویز پر من و عن عمل کیا جائے گا اور متاثرہ بچی کے اہل خانہ کی ہر طرح سے مدد کی جائے گی جس میں مالی معاونت بھی شامل ہے۔

بورڈ آف ڈائریکٹرز کے اجلاس میں انتظامیہ نے فیصلہ کیا کہ نشوہ کے علاج پر آنے والے اخراجات خود ادا کیے جائیں گے اور اس حوالے سے اُن کے والد کو یہ پیش کش بھی کی جائے گی کہ وہ جس اسپتال سے دل چاہیں علاج کرائیں، اسپتال انتظامیہ مکمل تعاون کرے گی۔

مزید پڑھیں: نشوہ کیس: دارالصحت اسپتال کا ملازم عدالت میں پیش، بیان ریکارڈ، اہم انکشافات

دوران اجلاس بورڈ آف ڈائریکٹرز نے نشوہ کیس ہر گہرے رنج وغم کا اظہارکیا،نشوہ اوراہل خانہ کی ہرطرح کی مدد اور مالی معاونت کرنے کافیصلہ کیا۔ اعلامیہ کے مطابق بورڈ نے گزشتہ ہنگامی اجلاس میں معاملے کی تحقیقات کیلئے کمیٹی تشکیل دی تھی،کمیٹی کے سربراہ نے کیس سے متعلق ممبران کو صورتحال سے آگاہ کیا۔

کمیٹی سربراہ نے بورڈ آف ڈائریکٹرز کو آگاہ کیا کہ نشوہ کا کیس تربیت یافتہ انسانی پیرامیڈک کی غفلت کانتیجہ ہے،دوکوالیفائیڈ پیرامیڈک اسٹاف کو نشوہ کیس میں فارغ کردیا گیاجبکہ اب تمام میڈیکل اسٹاف کی کڑی نگرانی کی جارہی ہے، اسٹاف کے بالواسطہ طور پر اس کیس میں کام پر کڑی نظر رکھی جائے۔

یہ بھی پڑھیں: نشوا کے مظلوم باپ پر صلح کے لیے دباؤ ڈالے جانے کا انکشاف

شہزاد عالم کا استعفیٰ منظور ہونے کے بعد انتظامیہ نے عہدہ فی الوقت سینئر ترین ڈاکٹر کو سونپ دیا، اجلاس نے یہ بھی اعلان کیا کہ لیاقت نیشنل اسپتال میں نشوہ کے علاج پرآنے والے تمام اخراجات دارالصحت اسپتال ہی ادا کرے گا جبکہ انتظامیہ وزیراعلیٰ سندھ کی کمیٹی کے سامنے بھی پیش ہوگی۔  بورڈ آٖف ڈائریکٹرز نے انتظامیہ کو ہدایت کی ہے کہ ایسے اقدامات کئے جائیں کہ آئندہ اس طرز کے واقعات پیش نہ آئیں۔