ARYNews.tv | Urdu – Har Lamha Bakhabar

Tag: نشے میں دھت

  • نشے میں دھت امریکی خاتون کی ڈرائیونگ سے 9 سالہ بیٹا جان سے گیا

    نشے میں دھت امریکی خاتون کی ڈرائیونگ سے 9 سالہ بیٹا جان سے گیا

    امریکی ریاست نیو یارک کے علاقے لانگ آئی لینڈ میں ایک انتہائی افسوسناک واقعہ رونما ہوا، جب نشے میں دھت خاتون نے رانگ سائیڈ ڈرائیونگ کے باعث اپنے 9 سالہ بیٹے کی جان لے لی۔

    بین الاقوامی خبر رساں ادارے کی رپورٹ کے مطابق پولیس نے بتایا کہ حادثے کے بعد 32 سالہ خاتون کیری اے بیڈرک کو 9 سالہ بیٹے کے قتل اور کئی لوگوں کو زخمی کرنے کے الزام میں حراست میں لے لیا گیا ہے۔

    پولیس نے بتایا کہ خاتون دوران ڈرائیونگ نشے کی حالت میں تھی، پولیس اہلکار نے انہیں روکنے کی کوشش بھی تاہم خاتون نے گاڑی روکنے کی بجائے اس کی اسپیڈ اور بڑھادی، جس کی وجہ سے چار گاڑیوں کو ٹکر ہوئی اور ان کے بیٹے ایلی ہنریس کی موت واقع ہوگئی تھی۔

    پولیس نے غیر ذمہ دارانہ طریقے سے گاڑی چلانے پر خاتون کو عدالت میں پیش کیا، جہاں ان پر کئی سنگین الزامات سامنے آئے۔

    پولیس نے بتایا کہ خاتون پر کئی الزامات عائد کیے گئے ہیں جن میں معطل شدہ لائسنس اور منشیات کے زیرِ اثر 16 سال سے کم عمر کے بچے کے ساتھ گاڑی چلانے اور نشہ آور اشیاء رکھنے کے الزامات شامل ہیں۔

    حادثے کے وقت کیری نے مخالف سمت میں گاڑی چلانے کے دوران دیگر گاڑیوں ٹکر ماری تھی، گاڑیوں کے درمیان تصادم کی شدت اتنی زیادہ تھی کہ گاڑی کا انجن بھی حادثے کے مقام سے دور جنگل میں جا گرا تھا، جبکہ گاڑی میں موجود اس کا بیٹا شدید زخمی ہوگیا۔

    ایرانی فورسز کی کارروائیاں، داعش کے 14 دہشت گرد گرفتار

    کیری کے بیٹے کو ریسکیو ٹیم نے گاڑی سے نکالا اور موقع پر سی پی آر سمیت ابتدائی طبی امداد فراہم کی، مگر بچہ اسپتال پہنچنے سے قبل ہی جان کی بازی ہار گیا۔

  • نشے میں دھت پچاس سے زائد افراد کا پولیس اہل کاروں پر دھاوا

    نشے میں دھت پچاس سے زائد افراد کا پولیس اہل کاروں پر دھاوا

    کراچی: شہر قائد کے علاقے عزیز آباد نعمت کالونی میں پچاس سے زائد نشے میں دھت افراد نے پولیس پر دھاوا بول کر دو اہل کاروں کو زخمی کر دیا۔

    تفصیلات کے مطابق کراچی کے علاقے عزیز آباد میں بڑی تعداد میں نشہ کرنے والے افراد نے حملہ کر کے شاہین فورس کے 2 اہل کاروں کو زخمی کر دیا، جنھیں طبی امداد کے لیے اسپتال منتقل کر دیا گیا ہے۔

    پولیس حکام کے مطابق زخمی اہل کاروں میں پرویز خان، محمد حماد شامل ہیں، جو عزیز آباد تھانے میں تعینات ہیں، دونوں اہل کار موٹر سائیکل پر علاقے میں گشت کر رہے تھے، اس دوران انھوں نے نعمت کالونی میں نشے میں دھت افراد کو روکا تو انھوں نے حملہ کر دیا۔

    پولیس حکام کا کہنا ہے کہ حملہ آوروں کی تعداد 70 کے آس پاس تھی، جن میں سے 3 کو گرفتار کر لیا گیا ہے، پولیس نے عزیز آباد تھانے میں 5 نامزد افراد سمیت 70 دیگر نامعلوم ملزمان کے خلاف مقدمہ درج کر لیا ہے، جن کی تلاش جاری ہے۔

    مقدمے کے متن کے مطابق اطلاع تھی کہ شاہین فورس نے 2 نشے میں دھت افراد کو پکڑا ہے، اور کچھ افراد کی جانب سے ملزمان کو چھڑانے کی اطلاع تھی، جس پر اہل کار موقع پر پہنچے تو نامعلوم افراد اہل کاروں پر حملہ کر رہے تھے، ملزمان نے پولیس موبائل دیکھ کر اس پر بھی پتھراؤ کیا اور فرار ہو گئے، زخمی اہل کاروں پرویز خان اور حماد نے 3 ملزمان کو پکڑ رکھا تھا۔

  • نشے میں دھت دو افراد نے ریسٹورنٹ کے ویٹر کو قتل کردیا

    نشے میں دھت دو افراد نے ریسٹورنٹ کے ویٹر کو قتل کردیا

    پونا: بھارت کے شہر پونے میں نشے میں دھت دو افراد نے ایک نوجوان ویٹر کو سُوپ میں چاول ہونے کے باعث قتل کر دیا۔

    بھارتی میڈیا کے مطابق بھارت کے شہر پونے میں ایک ریسٹورنٹ پر دو افراد نشے کی حالت میں گئے، جہاں انہوں نے مٹن سوپ میں چاول ہونے کی وجہ سے غصے میں ویٹر کو تشدد کا نشانہ بنایا۔

    پولیس کا کہنا ہے کہ یہ دونوں افراد 19 سالہ لڑکے کو قتل کرنے کے بعد وہاں سے فرار ہو گئے، اس واقعے کے دوران انہوں نے دو مزید افراد کو بھی زخمی کیا۔

    پولیس کے مطابق ملزمان نشے کی حالت میں تھے اور جب انہوں نے مٹن سُوپ میں چاول دیکھے تو انہیں غصہ آگیا اور ویٹر پر حملہ کردیا۔

    اسسٹنٹ پولیس انسپکٹر نے کہا کہ لڑکے کے سر پر چوٹ لگی جس کی وجہ سے وہ ہلاک ہو گیا۔

    ایک ملزم کی شناخت وجے وگھیر کے نام سے ہوئی ہے، جبکہ دوسرے کا نام معلوم نہیں ہو سکا، پولیس کا کہنا ہے کہ ملزمان کے خلاف قتل کا مقدمہ درج ہو چکا ہے اور ان کی تلاش جاری ہے۔

  • نشے میں دھت ڈرائیور نے گاڑی درخت سے ٹکرا دی

    نشے میں دھت ڈرائیور نے گاڑی درخت سے ٹکرا دی

    ارجنٹائن میں نشے میں دھت ایک ڈرائیور نے گاڑی کو جان بوجھ کر درخت سے ٹکرا دیا جس کے بعد اسے گرفتار کرلیا گیا، مقامی حکومت فٹ پاتھ کی مرمت کے پیسے ڈرائیور سے وصول کرنے کا ارادہ رکھتی ہے۔

    سوشل میڈیا پر پوسٹ کی گئی ویڈیو میں 25 سالہ ڈرائیور کو دیکھا جاسکتا ہے جو اپنے دوست کے ساتھ گاڑی میں ہے، ڈرائیور نشے میں دھت ہے اور چلا رہا ہے کہ ہم مرنے کے لیے تیار ہیں۔

    اس دوران وہ نہایت غیر محتاط ڈرائیونگ کرتا ہے۔

    اس کا دوست جو ویڈیو بنا رہا ہے وہ ڈرائیور کو روکتا بھی دکھائی دیا تاہم نشے میں چور ڈرائیور کچھ بھی سمجھنے سے قاصر ہے۔

    اس کے بعد اچانک گاڑی دھماکے سے سائیڈ وے پر لگے درخت سے جا ٹکراتی ہے۔ جان بوجھ کر کیے گئے اس حادثے میں خوش قسمتی سے دونوں محفوظ رہتے ہیں۔

    پولیس نے ڈرائیور کو گرفتار کر کے اس پر نشے میں ڈرائیونگ کرنے کے چارجز عائد کیے ہیں جبکہ اس کا ڈرائیونگ لائسنس بھی معطل کردیا گیا ہے۔

    پولیس کا کہنا ہے کہ کیس عدالت میں پیش کیے جانے کے بعد مقامی حکومت فٹ پاتھ کی مرمت کی رقم ڈرائیور سے وصول کرنے کا ارادہ رکھتی ہے، گاڑی ٹکرانے سے سائیڈ وے کو نقصان پہنچا ہے اور اس کی دیوار ٹوٹ گئی ہے۔

  • فلائٹ میں مسافروں کی ہنگامہ آرائی، ویڈیو وائرل

    فلائٹ میں مسافروں کی ہنگامہ آرائی، ویڈیو وائرل

    لندن: برطانوی دارالحکومت لندن سے آسٹریلیا جانے والی ریان ایئر کی پرواز میں نشے میں دھت مسافروں نے کیبن کریو اور ایئرہوسٹس کے ساتھ بدتمیزی کی۔

    تفصیلات کے مطابق مسافر ثاقب احمد نے سوشل میڈیا کی ویب سائٹ ٹویٹر پر ویڈیو شیئر کی جس میں انہوں نے 7 فروری کی ریان ایئر کی پرواز کا تجربہ بیان کیا۔ مسافر ثاقب احمد نے ٹویٹر پر اپنے پیغام میں لکھا کہ وہ کبھی دوبارہ ریان ایئر کی پرواز میں سفر نہیں کریں گے۔

    ٹویٹر پر شیئر کی جانے والی ویڈیو میں دیکھا جا سکتا ہے کہ لندن سے آسٹریلیا جانے والی ریان ایئر کی پرواز میں نشے میں دھت مسافروں نے جہاز میں نہ صرف ہنگامہ آرائی کی بلکہ کیبن کریو اور ایئرہوسٹس کے ساتھ بدتمیزی بھی کی۔


    نشے میں دھت مسافروں سے دوسرے مسافر نہ صرف پریشان ہوگئے بلکہ انہیں اپنی جان بھی خطرے میں نظر آ رہی تھی۔

    یاد رہے کہ گزشتہ سال اگست میں غیرملکی ایئرلائن کی پرواز میں مسافر نے خاتون سے کسی بات پر بحث شروع کی اور چیخنے چلانے لگا جس پر دیگر مسافر بھی بحث میں شامل ہوگئے اور دیکھتے ہی دیکھتے جہاز اکھاڑے کا منظر پیش کرنے لگا۔

    پولیس نے لڑائی میں ملوث 3 مسافروں کو گرفتار کر لیا تھا جن میں ایک خاتون بھی شامل تھی۔

  • کراچی: نشے میں دھت افراد کی فائرنگ، بچے سمیت 3 افراد اور 3 گھوڑے زخمی

    کراچی: نشے میں دھت افراد کی فائرنگ، بچے سمیت 3 افراد اور 3 گھوڑے زخمی

    کراچی: شہرِ قائد کے تفریحی مقام سی ویو پر نشے میں دھت مسلح غنڈوں نے گولیاں برسا کر ایک بچے سمیت تین افراد اور تین گھوڑوں کو زخمی کر دیا۔

    تفصیلات کے مطابق سی ویو کراچی پر نشے میں دھت غنڈوں کی دادا گیری سے ہراس پھیل گیا، مسلح افراد کی اندھا دھند فائرنگ سے 3 افراد اور 3 گھوڑے زخمی ہو گئے۔

    پانچ نا معلوم افراد سفید رنگ کی گاڑی میں سی ویو پہنچے جہاں انھوں نے گھوڑے کی سواری بھی کی، بعد ازاں مستی میں آ کر سی ویو کی سیڑھیوں پر گولیاں برسانے لگے۔

    گولیاں سیڑھیوں کے ٹائلز سے ٹکرا کر آس پاس موجود لوگوں اور گھوڑوں کو لگیں، جس سے بچے سمیت تین افراد اور تین گھوڑے زخمی ہو گئے۔

    لوگوں کو سیر کرانے والے گھوڑے کے مالک میر حمزہ کی ٹانگوں پر بھی گولیاں لگیں، زخمی افراد کو اسپتال منتقل کر دیا گیا ہے، تاہم کئی گھنٹے گزرنے کے بعد بھی پولیس کارروائی میں نا کام رہی ہے۔

    یہ بھی پڑھیں:  پرانا کراچی واپس آ گیا، امید ہے پرانا پاکستان بھی واپس آئے گا: مراد علی شاہ

    اے ایس پی سرفراز ورک کا کہنا ہے کہ نوجوان نے محمود گھوڑے والے کی طیش دلانے پر زمین پر فائر کیا تھا، اس سلسلے میں محمود گھوڑے والے سے تفتیش جاری ہے۔

    خیال رہے کہ گزشتہ روز کراچی میں پی ایس ایل فور کے کام یاب انعقاد کے بعد وزیرِ اعلیٰ سندھ مراد علی شاہ نے میڈیا سے گفتگو کرتے ہوئے کہا تھا کہ پرانا کراچی واپس آ گیا، امید ہے پرانا پاکستان بھی واپس آئے گا۔

    جب کہ آج ایک اعلیٰ سطح کے اجلاس میں وزیرِ اعظم عمران خان نے کراچی کے مسائل پر اظہارِ تشویش کیا، انھوں نے کہا کہ مسائل کے حل کے لیے طویل المدت منصوبہ بندی کی جائے۔

  • فیصل آباد : شراب کے نشے میں دھت پولیس اہلکارشہریوں کومغلظات بکتا رہا

    فیصل آباد : شراب کے نشے میں دھت پولیس اہلکارشہریوں کومغلظات بکتا رہا

    فیصل آباد : قانون کے محافظ نے سرعام شراب پی کر غل غپاڑہ شروع کردیا، بیچ چوک پر بیٹھ کر شراب کی پوری بوتل چڑھا گیا ،نشے میں دھت اہلکار عبداللہ نے شہریوں کو گالیاں دیں، سی پی او نے کانسٹیبل کو معطل کردیا۔

    تفصیلات کے مطابق فیصل آباد میں شراب کے نشے میں دھت پولیس اہلکار صدیق آپے سے باہر ہوگیا، منشیات فروشوں کےخلاف کارروائیاں کرنے کی دعویدار پنجاب پولیس کے ایک اہلکار نے سورج کی روشنی میں شراب کی محفل سجا لی اور ہوش کھو بیٹھا۔

    اے آر وائی نیوز کو موصول ویڈیو میں دیکھا جاسکتا ہے کہ فیصل آباد کے مدینہ ٹاؤن تھانے کا اہلکار عبداللہ نشے میں چور ہے، وردی میں ملبوس اہلکار نے شہریوں کو خوب مغلظات بکیں اور ریسکیو اہکاروں کو بھی نہ بخشا.

    ریسکیو اہلکار اسے روکنے کی کوشش کرتا رہا لیکن وہ کسی صورت نہ مانا، مذکورہ پولیس اہلکار گارڈن ناکے پر تعینات تھا۔

    اے آر وائی نیوز پرخبرنشر ہونے کے بعد سی پی او نے کانسٹیبل عبداللہ کو معطل کر دیا، انہوں نے ایس پی مدینہ ٹاؤن کوانکوائری افسر مقرر کرتے ہوئے معاملے کی رپورٹ طلب کرلی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔