ARYNews.tv | Urdu – Har Lamha Bakhabar

Tag: نظام زندگی

  • طوفان فلورس نے برطانیہ اور آئرلینڈ کو لپیٹ میں لے لیا، ٹرینیں، پروازیں منسوخ

    طوفان فلورس نے برطانیہ اور آئرلینڈ کو لپیٹ میں لے لیا، ٹرینیں، پروازیں منسوخ

    لندن: برطانیہ اور آئرلینڈ میں طوفان ”فلورس” کے باعث نظام زندگی بری طرح متاثر ہو گیا۔

    بین الاقوامی خبر رساں ادارے کی رپورٹ کے مطابق تیز ہواؤں اور موسلا دھار بارش کے باعث متعدد پروازیں، ٹرینیں اور کشتیاں منسوخ کی جاچکی ہیں جبکہ تفریحی تقریبات کو ملتوی کردیا گیا ہے۔

    طوفان فلورس کے باعث آئرلینڈ، اسکاٹ لینڈ، شمالی انگلینڈ اور یارکشائر میں تیز ہواؤں کا الرٹ جاری کیا جا چکا ہے، یارکشائر کے کئی تفریحی مقامات بند کر دیے گئے ہیں، جبکہ درخت گرنے اور سڑکوں پر رکاوٹوں کی وجہ سے ٹریفک کی روانی متاثر ہوچکی ہے۔

    گلاسگو سے اسکاٹش جزیروں کی جانب تمام پروازیں منسوخ کر دی گئی ہیں۔ نیو کیسل کے شمال میں ریلوے سروسز بند کر دی گئی ہیں، پریسٹن کے شمال میں ریلوے مسافروں کو سفر نہ کرنے کی ہدایت دی گئی ہے۔

    برطانیہ کے مختلف حصوں میں ایمبر اور یلو وارننگز جاری کر دی گئی ہیں۔ اسکاٹ لینڈ میں صبح 10 بجے سے ایمبر وارننگ نافذ ہے جبکہ شمالی انگلینڈ، ویلز اور شمالی آئرلینڈ میں صبح 6 بجے سے یلو وارننگ جاری کی گئی۔

    جنوبی ایران میں 5.7 شدت کا زلزلہ ، کئی شہر لرز اٹھے

    ڈرائیوروں کو سخت احتیاطی تدابیر اختیار کرنے کی ہدایت کی گئی ہے۔ ایڈنبرا میں واقع پرنسز اسٹریٹ گارڈنز بند کر دیے گئے جبکہ نارتھ بیروک میں ہونے والا ”فرنج بائے دی سی” فیسٹیول بھی ملتوی کر دیا گیا۔

  • مقبوضہ کشمیرمیں کرفیوکا 68 واں روز، نظام زندگی مفلوج

    مقبوضہ کشمیرمیں کرفیوکا 68 واں روز، نظام زندگی مفلوج

    سری نگر: آرٹیکل 370 کی منسوخی کے بعد مقبوضہ کشمیر میں کرفیو کا 68 واں روز ہے، وادی میں اسکول کالج تجارتی مراکز بند ہیں، مقبوضہ وادی میں نظام زندگی مفلوج ہے۔

    تفصیلات کے مطابق فاشسٹ مودی حکومت نے جنت نظیر وادی کشمیر کو جیل میں بدل دیا ہے، کشمیریوں کی زندگی بد سے بدتر ہوتی جا رہی ہے، بزدل قابض فوج نے کشمیریوں کو 68 روز سے گھروں میں بند کررکھا ہے۔

    مقبوضہ وادی میں اسکول، کالج، تجارتی مراکز بند، ٹرانسپورٹ سروس معطل ہے، نظام زندگی مفلوج ہوکر رہ گئی ہے، لاکھوں کشمیری گھروں میں محصور ہیں۔

    غدا کی قلت، بھوک سے بلکتے بچوں اور مریضوں کی اکھڑتی سانسوں سے مجبور کشمیری باہر نکلیں تو ان پر پیلٹ گنز کا استعمال کیا جاتا ہے جس سے کشمیری نوجوان بینائی سے محروم ہو رہے ہیں۔

    کشمیر میڈیا سروس کے مطابق کشمیری رہنماؤں، نوجوانوں سمیت بچے بھی جیلوں میں قید ہیں، 2 ماہ سے کشمیریوں کو نمازجمعہ مساجد میں ادا کرنے نہیں د ی جا رہی۔

    مقبوضہ کشمیر کی حریت قیادت کی جانب سے بھارتی فورسز کے مظالم کے خلاف نماز جمعہ کے بعد احتجاج کی کال دی گئی ہے۔

    حیران ہوں عالمی میڈیا ہانگ کانگ احتجاج کی کوریج کر رہا ہے کشمیرکی نہیں، عمران خان

    دوسری جانب سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ حیران ہوں عالمی میڈیا ہانگ کانگ احتجاج کی کوریج کر رہا ہے کشمیرکی نہیں۔

    انہوں نے کہا کہ 2 ماہ سے کشمیرمیں مواصلاتی نظام کا مکمل بلیک آؤٹ ہے، کشمیری رہنماؤں ، بچوں سمیت ہزاروں کشمیری جیلوں میں ہیں۔

    یاد رہے کہ گزشتہ روز اقوام متحدہ کی جنرل اسمبلی کی تیسری کمیٹی کے اجلاس میں ملیحہ لودھی کا کہنا تھا کہ مقبوضہ کشمیر میں رات میں چھاپوں کے دوران بڑی تعداد میں بچوں کو اٹھایا جا رہا ہے.

    ملیحہ لودھی نے امریکی اخبار نیویارک ٹائمز کی حالیہ رپورٹ کا حوالہ دیتے ہوئے کہا تھا کہ بھارت کی جانب سے مقبوضہ کشمیر میں بند کیے گئے مواصلاتی نظام کی قیمت بیماروں کو کس طرح ادا کرنا پڑ رہی ہے۔

  • لاہور: طوفانی بارش سے نظام زندگی شدید متاثر

    لاہور: طوفانی بارش سے نظام زندگی شدید متاثر

    لاہور: طوفانی بارش نے لاہور میں نظام زندگی درہم برہم کر دیا، موسلا دھار برسات سے جل تھل ایک ہو گیا.

    تفصیلات کے مطابق لاہور میں تیز بارش سے معمولات زندگی معطل ہوگئے، کئی علاقوں‌ میں پانی کھڑا ہوگیا، بجلی معطل ہوگئی.بارش سے لیسکو کے 180 فیڈرز ٹرپ کر گئے.

    سب سے زیادہ بارش تاجپورہ سب ڈویژن میں ریکارڈ کی، جہاں 124 ملی میٹر بارش ہوئی، شہر کی اہم سڑکوں پر پانی کھڑا ہوگیا، نشیبی علاقے شدید متاثر ہوئے، گھروں میں پانی داخل ہوگیا.

    بارشوں سے ٹریفک کا نظام بھی درہم برہم ہوگیا، کئی گاڑیاں خراب ہوگئیں، جس کی وجہ سے مسافروں کو شدید مشکلات کا سامنا رہا.

    مزید پڑھیں: کراچی میں 28 سے30 جولائی کے دوران موسلادھار بارش کا امکان

    سب سے زیادہ متاثر مغل پورہ، ایبٹ روڈ، گلبرگ، ماڈل ٹاؤن، جیل روڈ، ڈیوس روڈ، کینال روڈ، دھرم پورہ، فیروزپور روڈ، مال روڈ کے علاقے ہوئے.

    بارش سے بجلی کا نظام بیٹھ گیا. لیسکو کے 180 فیڈر ٹرپ ہوگئے. بڑے حصے کو  بجلی کی فراہمی معطل ہو گئی۔

    وزیراعلیٰ پنجاب عثمان بزدار کی ہدایت پر لاہور میں مختلف مقامات پرامدادی کیمپ قائم کر دیے گئے ہیں.

    خیال رہے کہ اس وقت ملک بھر میں تارشوں‌کا سلسلہ جاری ہے. آج اسلام آباد، راولپنڈی اور آزاد کشمیر میں بھی وقفے وقفے سے بارش جاری ہے.

  • سعودیہ میں طوفانی بارشوں اور برفباری سے نظام زندگی متاثر

    سعودیہ میں طوفانی بارشوں اور برفباری سے نظام زندگی متاثر

    ریاض : سعودی عرب میں موسمیاتی تبدیلی کے باعث موسلا دھار اور شدید طوفانی بارشوں اور برفباری نے شہریوں کو مشکلات سے دوچار کردیا۔

    تفصیلات کے مطابق سعودی عرب میں تیزی سے ہونے والی موسمیاتی تبدیلیوں کے باعث شہری شدید مشکلات کا پریشانی کا شکار ہیں، مسلسل موسلا دھار اور طوفانی بارشوں نے نشیبی علاقوں میں سیلابی صورتحال پیدا کردی ہے۔

    غیر ملکی خبر رساں ادارے کا کہنا ہے کہ مکہ مکرمہ، مدینہ منورہ اور ریاض کے علاوہ تبوک اور الیث میں بھی بادلوں نے گرج چمک کے ساتھ برسنا جاری رکھا جبکہ ابہا میں درجہ حرارت نقطہ انجماد سے گر گیا۔

    مقامی میڈیا کا کہنا ہے کہ درجہ حرارت نقطہ انجماد سے گرنے کے بعد شدید برفباری بھی ہوئی جس کے باعث شہر میں ٹریفک کے مسائل پیدا ہوگئے۔

    طوفانی بارشوں کے باعث ریاست سعودی عرب کے نشیبی علاقوں میں سیلابی صورتحال پیدا ہوگئی جس کے نتیجے میں شہری گھروں میں محصور ہوکر رہ گئے۔

    سعودی حکام کا کہنا ہے کہ سیلابی علاقوں میں محصور متاثرین کو ہیلی کاپٹر کے ذریعے محفوظ مقامات کی جانب منتقل کیا جارہا ہے۔

    سعودی خبر رساں ادارے کا کہنا ہے کہ جدہ میں بادل گرج چمک کے ساتھ برسے جس کے باعث فلائٹ آپریشن معطل کردیا گیا اور شہریوں کو گھروں میں نمازیں ادا کرنے کی ہدایات جاری کردی گئیں۔

  • برطانیہ میں شدید برفباری، نظام زندگی منجمد

    برطانیہ میں شدید برفباری، نظام زندگی منجمد

    لندن : برطانیہ میں برفباری نے سردی کی شددت میں اضافہ کردیا جس کے ملک کے مختلف حصّوں میں نظام زندگی منجمد ہوگیا۔

    تفصیلات کے مطابق مغربی ملک برطانیہ کی ریاستیں اسکاٹ لینڈ اور شمالی انگلینڈ میں موسم سرما کا آغاز ہوتے ہی مختلف علاقوں میں سردی کی شدت میں اضافہ ہوگیا، جس نے عوام کی مشکلات میں بھی اضافہ کردیا ہے۔

    غیر ملکی خبر رساں ادارے کا کہنا تھا کہ برطانیہ میں موسم کے آغاز پر برفباری شروع ہوئی نظام زندگی مفلوج ہوگیا اور اسکاٹ لینڈ میں درجہ حرارت منفی چار تک گر گیا۔

    برطانوی میڈیا کا کہنا ہے کہ سردی میں شدت کے باعث شمالی انگلینڈ میں بھی درجہ حرارت منفی ایک تک گرگیا۔

    مقامی خبر رساں ادارے کا کہنا تھا کہ برطانیہ میں موسم سرما کے آغاز پر گھڑیاں بھی آج سے ایک گھنٹہ پیچھے کردی جائیں گی جنہیں مارچ 2019 کے آخری اتوار کو موسم گرما کے آغاز پر واپس ایک گھنٹہ آگے کردیا جائے گا۔

    مزید پڑھیں : برطانیہ میں آئندہ ہفتے شدید برفباری کی پیش گوئی

    یاد رہے کہ برطانوی محکمہ موسمیات چند روز قبل واضح کر دیا تھا کہ آئندہ ہفتے پورے ملک میں شدید برفباری ہوگی جس کے باعث ٹھنڈ کی شدت میں مزید اضافہ ہوگا۔

    مزید پڑھیں : برفباری برطانیہ کی جانب گامزن، درجہ حرارت منفی 3.4 ریکارڈ

    گذشتہ ہفتے برطانیہ میں سینی برج اور ساؤتھ ویلز میں درجہ حرارت 1.8 سینٹی گریڈ سفولک کے علاقے سائنٹن ڈاؤن ہیم میں درجہ حرارت 1.8 سینٹی گریڈ ریکارڈ کیا گیا تھا۔

    خیال رہے کہ رواں سال مارچ میں برطانیہ میں شدید برفباری کے بعد نظام زندگی درہم برہم ہوگئی تھی۔

    محکمہ موسمیات کو جنوب مغربی حصّے میں دو روز تک 30سنیٹی میٹر برفباری ہونے کے پیش نظر وارننگ جاری کرنی پڑگئی تھی۔

    واضح رہے کہ برطانوی میٹ آفس نے مارچ کے اوائل میں ’ایما‘ نامی طوفان کے پیش نظر عوام کی حفاظت کے لیے ریڈ وارننگ جاری کی تھی۔ اس کے باوجود سڑکوں پر متعدد حادثات دیکھنے میں آئے تھے اور لندن کے ایک پارک میں ایک ساٹھ سالہ شخص برف میں پھنس کر جاں بحق بھی ہوگیا تھا۔ ہیتھرو اور سٹی ائرپورٹ سمیت برطانیہ بھر کے ائرپورٹس پر پروازیں بھی متاثر ہوئیں تھیں اور گلاسگو ائرپورٹ پر آپریشن بند ہونے کے بعد ریڈ کراس کی طرف سے مسافروں کو بستر مہیا کئے گئے۔

  • برطانیہ میں شدید برفباری سے نظام زندگی مفلوج

    برطانیہ میں شدید برفباری سے نظام زندگی مفلوج

    لندن: برطانیہ کے محکمہ موسمیات نے جنوب مغربی حصّے میں دو روز تک 30سنیٹی میٹر برفباری ہونے کے پیش نظر وارننگ جاری کردی۔

    تفصیلات کے مطابق برطانیہ کے محکمہ موسمیات نے برطانیہ کے بیشتر علاقوں کو وارننگ جاری کی ہے جس کا مقصد یہ ہے کہ اس ہفتے ہونے والی شدید برفباری کے سبب شہریوں کی زندگی کو خطرات درپیش ہیں‘ محکمہ موسمیات برطانیہ کی جانب سے وارننگ جنوب مغربی انگلینڈ میں جاری گئی ہے۔

    برطانوی خبر رساں ادارے کے مطابق شدید سردی اور برفباری کے باعث شہراوکهامپٹون کے کار پارکنگ میں گذشتہ رات گاڑیوں رش رہا اور ڈرئیواروں نے رات گاڑی میں ہی گزاری ہے، جبکہ 15 بچوں سمیت 40 افراد نے ٹاؤن کے مقامی کالج میں رات بسر کی۔

    محکمہ موسمیات کا کہنا تھا کہ جنوب مغربی حصّے میں 5 سینٹی میٹر برفباری کا امکان جبکہ ڈارٹمور اور ایکسمور میں 30 سینٹی میٹر برفباری کی پیشن گوئی ہے۔

    مقامی پولیس نے موجودہ صورتحال کے پیش نظر شہر کی اہم شاہراہوں کو بند کردیا ہے، اور سماجی رابطے کی ویب سائٹ ٹویٹر پر پیغام دیا ہے کہ غیر ضروری سفر سے گریز کریں اور آمد و رفت کو صبح تک محدود رکھیں، محکمہ موسمیات کی وارننگ کے بعد ڈیون ٹاؤن کے اسکولوں نے بھی تدریسی عمل معطل رکھا۔

    غیر ملکی خبر رساں کے مطابق اتوار کی صبح اوکهامپٹون اور ویھیڈدن ڈاؤن کی شاہراہ پر متعدد گاڑیاں برفباری کے باعث حادثے کا شکار ہوئی ہیں، دوسری طرف خراب موسم کی وجہ سے اتوار کی رات پرواز کرنے والی تمام فلائٹز منسوخ اور تاخیر کا شکار ہوئیں۔

    محکمہ موسمیات کا کہنا ہے کہ برطانیہ کے کچھ شہروں کا درجہ حرارت مزید منفی درجہ میں جائے گا جو جزوی طور پر پگھلنے والی برف کو بھی جما دے گا۔

    میٹ آفس نے واننگ جاری کرتے ہوئے کہا ہے کہ انگلینڈ، سنیٹرل ویلز اور جنوبی اسکاٹ لینڈ اور شمالی آئرلینڈ کے بیشتر حصّوں میں آج رات شدید برفباری کا خدشہ ہے، ترجمان میٹ آفس نے بتایا کہ منگل کے روز برطانیہ کا موسم واپس بحال ہوجائے گا۔

    واضح رہے کہ برطانوی میٹ آفس نے مارچ کے اوائل میں ’ایما‘ نامی طوفان کے پیش نظر عوام کی حفاظت کے لیے ریڈ وارننگ جاری کی تھی۔ اس کے باوجود سڑکوں پر متعدد حادثات دیکھنے میں آئے تھے اور لندن کے ایک پارک میں ایک ساٹھ سالہ شخص برف میں پھنس کر جاں بحق بھی ہوگیا تھا۔ ہیتھرو اور سٹی ائرپورٹ سمیت برطانیہ بھر کے ائرپورٹس پر پروازیں بھی متاثر ہوئیں تھیں اور گلاسگو ائرپورٹ پر آپریشن بند ہونے کے بعد ریڈ کراس کی طرف سے مسافروں کو بستر مہیا کئے گئے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پیرو میں طوفانی بارشوں سے ہلاکتوں کی تعداد 72ہوگئی

    پیرو میں طوفانی بارشوں سے ہلاکتوں کی تعداد 72ہوگئی

    لیما: پیرو میں شدید بارشوں،طوفان اور مٹی کےتودے گرنے سےہلاک ہونے والے ہلاکتوں کی تعداد 72ہوگئی۔

    تفصیلات کےمطابق جنوبی امریکہ کےملک پیرو میں شدید بارشوں اور سیلاب کے باعث 72افراد جان کی بازی ہارچکے ہیں جبکہ نظام زندگی بری طرح متاثرہواہے۔

    پیرو میں شدید بارشوں کے باعث پیسیفک ساحل کے ساتھ واقع شہروں میں نکاسی آب کے نظام کو بری طرح نقصان پہنچاہے،جبکہ وزارت صحت کی جانب سے شہریوں کو وبائی امراض سے بچانے کے لیے جراثیم کُش ادویات کا اسپرے شروع کردیاگیا۔

    p1

    پیرو کے دارالحکومت لیما میں گزشتہ ایک ہفتے سے پانی کی فراہمی بند ہے،جبکہ حکومت کی جانب سے کئی متاثرہ شہروں میں ایمرجنسی نافذ کرنے کے ساتھ امن عامہ قائم رکھنےکےلیےمسلح افواج کو بھی تعینات کردیا گیا ہے۔

    p2

    وزیراعظم فرنینڈوزاوالا نےمقامی ریڈیواسٹیشن سے بات کرتے ہوئے پیرو میں ہونے والی شدید بارشوں اور طوفان کےسبب72 افراد کے ہلاک ہونے کی تصدیق کی ہے۔

    p3

    خیال رہےکہ بارشوں کے بعد سیلابی صورت حال کو 20برس کے دوران آنے والا سب سے تباہ کن سیلاب قرار دیاجارہا ہے ،جس سے ملک کی آدھی آبادی متاثر ہے اور سینکڑوں افراد کو نقل مکانی پر مجبور ہوگئے۔

    p4

    واضح رہےکہ 1998 میں بھی پیرو میں شدید بارشوں کےنتیجے میں 374 افراد ہلاک جبکہ سینکڑوں زخمی ہوگئے تھے۔

    p5

  • امریکا میں طوفانی بارشیں، نظام زندگی درہم برہم

    امریکا میں طوفانی بارشیں، نظام زندگی درہم برہم

    کیلی فورنیا: امریکی ریاست کیلی فورنیا میں طوفانی بارشوں اورتیز ہواوں نے نظام زندگی درہم برہم کردیا ہے۔ اکیس ہزارسے زائد مکانات کو بجلی کی فراہمی معطل ہوگئی ہے۔

    امریکی ریاست کیلی فورنیا شدید طوفانی بارشوں اورتیز ہواوٴں کی لپیٹ میں ہے۔ سان فرانسسکو شہر میں طوفانی بارشوں کے بعد سڑکیں زیرآب آگئیں ہیں اور آمد و رفت معطل ہو کر رہ گئی ہے۔

    تیز ہواؤں کے باعث جنوبی علاقوں میں اکیس ہزار مکانات بجلی سے محروم ہوگئے ہیں۔ خراب موسم کے باعث سان فرانسِسکو کے ہوائی اڈے پر دو سو سے زائد پروازوں کو منسوخ کر دیا گیا ہے۔

  • کینیڈا: تیز آندھی سے نظام زندگی درہم برہم

    کینیڈا: تیز آندھی سے نظام زندگی درہم برہم

    canada